Ötən əsrin 80-cı illərində Avropada postsovet rejimlərinin çökməsi başlayanda, eləcə də Qərbi Almaniya Şərqi Almaniyanı öz təsiri altına salanda, neonasistlərin mövqelərinin kəskin gücləndirilməsi baş verir. Sosializmin devrilməsi fonunda sağ qüvvələr nasizmin reabilitasiyasına qismən də olsa nail olmağa çalışırdılar. O illərdə sensasiyalara aludə olan qərb jurnalistləri Adolf Hitlerin qalıqlarının axtarışına başlayırlar. Bəzi mənbələrdə onun haradasa ADR ərazisində dəfn edildiyi iddia edilirdi. Və o, dövrdə "fürerin məzarı"nın axtarışına vəsait ayırmağa hazır olan sponsorlar da az deyildi. Baş verənlər o dövrdə həm sovetlər dövlətində, həm də Qərbdə çox həyacanla qarşılandı. Hitlerin ideya varislərinin yığışa biləcəkləri "müqəddəs" məbədgah təhlükəsi yaranmışdı. Lakin sovet xüsusi xidmət orqanlarının yüksək vəzifəli nümayəndələri çox sakit idilər - onlar əvvəlcədən bütün bu axtarışların uğursuzluğa məhkum olduğunu bilirdilər. Hitlerin ölüm tarıxı kifayət qədər zəngindir. Dünyanın bir nömrəli nasisti və onun həyat yoldaşı Yeva Braun intihar etdikdən sonra, cəsədləri reyx binasının bağında, öz istəklərinə uyğun olaraq bunker yaxınlığında yandırılmışdı. Burada onlar ömürlərinin son günlərini keçirmişdi. Hitler hesab edirdi ki, belə etməklə hətta onun meyiti də sovet əsgərlərinin əlinə düşməyəcək. Lakin bədəni tamamilə yandırmaq mümkün olmayıb. Sovetlərin axtarış qrupu mayın 5-də baş leytenant Aleksey Panasovun rəhbərliyi altında yanmış meyitləri aşkar edir. Bu tapıntı haqqında hər şey gizli saxlanılır. Hökumət komissiyası 1946-ci ilin fevralında aparılan çoxsylı ekspertizalar nəticəsində son nəticəyə gəlirlər ki, tapılan qalıqlar həqiqətən Hitler və Yeva Brauna məxsusdur. Bu iki cəsəd qalıqlarından başqa, Yozef və Maqda Gebbelslərin, həmçinin valideynləri tərəfindən zəhərlənən altı uşağın qalıqları da aşkar edilir. Bundan başqa, qalıqların arasında Hitlerin sevimli itinin cəsədi də tapılır. Ekspertiza keçirilən müddətdə, qalıqlar “yerlərini” əks-kəşfiyyat şöbəsi "SMERŞ" ilə birlikdə tez-tez dəyişirdilər. Və hətta bir neçə dəfə müvəqqəti olaraq Bux, Fin, Raten şəhərində dəfn də edilirlər. Nəhayət, 1946-ci ildə bütün ekspertizalar başa çatdıqdan sonra Hitler, Yeva Braun, həmçinin Yozef və Maqda Gebbels və onların uşaqları Almaniyanın Maqdeburq şəhərində Sovet qoşunları Qrupunun 3-ci ordusunun hərbi şəhərciyin ərazisində, ciddi məxfilik şəraitində dəfn olunur. Əks-kəşfiyyat şöbəsinin binası ilə yanaşı olan məzarlıq, asfaltla örtürülür. Bələ bir məzarlığın varlığı haqda çox dar bir çevrənin xəbəri vardı. Bu çevrə nə qədər dar, qapalı olsa da, 20 ildən sonra Maqdeburqdakı məzarlıq haqqında məlumat mətbuata sızmışdı. Bu da imkan yarandıqdan sonra alman jurnalistləri və sağ radikalçıların axtarış işlərinin vüsət almasına səbəb olur. Axtarışa çıxanların isə təbii ki, SSRİ DTK-nın 1970-ci ildə keçirdiyi tam məxfi "Arxiv" əməliyyatından xəbərləri yox idi. "Hitler məsələsini" yekunlşdırmaq haqda qərarın təşəbbüskarı SSRİ DTK-nın o vaxtkı sədri Yuri Andropov olur. Bu o, illər idi ki, Hitlerin Cənubi Amerikaya qaçması haqqında şayiələr gəzirdi. Moskva bu məsələlərə heç vaxt cavab vermirdi. Hitlerin cəsədi haqqında iş SSRİ üçün siyasi bumeranq rolunu oynaya bilərdi. Məhz onda Andropov SOV.İKP MK Siyasi Bürosunun razılığı ilə bu yersiz "əşya"dan azad olmaq və bu işi birdəfəlik "arxivləşdirmək" qərarına gəlir. 13 mart 1970-ci ildə Yuri Andropov SSRİ rəhbəri Leonid Brejnevə xüsusi əhəmiyyətli məktub yazır: "1946-ci ildə fevral ayında Hitler, Yeva Braun, Gebbelslər və onların övadları (cəmi 10 cəsəd ) DTK Xüsusi şöbəsinin hərbi şəhərciyinin ərazisində, Maqdeburqda dəfn ediliB. Hazırda sözügedən hərbi şəhərcik, alman hakimiyyətinə təhvil verilir. Tikinti və ya digər torpaq işlərinin aparılması zamanı qalıqların tapılması imlkanını nəzərə alaraq, bu ərazidən qalıqların çıxarılması və onların yandırılması yolu ilə məhv edilməsi məqsədəuyğun olardı. Tədbir Dövlət Təhlükəsizlik Komitəsinin Xüsusi şöbəsinin əməliyyat qrupu tərəfindən tam gizli şəkildə icra olunacaq və lazımınca sənədləşdiriliəcək".Martın 16-də Andropovun təklifi Brejnev, sovet hökumətinin başçısı Aleksey Kosıgin, SSRİ Ali Soveti Rəyasət Heyətinin sədri Nikolay Podqornıy tərəfindən təsdiq edilir. Martın 18-də DTK-nın rəhbəri bu əməliyyatın keçirilməsinin "xeyir-duasını" alır. Əməliyyatın adı isə nasist arxivinlərinin taplıması üçün aparılan qazıntı işləri ilə əlaqələndirilmişdi. Bu məlumatı guya SSRİ-də mühakimə olunan hərbi cinayətkar vermişdi.


Bu əməliyyat planında göstərilirdi: ”- DTK ordusunun Xüsusi şöbəsinin tağım qüvvələri tərəfindən əməliyyat keçirilməmişdən əvvəl dəfn yeri üzərində altında tam olaraq planda nəzərdə tutulan işlərin görülməsi üçün imkan yaradacaq çadır qurulsun. Əməliyyatının keçirilməsi zamanı çadırı xüsusi təyanatlı əsgər qüvvələri qorusun və nəzarət üçün gizli post təşkil etmək, yaxınlıqdakı yaşayış məntəqələrindən vizual kəşfiyyatın bütün mümkün variantlarını əvvəlcədən dəf etmək, əgər hər-hansı bir müşahidə aşkarlanarsa, vəziyyətə uyğun hərəkər etmək. Qazıntı işlərini gecə aparmaq, tapılan qalıqları xüsusi olaraq hazırlanmış yeşiklərə yığmaq və avtomaşınla piyada və tank qoşunları təhsil sahələrinə aparıb orada yandırmaq!”