30-10-2023, 15:24
Gürcüstana məqsədi sabitliyi pozmaq olan təxribat qrupu sızıb - Saakaşvili
Gürcüstanın sabiq prezidenti Mixail Saakaşvili bildirib ki, onun məlumatına görə, Gürcüstana məqsədi sabitliyi pozmaq və hakimiyyəti ələ keçirmək olan təxribat qrupu sızıb.
Bu barədə o, dövlət vəsaitini mənimsəməkdə ittiham olunan məhkəmə prosesində xəstəxanadan canlı yayımda bildirib.
Xatırladaq ki, Saakaşvili 2021-ci ildə ölkəyə qayıtdığı vaxt həbs olunub. Dəfələrlə aclıq aksiyası keçirən siyasətçi müalicə müəssisəsinə köçürülüb. Onun səhhətində ciddi problemlər var, bədənində radioaktiv maddələr aşkar olunub.
30-10-2023, 15:17
Ombudsman: "Gözləyirik ki, tez bir zamanda xəbər alaq"
Ermənistanda əsirlikdə saxlanılan Azərbaycan vətəndaşları ilə bağlı məsələ bu yaxında Azərbaycanda səfərdə olan Avropa Şurasının İnsan hüquqları üzrə komissarının qarşısında qaldırılıb.
Bu barədə Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva jurnalistlərə açıqlamasında bildirib.
"Gözləyirik ki, tez bir zamanda xəbər alaq" – Ombudsman qeyd edib.
Qeyd edək ki, Naxçıvan Muxtar Respublikasının Şahbuz rayonunun Ermənistanla sərhədboyu ərazisində əlverişsiz hava şəraitində məhdud görmə səbəbindən Azərbaycan ordusunun itkin düşmüş əsgərləri - 2004-cü il təvəllüdlü Bəbirov Aqşin Qabil oğlu və 2003-cü il təvəllüdlü Axundov Hüseyn Əhliman oğlu Ermənistan tərəfindən əsir götürülüb.
Aqşin Bəbirov və Hüseyn Axundov “Ermənistanın dövlət sərhədini qanunsuz keçməkdə, odlu silah və döyüş sursatı daşımaqda" ittiham olunurlar, onlar həbs edilib. Hüseyn Axundov “Zəngəzur mis-molibden kombinatının gözətçisini qətlə yetirməkdə” də təqsirləndirilir.
30-10-2023, 15:06
Seperatçılar ailələriylə əlaqə saxlayıb - Səbinə Əliyeva
"Biz mütəmadi olaraq başçəkmələr həyata keçiririk. Başçəkmələr zamanı Azərbaycana qarşı müharibə cinayətləri törətməkdə ittiham olunan şəxslərlə də görüşlər keçirilib. Onların bütün hüquqları təmin olunub".
Bunu jurnalistlərə açıqlamasında Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva deyib.
"Hər bir saxlanılan şəxsə həssaslıqla yanaşırıq. Onlara da ailələri ilə əlaqə saxlamaq imkanı yaradılıb, dövlət tərəfindən tərcüməçi ilə təmin olunublar" - Ombudsman qeyd edib.
Xatırladaq ki, Azərbaycanın hüquq-mühafizə orqanları Qarabağda qondarma qurumun “prezidentləri” olmuş Arkadi Qukasyan, Bako Saakyan, Araik Arutyunyan, sabiq "xarici işlər naziri" David Babayan, eləcə də “parlament sədri” David İşxanyan, generallar Lyova Mnatsakanyan, David Manukyan və keçmiş “dövlət naziri” Ruben Vardanyanı həbs edərək Bakıya gətirib.
30-10-2023, 14:58
XİN Başçısı Əbu-Dabiyə rəsmi səfərə getdi
30 oktyabr 2023-cü il tarixində Azərbaycan Respublikasının xarici işlər naziri Ceyhun Bayramov Birləşmiş Ərəb Əmirliklərinin paytaxtı Əbu-Dabi şəhərinə rəsmi səfərə yola düşüb.
Bu barədə Xarici İşlər Nazirliyindən məlumat verilib.
BƏƏ-nin xarici işlər naziri Şeyx Abdullah bin Zayed Əl Nəhyanın dəvəti əsasında baş tutan səfər çərçivəsində yüksək səviyyəli görüşlərin keçirilməsi nəzərdə tutulur.
30-10-2023, 14:50
Ermənistanda polis orqanlarının işinə yenidən baxılacaq
Ermənistanın polis qoşunları 2024-cü ilə qədər demilitarizasiya olunacaq.
Bunu Ermənistan Daxili İşlər Nazirliyinin katibi Ara Fidanyan parlamentdə bildirib.
O, gələcək mühafizəçi funksiyalarını təqdim edib. Fidanyan deyib ki, mühafizə ictimai asayişin və təhlükəsizliyin, dövlət binalarının qorunması, dövlət protokolu çərçivəsində nümayəndə heyətini müşayiət etmək və digər funksiyalara cavabdeh olacaq.
Ərazi polis orqanlarının funksiyalarına və işinə də yenidən baxılacaq və onlar icma polisinə çevriləcək. Bununla yanaşı, regional idarələrin əvəzinə əməliyyat-axtarış fəaliyyəti ilə məşğul olan bölmələr yaradılacaq.
30-10-2023, 14:15
Mahaçqala hadisələrindən sonra geniş görüş keçiriləcək - Putin
"Putin Mahaçqala hadisələrindən sonra geniş görüş keçirəcək".
Bunu Kremlin sözçüsü Dmitri Peskov deyib.
"Dünəndən bəri o, Dağıstandakı vəziyyətlə bağlı FTX-dən, Rusiya Qvardiyasından və respublika rəhbərindən ətraflı hesabatlar alır. Peskov Mahaçqalada etirazçılara qarşı hansı tədbirlərin görülə biləcəyindən danışmayıb, onlara görüşü gözləməyi təklif edib. Bədxahlar vəziyyətdən asanlıqla sui-istifadə edir və Qəzzadan dəhşətli kadrlar fonunda Dağıstan hadisələri ilə bağlı insanları təxribata çəkirlər. Mahaçqala hava limanında baş verən hadisələr əsasən kənar müdaxilələrin, o cümlədən xarici informasiya təsirinin nəticəsidir. Mahaçqalada baş verənlər Milli Birlik Gününün qeyd olunmasına təsir etməyəcək. Putin Qərbin Yaxın Şərqdəki hadisələrdən Rusiya Federasiyasında cəmiyyəti parçalamaq üçün istifadə etmək cəhdlərini müzakirə edəcək. Rusiya Federasiyası ilə dialoqun zəruriliyi ilə bağlı müzakirələr indi Qərbdə nadirdir, lakin belə müzakirələr “tədricən qızışır”. Hazırda Qərbdən yeni təhlükəsizlik təklifləri yoxdur", - Peskov əlavə edib.
30-10-2023, 13:49
Yaponiya hökuməti HƏMAS-a qarşı hərəkətə keçdi
Yaponiya hökuməti HƏMAS-ın maliyyələşməsinin qarşısını almaq üçün təşkilatın doqquz liderinin aktivlərinin dondurulması qərarına baxacaq.
Bu barədə hökumətdəki mənbələrə istinadən "NHK" telekanalı məlumat yayıb.
Bildirilir ki, əsas hədəf liderlərin aktivləri, kriptovalyuta fondları və Qəzza zolağına bağlı birjalar olacaq.
30-10-2023, 13:36
Qarabağda özüyeriyən artilleriya qurğuları aşkarlandı
Qarabağ bölgəsində əraziyə baxış zamanı qeyri-qanuni erməni silahlı birləşmələrinə məxsus üç ədəd özüyeriyən artilleriya qurğusu aşkar edilib.
Bu barədə Azərbaycan Müdafiə Nazirliyindən məlumat verilib.
Bu zirehli texnika T-72 tankının mühərriki ilə təchiz edilmiş dartıcının üzərinə artilleriya topunun kustar üsulla quraşdırılması ilə hazılanmışdır.
Qeyd edək ki, bu qurğu 1951-ci ildə istehsal edilmiş mərmilərlə 17.5 km məsəfəyə atəş açmaq imkanına malikdir.
Xankəndi-Şuşa istiqamətində yerləşən atəş mövqelərində aşkar edilmiş bu qurğuların lokal xarakterli antiterror tədbirləri zamanı qeyri-qanuni erməni silahlı dəstələri tərəfindən Şuşa şəhərini atəşə tutmaq məqsədilə istifadə edilməsi istisna deyil.
30-10-2023, 13:12
Avtomobil Yolları Dövlət Agentliyinə 14 milyon manat ayrıldı
Horadiz–Cəbrayıl–Zəngilan–Ağbənd avtomobil yolunun İran İslam Respublikası ilə bağlantısının və Araz çayı üzərində körpünün tikintisi işlərinin davam etdirilməsi məqsədilə Azərbaycan Respublikasının 2023-cü il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Azərbaycan Avtomobil Yolları Dövlət Agentliyinə 14,0 milyon manat ayrılıb.
Prezident İlham Əliyev bununla bağlı Sərəncam imzalayıb.
Azərbaycan Respublikasının Maliyyə Nazirliyi bu Sərəncamın 1-ci hissəsində göstərilən məbləğdə maliyyələşməni təmin etməli, Azərbaycan Respublikasının Nazirlər Kabineti bu Sərəncamdan irəli gələn məsələləri həll etməlidir.
30-10-2023, 12:40
Sabahın hava proqnozu
Bakıda və Abşeron yarımadasında oktyabrın 31-də hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.
Milli Hidrometeorologiya Xidmətindən verilən məlumata görə, gecə və səhər bəzi yerlərdə duman olacaq.
Mülayim cənub-şərq küləyi əsəcək. Havanın temperaturu gecə 13-16° isti, gündüz 20-25° isti olacaq. Atmosfer təzyiqi 772 mm civə sütunundan 769 mm civə sütununa enəcək. Nisbi rütubət gecə 80-90 %, gündüz 55-65 % olacaq.
Azərbaycanın rayonlarında havanın əsasən yağmursuz keçəcəyi gözlənilir. Lakin gündüz bəzi dağlıq ərazilərdə qısamüddətli yağış yağacağı, şimşək çaxacağı ehtimalı var. Gecə və səhər bəzi rayonlarda duman olacaq. Şərq küləyi bəzi şərq rayonlarında arabir güclənəcək.
Havanın temperaturu gecə 12-17° isti, gündüz 22-27° isti, dağlarda gecə 5-10° isti, gündüz 12-17° isti olacaq.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!