26-08-2022, 18:01
Laçın şəhərinin yeni görüntüləri
Laçın şəhərinin yeni videogörüntüləri yayılıb. Butov.az xəbər verir ki, sosial şəbəkədə paylaşılan videonu avtomobillə şəhərdə hərəkətdə olan azərbaycanlı lentə alıb. Kadrlarda ermənilərin tərk etdikləri evlər də əks olunub. Həmin görüntüləri təqdim edirik:
26-08-2022, 17:57
Azərbaycan nefti bahalaşdı
Dünya bazarında "Azeri Light" markalı Azərbaycan neftinin 1 barelinin qiyməti 102,58 ABŞ dolları olub. Butov.az xəbər verir ki, Azərbaycan neftinin qiyməti 1,06 ABŞ dolları bahalaşıb. Bu ilki dövlət büdcəsində bir barel neftin orta qiyməti 85 ABŞ dolları götürülüb. Xatırladaq ki, "Azeri Light" neftinin ən aşağı qiyməti 2020-ci il aprelin 21-də (15,81 ABŞ dolları), maksimal qiyməti isə 2008-ci ilin iyulunda (149,66 ABŞ dolları) qeydə alınıb.
26-08-2022, 17:54
İrəvan xanının nəticəsi Şuşada Pənahəli xanın sarayında
Qarabağa səfəri çərçivəsində İrəvan xanının nəticəsi Əmir Əli Sərdari İrəvani mədəniyyət paytaxtımız Şuşa şəhərində olub. Butov.az xəbər verir ki, Qarabağ xanlığının qurucusu Pənahəli xanın xarabalığa çevrilmiş sarayını ziyarət edərkən məyusluğunu gizlətməyən Əmir Əli Sərdari İrəvani öz təəssüratlarını Diaspor TV-nin “Vətən uzaqda deyil” proqramı ilə bölüşüb: “Siz Şuşada Pənahəli xanın sarayına baxın! O da İrəvan xanının qohumu idi. Bu saray bizim mədəni irsimizdir və indi bu durumdadır”. Xan nəslinin varisi onu da qeyd edib ki, Pənahəli xanın sarayının yenidən tikilmək şansı var, lakin bunu İrəvan xanının sarayı barədə demək mümkün deyil: “Sözün bitdiyi yerdir. Görün, onlar bu irslə nə ediblər. Lakin çox ümid edirəm ki, gələcəkdə hər şey Şuşada yenidən əla olacaq və ola bilsin ki, İrəvanda da...”. Azərbaycan Respublikası Prezidentinin Şuşa rayonundakı xüsusi nümayəndəsi Aydın Kərimovla görüşü zamanı qonağa Şuşada aparılan quruculuq işləri barədə ətraflı məlumat verilib. Azərbaycan diasporunun fəaliyyəti, diaspor nümayəndələrinin Qarabağa, o cümlədən Şuşaya təşkil edilən səfərləri yüksək qiymətləndirilib. Qonaq təmsil etdiyi nəsil barədə məlumat verib, işğaldan azad edilmiş Qarabağda olmaqdan məmnunluq duyduğunu nəzərə çatdırıb və qonaqpərvərliyə görə xüsusi nümayəndəyə təşəkkürünü bildirib. Diasporla İş üzrə Dövlət Komitəsinin dəstəyi və təşkilatçılığı ilə mədəniyyət paytaxtımıza səfər edən qonaq Cıdır düzünü, “Güllələnmiş heykəllər”i, Şuşa Bəyannaməsinin imzalandığı məkanı, Gəncə Qapısını və digər görməli yerləri ziyarət edib, post-müharibə dövründə qədim şəhərimizdə aparılan yenidənqurma və abadlıq işləri ilə tanış olub.
26-08-2022, 17:48
Ermənilərin "Laçın yalanı" heç 4 saat çəkmədi...
Erməni tərəfi bu gün Laçın şəhəri, Zabux və Sus kəndlərinin təhvil-təslim müddətinin avqustun 25-dən sentyabrın 1-dək uzadılması barədə saxta informasiya yaymaqla Ermənistan ictimaiyyətini aldatmağa çalışıb. Bu barədə “Hraparak” qəzeti Ermənistan hökumətindəki mənbəyə istinadən "məlumat" yayıb. Hətta Rusiya sülhməramlılarının “Laçın dəhlizi”ndəki postlarının bir gün əvvəl sökülməsinə baxmayaraq, saxta informasiyada onların guya, hələ də orada öz funksiyalarını yerinə yetirdiklərini iddia ediblər. Bəzi erməni KİV-ləri “Hraparak”ın yalan dolu xəbərini tirajlamaqla onu bu cür əsaslandırmağa çalışıblar ki, Laçın şəhərindən yan keçən yeni Xankəndi-Gorus yolunun Ermənistana düşən hissəsində hazırda hərəkət etmək mümkün deyil. Alternativ yolun 10 km-lik həmin hissəsinin müvəqqəti istifadəyə hazır olması bir həftə sürəcək. Bu yerdə "yalanın 40 gün ömrü var" məsəlini xatırlatmaq yerinə düşər. Amma daim saxtakarlıqları ilə tanınmış hayların budəfəki yalanı heç 4 saat belə çəkmədi. Çünki Ermənistan tərəfinin qondarma iddiasından sonra Azərbaycan Prezidenti, Silahlı Qüvvələrin Ali Baş Komandanı İlham Əliyev "tvitter"də hamının çoxdan gözlədiyi xəbəri elan etdi: "Bu gün, avqustun 26-da biz – Azərbaycanlılar Laçın şəhərinə qayıtmışıq. Azərbaycan Ordusu Laçın şəhərinə yerləşdi. Zabux və Sus kəndləri nəzarətə götürüldü. Bütün Laçınlıları və Azərbaycan xalqını bu münasibətlə təbrik edirəm.
Yaşasın Laçın!
Yaşasın Azərbaycan!".
Ardınca Azərbaycan Silahlı Qüvvələrinin bayrağımızın Laçın şəhərində dalğalandığını əks etdirən videogörüntüsü yayıldı. Korpus komandiri, general-mayor Kənan Seyidovun Ali Baş Komandana məruzəsi Azərbaycan ictimaiyyətini nə qədər sevindirdisə, öz yalanlarına inanan erməniləri bir o qədər xəyal qırıqlığına uğratdı.
26-08-2022, 17:44
BDU-dan müəllimlərin işdən çıxarılması ilə bağlı açıqlama
“Professor-müəllim vəzifəsi seçkili vəzifə olduğu üçün qanunvericiliyə uyğun olaraq kafedralar üzrə müvafiq fənlərin tədris edilməsi üçün yüksək ixtisaslı mütəxəssisləri, yüksək elmi nüfuza malik rəhbər işçiləri işə cəlb etmək zərurəti yarandığı zaman onlar əvəzçilik qaydasında və ya saathesabı qaydada tədris prosesinə cəlb edilir”. Bunu Bakı Dövlət Universitetinin mətbuat xidmətinin rəhbəri Kəmalə Quliyeva bildirib. Onun sözlərinə görə, bu müqavilələr müddətli olduğu üçün tədris ilinin sonunda onlara qanunvericiliyə uyğun olaraq xitam verilir və növbəti tədris ilində yenidən zərurət yarandıqda yeni müqavilə bağlanır. “Bu qayda da uzun illərdir bütün ali təhsil müəssisələrində davamlı şəkildə tətbiq edilən bir prosedurdur”.
26-08-2022, 17:42
ABŞ 2 milyard dollarlıq hərbi helikopterlər satdı
ABŞ Dövlət Departamenti Avstraliyaya 1,95 milyard dollar dəyərində hərbi helikopterlərin və müvafiq avadanlıqların satılmasına razılıq verib. Bu barədə ABŞ Müdafiə Nazirliyinin Müdafiə Təhlükəsizliyi Əməkdaşlıq Agentliyi məlumat yayıb. Müqavilə çərçivəsində Avstraliyaya 40 ədəd UH-60M "Black Hawk" helikopteri satılacaq. Dövlət Departamenti, həmçinin 141,1 milyon dollar dəyərində müqavilə ilə Mərakeşə birgə taktiki radio sistemlərinin satışını təsdiqləyib. Agentlik satış barədə Konqresə məlumat verib. Konqres təsdiqlədikdən sonra satışlar həyata keçiriləcək.
26-08-2022, 17:39
Kiyevdə ruslarla əlaqəli küçə adları dəyişdirildi
Ukraynanın paytaxtı Kiyev şəhərində rus və sovetlərlə əlaqəli 95 küçənin adı dəyişdirilib. Butov.az xəbər verir, qərar Kiyev meri tərəfindən verilib. "Yeni adlar Ukraynanın əlamətdar tarixi hadisələrinin, eləcə də dövlətimizin müstəqilliyi uğrunda mübarizə aparmış məşhur simaların və qəhrəmanların xatirəsini əbədiləşdirəcək", - mer Vitali Kliçko bildirib. Sovet İttifaqı müdafiə nazirinin soyadını daşıyan başqa bir küçənin adı dəyişdirilərək Ukraynanın Azov alayının adı verilib.
26-08-2022, 17:37
Quterreş İranın mövqeyini konstruktiv hesab edir[/color
BMT-nin Baş katibi Antonio Quterreş İranın xarici işlər naziri Hüseyn Əmir Abdullahianla telefon danışığı aparıb. Bu barədə İran Xarici İşlər Nazirliyi məlumat yayıb. Abdullahiyan bildirib ki, ABŞ dünən İranın təkliflərinə cavab verib və indi bu cavab araşdırılır. Quterreş razılaşma prosesini müsbət qiymətləndirib və İranın mövqeyini konstruktiv hesab edib. Quterreş Vyana danışıqlarının müsbət nəticələnəcəyinə ümid etdiyini qeyd edib.
26-08-2022, 17:34
Türkiyəli jurnalist “Qarabağ”a görə üzr istədi
Türkiyəli idman jurnalisti, "Sabah" qəzetinin köşə yazarı Gürcan Bilgiç "A Spor" telekanalında yayımlanan "Son Sayfa" verilişində "Qarabağ"ı Ermənistan komandası kimi təqdim edib. Onun belə səhvə yol verməsi sosial şəbəkələrin Azərbaycan seqmentində etirazlara səbəb olub. Butov.az xəbər verir ki, haqlı etirazlardan sonra Gürcan Bilgiç “Qarabağ”ı Ermənistan komandası kimi təqdim etməsinə görə üzr istəyib. “Sevgili qardaşlarım, əsəbinizi anlayıram. Canınız sağ olsun. Gecə saat 01:30-da yorğunluq var idi. Qarabağ – Qaradağ (Monteneqro) deyərkən qarışdırdım. Buna görə üzr istəyirəm. Haqqınızı halal edin”, - türkiyəli jurnalist sosial şəbəkə hesabında yazıb.
26-08-2022, 17:31
Paşinyan Mişustinlə görüşüb
Ermənistanın Baş naziri Nikol Paşinyan Rusiyaın Baş naziri Mixail Mişustinlə görüşüb. Butov.az xəbər verir ki, görüş Qırğızıstanın Çolpon-Ata şəhərində baş tutub. Mişustin Paşinyana Rusiya Prezidenti Vladimir Putinin salamlarını çatırıb. Görüş zamanı ikitərəfli münasibətlər barədə fikir mübadiləsi aparılıb. Qeyd edək ki, bundan əvvəl Mişustin Azərbaycanın Baş naziri Əli Əsədovla görüşüb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!