21-01-2023, 23:52
Madriddə hökumətə qarşı etiraz aksiyası keçirildi
İspaniyanın paytaxtı Madridin mərkəzində yerləşən Cibeles meydanında baş nazir Pedro Sançesin rəhbərlik etdiyi hökumətə qarşı etiraz aksiyası keçirilib. Aksiyada 30 minə yaxın insan iştirak edib. Bildirilir ki, etiraza səbəb İspaniya hakimiyyət orqanlarının 2017-ci ildə Kataloniyanın müstəqilliyinə nail olmağa cəhd edənlərə qarşı ittihamı yumşaltmaq qərarı olub. Təşkilatçılar aksiyada təxminən 700 min iştirakçının iştirak etdiyini iddia edib. Etirazı ifrat sağçı Vox partiyası, eləcə də sağ mərkəzçi "Ciudadanos" və digər siyasi qüvvələr təşkil edib. Etirazçılar Sançesi “satqın” adlandırıb, onu istefaya çağırıblar.
21-01-2023, 23:47
Azərbaycan sülh danışıqlarının qısa zamanda keçirilməsinə hazırdır - XİN
Azərbaycanın Ermənistanın təkliflərinə hələ də cavab vermədiyinə dair fikirlər səsləndirmək və beynəlxalq ictimaiyyət arasında çaşqınlıq yaratmaq əvəzinə, Ermənistan naziri gərək sülh sazişinin hazırlanması üzrə ilk təklifin kimdən gəldiyi, baza prinsiplərinin ilk olaraq kim tərəfindən verildiyi, sülh sazişinin elementləri üzrə ilk layihəni Cenevrə görüşündə kimin təqdim etdiyi, eləcə də hər bir layihəyə Azərbaycan və Ermənistanın hansı müddət ərzində rəy bildirdiyi məsələlərinə aydınlıq gətirərdi. Bu barədə Xarici İşlər Nazirliyinin Mətbuat xidməti idarəsinin rəisi Ayxan Hacızadə yanvarın 20-də Ermənistanın xarici işlər naziri Ararat Mirzoyanın “Armenpress” xəbər agentliyinə müsahibəsi zamanı səsləndirdiyi fikirlərlə bağlı medianın sualını cavablandırarkən bildirib. A.Hacızadə deyib ki, ötən ilin dekabrında Ermənistanın sülh sazişi üzrə son təkliflərini verən kimi məhz bu təkliflərlə sənədi dərhal imzalamağa hazır olduğunu bildirməsi bu ölkənin saziş üzrə danışıqlar prosesinə ciddi yanaşmadığını nümayiş etdirib. Ermənistan tərəfi proses üzrə manipulyasiya əvəzinə, görüşə hazır olub-olmadığını bəyan etməlidir. “Bir daha vurğulamaq istərdik ki, Azərbaycan tərəfi sülh sazişi üzrə danışıqların qısa müddət ərzində keçirilməsinin tərəfdarıdır və buna hər zaman hazırdır”, - deyə XİN-in sözçüsü qeyd edib.
21-01-2023, 23:10
Özümüzü qorumaqla bağlı ciddi müzakirələr gedir - Moldova prezidenti
Moldova prezidenti Maya Sandu ölkəsinin nə vaxtsa hərbi alyanslardan birinə üzv olmaq istəyəcəyini istisna etməyib. Bu barədə o, "Politico"ya müsahibəsində danışıb. “Hazırda özümüzü qorumaq qabiliyyətimizlə bağlı ciddi müzakirələr gedir. Bunu özümüz edə bilərikmi, yoxsa daha böyük ittifaqın bir hissəsi olmalıyıq? Və əgər biz bir ölkə olaraq nə vaxtsa neytrallığımızı dəyişməli olduğumuz qənaətinə gəlsək, bu, demokratik proses vasitəsilə baş verməlidir”, - Sandu deyib. Xatırladaq ki, Moldova konstitusiyasında ölkəsinin netral olması bəyan edilib. Bu, ölkənin NATO və ya KTMT-yə üzv olmasını istisna edir. Yanvarın 14 -də Moldovanın Briçeni sərhəd bölgəsinə raket parçaları düşüb. Bundan sonra Moldova hakimiyyəti Aİ ölkələrindən hava hücumundan müdafiə sistemləri istəyib.
21-01-2023, 22:58
Rusiya Ukraynanın daha bir qəsəbəsini işğal etdi
Rusiya qoşunları Donetsk istiqamətində Cənub Hərbi Dairəsinin atəş dəstəyi ilə Dvureçye qəsəbəsini işğal ediblər. Döyüşlər zamanı Ukrayna Silahlı Qüvvələrinin 50 hərbçisinin öldürüldüyü və yaralandığı bildirilir. Bu barədə məlumatı Rusiya Müdafiə Nazirliyinin rəsmi nümayəndəsi, general-leytenant İqor Konaşenkov təsdiqləyib. Bundan başqa o, Ukrayna hərbçilərin iki zirehli döyüş maşınının, üç pikapın, həmçinin iki D-20 və D-30 haubitsalarının sıradan çıxarıldığını da söyləyib.
21-01-2023, 22:50
Almaniyaya səslədilər - Ukraynaya “Leopard” tankları verin
Litva, Latviya və Estoniyanın xarici siyasət idarələrinin rəhbərliyi Ukrayna Silahlı Qüvvələrinə “Leopard” tanklarının verilməsi üçün Almaniya hakimiyyətinə müraciət edib. Baltikyanı ölkələrin xarici işlər nazirləri Berlini artıq Ukraynaya “Leopard” tankları verməyə çağırıblar. “Bu, Rusiyanın təcavüzünü dayandırmaq, Ukraynaya kömək etmək və Avropada sülhü tez bir zamanda bərpa etmək üçün lazımdır. Almaniya Avropanın aparıcı dövləti kimi bu məsələdə xüsusi məsuliyyət daşıyır”, müraciətdə deyilir. Xatırladırıq ki, Kiyevə silah tədarükü ilə bağlı keçirilən “Ramşteyn” görüşünün nəticələrinə görə, alman tərəfi Ukrayna Silahlı Qüvvələrinə Almaniya istehsalı olan tankların göndərilməsinə razılıq verməyib.
21-01-2023, 17:38
Moskva Ukraynanın sərhədlərini tanımalıdır - Podolyak
Sülh danışıqlarının əsas şərti Moskvanın Ukraynanın 1991-ci ildəki sərhədlərini tanımasıdır. Bunu Ukrayna prezidenti aparatının rəhbərinin müşaviri Mixail Podolyak bildirib. Ukrayna hakimiyyəti dəfələrlə Rusiya ilə danışıqlar üçün belə şərt irəli sürüb. Belə ki, Ukrayna prezidenti Vladimir Zelenski deyib ki, müharibənin sona çatması üçün “silahlı qüvvələr bir sıra əraziləri, o cümlədən Donbass və Krımı qaytarmalıdır”. Rusiyanın xarici işlər naziri Sergey Lavrov isə öz növbəsində Zelenskinin irəli sürdüyü sülh planının “cəfəngiyyat” olduğunu bildirib.
21-01-2023, 17:28
Yeni fərmana əsasən Minatəmizləmə Agentliyinin məbləği artırıldı
Azərbaycan Respublikasının Minatəmizləmə Agentliyinin (ANAMA) nizamnamə fondunun məbləği artırılıb. Bununla bağlı Prezident İlham Əliyev müvafiq fərman imzalayıb. Fərmana əsasən, Agentliyin nizamnamə fondu 2 209 512,9 (iki milyon iki yüz doqquz min beş yüz on iki manat doxsan qəpik) müəyyənləşib. Qeyd edək ki, daha əvvəl Agentliyin ilkin nizamnə fondu 100 000 (yüz min) manat olub.
21-01-2023, 17:21
Avropa İttifaqına qəti şəkildə cavab verməyə hazırıq - İran spikeri
İran parlamentinin spikeri Məhəmməd Bağır Qalibaf İslam İnqilabı Keşikçiləri Korpusunun (SEPAH) rəhbəri ilə görüşündə deyib ki, parlament Avropa İttifaqının SEPAH-a qarşı atdığı istənilən addıma qəti şəkildə cavab verməyə hazırdır. İran parlamentinin sədri Məhəmməd Baqir Qalibaf şənbə günü İslam İnqilabı Keşikçiləri Korpusunun (SEPAH) baş komandanı general-mayor Hüseyn Səlami ilə görüşüb. Görüşdə Avropa İttifaqının (Aİ) SEPAH-I terrorçu təşkilat elan etməsi məsələsi müzakirə edilib. Qalibaf avropalıları səhvlərini düzəltməyə çağırıb. General-mayor Səlami isə bildirib ki, SEPAH-ın səyləri olmasaydı, amerikalıların yaratdığı İŞİD terror vulkanı avropalıları bürüyəcək və bu gün Avropada təhlükəsizlik məhv olacaqdı. SEPAH-ın bu cür təhdidlərdən qorxmadığını əsas gətirən Salami, "Avropalılara keçmiş səhvlərini təkrarlamamağı tövsiyə edirik" deyib. General-mayor Salami Aİ-nin qanunsuz addımına qəti cavabı müzakirə etmək üçün İran parlamentinin bazar günü keçiriləcək iclasında iştirak etməyə hazırlaşır. Avropa Parlamenti yanvarın 19-da SEPAH-ı qara siyahıya salmağa çağıran qətnamə qəbul edib. Qətnamə bununla bağlı qərar qəbul edilməsi üçün Avropa Şurasına göndərilib.
21-01-2023, 17:16
Prezident Tarif Şurasının səlahiyyətini artıran fərman imzaladı
Prezident İlham Əliyev “Dövlət torpaq kadastrı, torpaqların monitorinqi və yerquruluşu haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2022-ci il 29 noyabr tarixli 648-VIQD nömrəli Qanununun tətbiqi barədə fərman imzalayıb. Bu fərmana əsasən, Tarif (qiymət) Şurasına yeni səlahiyyət verilib. Belə ki, Tarif (qiymət) Şurası beynəlxalq təcrübə nəzərə alınmaqla dövlət qurumlarının, bələdiyyələrin, hüquqi və fiziki şəxslərin sifarişi ilə həyata keçirilən torpaq-kadastrı, torpaqların monitorinqi və yerquruluşu işləri, texniki kadastr və yerquruluşu sənədlərinin (kadastr xəritələri və plan-xəritə materialları) tərtibi və bu işlərə dair məlumatların və sənədlərin (arxiv arayışları, texniki sənədlərin təsdiq edilmiş surəti) verilməsi, həmçinin mərzçəkmə işlərini həyata keçirən özəl hüquqi və fiziki şəxslərin uyğunluğunun təsdiq edilməsi ilə bağlı göstərilən xidmətlərə görə xidmət haqlarının məbləğlərini müəyyən edəcək.
21-01-2023, 17:13
Fransız mediasına qarşı cavab tədbirləri görüləcək - Rusiya XİN
Rusiya ölkədəki fransız mediasına qarşı cavab tədbirləri görəcək. Bu barədə Rusiya Xarici İşlər Nazirliyi məlumat yayıb. "RT France telekanalının hesablarının bloklanması Rusiyadakı fransız mediasına qarşı cavab tədbirlərinə səbəb olacaq. Əgər Fransa hakimiyyəti rus jurnalistlərə qarşı təzyiqi dayandırmasa, müvafiq olaraq Rusiya öz cavabını verəcək", - məlumatda bildirilir. Qeyd edək ki, Fransanın İqtisadiyyat və Maliyyə Nazirliyi yanında Xəzinədarlıq Baş İdarəsinin tələbi ilə Fransada Rusiyaya məxsusu RT France telekanalının bank hesabı bloklanıb. Bildirilir ki, müvafiq addım Aİ-nin 2022-ci il dekabrın ortalarında qəbul edilmiş doqquzuncu sanksiyalar paketinə uyğun olaraq atılıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!