Siyasət » Səhifə 21

7-07-2022, 10:51

6-07-2022, 07:46

Təbriz məhkəməsi "Xaqan" adına kimlik verilməsini qanunsuz adlandırıb

Təbrizin 39-cu Hüquq Məhkəməsi Xaqan adına şəxsiyyət vəsiqəsi verilməsini "islam və İran mədəniyyətinə, ölkə qanunlarına uyğun olmadığı"nı bildirib. Məhkəmə Qeydiyyat İdarəsinin bu ada şəxsiyyət vəsiqəsi verməməsinə haqq qazandırıb:
"Çox götür-qoy elədim nə yazım, ancaq bir yerə çatmadım. Axi bir ad sizi niyə bu qədər sıxır? Mən bu məsələyə savaş adı qoya bilmirəm, ancaq görünür ki, belə istənilir. Bilmirəm siz məni yorursuz, yoxsa özünüzü?"-deyə, Yunis Mahmudi sosial media paylaşımında yazıb.
Xaqan adına şəxsiyyət vəsiqəsinin verilməməsi ilə bağlı qərarı Təbrizin Hüquq Məhkəməsinin 39-cu bölməsinin hakimi Davud Babayi verib.
Qeyd edək ki, İran Qeydiyyat İdarəsinin azərbaycanlı uşaqlara türk adlarına görə kimlik vəsiqəsi verməməsi valideynlərin etirazları ilə qarşılanır və onlar məsələni sosial mediada ictimailəşdirməyə məcbur olurlar. İnsan haqları sahəsində fəaliyyət göstərən təşkilatlar məsələ ilə bağlı Beynəlxalq İnsan Hüquqları Müşahidəçiləri, İrqçiliyə Qarşı Komitə, Birləşmiş Millətlər Təşkilatının Uşaq Hüquqları Komitəsi və başqa beynəlxalq təşkilatlara şikayət və hesabatlar göndərib.
Bu hesabatda İran İslam Respublikası tərəfindən türklərə qarşı insan ləyaqətinin davamlı təhqir olunduğu vurğulanıb.

Təbriz məhkəməsi "Xaqan" adına kimlik verilməsini qanunsuz adlandırıb

4-07-2022, 11:37

Azərbaycan və Özbəkistanın beyin mərkəzləri əməkdaşlıq edəcək - FOTOLAR

3-07-2022, 09:35

Tbilisidə Avropa İttifaqının bayrağı yandırıldı

“Alt-İnfo” tərəfdarları Gürcüstanın paytaxtı Tbilisidə keçirdikləri aksiyada Avropa İttifaqının bayrağını yandırıblar.
Gürcüstan mediası xəbər verir ki, parlamentin önündə başlayan aksiya ilə "Gürcü Arzusu"nun mərkəzi qərargahına, oradan isə Avropa İttifaqının Tbilisidəki ofisinə doğru yürüş edən aksiyaçılar "Yaşasın Gürcüstan" şüarı səsləndiriblər.
Cinsi azlıqların "Tbilisi Pride" aksiyasının əleyhinə olan "Alt-İnfo" hərəkatının tərəfdarları Avropa İttifaqı ofisinin qarşısında Avropa İttifaqının bayrağını yandırıblar.
Onlar Aİ səfirinə “Get, get”, - deyə qışqıraraq müraciət ediblər.
Aksiyaçıların sözlərinə görə, Avropa Gürcüstanla dostluq istəyirsə, gürcü xalqını olduğu kimi qəbul etməlidir.

Tbilisidə Avropa İttifaqının bayrağı yandırıldı

30-06-2022, 17:14

NATO-nun Madrid Sammiti başa çatıb

30-06-2022, 15:53

Misir Prezidentinin Azərbaycana səfəri planlaşdırılır

30-06-2022, 14:54

Qoşulmama Hərəkatının Parlament Şəbəkəsinin “Bakı Bəyannaməsi” qəbul edilib

30-06-2022, 11:27

İlham Əliyev: Mübarizəmizi davam etdirəcəyik

30-06-2022, 11:14

Prezidentin Türkmənistana səfəri başa çatdı

30-06-2022, 08:55

İlham Əliyev Putinlə görüşdü

İyunun 29-da Aşqabadda Azərbaycan Respublikasının Prezidenti İlham Əliyevin Rusiya Federasiyasının Prezidenti Vladimir Putin ilə görüşü olub.

Xəzər Sammiti çərçivəsində Prezident İlham Əliyev ilə görüşməkdən məmnunluğunu ifadə edən Prezident Vladimir Putin dövlətimizin başçısının Rusiyaya səfərini xatırlatdı, ölkələrimiz arasında diplomatik münasibətlərin qurulmasının 30 illiyinin qeyd edilməsinin önəmini bildirdi. Əlaqələrimizin genişləndiyini və hazırkı səviyyəsinin çox yaxşı olduğunu deyən Rusiya dövlətinin başçısı razılaşdırılan bütün məsələlərin icra edildiyini vurğuladı. Prezident Vladimir Putin qeyd etdi ki, ticarət dövriyyəsi artır. Bu artım keçən il 16 faizdən çox, bu ilin üç ayının nəticələrinə görə 5,5 faiz təşkil edib. Beləliklə, ticarət dövriyyəsinin inamlı artımı müşahidə olunur.
Siyasi əlaqələrimizə toxunan Prezident Vladimir Putin Rusiya xarici işlər nazirinin Bakıya səfərini xatırlatdı, Rusiya hökuməti sədrinin və Dövlət Duması sədrinin də Bakıya səfərlərinin planlaşdırıldığını qeyd etdi. Rusiya dövlətinin başçısı bildirdi ki, ən əsası isə 2024-cü ilə qədər Rusiya-Azərbaycan birgə əməkdaşlıq planının reallaşdırılmasıdır. Beləliklə, bütün sahələrdə inkişaf var.
Prezident Vladimir Putin qeyd etdi ki, regional təhlükəsizlik, o cümlədən Qarabağ məsələsinin nizamlanması barədə də Azərbaycan dövlətinin başçısı ilə müzakirə aparılıb və bu görüş də həmin mövzunun nəzərdən keçirilməsi üçün imkan yaradır.
Nahar vaxtı qeyri-rəsmi təmas zamanı Prezident İlham Əliyevin ifadə etdiyi fikirləri xatırladan Rusiya dövlətinin başçısı Sammitin işgüzar keçdiyini, regional əməkdaşlığın inkişafına dair maraqlı təkliflərin irəli sürüldüyünü dedi. Dövlətimizin başçısı ilə görüşün faydalı olduğunu bildirən Prezident Vladimir Putin aparılan müzakirələrin ikitərəfli münasibətlərimizin inkişafına əlavə təkan verəcəyini qeyd etdi.
Xoş sözlərə görə minnətdarlığını bildirən Prezident İlham Əliyev Rusiya Prezidenti ilə görüşdən məmnunluğunu ifadə etdi və bildirdi ki, Prezident Vladimir Putin ilə keçirilən görüşlər həmişə əlaqələrimiz üçün çox önəmli olub. Dövlətimizin başçısı bu görüşün də ölkələrimiz arasında dostluq və mehriban qonşuluq münasibətlərinin inkişafına töhfə verəcəyinə əminliyini bildirdi.
Azərbaycan Prezidenti ölkələrimiz arasında ticarət dövriyyəsinin artmasından, eyni zamanda, sənaye kooperasiyası, nəqliyyat və energetika sahələrində əməkdaşlığımızın genişlənməsindən məmnunluğunu ifadə etdi. Dövlətimizin başçısı bu görüşün regional məsələlərin müzakirəsi üçün də yaxşı imkanlar yaratdığını dedi.
Prezident İlham Əliyev əlaqələrimizin inkişafı baxımından bu yaxınlarda Rusiya xarici işlər nazirinin Azərbaycana səfərinin önəmini qeyd etdi və ikitərəfli münasibətlərimizin ölkələrimiz və xalqlarımız naminə bundan sonra da uğurla inkişaf edəcəyinə əmin olduğunu bildirdi.
Görüşdə ikitərəfli münasibətlərin perspektivləri və qarşılıqlı maraq doğuran məsələlər müzakirə edildi.

İlham Əliyev Putinlə görüşdü