12-01-2023, 21:39
“Mən üzr istəməyə ehtiyac görmürəm” - Emmanuel Makron
Fransa Prezidenti Emmanuel Makron Əlcəzairdən üzr istəməyəcəyini bəyan edib. Bu barədə o, “Le Point” qəzetinə müsahibəsində deyib. Makron iki ölkəni barışdırmaq yolunda birgə səyləri davam etdirmək üçün əlcəzairli həmkarı Abdelmacid Tebbunu ilə görüşmək istədiyini vurğulayıb. “Mən üzr istəməyə ehtiyac görmürəm. Məsələ bu deyil. Belə jest bütün əlaqələri qıra bilər”, - deyə Fransa lideri bildirib. Qeyd edək ki, Fransa Əlcəzairdə müstəmləkəçilik siyasəti yürüdüb, yerli xalqa qarşı qətliam törədib. Qırğınlar 1 milyon 500 min vətəndaşının ölümü ilə nəticələnib.
12-01-2023, 21:35
İstanbulda güclü partlayış baş verib
Türkiyənin İstanbul şəhərində yerləşən biznes mərkəzində partlayış olub. Hadisə biznes mərkəzində fəaliyyət göstərən tekstil istehsalı atelyesində baş verib. İlkin məlumata görə, hadisəyə qaz sızması səbəb olub. Partlayış nəticəsində yaralananların olduğu bildirilir.
12-01-2023, 21:33
Almaniyadan Moldovaya hərbi yardım
Almaniya Moldovaya zirehli maşınlar hədiyyə edib. Bu barədə Moldova Müdafiə Nazirliyi məlumat yayıb. Bildirilib ki, ölkəyə 19 ədəd “Piranha” zirehli personal daşıyıcıları göndərilib. Göndərilən maşınların üzərində pulemyot quraşdırılmayıb. Zirehli maşınlar Moldovaya təmənnasız verilib, Moldova tərəfi zirehli texnikanın üzərinə pulemyotlar quraşdıracaq.
12-01-2023, 21:22
İrandan İsveçə etiraz - Səfir XİN-ə çağırıldı
İran bəzi Avropa ölkələrinin “müdaxiləçi bəyanatlarına” cavab olaraq, Avropa Şurasının müvəqqəti prezidenti olan İsveçin Tehrandakı səfirini Xarici İşlər Nazirliyinə çağırıb. İran Xarici İşlər Nazirliyindən verilən yazılı açıqlamada İsveçin Tehrandakı səfiri Mattias Lentzin nazirliyə çağırıldığı və bəzi qurumlar tərəfindən İranın daxili işlərinə müdaxiləni pislədiyi bildirilib. Açıqlamada nazirliyə çağırılan Lentzdən İranın etiraz notasını Avropa tərəflərinə çatdırması istənildiyi, İsveç səfirinin Tehranın etirazını Brüsselə əks etdirəcəyi barədə məlumat verdiyi bildirilib.
12-01-2023, 21:18
Ermənistanın Xarici İşlər Nazirliyi KTMT-yə cavab verdi
Ermənistanın Xarici İşlər Nazirliyi (XİN) Kollektiv Təhlükəsizlik Müqaviləsi Təşkilatına (KTMT) cavab verib. Bu barədə Ermənistan XİN-in rəsmi nümayəndəsi Vaan Hunanyan "Civilnet"ə danışıb. "İlk növbədə qeyd etmək istərdik ki, KTMT-nin işçi orqanı kimi, katibliyin kompetensiyasına təşkilatın ali orqanının üzvlərinin bəyanatlarını şərh etmək uyğun deyil. KTMT-yə üzv dövlətlər katiblikdən qərar və fəaliyyətləri barədə anlayış gözləmirlər. Katibliyin vəzifələri nizamnamədə dəqiq şəkildə təsbit olunub. Bu, təşkilatının oqranlarına təşkilati, analitik, konsultativ və informasiya dəstəyi göstərməkdən ibarətdir. Yeni baş katibi belə halların bir daha təkrarlanmaması üçün fatktla bağlı yoxlanışa çağırırıq", - deyə Hunanyan bəyan edib. Qeyd edək ki, KTMT-nin katibliyi Ermənistan baş naziri Nikol Paşinyanın hərbi alyansın 2023-cü ildə ölkə ərazisində hərbi təlimlər keçirməsindən imtina olunması barədə açıqlamasını tənqid edən şərh yaymışdı.
12-01-2023, 18:33
Ermənistanın Xarici İşlər Nazirliyi KTMT-yə cavab verdi
Ermənistanın Xarici İşlər Nazirliyi (XİN) Kollektiv Təhlükəsizlik Müqaviləsi Təşkilatına (KTMT) cavab verib. Bu barədə Ermənistan XİN-in rəsmi nümayəndəsi Vaan Hunanyan "Civilnet"ə danışıb. "İlk növbədə qeyd etmək istərdik ki, KTMT-nin işçi orqanı kimi, katibliyin kompetensiyasına təşkilatın ali orqanının üzvlərinin bəyanatlarını şərh etmək uyğun deyil. KTMT-yə üzv dövlətlər katiblikdən qərar və fəaliyyətləri barədə anlayış gözləmirlər. Katibliyin vəzifələri nizamnamədə dəqiq şəkildə təsbit olunub. Bu, təşkilatının oqranlarına təşkilati, analitik, konsultativ və informasiya dəstəyi göstərməkdən ibarətdir. Yeni baş katibi belə halların bir daha təkrarlanmaması üçün fatktla bağlı yoxlanışa çağırırıq", - deyə Hunanyan bəyan edib. Qeyd edək ki, KTMT-nin katibliyi Ermənistan baş naziri Nikol Paşinyanın hərbi alyansın 2023-cü ildə ölkə ərazisində hərbi təlimlər keçirməsindən imtina olunması barədə açıqlamasını tənqid edən şərh yaymışdı.
12-01-2023, 17:55
Ermənistanın sabiq prezidentindən Paşinyan dəyərləndirməsi
Ermənistanın sabiq prezidenti Serj Sarkisyan
Paşinyan hakimiyyətini tənqid edib. Sarkisyan bu barədə jurnalistlərin suallarını cavablandırarkən danışıb. "Hazırkı hakimiyyət düşünülməmiş siyasət yürüdür. Paşinyan hökumətinin nümayəndələri tez-tez deyirlər ki, Ermənistan Qarabağ ermənilərinin qarantıdır. Baxaq, görək hadisələrin inkişafı hansı yöndə olacaq. Vəziyyət ağırdır", - deyə o bildirib. Qeyd edək ki, S.Sarkisyanın bu gün keçirilməli olan məhkəməsi təxirə salınıb.
12-01-2023, 17:48
Erməni deputatdan gözlənilməz etiraf
Ermənistanın “Vətəndaş Müqavilə” partiyasının deputatı Vigen Xaçatryan Qarabağda yaşayan ermənilərin sayının şişirdildiyini etiraf edib. O, mətbuata açıqlamasında Ermənistanın baş naziri Nikol Paşinyanın və separatçıların "dövlət naziri" Ruben Vardanyanın Qarabağda 120 min erməni sakinin yaşaması barədə iddialarını yalanlayıb. Hakim partiyanın üzvü olan Xaçatryan Qarabağda cəmi 40 min erməninin yaşadığını deyib. O, eyni zamanda Qarabağın erməni əhalisi ilə Bakı arasında birbaşa dialoqun tərəfdarı olduğunu bildirib.
12-01-2023, 17:44
İrəvanla Bakı arasında olan gərginlikdən narahatıq - Rusiya XİN
Rusiya İrəvanla Bakı arasında münasibətlərdə yaranan neqativ tendensiyalardan, eləcə də bölgədə gərginliyin artması ilə müşayiət olunan kəskin ritorikanın və ittiham mübadiləsinin güclənməsindən narahatdır. Bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib. "Biz Ermənistan və Azərbaycan tərəflərini xoş niyyət nümayiş etdirməyə və birgə kompromislər axtarmağa çağırırıq. Biz buna hər cür kömək edəcəyik", - o deyib. Zaxarova qeyd edib ki, erməni tərəfi Azərbaycan tərəfi ilə 2022-ci il dekabrın 23-də Moskvada planlaşdırlan görəşə gəlsəydi, orada problemli mövzular, o cümlədən Laçın dəhlizi ətrafında vəziyyəti müzakirə oluna bilərdi. “İstənilən halda Rusiya tərəfinin təklifi qüvvədə qalır, o, Ermənistan və Azərbaycan XİN rəhbərləri arasında danışıqlar üçün platforma təqdim etməyə hazırdır”, - Zaxarova fikrini yekunlaşdırıb. Zaxarova Ermənistanın KTMT təlimləri keçirməkdən imtina etməsinə də münasibət bildirib. O xatırladıb ki, Ermənistan ötən il də KTMT-nin Qazaxıstanda keçirilən təlimlərində iştirak etmək üçün hərbi kontingent ayırmayıb. Onun fikrincə, bu, müttəfiqlər üçün müəyyən çətinliklər yaradır və onları hərbi idarələr tərəfindən artıq razılaşdırılmış planları yenidən qurmağa məcbur edir. "Biz güman edirik ki, nəticədə bu il KTMT sülhməramlılarının effektiv təliminin təşkili, onların əlaqələndirilməsi və bacarıqlarının artırılması üçün optimal həll yolları tapılacaq", - Zaxarova bildirib. Xatırladaq ki, yanvarın 1-də Rusiya Müdafiə Nazirliyi KTMT-nin sülhməramlı təlimlərinin bu il Ermənistanda keçiriləcəyini bildirmişdi. Yanvarın 10-da keçirdiyi mətbuat konfransında bu məlumatı şərh edən Ermənistanın baş naziri Nikol Paşinyan deyib ki, İrəvan bu il respublikada KTMT təlimlərinin keçirilməsini məqsədəuyğun hesab etmir.
12-01-2023, 17:40
Zaxarova Ermənistanın fürsəti əldən verdiyini qeyd etdi
Ermənistan Azərbaycanla danışıqların növbəti mərhələsini keçirmək fürsətini əldən verib. Bunu Rusiya Xarici İşlər Nazirliyinin mətbuat xidmətinin rəhbəri Mariya Zaxarova bu gün keçirdiyi mətbuat konfransında deyib. “Təəssüf ki, Ermənistan tərəfi 2022-ci il dekabrın 23-də Moskvada Azərbaycanla danışıqların növbəti raundunu keçirmək üçün fürsəti əldən verdi. Təklifimiz hələ də qüvvədədir. Biz Ermənistan və Azərbaycan XİN rəhbərləri arasında danışıqlar üçün platforma təqdim etməyə hazırıq”, - deyə Zaxarova bildirib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!