2-04-2024, 20:37
Vaqonlara ziyan vuran Fransa vətəndaşı həbs olundu
Metro qatarlarının dayandığı depoya gizlincə daxil olub bir neçə vaqonu boyayaraq əmlaka qəsdən ziyan vuran Fransa vətəndaşı həbs edilib.
DİN-in Mətbuat Xidmətindən bildirilib ki, araşdırmalarla Avstraliya İttifaqının vətəndaşı P.Han Paul, Yeni Zelandiya vətəndaşı İsmael De Saint Quent və Fransa Respublikasının vətəndaşı Clerc Theqo Huqo 30 mart 2024-cü il gecə saatlarında "Bakı Metropoliteni" Qapalı Səhmdar Cəmiyyətinə məxsus depoya qanunsuz daxil olaraq qəsdən dövlət əmlakına ziyan vurmalarına dair şübhələr müəyyən edilib. Əməldə cinayət tərkibi yarandığından Cinayət Məcəlləsinin müvafiq maddəsi ilə polis idarəsində fakta görə başlanmış cinayət işi üzrə Fransa Respublikasının vətəndaşı Clerc Theqo Huqo məhkəmənin qərarı ilə 3 ay müddətinə həbs, digərləri barəsində həbslə əlaqədar olmayan qətimkan tədbirləri seçilmişdir.
Cinayət işi üzrə zəruri istintaq tədbirləri davam etdirilir.
2-04-2024, 19:25
350 nəfər mina partlaması zamanı həyatını itirib
Ermənistan tərəfinin vaxtilə işğal etdiyi ərazilərimizdə yerləşdirdiyi minaların partlaması 2020-ci ildəki 44 günlük Vətən müharibəsindən sonra 350 günahsız insanın həyatına son qoyub.
Bu barədə Azərbaycan Xarici İşlər Nazirliyinin “X” hesabında paylaşım edilib.
“Bu gün daha 4 nəfər minanın qurbanı olub. Ermənistan tərəfinin minalanmış ərazilərin dəqiq xəritələrini verməkdən imtina etməsi Azərbaycan ərazilərində genişmiqyaslı təmir-bərpa işlərinin aparılması ilə yanaşı, məcburi köçkünlərin öz evlərinə qayıtmasına mane olur, o cümlədən regionda sülhyaratma prosesinə xələl gətirir. Beynəlxalq ictimaiyyət Azərbaycanda minaların yaratdığı təhlükənin aradan qaldırılması üçün gücünü birləşdirməlidir”, XİN-dən bildirilib.
2-04-2024, 19:14
Ukrayna səfirinin səlahiyyət müddəti başa çatdı
Aprelin 2-də xarici işlər naziri Ceyhun Bayramov Ukraynanın Azərbaycan Respublikasındakı fövqəladə və səlahiyyətli səfiri Vladislav Kanevskini diplomatik fəaliyyətinin başa çatması münasibətilə qəbul edib.
Görüşdə Azərbaycanla Ukrayna arasında strateji tərəfdaşlıq münasibətlərinin hazırkı səviyyəsindən məmnunluq ifadə olunub və əməkdaşlığın genişləndirilməsinin əhəmiyyəti vurğulanıb.
İki ölkə və xalqlarımız arasında münasibətlərin tarixi təməllərə əsaslandığı, daim beynəlxalq hüququn norma və prinsiplərinə, o cümlədən ərazi bütövlüyü və suverenliyə hörmət əsasında inkişaf etdiyi xüsusilə qeyd olunub.
Görüşdə Ukrayna tərəfi Azərbaycanın Ukraynaya göstərdiyi humanitar yardımın ölkəsi üçün əhəmiyyətini vurğulayıb və buna görə minnətdar olduqlarını qeyd edib.
Görüşdə həmçinin qarşılıqlı maraq doğuran digər ikitərəfli və regional məsələlər ətrafında fikir mübadiləsi aparılıb.
Səfir Kanevskiyə iki ölkə arasında əlaqələrin inkişafına verdiyi töhfəyə görə təşəkkür edilib, ona gələcək fəaliyyətində uğurlar arzulanıb.
2-04-2024, 18:53
Ağdamda ANAMA əməkdaşı minaya düşdü
Aprelin 2-də Ağdam rayonunun işğaldan azad edilmiş Sarıcalı kəndi ərazisində 1 nəfərin xəsarət alması barədə rayon prokurorluğuna məlumat daxil olub.
Bu barədə Ağdam rayon prokurorluğu məlumat yayıb.
Hadisə nəticəsində ərazidə mina təmizləmə işləri aparan Azərbaycan Minatəmizləmə Agentliyinin (ANAMA) əməkdaşı 1987-ci il təvəllüdlü Əliyev Xəyyam Qəmbər oğlu xəsarət alıb və istifadə olunan texnikaya maddi ziyan dəyib.
Hazırda Xəyyam Əliyevin vəziyyəti qənaətbəxşdir.
Prokurorluq əməkdaşları tərəfindən hadisə yerinə baxış keçirilib, digər zəruri prosessual hərəkətlər aparılıb.
Faktla bağlı Ağdam rayon prokurorluğunda araşdırma aparılır.
Qeyd edək ki, bu gün Tərtərdə 3 nəfər minaya düşüb.
2-04-2024, 18:17
İmtahanda qayda pozan 16 nəfərin nəticəsi ləğv olundu
Martın 3-də keçirilmiş buraxılış imtahanında iştirakı nəzərdə tutulan 52267 nəfərdən 474 nəfər imtahana gəlməyib.
Bu barədə DİM-dən məlumat verilib. Bildirilib ki, imtahan qaydalarını pozduğu üçün 16 nəfərin nəticəsi ləğv olunub.
İmtahan iştirakçıları arasında 14 nəfər 300 bal toplamaqla ən yüksək nəticəni göstərib.
2-04-2024, 18:16
"Cəsur Qəhrəmanlar"ın ikinci təqdimatı
Bu gün "Cəsur Qəhrəmanlar" kitabımın ikinci təqdimatı Füzuli rayonunun Horadiz şəhərində şəhid Mahir Səfərov adına 1 saylı tam orta məktəbdə keçirildi. Məktəbin direktoru Lalə müəllimə qonaqları sevgi və səmimiyyətlə qarşılayıb şəhid Mahir Səfərov haqqnda geniş məlumat verdi. Məktəbdə şəhidlərin xatirəsinin daima əziz tutulduğundan, onlar haqqında tədbirlərin tez-tez keçirildiyindən danışaraq şagirdlərə qonaqları təqdim edib. Şagirdlər şairə Esmira Günəşin Mahir Səfərova həsr etdiyi şeirləri səsləndirdikdən sonra tədbirə gələn qonaqlar çıxış ediblər.
Zərdabdan gələn şəhid Ağaqardaş Abbasovun atası İlham Abbasov oğlu haqqında danışaraq bildirdi ki, Ağaqardaş Füzulinin azadlığı uğrunda canından qəhrəmanlardan biridir. Millət vəkili Razi Nurullayev, MP nümayəndəsi Zərdab rayon şöbəsinin sədri Sirvani Hümmətoğlu çıxış edərək bildirdi ki, ən qısa zamanda şairə Esmira Günəşlə birlikdə Zərdab şəhidlərinə həsr olunmuş kitab hazırlanacaq və kitab gələcək nəsillərə miras kimi məktəblərə, baxçalara paylanacaq. Daha sonra gənc şair və aktiyor Vüsal Ümidli Həsənov Şəhidlərə həsr etdiyi şeirlərin birini səsləndirərək şəhid Mahir Səfərov haqqında da şeir yazacağını bildirdi. Şəhid Mahir Səfərovun bacısı gələn qonaqlara və məktəb kollektivinə təşəkkürünü bildirdi.
Tədbirin sonunda şairə Esmira Günəş "Cəsur Qəhrəmanlar" kitabını imzalayaraq həm şəhidin bacısına, həm də məktəbin kitabxanasına hədiyyə olsun deyə məktəbin direktoru Lalə müəlliməyə təqdim etdi. Tədbir xatirə şəkilləri çəkdirilməsi ilə yekunlaşdırılıb.
Esmira GÜNƏŞ
2-04-2024, 18:12
Buraxılış imtahanının nəticələri elan olundu
11 illik orta təhsil səviyyəsi üzrə 3 mart 2024-cü il tarixində keçirilmiş buraxılış imtahanının nəticələri elan olundu.
Bu barədə Dövlət İmtahan Mərkəzi məlumat yayıb.
İmtahanda iştirak edən 11-ci sinifi verilmiş keçidə (//eservices.dim.gov.az/2024/netorta/) daxil olaraq iş nömrəsi (8 nömrəli nömrə kodu) və şəxsiyyəti təsdiq edən sənədin nömrəsindən (və ya FİN kodundan) istifadə mümkündür öz imtahan nəticələri, vərəqinin qrafik təsviri, qapalı tipli tapşırıqların doğru cavabları, həmçinin hər bir ətraflı yazılı cavab tələb olunur açıq tipli tapşırıq üzrə hesablama meyarları (tapşırığın ehtimal olunan doğru cavabları, həlli, qiymətləndirmə şkalası və yazı işi nümunələri) ilə tanış ola bilərsiniz. İmtahan iş nömrələriniburadanöyrənə bilərsiniz.
Şagirdlər imtahan nəticələri haqqında məlumatı (hər fənn üzrə ümumi balı), həmçinin mobil operatorlar (Azercell, Bakcell, Nar, Naxtel) nömrəsinə “iş nömrəsi”ni (8 nömrəsinin kodunu) 7727 nömrəsinə göndərməklə də öyrənə bilərsiniz.
Yazı işlərinin (açıq tipli tapşırıqların cavabları) yoxlanılması prosesi onlayn şəkildə həyata keçirilib. Belə ki, hər bir marker yoxlama prosesinə öz evindən qoşulma proqramının onun kompüterinə effektivi göndərdiyi işləri yoxlayıb. Qeyd etmək lazımdır ki, onlayn (evdən) yoxlama prosesində bütün tələblərə (meyarların aradan qaldırılması, işlərin yoxlama prosesinin bütün tələblərinə (meyarların aradan qaldırılması, işlərin yoxlama prosesində) daxil olmaq, yoxlama müddətində "seeding" edilən sualların mütəmadi olaraq göndərilməsi) prosesinin tətbiqi, işlərin markerlərinə proqram əsasında tətbiqi göndərilməsi, imtahan protokollarının araşdırılması və s.) həyata keçirilib.
Yazı işlərinin onlayn (evdən) yoxlanılması üçün proqram təminatı Dövlət İmtahan Mərkəzinin köməyi ilə hazırlanır.
Qeyd etmək lazımdır ki, buraxılış imtahanında tədris dili fənnindən 10 yazılı cavab tələb olunur və 20 qapalı, riyaziyyat fənnindən 7 yazılı cavab tələb olunur açıq, 5 kodlaşdırılmış açıq, 13 qapalı, xarici dil fənnindən 7 yazılı cavab tələb olunur açıq və 23 qapalı tipli tapşırıq olaraq 85 tapşırıq təqdim olunur. Bu işin fənlərinin hər biri üzrə toplana bilər maksimum bal 100 ilə, 300 baldır. Balların hesablanması qaydası iləlinkdəki fayldatanış ola bilərsiniz.
Bu imtahanlarda 52267 nəfərdən 474 nəfərə çəkilib. İmtahan qaydalarını pozduğu 16 nəfərin nömrəsi üçün qeyd olunub.
İmtahan arasında14 nəfər300 bal toplamaqla ən tam nəticəni göstərib.
İmtahan nəticəsində bağlı müraciətlərə baxılması üçün DİM-də Apellyasiya Komissiyası fəaliyyət göstərəcək. 16-18 aprel tarixlərində Apellyasiya Komissiyasına müraciət etmək məsləhətlərelektron hüququdoldurmaqla qeydiyyatdan keçə bildiniz. Göstərilən müddət ərzində qeydiyyatdan keçməyənlər sonradan Apellyasiya Təşkilatına müraciət edə bilməyəcəklər. Elektron qanunla bağlı müraciət edilmiş tapşırığın nömrəsi seçilməli, onunla bağlı müraciətin əsasında yazılmalı və meyarın hansı bəndinə uyğun olaraq təyin edilməsi lazımdır. Elektron icazədə müraciətin qeyd olunmadığı halda qəbul edilmir və həmin şəxslər araşdırılmır. Apellyasiya prosesi ilə bərabər şəkildə:
Apellyasiya ilə bağlı araşdırmalar aparılır;
Şagirdlərin müraciət tapşırıqlar üzrə ekspert rəyi (yazılı şəkildə) apellyasiya tətbiqinə əlavə edilir;
Şagirdlərin apellyasiya prosesində qeyd olunan telefon nömrəsinə apellyasiya prosesinin başa çatması ilə bağlı “sms” göndərilir.
Bundan sonra ekspert.g ekspertiza.dimov.az saytında əlavələrə daxil olaraq apellyasiyanın materialları ilə tanış ola və rəyini orada çap edə bildi.
Cavab vərəqində uyğun olmayan formada qeyd edilmiş cavablar, o əlavə cavabın optik qurğu ilə səhv kimi əldə edilən nəticə ilə düzəlişlərlə (məsələn qapalı sualda iki dairənin qaralanması və s.) bağlı müraciətlərə baxılmayacaq.
Apellyasiya Komissiyasına müraciət etməmişdən əvvəl DİM-in saytında, imtahan nəticələri ilə bağlı səhifədə öz nəticələri, cavab vərəqinin qrafik təsviri, hər bir açıq tipli tapşırıqlar üzrə tapşırıqlar ilə, əlavə tapşırıqlar və izahlarla (//eservices.dim.gov.az/ejurnal/) tanış ola bilərsiniz. Keçən imtahanların müşahidəsi ki, apellyasiya üçün cəhd edilən yazanların təqribən 15%-i ilə məhsul tapşırığa cavab verdi və ya öz-özünə mümkün olan doğru cavabları, sınaq şkalasını əldə etmədən komissiyaya müraciət edib. Abituriyentlərin nəzərinə çatdırırıq ki, bu tip müraciətlərə baxılmayacaq.
Qeyd: 10 mart 2024-cü il tarixdə 5-19 aprel tarixlərində buraxılış imtahanının nəticələrinə görə elan edilib.
2-04-2024, 18:06
İran Baş prokurorunun müavini Bakıya işgüzar səfərə gəldi - FOTO
İran İslam Respublikası Baş prokurorunun ədliyyə, ictimai hüquq və cinayətlərin qarşısının alınması üzrə müavini Qolam Abbas Torkinin rəhbərlik etdiyi nümayəndə heyəti Bakıda keçiriləcək Xəzəryanı dövlətlərin baş prokurorluqlarının nümayəndələrinin beştərəfli görüşündə iştirak etmək üçün ölkəmizə işgüzar səfərə gəlib.
Baş Prokurorluqdan verilən xəbərə görə, aprelin 2-də nümayəndə heyətini qəbul edən Baş prokuror Kamran Əliyev ölkə rəhbərlərinin siyasi iradəsi nəticəsində dövlətlərarası əlaqələrimizin bir çox sahələrdə dinamik inkişaf etdiyini vurğulayıb. Azərbaycan və İran prokurorluqları arasında işgüzar əlaqələrin inkişaf etdirilməsinə yönələn tədbirlərin əhəmiyyətindən bəhs edən Baş prokuror ikitərəfli əməkdaşlığın bundan sonra da davam etdiriləcəyinə ümidvar olduğunu bildirib.
Kamran Əliyev ötən ilin yanvar ayında Azərbaycanın Tehrandakı səfirliyinə qarşı terror aktını törətmiş şəxsin müvafiq cəzaya məhkum edilməsi ilə bağlı İranın hüquq mühafizə orqanlarının obyektiv qərarının təqdirəlayiq olduğunu bildirib.
Qolam Abbas Torki qonaqpərvirliyə və qəbula görə təşəkkürünü bildirərək, Azərbaycan Prezidenti İlham Əliyevin növbədənkənar prezident seçkilərində qazandığı inamlı qələbəsi, həmçinin 30 ildən artıq erməni işğalı altında olan torpaqlarımızın azad olunması münasibətilə təbriklərini ifadə edib.
Baş prokurorun müavini ölkəmizdə keçirilən Xəzəryanı dövlətlərin baş prokurorluqlarının nümayəndələrinin beştərəfli görüşünün Azərbaycanın ekoloji problemlərin həllinə verdiyi önəmin bariz nümunəsi olduğunu vurğulayıb.
Kamran Əliyev təbriklərə görə təşəkkürünü bildirərək dövlət başçısının və ölkəmizin Birinci vitse-prezidenti Mehriban xanım Əliyevanın diqqət və qayğısı ilə torpaqlarımızın işğaldan azad edilməsindən sonra Qarabağ və Şərqi Zəngəzurda sürətli bərpa və quruculuq işlərinin aparıldığını qeyd edib.
Baş prokuror həmçinin, dünyanın ən mötəbər beynəlxalq tədbirlərindən biri olan BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasının - COP29-un ölkəmizdə keçirilməsinin dünya ölkələrinin növbəti dəfə Azərbaycana olan böyük etimad və hörmətinin, o cümlədən ölkəmizin dünya miqyasında artan nüfuzu və güclü mövqelərinin göstəricisi olduğunu xüsusilə vurğulayıb.
Hər iki ölkə vətəndaşlarının hüquqlarının qorunması, sərhəd, gömrük, ekoloji, cinayət işləri üzrə hüquqi yardım, ekstradisiya, humanitar və digər məsələlər barədə səmərəli fikir mübadiləsi aparılıb.
Görüşdə İran İslam Respublikasının Azərbaycan Respublikasındakı fövqəladə və səlahiyyətli səfiri Seyid Abbas Musəvi iştirak edib.
2-04-2024, 17:51
Azərbaycan pəhləvanı dünya rekorduna imza atdı
Azərbaycan pəhləvanı Vüsal Cavadov dünya rekordunu qırıb.
O, bunun üçün müxtəlif hərəkətlərdə gücünü sınayıb.
İdmançı ilk olaraq şüşə qırıntıları üzərinə çıxaraq bıçaqdan asılı olan 33 kiloqram ağırlığında çəki daşlarını qaldırıb. Sonra pəhləvan ağzında iti bıçağın kəsici tərəfi ilə avtomobili dartıb. Bununla da V.Cavadov yeni dünya rekorduna imza atıb.
“Ginnes” rekordçuları və Dünya Rekordlar Federasiyasının nümayəndələri prosesi qeydə aldıqdan sonra təsdiqləyiblər.
2-04-2024, 17:44
Azyaşlı övladını boğaraq öldürən şəxslə bağlı məhkəmə qərar verdi
Sumqayıtda azyaşlı övladını dənizdə boğaraq öldürməkdə şübhəli bilinən şəxs barəsində həbs qətimkan tədbirinin seçilməsi ilə bağlı istintaq orqanının təqdimatına baxılıb.
Bu gün Sumqayıt şəhər Məhkəməsində hakim Zaur Hacıyevin sədrliyi ilə keçirilən prosesdə Yeşil Ahmet Turanın barəsində 4 aylıq həbs qətimkan tədbiri seçilib.
Qeyd edək ki, martın 31-də Sumqayıt şəhəri ərazisində dəniz sahilində uşaq meyitinin aşkar edilməsi barədə Bakı şəhər prokurorluğuna məlumat daxil olub.
Baş Prokurorluğun məlumatına görə, araşdırmalarla 1984-cü il təvəllüdlü Yeşil Ahmet Turanın Sumqayıt şəhəri Zeynalabdin Tağıyev qəsəbəsi ərazisində azyaşlı övladını suda boğaraq qəsdən öldürməsinə əsaslı şübhələr müəyyən edilib.
Faktla bağlı Sumqayıt şəhər prokurorluğunda Cinayət Məcəlləsinin 120.2.9-cu (təqsirkar şəxs üçün aşkar surətdə köməksiz vəziyyətdə olan adamı öldürmə) maddəsi ilə cinayət işi başlanıb, Yeşil Ahmet Turan prokurorluğun qərarı ilə iş üzrə şübhəli şəxs qismində tutulub.
Hazırda cinayət işi üzrə ibtidai istintaq davam edir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!