Bu gün Bütöv Azərbaycan Milli Azadlıq Hərəkatının lideri sabiq prezident Əbülfəz Elçibəyin vəfat günüdür. Elçibəyin qardaşı Almurad Əlıiyev anım günü münasibətilə eks-prezidentin məzarının ziyarət olunacağını vurğuladı.
Elçibəyin irsinin toplanması işlərinin nə yerdə qalmasına gəldikdə, Elçibəyin qardaşı Almurad Əliyev bildirib ki, hazırda Bəyin haqqında bir kitab nəşrə hazırlanır: “Elçibəylə bağlı olan nə vardısa, hamısı toplanıb və evindədir”. Qardaşı dedi ki, Elçibəyin ev muzeyinin yaradılması və əşyaların ora toplanması da çox yaxşı olardı.
Avqustun 22-də səhər satlarından başlayaraq mərhum öndərimizin məzarı kütləvi formada ziyarətə başlanıb siyasi partiyalar və ictimai təşkilatlar da bu münasibətlə tədbirlə keçirəcəklərini bildiriblər.
Qeyd edək ki, avqustun 22-də Azərbaycanın ikinci prezidenti Əbülfəz Elçibəyin vəfatından on dörd il keçir. Bu tarix Elçibəyin anım günü kimi qeyd olunur. Bu tarixdə Elçibəyin siyasi mübarizə yoldaşları və yaxınları onun Fəxri Xiyabandakı abidəsi önündə anım mərasimi keçirir. 
Əbülfəz Əliyev (Elçibəy) iyunun 24-də 1938-ci ildə Naxçıvan Muxtar Respublikasının Ordubad rayonunun Kələki kəndində anadan olub. Ötən sərin 80-ci illərinin sonlarında başlanan xalq azadlıq hərəkatının liderlərindən biri olub. O, Xalq Cəbhəsinin sədri kimi 1992-ci il iyunun 7-də Azərbaycanın prezidenti seçilib. 1993-cü ilin iyununda baş vermiş qiyam nəticəsində Bakını tərk edərək anadan olduğu Kələki kəndinə gedib, 4 il 4 ay orada yaşayıb. 2000-ci ilin avqustun 22-də 63 yaşında vəfat edib.Əbülfəz Elçibəyin qasa hakimiyyəti dövründə bugünkü müstəqil Azərbaycanın təməli qoyularaq az bir zamanda o yaxın silahdaşları ilə birlikdə ölkədə böyük islahtlar apararaq Rus imperyasının ordusunu və onun hərbi bazalarını ölkədən çıxartmağa nail oldu,yeni qurulan Müstəqi Azərbaycan Respublikasının milli pulunu (manat) təhsildə test üslunu,milli ordunun yaradılmasını,ölkənin talanmış milli bankına bir neçə milyon dollar toplamağı,əsrin ən böyük neft sazişinin və ləl-cəvahirat fonduna tonlarla qızılın toplanmasına və dağlıq qarbağla əlaqədar BMT-ın 4 qətinaməsini qəbul etdirməyə nail oldu.
Əbülfəz Elçibəyinin tutduğu müqəddəs Bütöv Azərbaycan və Türk dövlətlərinin birliyi yolunun davam çıları bu gün Güney_Quzey Azərbaycanda və Türk dünyasında milyonlarla insanın müqəddəs məramına çevrilib və davam etdirilir.
Allah rəhmət eləsin!

Milli Dirçəliş Hərəkatı Partiyası