14-07-2025, 18:40
Partiya üzvlərinin reyestrində bu məlumatlar olacaq
Siyasi partiya üzvlərinin reyestrində hansı məlumatların olacağı müəyyənləşib.
Bu, Nazirlər Kabinetinin təsdiqlədiyi “Qeyri-kommersiya hüquqi şəxslərinin dövlət reyestr kitabı”na əlavə edilən “III hissə - Siyasi partiya üzvlərinin reyestri”ndə qeyd edilib.
Siyasi partiya üzvlərinin reyestrində aşağıdakı məlumatlar yer alacaq:
14-07-2025, 18:28
İkinci Fəxri Xiyaban təmirə bağlandı - FOTO
Bakıda yerləşən İkinci Fəxri xiyaban iyunun 1-dən təmirə bağlanıb.
Bu səbəbdən hazırda xiyabana yalnız şəhidlərin ailə üzvlərinin girişinə icazə verilir.
Məlumata görə, təmir bütün xiyabanı əhatə edəcək. Vətən yolunda qəhrəmanlıqla həlak olmuş şəhidlərin xatirəsini əbədiləşdirmək məqsədilə üzərinə “Şəhidlər ölməz” yazısı qeyd olunacaq ümumi abidənin ucaldılması nəzərdə tutulur.
Təmir sentyabrın 27-dək başa çatacaq.
27 sentyabr - Anım Günü İkinci Fəxri xiyaban yenidən ziyarətçilərin ixtiyarına veriləcək.
14-07-2025, 17:55
Gəncədə moped maşınla toqquşdu - Xəsarət alan var
Gəncədə yol-nəqliyyat hadisəsi baş verib.
Hadisə şəhər ərazisində qeydə alınıb. Belə ki, hərəkətdə olan minik avtomobili mopedlə toqquşub. Qəza zamanı mopedin sürücüsü xəsarət alaraq xəstəxanaya aparılıb.
Hadisə yerinə DYP əməldaşları cəlb edilib. Qeyd edək ki moped sürücüsünün kuryer fəaliyyəti göstərdiyi bildirilir.
14-07-2025, 17:36
Ukraynadan Azərbaycana riskli təklif
Bakıda Azərbaycan və Ukrayna arasında iqtisadi əməkdaşlıq məsələləri üzrə hökumətlərarası komissiyanın 13-cü iclası keçirilib.
"Biz qaz sektorunda əməkdaşlığın yeni formatlarına açığıq. Ukrayna beynəlxalq qaz anbarı üçün öz yeraltı qaz anbarlarını təklif edir. Bizim yeraltı qaz anbarlarımız Avropada ən böyüyüdür və gömrük rejimi altında xarici şirkətlərin ixtiyarına verilir",- deyə komissiyanın Ukrayna tərəfindən həmsədri, energetika naziri German Qaluşenko bildirib.
Neft Araşdırmaları Mərkəzinin rəhbəri İlham Şaban bildirib ki, Azərbaycan öz qazını saxlamaq istəsə, bunu Türkiyədə edə bilər:
“Bəli, Ukraynada ümumilikdə öz tutumuna görə Avropada ən böyük qaz anbarları mövcuddur. Səhv etmirəmsə, 17 belə qaz anbarı var. Ancaq Azərbaycan niyə orada qaz saxlasın? Azərbaycan qazı saxlamaq istəsə, öz yolunun üstündə - Türkiyədə saxlayar. Türkiyədə 6 milyard kub metr aktiv tutumu olan yeraltı qaz anbarı mövcuddur. İndi Dövlət Neft Şirkətinin alt qurumu olan Qazma Tresti yeni yeraltı qaz anbarı üçün Türkiyədə sifarişlər həyata keçirir. Təqribən 2 il yarıma Türkiyədə ikinci yeraltı qaz anbarı istifadəyə veriləcək. 10 milyard kubmetr həcmində qaz ehtiyatı saxlamaq üçün imkan yaranacaq".
İ.Şaban vurğulayıb ki, Ukraynanın təklifinin kommersiya mənfəətini hesablamaqla yanaşı, onun nə qədər stabil və təhlükəsiz olduğuna da diqqət yetirmək lazımdır:
"Biz Ukraynaya qazı necə daşıyıb verəcəyik. Biz nəyə görə enerji təhlükəsizliyi üçün böyük risklər tələb edən layihələrə yönəlməliyik? Avropa 2025-cü ildən Ukrayna üzərindən Azərbaycan qazının daşınmasını təklif etdi. Təbii, bütün bunlar Azərbaycanı Rusiya ilə üz-üzə qoymaq üçündür. Kommersiya mənfəətini hesablamaqdan başqa bunun nə qədər stabil və təhlükəsiz olmasına da diqqət yetirməliyik".
14-07-2025, 17:03
Xocəsənin "Şəfəq" küçəsinə asfalt vuruldu
Binəqədi rayonunda abadlıq-quruculuq işləri davam etdirilir.
Binəqədi Rayon İcra Hakimiyyətinin təşəbbüsü ilə Xocəsən qəsəbəsində uzunluğu 350 metr, eni 6 metr olan "Şəfəq" küçəsinə asfalt örtüyünün çəkilməsi işləri tamamlanıb.
Abadlıq-quruculuq işləri çərçivəsində rayonun digər qəsəbələrinin yollarında da təmir-bərpa işləri mütəmadi olaraq davam etdiriləcəkdir.
14-07-2025, 16:37
Hərbi prokurora müavin təyin olundu
Respublika Hərbi Prokurorluğunda yeni təyinat olub.
Bu barədə Baş prokuror Kamran Əliyev əmr imzalayıb.
Baş prokurorun əmri ilə Nihad Şıxəliyev Respublika Hərbi prokurorun müavini təyin olunub. O bu vəzifədə Mehdi Hüseynzadəni əvəzləyib.
N.Şıxəliyev bu təyinatadək Hərbi Prokurorluğun Ərizə və müraciətlər şöbəsinin rəisi olub.
14-07-2025, 16:11
Araz çayında 1 nəfər batıb
Fövqəladə Hallar Nazirliyinin "112" qaynar telefon xəttinə Araz çayının İmişli rayonu, Göbəktala kəndindən keçən hissəsində 1 nəfərin batması barədə məlumat daxil olub.
Məlumatla əlaqədar Nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb olunublar.
14-07-2025, 15:17
Xanyurduna köçənlərə evlərin açarları təqdim olundu
Ölkənin müxtəlif ərazilərində, əsasən yataqxanalarda, sanatoriya və inzibati binalarda müvəqqəti məskunlaşmış ailələrdən ibarət ilk köç karvanı Xocalı rayonunun Xanyurdu kəndinə çatıb.
Bu gün 33 ailə olmaqla, 122 nəfər keçmiş məcburi köçkün öz yurduna qovuşub.
Qeyd edək ki, hazırda Qarabağ və Şərqi Zəngəzurda ora köçürülən keçmiş məcburi köçkünlərlə yanaşı, bu bölgədə aparılan layihələrin icrasında çalışan, ayrı-ayrı dövlət qurumlarının yerli bölmələrində xidməti vəzifələrini yerinə yetirən, yenidən fəaliyyətə başlamış səhiyyə, təhsil, mədəniyyət, turizm, sənaye, energetika müəssisələrində işləyən, həmçinin təhsil alan tələbələr də daxil olmaqla, ümumilikdə, 50 mindən çox insan yaşayır.
14-07-2025, 15:01
36 yaşlı qadın bıçaqlandı
Sumqayıtda baş verən insident nəticəsində 36 yaşlı qadın bıçaq xəsarətləri alıb.
Hadisə İnşaatçılar qəsəbəsində qeydə alınıb.
İlkin məlumata görə, 2004-cü il təvəllüdlü Kamran Dadaşlı şəxsi mübahisə zəminində qonşusu, 1989-cu il təvəllüdlü Mehriban Abdullayevaya bıçaqla xəsarət yetirib. Yaralı dərhal Təcili Tibbi Yardım Xəstəxanasına çatdırılıb.
Sumqayıt Tibb Mərkəzindən verilən məlumata əsasən, qadına sol bazunun və sol sağrı nahiyəsinin kəsilmiş-deşilmiş yarası diaqnozu qoyulub. Hazırda onun vəziyyəti stabildir və zəruri tibbi yardım göstərilib.
Faktla bağlı hüquq-mühafizə orqanları tərəfindən araşdırmalara başlanılıb.
14-07-2025, 14:35
Xocalının Təzəbinə kəndinə köçən ailələrə evlərinin açarları verildi - FOTO
Bu gün köç karvanı ilə Xocalı rayonunun Təzəbinə kəndinə çatan ailələrə yeni evlərinin açarları təqdim olunub.
28 ailə olmaqla, 125 nəfər keçmiş məcburi köçkün doğma yurduna qovuşub. Təzəbinə kəndinə köç karvanı ilə qayıdanlar respublikanın müxtəlif yerlərində, əsasən yataqxanalarda, sanatoriya və inzibati binalarda müvəqqəti məskunlaşmış ailələrdən ibarət olub.
Açarların təqdimat mərasimində Xankəndi şəhərində, Ağdərə və Xocalı rayonlarında Azərbaycan Respublikası Prezidentinin Xüsusi nümayəndəliyinin, Qaçqınların və Məcburi Köçkünlərin İşləri üzrə Dövlət Komitəsinin rəsmiləri və digər şəxslər iştirak ediblər.
Mənzillərin açarlarını ailələrə təqdim edən Xankəndi şəhərində, Ağdərə və Xocalı rayonlarında Azərbaycan Respublikası Prezidentinin xüsusi nümayəndəsinin müavini Səbuhi Qəhrəmanov bildirib ki, Təzəbinə kəndində keçmiş məcburi köçkünlərin rahat məskunlaşması üçün hər cür şərait yaradılıb. Kənd fasiləsiz elektrik enerjisi, təbii qaz, içməli su və yüksəksürətli internet xətti ilə təmin edilib. Kənd sakinlərinin məşğulluğunun təmin edilməsi də diqqət mərkəzindədir. Köç prosesi bundan sonra da mərhələli şəkildə davam edəcək.
Ailələr açarları təhvil alıb və öz evlərində məskunlaşıblar.
Doğma yurda qayıdan kənd sakinləri hərtərəfli dövlət qayğısı ilə əhatə olunduqlarına görə Prezident İlham Əliyevə və Birinci vitse-prezident Mehriban Əliyevaya təşəkkür ediblər. Onlar, həmçinin torpaqlarımızı işğaldan qurtaran rəşadətli Azərbaycan Ordusuna, qəhrəman əsgər və zabitlərimizə minnətdarlıqlarını bildirib, bu yolda canlarından keçən şəhidlərimizə rəhmət, onların ailələrinə səbir diləyiblər.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!