6-01-2023, 16:05
Koronavirusun yeni növü aşkar edilib
Dünyanın 29 ölkəsində koronavirusun yeni XBB.1.5 alt növü aşkar edilib. Bu barədə Ümumdünya Səhiyyə Təşkilatının (ÜST) baş direktoru Tedros Qebreyesus bildirib. Onun sözlərinə görə, 2023-cü ildə COVID-19 pandemiyasına son qoymaq mümkün ola bilər. Lakin ÜST rəhbəri deyib ki, hazırkı epidemioloji vəziyyət həyəcan doğurur. Xüsusilə Şimal qütb regionlarında virusun sürətlə yayılması müşahidə olunur. Qebreyesus qeyd edib ki, omikron XBB.1.5 ilk dəfə olaraq 2022-ci ilin noyabr ayında aşkarlanıb. İndiyədək dünyanın 29 ölkəsində yeni növə rast gəlinib. Hazırda bəzi regionlarda virusun yayılması sürətlə artır.
6-01-2023, 16:03
Paşinyan iqtisadiyyat nazirini vəzifəsindən azad edir
Ermənistan baş naziri Nikol Paşinyanın ölkənin iqtisadiyyat naziri Vaan Kerobyanı işdən çıxaracağı gözlənilir. Bununla bağlı "Joğovurd" qəzeti mənbələrinə istinadən yazıb. Bildirilib ki, buna səbəb Kerobyanın skandal yaradan çıxışlarıdır. O, baş naziri bir neçə dəfə pis vəziyyətdə qoyub. Buna görə də yaxın vaxtlarda nazirin istefaya göndəriləcəyi barədə məlumatlar yayılmaqdadır. Məlumata görə, hələlik Kerobyanın yerinə kadr təyinatı ilə bağlı namizədlər nəzərdən keçirilməyib. Bundan əlavə, Vaan Kerobyanın işdən çıxarılmasına dair məlumatları şərh etmədiyi qeyd olunub.
6-01-2023, 15:59
Əmək haqqı qismən artırıldı - Minimumdan aşağı olması qadağandır
Dövlət Əmək Müfəttişliyi Xidməti (DƏMX) minimum əməkhaqqı artımı ilə bağlı məlumat yayıb. Qurumdan verilən məlumatda bildirilib ki, işçilərə minimum əməkhaqqından az əməkhaqqı vermək qadağandır. “İşçilərin əməkhaqqı məbləğinin hər hansı şəkildə azaldılması və onlara dövltin müəyyən etdiyi minimum əməkhaqqı miqdarından az əməkhaqqı verilməsi qanunla qadağandır. Qanunvericiliyə görə bu, inzibati məsuliyyətə səbəb olur”,- məlumatda vurğulanıb. Qeyd edək ki, Prezident İlham Əliyevin ötən gün imzaladığı sərəncamla 1 yanvardan etibarən Azərbaycanda minimum əməkhaqqı məbləği 345 manat müəyyən edilib.
6-01-2023, 15:54
Çin Türkmənistanla olan əməkdaşlığını genişləndirir
Çin və Türkmənistan arasındakı əməkdaşlıq dərinləşdirilir. Bu barədə Çin Mərkəzi Televiziyası məlumat yayıb. Bildirilib ki, Türkmənistan prezidenti Sərdar Berdımuhəmmədovun Çin Xalq Respublikasına rəsmi səfəri çərçivəsində çinli həmkarı Si Tsinpinlə apardığı müzakirələr nəticəsində bununla bağlı qərar qəbul edilib. Ölkələr arasındakı münasibətlərin hərtərəfli strateji tərəfdaşlıq səviyyəsinə qaldırılması ilə bağlı razılığa gəlinib. Bundan irəli gələn məsələlərin həlli ilə əlaqədar hər iki tərəfin dövlət qurumlarına müvafiq tapşırıqların verilməsi qeyd olunub.
6-01-2023, 15:49
Keçmiş ABŞ prezidentinin spikerliyə namizədliyi irəli sürüldü
Florida ştatını təmsil edən konqresmen Mett Gets ABŞ-ın sabiq prezidenti Donald Trampın Nümayəndələr Palatasının spikeri vəzifəsinə namizədliyini irəli sürüb. Bu barədə amerikalı konqresmen mediaya açıqlamasında bildirib. “Mən Donald Trampı Nümayəndələr Palatasının spikeri vəzifəsinə namizəd kimi irəli sürürəm” - o deyib. Mett Gets Trampın sədrliyi dövründə ABŞ-ın daxili və xarici siyasətində uğurların qazanılacağına əminliyini ifadə edib. Qeyd edək ki, ABŞ Konqresinin Nümayəndələr Palatasının üzvləri indiyədək spiker seçə bilməyiblər. Respublikaçılar Partiyasının lideri Kevin Makkarti Nümayəndələr Palatasının spikeri üçün keçirilən seçkilərdə yetərli səs toplaya bilməyib.
6-01-2023, 15:45
Dağıstanın sabiq baş naziri avtomobil qəzasında öldü
Rusiya Federasiyasının Dağıstan Respublikasının sabiq Baş naziri Məhəmməd Abdullayev avtomobil qəzasında həlak olub. Hadisə Mahaçqala şəhərində baş verib. Məlumata görə, “VAZ” markalı avtomobil 61 yaşlı kişini vurub. Qəza nəticəsində ağır xəsarət alan piyada xəstəxanaya aparılıb, lakin orada dünyasını dəyişib. Ölən şəxsin sabiq Baş nazir Məhəmməd Abdullayev olduğu müəyyənləşib. Qeyd edək ki, Məhəmməd Abdullayev 2010-cu il fevralın 20-dən 2013-cü il yanvarın 30-dək Dağıstanın Baş naziri vəzifəsində çalışıb.
6-01-2023, 15:40
Zelenski Rusiyanın atəşkəs elanına inanmayanlar sırasındadır
Ukrayna prezidenti Volodimir Zelenski Rusiyanın atəşkəs təklifinə münasibət bildirib. Bu barədə o, gecə videomüraciəti zamanı danışıb. Ukrayna lideri hesab edir ki, Putin atəşkəs bəhanəsi ilə Ukraynaya və Avropaya qarşı yeni təcavüz dalğasına hazırlaşır. Zelenskinin sözlərinə görə, Rusiya təmas xəttində öz mövqelərini möhkəmləndirmək üçün atəşkəs rejimindən istifadə etmək niyyətindədir. “Onlar Donbasda bizim oğlanların irəliləyişini bir müddət dayandırmaq, texnika, sursat və səfərbərlik qüvvələrini mövqelərimizə yaxınlaşdırmaq üçün Milad bayramından pərdə kimi istifadə etmək istəyirlər", - deyə Zelenski vurğulayıb. Xatırladaq ki, bu gün Prezident Vladimir Putin Rusiya müdafiə naziri Sergey Şoyquya Ukraynada bütün cəbhəboyu atəşin dayandırılması barədə göstəriş verib. Milad bayramı ilə əlaqədar elan edilən atəşkəs rejimi yanvarın 6-ı yerli vaxtla saat 12:00-dan yanvarın 7-i saat 00:00-a qədər qüvvədə olacaq.
6-01-2023, 15:38
Bayden Putinin atəşkəs qərarına inanmadığını qeyd etdi
ABŞ Prezidenti Co Bayden Rusiyanın Ukraynada atəşkəs elan etməsinə münasibət bildirib. O, jurnalistin sualına cavab olaraq Rusiya Prezidenti Vladimir Putinin atəşkəs istədiyinə inanmadığını vurğulayıb. "Mən Putinin dediklərinə cavab vermək istəmirəm. Maraqlıdır ki, o, xəstəxanaları, uşaq bağçalarını və kilsələri bombalamağa hazır idi... Dekabrın 25-də və Yeni ildə... Məncə, o, bir az oksigen tapmağa çalışır", - Amerika lideri deyib. Xatırladaq ki, bu gün Prezident Vladimir Putin Rusiya müdafiə naziri Sergey Şoyquya Ukraynada bütün cəbhəboyu atəşin dayandırılması barədə göstəriş verib. Milad bayramı ilə əlaqədar elan edilən atəşkəs rejimi yanvarın 6-ı yerli vaxtla saat 12:00-dan yanvarın 7-i saat 00:00-a qədər qüvvədə olacaq.
6-01-2023, 15:34
Şarl Mişel Rusiyanın atəşkəs elanına münasibət bildirib
Avropa İttifaqı Şurasının Prezidenti Şarl Mişel Rusiyanın atəşkəs qərarına inanmadığını bildirib. Bu barədə o, özünün "Twitter" hesabında yazıb. “Ortada bir təcavüzkar var: Kreml. Qurban var: Ukrayna xalqı. Rusiya qoşunlarının çıxarılması sülh və təhlükəsizliyə gətirib çıxaracaq yeganə ciddi qərardır. Birtərəfli atəşkəsin elan edilməsi qeyri-qanuni ilhaqlar və onları müşayiət edən referendumlar kimi saxta və ikiüzlülüdür”, - siyasətçi bildirib. Xatırladaq ki, bu gün Prezident Vladimir Putin Rusiya müdafiə naziri Sergey Şoyquya Ukraynada bütün cəbhəboyu atəşin dayandırılması barədə göstəriş verib. Milad bayramı ilə əlaqədar elan edilən atəşkəs rejimi yanvarın 6-ı yerli vaxtla saat 12:00-dan yanvarın 7-i saat 00:00-a qədər qüvvədə olacaq.
6-01-2023, 00:32
Ərdoğan keçən ilin ən uğurlu siyasətçisidir - Rusiya mətbuatı
Türkiyə Prezidenti Rəcəb Tayyib Ərdoğan dünyada 2022-ci ilin ən uğurlu siyasətçisi adlandırıla bilər. Bu barədə Rusiyanın nüfuzlu "Kommersant" qəzeti yazıb. Nəşr qeyd edib ki, Rusiyanın Ukraynada hərbi əməliyyatının başlanmasından bəri o, mübahisəsiz vasitəçi statusunu qoruyub saxlayır, bundan həm siyasi, həm də xeyli iqtisadi dividendlər əldə edib. Məqalədə deyilir ki, Ərdoğan uzun müddət həm Rusiya, həm də Qərb üçün unikal tərəfdaşdır. "Məsələn, bundan əvvəl o, NATO müttəfiqlərinin qəzəbinə baxmayaraq, Rusiyanın S-400 raket sistemlərini alıb və rusiyalı həmkarı Vladimir Putinlə Suriyada təsir zonalarını yenidən bölüşdürüb. Paralel olaraq, Türkiyə lideri ABŞ-la F-16 qırıcılarının alınması ilə bağlı danışıqlar aparıb, həmçinin "Bayraktar" PUA-larını Ukraynaya satıb" - deyə məqalədə bildirilir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!