13-12-2024, 00:35
Messi Bakıdan paylaşım etdi
Argentina millisinin ulduz futbolçusu Lionel Messi Bakıya səfəri ilə bağlı paylaşım edib.
Paylaşım futbolçunun 504 milyon izləyicisi olan instaqram səhifəsində edilib.
23-07-2022, 10:39
Xameneyinin Zəngəzurla bağlı paylaşımı narazılıq doğurdu
İranın ali rəhbəri Əli Xameneyinin Zəngəzur dəhlizi ilə bağlı paylaşımı Güney Azərbaycanda narazılıqla qarşılanıb. İran saytlarının Xameneyinin paylaşımını yaydığı səhifələrin şərh bölümündə sosial şəbəkə istifadəçiləri ali rəhbəri riyakarlıqda, həqiqətləri təhrif etməkdə günahlandırıb. Onlar Xameneyinin "Qarabağın qayıtmasına sevinirik" ifadəsinin yanlış olduğunu bildirib, onun Qarabağı Azərbaycan ordusu tərəfindən azad olunmasını etiraf etməyə dili gəlmədiyini bildiriblər.
Bir çox sosial media fəalı "Qarabağ öz-özünə qayıtmadı, Azərbaycan ordusunun igidliyi, minlərlə şəhidin qanı bahasına geri qaytarıldı, azad edildi"-deyə, Xameneyini saxtakar adlandırıblar:
"Əlbəttə siz məcburi sevinirsiniz. 30 il boyunca Qarabağın azad edilməsinə heç bir yardım etmədiniz. Bunu edib hörmət qazana bilərdiniz. Ancaq İlham Əliyev və Ərdoğan bunu bacardıqları üçün bütün türklərin ürəyində yer elədilər"-deyə, təbrizli fəal yazıb.
Bununla yanaşı çox sayda istifadəçi Xameneyinin "ancaq əgər İran-Ermənistan sərhəddinin bağlanması siyasəti olsa İran buna qarşı çıxacaq. Ona görə ki, bu yol neçə min illik əlaqə yoludur" ifadəsinin saxtakarlıq nümunəsi olduğunu da qeyd ediblər.
Onlar bir neçə on il bundan öncəyə qədər Ermənistan adlı dövlət olmadığını, o torpaqların Azərbaycana məxsus olduğunu vurğulayıb, Xameneyini saxtakarlıqda və savadsızlıqda suçlayıblar.
Bir sıra fəallar İran rəhbərinin paylaşımını ironiya ilə qarşılayıb və "çox narahat olsanız Ermənistanla əlaqə üçün sərhəddə yeraltı tunel qaza bilərsiniz"-deyə, yazıblar.
Qeyd edək ki, Xameneyi iyulun 19-da özünün tvitter səhifəsində etdiyi paylaşımında Ermənistan-İran sərhəddinin bağlanması ehtimalından narahatlığını ifadə edib.
"Biz Qarabağın Azərbaycana qayıtmasına sevinirik. Ancaq əgər İran-Ermənistan sərhəddinin bağlanması siyasəti olsa İran buna qarşı çıxacaq. Ona görə ki, bu yol neçə min illik əlaqə yoludur"-deyə, Əli Xameneyi yazıb.
Cavidan
27-03-2022, 19:33
Azərbaycan saytlarının Rusiyada bloklanmasına - Rəsmi reaksiya
Azərbaycana məxsus bir neçə sayta Rusiya ərazisindən giriş bloklanıb.
Medianın İnkişafı Agentliyindən “Qafqazinfo”nun sorğusuna cavab olaraq bildirilib ki, obyektiv və balanslı xəbər istehsalçısı kimi yalnız ölkə daxilində deyil, onun hüdudlarından kənarda da geniş auditoriyanın rəğbətini qazanmış Azərbaycanın nüfuzlu media subyektlərinə məxsus saytların ifadə azadlığına zidd olaraq bloklanması təəssüf doğurur.
“Hesab edirik ki, müasir dövrdə informasiya mübadiləsinə belə inzibati yanaşma Azərbaycanın media subyektlərinin peşəkar fəaliyyətinə təsir göstərməsə də, insanların balanslı və doğru informasiya təminatına mane olur.
44 günlük Vətən müharibəsi zamanı bir sıra ölkələrin media quruluşlarının hərbi əməliyyatların gedişi və ölkəmiz haqda zərərli, sırf “qara” təbliğat xarakterli və əksər hallarda isə saxta məlumatlar yaymasına baxmayaraq, Azərbaycan media azadlığı prinsipinə sadiqlik nümayiş etdirərək, heç bir əcnəbi saytın və ya televiziya kanalının ölkə ərazisində yayımını bloklamadı. Bu gün də onların fəaliyyətinə ölkəmizdə heç bir məhdudiyyət qoyulmur.
Bu məsələdə qarşılıqlılıq prinsipinin rəhbər tutularaq, xarici ölkə tərəfindən Azərbaycan saytlarına qarşı tətbiq edilən bloklanmanın aradan qaldırılacağına ümid edirik”, - agentlikdən vurğulanıb.
Azərbaycana məxsus bir neçə sayta Rusiya ərazisindən giriş bloklanıb.
Medianın İnkişafı Agentliyindən “Qafqazinfo”nun sorğusuna cavab olaraq bildirilib ki, obyektiv və balanslı xəbər istehsalçısı kimi yalnız ölkə daxilində deyil, onun hüdudlarından kənarda da geniş auditoriyanın rəğbətini qazanmış Azərbaycanın nüfuzlu media subyektlərinə məxsus saytların ifadə azadlığına zidd olaraq bloklanması təəssüf doğurur.
“Hesab edirik ki, müasir dövrdə informasiya mübadiləsinə belə inzibati yanaşma Azərbaycanın media subyektlərinin peşəkar fəaliyyətinə təsir göstərməsə də, insanların balanslı və doğru informasiya təminatına mane olur.
44 günlük Vətən müharibəsi zamanı bir sıra ölkələrin media quruluşlarının hərbi əməliyyatların gedişi və ölkəmiz haqda zərərli, sırf “qara” təbliğat xarakterli və əksər hallarda isə saxta məlumatlar yaymasına baxmayaraq, Azərbaycan media azadlığı prinsipinə sadiqlik nümayiş etdirərək, heç bir əcnəbi saytın və ya televiziya kanalının ölkə ərazisində yayımını bloklamadı. Bu gün də onların fəaliyyətinə ölkəmizdə heç bir məhdudiyyət qoyulmur.
Bu məsələdə qarşılıqlılıq prinsipinin rəhbər tutularaq, xarici ölkə tərəfindən Azərbaycan saytlarına qarşı tətbiq edilən bloklanmanın aradan qaldırılacağına ümid edirik”, - agentlikdən vurğulanıb.
22-03-2022, 09:56
Moskva məktəbində müharibəyə qarşı çıxan azərbaycanlı müəllim qovulub
Rusyada yaşayan 28 yaşlı azərbaycanlı coğrafiya müəllimi Kamran Manaflı dövlət propaqandasına etiraz etdiyinə görə Moskvanın mərkəzində işlədiyi məktəbdən xaric edilib.
Bu barədə ‘BBC News’ reportaj hazırlayıb və Kamran Manaflı ilə bağlı məqaləni əsas xəbər bölümündən verib. Hadisə ilə bağlı Kamran Manaflı ‘Instagram’ hesabından bu fikirləri paylaşıb:
“Elə yaşamalıyıq ki, vicdanımız bizə əzab verməsin. Bu yaxınlarda məktəbdə mənə dedilər: “Sənin dövlətin mövqeyindən başqa heç bir mövqeyin ola bilməz”. Yaxşı, mənim öz fikrim var! Tək mənim yox, bir çox müəllimlərin öz fikirləri var. Və bilirsən nə? Dövlətin mövqeyi ilə açıq şəkildə üst-üstə düşmür. Mən dövlət təbliğatının güzgüsü olmaq istəmirəm. Fəxr edirəm ki, indi bu haqda yazmaqdan çəkinmirəm, fəxr edirəm ki, müəlliməm! Vicdanım məni narahat etmir. Keçmişdə, indi və gələcəkdə olan bütün şagirdləri sevirəm”.
Azərbaycanlı müəllim sosial media Rusiyada məhdudlaşdırılmamışdan bir neçə gün əvvəl bu fikirləri yazıb. O, Moskvanın mərkəzində yerləşən orta məktəbində keçirilən iclasda ona və həmkarlarına öz şagirdləri ilə Ukraynadakı vəziyyətlə bağlı necə danışmaq, hökumətin mövqeyindən kənara çıxmamaq barədə deyiləndən sonra post yazmağa məcbur olub.
Yazandan iki saat sonra məktəbin direktoru ona zəng edərək paylaşımını dərhal silməyi və ya işini tərk etməsini söyləyib.
“Mən onu silmək istəmədim. Mən dərhal anladım ki, mübahisə etməyin mənası yoxdur, ona görə də istefa verməyi ən yaxşı seçim hesab etdim”, – K.Manaflı BBC-yə açıqlamasında deyib.
Ertəsi gün əşyalarını götürüb istefa ərizəsini imzalayaraq məktəbə gələndə ona binaya giriş qadağan edilib.
“Uşaqlar mənə dəstək olmaq, sağollaşmaq üçün küçəyə çıxmağa başladılar”
“Dedilər ki, məni içəri buraxmamaq əmri var. Uşaqlar mənə dəstək olmaq, sağollaşmaq və s. üçün küçəyə çıxmağa başladılar. Sonra kimsə polisə zəng edərək icazəsiz aksiya təşkil etdiyimi dedi”.
BBC tərəfindən görülən videolarda uşaqların Kamran müəllimin ətrafına toplaşaraq alqışladıqları, gülümsədikləri və sağollaşdıqları görünür.
Nəhayət, ertəsi gün o, əşyalarını geri ala və məktəbin direktoru ilə görüşə bilib. Direktor ondan sosial mediada niyə siyasi fikirlər paylaşdığına dair rəsmi izahat istəyib. Məktəb rəhbərliyi Manaflının istefa verəcəyini hiss edib və ona işdən çıxarılacağı bildirilib.
“İki gündən sonra mənə məlumat verildi ki, işdə əxlaqsız davranışa görə xaric edilirəm. Mənim üçün ən qəribəsi odur ki, şəxsi fikrin ifadəsini “əxlaqsızlıq” hesab edirlər”, – deyə Kamran Manaflı bildirim.
Məktəb direktoru məsələ ilə bağlı açıqlama verməkdən imtina edib. Lakin BBC tərəfindən görülən WhatsApp mesajlarında məktəb rəhbərliyi valideynlərə deyib ki, Kamran Manaflının sosial mediadakı paylaşımlarına görə əmək müqaviləsini pozub və buna görə işdən çıxarılıb.
Rusyada yaşayan 28 yaşlı azərbaycanlı coğrafiya müəllimi Kamran Manaflı dövlət propaqandasına etiraz etdiyinə görə Moskvanın mərkəzində işlədiyi məktəbdən xaric edilib.
Bu barədə ‘BBC News’ reportaj hazırlayıb və Kamran Manaflı ilə bağlı məqaləni əsas xəbər bölümündən verib. Hadisə ilə bağlı Kamran Manaflı ‘Instagram’ hesabından bu fikirləri paylaşıb:
“Elə yaşamalıyıq ki, vicdanımız bizə əzab verməsin. Bu yaxınlarda məktəbdə mənə dedilər: “Sənin dövlətin mövqeyindən başqa heç bir mövqeyin ola bilməz”. Yaxşı, mənim öz fikrim var! Tək mənim yox, bir çox müəllimlərin öz fikirləri var. Və bilirsən nə? Dövlətin mövqeyi ilə açıq şəkildə üst-üstə düşmür. Mən dövlət təbliğatının güzgüsü olmaq istəmirəm. Fəxr edirəm ki, indi bu haqda yazmaqdan çəkinmirəm, fəxr edirəm ki, müəlliməm! Vicdanım məni narahat etmir. Keçmişdə, indi və gələcəkdə olan bütün şagirdləri sevirəm”.
Azərbaycanlı müəllim sosial media Rusiyada məhdudlaşdırılmamışdan bir neçə gün əvvəl bu fikirləri yazıb. O, Moskvanın mərkəzində yerləşən orta məktəbində keçirilən iclasda ona və həmkarlarına öz şagirdləri ilə Ukraynadakı vəziyyətlə bağlı necə danışmaq, hökumətin mövqeyindən kənara çıxmamaq barədə deyiləndən sonra post yazmağa məcbur olub.
Yazandan iki saat sonra məktəbin direktoru ona zəng edərək paylaşımını dərhal silməyi və ya işini tərk etməsini söyləyib.
“Mən onu silmək istəmədim. Mən dərhal anladım ki, mübahisə etməyin mənası yoxdur, ona görə də istefa verməyi ən yaxşı seçim hesab etdim”, – K.Manaflı BBC-yə açıqlamasında deyib.
Ertəsi gün əşyalarını götürüb istefa ərizəsini imzalayaraq məktəbə gələndə ona binaya giriş qadağan edilib.
“Uşaqlar mənə dəstək olmaq, sağollaşmaq üçün küçəyə çıxmağa başladılar”
“Dedilər ki, məni içəri buraxmamaq əmri var. Uşaqlar mənə dəstək olmaq, sağollaşmaq və s. üçün küçəyə çıxmağa başladılar. Sonra kimsə polisə zəng edərək icazəsiz aksiya təşkil etdiyimi dedi”.
BBC tərəfindən görülən videolarda uşaqların Kamran müəllimin ətrafına toplaşaraq alqışladıqları, gülümsədikləri və sağollaşdıqları görünür.
Nəhayət, ertəsi gün o, əşyalarını geri ala və məktəbin direktoru ilə görüşə bilib. Direktor ondan sosial mediada niyə siyasi fikirlər paylaşdığına dair rəsmi izahat istəyib. Məktəb rəhbərliyi Manaflının istefa verəcəyini hiss edib və ona işdən çıxarılacağı bildirilib.
“İki gündən sonra mənə məlumat verildi ki, işdə əxlaqsız davranışa görə xaric edilirəm. Mənim üçün ən qəribəsi odur ki, şəxsi fikrin ifadəsini “əxlaqsızlıq” hesab edirlər”, – deyə Kamran Manaflı bildirim.
Məktəb direktoru məsələ ilə bağlı açıqlama verməkdən imtina edib. Lakin BBC tərəfindən görülən WhatsApp mesajlarında məktəb rəhbərliyi valideynlərə deyib ki, Kamran Manaflının sosial mediadakı paylaşımlarına görə əmək müqaviləsini pozub və buna görə işdən çıxarılıb.
18-03-2022, 19:25
Şahnaz Kamal: "Novruz müəllimin qızıyam”
Dədəm mənim üçün hamıdan hündür, hamıdan ağıllı, hamıdan ucadır.
Ağlım kəsəndən bəri onun qızı olmağımla həmişə fəxr etmişəm, Novruz müəllimin qızı olduğumu fəxrlə dilə gətirmişəm.
İkinci sinifdə oxuyurdum. Kəndin klubuna həmişə yaxşı kinolar gəlirdi. Mən də rəfiqəmlə kinoya gedərdim. Bir dəfə yenə kino gəldi. Bilet almağa plum yox idi. Dədəm də rayona getmişdi, məktəbdə olanda belə vaxtlar üstünə yüyürərdim. Dədəm onda məktəbimizin direktoru idi. Nə isə, evə gedib pul gətirməyə də ərindim. Rəfiqəm kinonun günorta seansına bilet aldı. Qapıdan keçəndə bilet yoxlayan onu buraxdı, məndən bilet istədi:
-Biletim yoxdur- dedim.
-Onda, içəri girmək olmaz.
-Mən Novruz müəllimin qızıyam.
O vaxta qədər dədəmin direktor olmasında heç sui-istifadə etməmişdim. Nə öz ağlıma gələrdi, nə o özü imkan verərdi. İndi niyəsə onun adından istifadə etdim. Gülümsəyib, “Keç” dedi qapıçı.
Sonra bu “hünərimi” dədəmə danışmışdı. Demişdi, uşaq elə şəstlə “Novruz müəllimin qızıyam” dedi, xoşuma gəldi. Mən direktorun qızı olmağımdan çox məhz Novruz müəllimin qızı olmağımla fəxr etmişəm hər zaman. Hər zaman və hər yerdə. ,
On il öz məktəbimizdə oxudum. Onbirinci sinifi dədəm məni rayon mərkəzinə gətirdi. Dedi, burada hazırlaş, yaxşı universitetə gir. Həm məktəbə gedirdim, həm hazırlığa.
Məktəbdə ilk günlərim idi. Jurnalda ad-soyadları oxuyan informatika müəllimi mənə çatdı:
-Kamalova Şahnaz.
-Buradayam.
Gözlüyünü aşağı salıb üstündən mənə baxdı:
-Kamalov Novruzun nəyisən?
-Qızıyam.
Səs tonumun elə o ikinci sinifdə oxuyan qızcığazın səs tonu kimi qürurlu olduğunun fərqindəydim.
Məni rayona gətirəndə çoxları demişdi neynirsən aparıb, elə kənddə öyrəndikləri ilə harasa girə biləcək. Neynirsən qız uşağına bu qədər pul tökürsən, əziyyət çəkirsən. O, deyilənləri eşitmədi.
Universitetə sənəd verəndə niyyət etdim ki, qəbul olunub, ilk təqaüdümdən dədəmə bir köynək alacağam. Elə də etdim. Təqaüdü alıb yaxınlıqdakı paltar mağazasına girdim. Satıcı dədəmin köynək ölçüsünü soruşdu.
-Bilmirəm,- dedim- amma çox hündür bir kişidir.
Güldü:
-Bütün qızların gözündə ataları hamıdan hündür, güclü və yaxşıdır,-dedi.
Amma dədəm doğrudan da hündürboyludur. Satıcı bir köynək seçib verdi, böyük olsa, gətir dəyişim, dedi.
“Böyük olmaz!” dedim.
Evə gələndə köynəyi əmimə göstərdim. Dedi, get sabah dəyiş, bir ölçü balacasını al. Dədən belə kök deyil.
Dədəm mənim üçün hamıdan hündür, hamıdan ağıllı, hamıdan ucadır.
Sankt-Peterburqda işləməyə başlayanda həyatımda rolu, önəmi olan insanlara maaşımdan hədiyyələr aldım. Üç “Parker” qələmi almışdım. Bu qələmi çox sevdiyim, dəyər verdiyim, güvəndiyim insanlar üçün almışdım. Yayda gedəndə dədəmin qələmini verdim. Kövrəldi.
Bu gün onun yubileyidir- 70 yaşı tamam olur!
Mən, əslində, indi onun yanında olmalı idim. Nə qədər “ mən yaş-filan keçirməyəcəm” desə də, bilet almışdım. Hədiyyə də almışam. Köynək almışam ona, bu dəfə ölçüsünü düz seçərək
Amma gedə bilmədim, olmadı, bağladılar yolumu. O günü necə gözlədiyimi, nələr planlaşdırdığımı bir Tanrı bilir. Olmadı.
Pis olduğumu görür, təsəlli verməyə çalışır, gələndə nə istəsən edərsən, deyir. Amma mən bu gün onun yanında olmaq istəyirdim.
Ad gününü, doğum gününü, adınla bağlı olan Novruz bayramını təbrik edirəm, dədə!
Dədəm mənim üçün hamıdan hündür, hamıdan ağıllı, hamıdan ucadır.
Ağlım kəsəndən bəri onun qızı olmağımla həmişə fəxr etmişəm, Novruz müəllimin qızı olduğumu fəxrlə dilə gətirmişəm.
İkinci sinifdə oxuyurdum. Kəndin klubuna həmişə yaxşı kinolar gəlirdi. Mən də rəfiqəmlə kinoya gedərdim. Bir dəfə yenə kino gəldi. Bilet almağa plum yox idi. Dədəm də rayona getmişdi, məktəbdə olanda belə vaxtlar üstünə yüyürərdim. Dədəm onda məktəbimizin direktoru idi. Nə isə, evə gedib pul gətirməyə də ərindim. Rəfiqəm kinonun günorta seansına bilet aldı. Qapıdan keçəndə bilet yoxlayan onu buraxdı, məndən bilet istədi:
-Biletim yoxdur- dedim.
-Onda, içəri girmək olmaz.
-Mən Novruz müəllimin qızıyam.
O vaxta qədər dədəmin direktor olmasında heç sui-istifadə etməmişdim. Nə öz ağlıma gələrdi, nə o özü imkan verərdi. İndi niyəsə onun adından istifadə etdim. Gülümsəyib, “Keç” dedi qapıçı.
Sonra bu “hünərimi” dədəmə danışmışdı. Demişdi, uşaq elə şəstlə “Novruz müəllimin qızıyam” dedi, xoşuma gəldi. Mən direktorun qızı olmağımdan çox məhz Novruz müəllimin qızı olmağımla fəxr etmişəm hər zaman. Hər zaman və hər yerdə. ,
On il öz məktəbimizdə oxudum. Onbirinci sinifi dədəm məni rayon mərkəzinə gətirdi. Dedi, burada hazırlaş, yaxşı universitetə gir. Həm məktəbə gedirdim, həm hazırlığa.
Məktəbdə ilk günlərim idi. Jurnalda ad-soyadları oxuyan informatika müəllimi mənə çatdı:
-Kamalova Şahnaz.
-Buradayam.
Gözlüyünü aşağı salıb üstündən mənə baxdı:
-Kamalov Novruzun nəyisən?
-Qızıyam.
Səs tonumun elə o ikinci sinifdə oxuyan qızcığazın səs tonu kimi qürurlu olduğunun fərqindəydim.
Məni rayona gətirəndə çoxları demişdi neynirsən aparıb, elə kənddə öyrəndikləri ilə harasa girə biləcək. Neynirsən qız uşağına bu qədər pul tökürsən, əziyyət çəkirsən. O, deyilənləri eşitmədi.
Universitetə sənəd verəndə niyyət etdim ki, qəbul olunub, ilk təqaüdümdən dədəmə bir köynək alacağam. Elə də etdim. Təqaüdü alıb yaxınlıqdakı paltar mağazasına girdim. Satıcı dədəmin köynək ölçüsünü soruşdu.
-Bilmirəm,- dedim- amma çox hündür bir kişidir.
Güldü:
-Bütün qızların gözündə ataları hamıdan hündür, güclü və yaxşıdır,-dedi.
Amma dədəm doğrudan da hündürboyludur. Satıcı bir köynək seçib verdi, böyük olsa, gətir dəyişim, dedi.
“Böyük olmaz!” dedim.
Evə gələndə köynəyi əmimə göstərdim. Dedi, get sabah dəyiş, bir ölçü balacasını al. Dədən belə kök deyil.
Dədəm mənim üçün hamıdan hündür, hamıdan ağıllı, hamıdan ucadır.
Sankt-Peterburqda işləməyə başlayanda həyatımda rolu, önəmi olan insanlara maaşımdan hədiyyələr aldım. Üç “Parker” qələmi almışdım. Bu qələmi çox sevdiyim, dəyər verdiyim, güvəndiyim insanlar üçün almışdım. Yayda gedəndə dədəmin qələmini verdim. Kövrəldi.
Bu gün onun yubileyidir- 70 yaşı tamam olur!
Mən, əslində, indi onun yanında olmalı idim. Nə qədər “ mən yaş-filan keçirməyəcəm” desə də, bilet almışdım. Hədiyyə də almışam. Köynək almışam ona, bu dəfə ölçüsünü düz seçərək
Amma gedə bilmədim, olmadı, bağladılar yolumu. O günü necə gözlədiyimi, nələr planlaşdırdığımı bir Tanrı bilir. Olmadı.
Pis olduğumu görür, təsəlli verməyə çalışır, gələndə nə istəsən edərsən, deyir. Amma mən bu gün onun yanında olmaq istəyirdim.
Ad gününü, doğum gününü, adınla bağlı olan Novruz bayramını təbrik edirəm, dədə!
6-03-2022, 06:50
Ukraynanın paytaxtı Kiyevdə martın 5-dən 6-na keçən gecə güclü partlayış səsləri eşidilib.
Bu barədə Kiyev sakinləri məlumat veriblər.
Qeyd olunub ki, partlayış səsləri paytaxtın bir neçə rayonunda eşidilib.
Şəhərdə hava zərbələri ilə bağlı xəbərdarlıq elan edilib. Bütün paytaxt sakinlərindən dərhal sığınacaqlara getməli olduqları bildirilib.
Baş Qərargahdan verilən məlumata görə, Rusiya aviasiyanın dəstəyi ilə Ukraynaya qarşı hücum əməliyyatını davam etdirir və yüksək dəqiqlikli silahlardan istifadə edir. Rusiya hərbçiləri əsas səylərini Kiyev və Xarkov şəhərlərinin mühasirəyə alınmasına yönəldiblər. Bundan əlavə, Rusiya ordusu Luqansk və Donetsk vilayətlərindəki inzibati sərhədlərə çatmaq və Krımla daha da quru dəhlizi yaratmaq niyyətindədir.
27-02-2022, 17:01
Rusiya ordusu nə qədər itki verib? –ŞOK RƏQƏMLƏR
image-ads_728x90
Ukrayna müdafiə nazirinin müavini Anna Malyar Rusiya hərbçilərinin Ukraynada son üç gündə itkilərinin ümumi təxmini sayını açıqlayıb. Bu barədə o, Facebook səhifəsində yazıb. Ukrayna Müdafiə Nazirliyinin məlumatına görə, Ukraynadakı hərbi əməliyyatlar zamanı Rusiya ordusu 27 təyyarə, 26 helikopter, 146 tank, 706 ədəd zirehli texnika, 49 top, 1 ədəd “Buk” hava hücumundan müdafiə sistemi, 4 “Qrad”, 30 ədəd avtomobil texnika, 60 sistern, 2 pilotsuz təyyarə, 2 gəmi və çoxlu sayda hava hücumundan müdafiə sistemlərini itirib.
Malyar öldürülən hərbçilərin təxmini sayını da açıqlayıb. Ukrayna Müdafiə Nazirliyinin məlumatına görə, Rusiya döyüşlər zamanı 4300-ə yaxın hərbçi itirib.
image-ads_728x90
Ukrayna müdafiə nazirinin müavini Anna Malyar Rusiya hərbçilərinin Ukraynada son üç gündə itkilərinin ümumi təxmini sayını açıqlayıb. Bu barədə o, Facebook səhifəsində yazıb. Ukrayna Müdafiə Nazirliyinin məlumatına görə, Ukraynadakı hərbi əməliyyatlar zamanı Rusiya ordusu 27 təyyarə, 26 helikopter, 146 tank, 706 ədəd zirehli texnika, 49 top, 1 ədəd “Buk” hava hücumundan müdafiə sistemi, 4 “Qrad”, 30 ədəd avtomobil texnika, 60 sistern, 2 pilotsuz təyyarə, 2 gəmi və çoxlu sayda hava hücumundan müdafiə sistemlərini itirib.
Malyar öldürülən hərbçilərin təxmini sayını da açıqlayıb. Ukrayna Müdafiə Nazirliyinin məlumatına görə, Rusiya döyüşlər zamanı 4300-ə yaxın hərbçi itirib.
26-02-2022, 12:58
Peskovun qızı Rusiyada gündəmi dəyişdi – Şok Ukrayna paylaşımı
Kremlin mətbuat katibi Dmitri Peskovun qızı Yelizaveta Peskova İnstaqram hesabındakı paylaşımı ilə diqqət çəkib.
Peskovun Ankarada anadan olan 24 yaşlı qızı Yelizaveta bu paylaşımı ilə Rusiyada gündəm olub.
Türklərə simpatiyası ilə seçilən Peskova Rusiyanın Ukraynaya hücumuna qarşı çıxıb və “Müharibəyə yox” paylaşımını edib. Amma qısa müddət sonra bu postu silib.
Peskova bundan əvvəl Türkiyə ilə bağlı paylaşımıyla gündəmə gəlmişdi:
“Mənim üçün Rusiya qədər Türkiyə də vətənim sayılır. Mən Ankarada doğulmuşam, həyatımın ilk illərini orada keçirmişəm. Atam və babam türkoloqdur və mən də Moskva Dövlət Universitetində türk dilində öyrənirəm”.
Kremlin mətbuat katibi Dmitri Peskovun qızı Yelizaveta Peskova İnstaqram hesabındakı paylaşımı ilə diqqət çəkib.
Peskovun Ankarada anadan olan 24 yaşlı qızı Yelizaveta bu paylaşımı ilə Rusiyada gündəm olub.
Türklərə simpatiyası ilə seçilən Peskova Rusiyanın Ukraynaya hücumuna qarşı çıxıb və “Müharibəyə yox” paylaşımını edib. Amma qısa müddət sonra bu postu silib.
Peskova bundan əvvəl Türkiyə ilə bağlı paylaşımıyla gündəmə gəlmişdi:
“Mənim üçün Rusiya qədər Türkiyə də vətənim sayılır. Mən Ankarada doğulmuşam, həyatımın ilk illərini orada keçirmişəm. Atam və babam türkoloqdur və mən də Moskva Dövlət Universitetində türk dilində öyrənirəm”.
26-02-2022, 12:44
Fransa səfiri Xocalı ilə bağlı paylaşım etdi
Fransanın Azərbaycandakı səfiri Zakari Qross Xocalı soyqırımının qurbanlarını anıb.
Bu barədə səfir Tvitterdə Xocalı ilə əlaqədar şəkil paylaşıb.
“Bu gün, 30 il öncə”, - səfir şəklə yazdığı tvitində qeyd edib.
Fransanın Azərbaycandakı səfiri Zakari Qross Xocalı soyqırımının qurbanlarını anıb.
Bu barədə səfir Tvitterdə Xocalı ilə əlaqədar şəkil paylaşıb.
“Bu gün, 30 il öncə”, - səfir şəklə yazdığı tvitində qeyd edib.
12-02-2022, 13:55
YAP-çı deputatdan Ramiz Mehdiyevə:”Bu düşüncədə olan “filosoflar”…”
Milli Məclisin Təbii ehtiyatlar energetika və ekologiya komitəsinin rəhbəri, millət vəkili Sadiq Qurbanov Azərbaycan Milli Elmlər Akademiyası (AMEA) ətarfında cərəyan edən hadisələrə münasibət bildirib. Millət vəkilinin fikirlərini oxuculara təqdim edirik:
“Cəmiyyət sosial orqanizm kimi fəaliyyət göstərən, iqtisadi, siyasi, sosial və ən əsası mədəni həyatı özündə birləşdirən, insanların qarşılıqlı fəaliyyətinin nəticəsi olaraq müəyyən struktura malik bütöv bir sistemdir. Belə ki, bu sistemdə cəmiyyəti təşkil edən elementlər arasındakı əlaqələr və qarşılıqlı mürəkkəb münasibətlər, həm maddi, həm mənəvi, həm də yüksək ideal dəyərlər birləşir.
Cəmiyyətin inkişafı üçün insanın hərtərəfli fəaliyyətini, güc və imkanlarını keyfiyyət və kəmiyyət baxımından özündə ehtiva edən, daima yeniləşən tələblərə ehtiyac var. Müasir dövrdə cəmiyyətin inkişafının əsas indikatoru yaradıcı insanlardır desək, yanılmarıq. Deməli, cəmiyyətin inkişafı üçün onun hökmən şəxsiyyətlərə, həm də yaradıcı şəxslərə ciddi ehtiyacı var. Bu yaradıcı şəxsləri yetişdirmək üçün isə şərait və mühit formalaşdırilması tələb olunur. Bu andan dövlətin və onun müəyyənləşdirdiyi siyasətin mahiyyəti üzə çıxır və özünü qabarıq şəkildə göstərməyə başlayır. Dövlətın tərkibi də müxtəlif elementlərdən ibarətdir və öz siyasi mənbəyini ictimai mənbədən götürür.
Müasir, inkişaf etmiş dünya dövlətlərinin idarə edilməsinin əsas formulu icraedici, qanunverici və məhkəmə hakimiyyətinin formalaşdırılmasından ibarətdir. Bu format bir-birini saxlamaq üçün və vəhdət yaratmaq məqsədilə təşkil olunur. Bəzən televiziya və mətbuat da hakimiyyətin dördüncü qolu hesab edirlər. Ona görə ki, dövlət öz siyasi mənbəyini ictimai mənbədən götürür, eyni zamanda dövlətə və cəmiyyətə ünsiyyətin, münasibət və əlaqələrin məhsulu kimi də baxmaq olar.
Dövlət və cəmiyyət fenomeni fərdin dəyəridir və onun şəxsiyyətə çevrilməsini təmin edən məkandır. Fərd məhz cəmiyyətdə və dövlətdə şəxsiyyətə çevrilə bilir. Dövlət və cəmiyyətin gücü və potensialı isə fərdlərin hesabına yüksəlmiş olur. Müəllimlər, alimlər, bütün mütəxəssislər və.s ictimai kollektivlərdən dəyərlər əldə edirlər. Onlar da öz növbəsində əməlləri ilə cəmiyyətə dəyərlər verirlər. Hazırda cəmiyyətin qarşısında duran vəzifələrin yerinə yetirilməsi xeyli dərəcədə fəal və hərəkətli inkişaf etmiş şəxsiyyətin formalaşdırılması prosesinin səmərəliliyindən asılıdır.
Cəmiyyətin dəyəri onun mədəniyyətindədir. Mədəniyyət də yaradıcılıq və quruculuqdadır. Dövlət və cəmiyyətin idarə olunmasında davranış və əxlaq normalarını unutmaq olmaz. İnsanlar əxlaq normalarını yaratmaqla dövlətdə və cəmiyyətdə yaşayış qaydalarını təmin etmiş olurlar. Bu yaşayış qaydaları həm adət-ənənə ilə, həm də hüquq normaları ilə müəyyən edilir.
Cəmiyyətdə yeni nəslin əxlaq tərbiyəsi gələcəyimiz üçün zəruri şərtlərdən biridir. Biz bu sahədə milli dəyərlərimizə və xalqımıza sədaqət, müstəqil respublikamıza məhəbbət, milli sərvətlərimizi qoruyub saxlamaq, artırmaq qayğısına qalmaq üçün çox çalışmalıyıq. Bu missiyanı üzərinə götürən cəmiyyətin aparıcı qüvvələri var. Onlara elm adamları, yazıçılar, şairlər, jurnalistlər, incəsənət və mədəniyyət nümayəndələri və bu qəbildən olan digər şəxslər aiddirlər. Onlar informasiya daşıyıcıları olaraq ətrafda baş verən hadisələrə sərbəst münasibət bildirmək , dövlət və cəmiyyətin inkişafı naminə yeni ideyalar vermək, təşəbbüslər irəli sürmək hüququna malik olmaqla yeni nəslin formalaşmağında mühüm rol oynayırlar.
Burada da əsas vəzifə daha çox elm adamlarının üzərinə düşür, çünki cəmiyyəti elmsiz idarə etmək mümkün deyil. Cəmiyyət yeni-yeni yaranan dəyərlər tələb edir. Məhz elmin də əsas məqsədi dəyərlər verməkdən və dəyər yaratmaqdan ibarət olmalı, cəmiyyətin sosial strukturunu dəyişdirməyi bacardığı üçün cəmiyətə açıq olmalıdır. Bu sadalananları isə cəmiyyət alimlərdən gözləyir. Alimlər isə cəmiyyətin bir nümayəndəsi olaraq ölkədə və dünyada baş verən hadisələri izləməli, müşahidələr aparmalı, yeni biliklərlə tanış olmalı və cəmiyyətə tətbiq etməklə nəticələr ortaya qoymalıdırlar. Alim həm fərdi, həm də ictimai məsuliyyəti öz çiyinlərində daşımalı, bu iki məsuliyyət vasitəsini sistemləşdirməli, eyni zamanda onun adının nə dərəcədə əhəmiyyətli, məsuliyyətli olmasını dərk etməlidir.
Qədim zamanlardan yaxın dövrümüzə qədər bu proses əsas filosofların üzərinə düşürdü. Çünki, cəmiyyətlərin formalaşması üçün fəlsəfəyə ehtiyacı çox idi. Filosoflar cəmiyyətin bu günə qədər gəlib çıxmasında əsas qüvvəyə malik olublar. İnsanın və insanlığın yaşamasında, azad fikrin formalaşmağında, dövlət və idarəçilik institutlarının yaranmasında filosofların rolu danılmazdır. Amma təəsüff hissi ilə demək olar ki, fələsəfə elmlər doktorlarının çoxluq təşkil etdiyi bir zamanda yeni fəlsəfi cərəyanlar yaradan böyük filosoflara rast gəlmək olmur. Düşünürəm ki, bu həm obyektiv, həm də subyektiv amillərlə bağlıdır.
Bəzi hallarda müasir “filosoflar” (məsələn AMEA-nın prezidenti Ramiz Mehdiyev kimi) cəmiyyətdə və dövlətdə qarşıdurmalara gətirib çıxaran hadisələrin səbəbkarı rolunda çıxış edirlər. Bu da min illərlə filosofların cəmiyyətdə yaratdığı harmoniyanın pozulmasına və fəlsəfəyə olan münasibətin aşınmasına səbəb olur. Bu düşüncədə olan “filosoflar” və qeyriləri bilməlidir ki, müstəqilliyimizə və dövlətciliyimizə qarşı yarana biləcək hər hansı təhdidin, məkrli niyyətlərin qarşısını almağa qadir olan, nizamlı, mütəşəkkil, azad ruhlu, güclü Azərbaycan cəmiyyəti var”.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!