Ülkər Musazadə 

Ötən gün erməni yenə də vassalı olduğu Rusiyanın diktəsi ilə ermənisayağı dəstək aksiyası keçirib. Belə ki, Rusiyanın beynəlxalq hüquqa zidd formada Ukrayna ərazisinə soxularaq, Krımı zəbt etməsi görünür işğalçı və separatçı erməni xisləti üçün heç də təəcüblü deyildi. Çünki, vaxtı ilə özü də eyni formada Azərbaycan torpqlarına soxularaq, Dağlıq Qarabağı işğal etmişdi. Bütün dünya hüququ pozulmuş beynəlxalq normalardan dən vurarkən, forpost erməni Rusiyanın Krımda  silah gücü ilə keçirilən referendumunun insanların öz  hüquqlarının   müdafiə edə bilməsi kimi qələmə verdilər. Hətta işğal etdikləri Azərbaycan torpağı olan Xankəndində Krımın işğalı  və müstəqil elan olunması ilə bağlı konsert proqramı da təşkil ediblər.  Bu da erməni separatçısının əsl üzü. ABŞ-ın Ermənistandakı Fövqəladə və Səlahiyyətli səfiri Con Xeffern görəsən erməni separatçılarından bundan artıq nə gözləyirdi ki? Çünki həmin səfir “NATO və Cənubi Qafqaz” adlı konfransda Ermənistanın bu cür mövqeyindən təəsüfləndiyini də dilə gəitrdi. Amma nə olsun? Erməni elə həmin separatçı ermənidir ki, var.  20 il bundan əvvəl Azərbaycan torpaqlarını işğal edib indi də orda konsert verən erməniyə, beynəlxalq hüquq göz yumduqca, O hələ Krımın, Dnestrin, Abxaziya və Cənubi Osetiyanın da işğalına həsr edilmiş şənliklər təşkil edəcək. Görəsən Sarkisyanın bu siyasi abu havası sabah Rusiyanın Gümrünü zəbt etdiyində də “Süleymani”ni çalacaq ya yox? Hə bu başqa məsələ. Çünki ArmRos kimi elə Gümrü də artıq Rusiyaya satılıb. Ac qalmamaq və ya qumar borcunu ödəmək məqsədi ilə zavod, zavod dalınca, torpaq, torpaq dalınca satan Sarkisyanın Krım nə vecinə...

Əslində XXI əsrdəki bu işğalçılıq siyasəti hələ ötən əsrdə Dağlıq Qarabağın işğalı ilə başlamışdı. O zamandan bu yana, Azərbaycanın səsinə sözdə səs verilsə də, əməldə bir təşkilat və ya beynəlxalq qurum tapılmadı ki, erməniyə və ya onun qolu zorbalı Rus dayısına sanksiyalar tətbiq etsin. Niyə axı?  Əcaba Krım Dağlıq Qarabağdan dahamı önəmlidir? Axı bu gün beynəlxalq hüquq var gücü ilə işğalçılıqdan və Rusiyanın qanunlara zidd hərəkətindən danışırsa, onları işğalçı və separatçı ermənilərdən danışmasına nə mane olur? Burada bir daha anlaşılır ki, Azərbaycanın ayağına bağlanmış bu erməni dolaşığı Azərbaycanın daha uzağa addımlamaması üçün qəsdən açılmağı arzuolunmaz olaraq qalır.