11-01-2023, 17:51
Şəhid atası özünə bıçaq xəsarəti yetirdi
Lənkəranda şəhid atası özünə bıçaq xəsarəti yetirib. Hadisə rayonun Gəgiran kəndində qeydə alınıb. Belə ki, kənd sakini, 1977-ci il təvəllüdlü Şakir Qəni oğlu Əhədov şəhərin Həzi Aslanov küçəsində bıçaqla bir dəfə özünə xəsarət yetirib. Həmin şəxs Mərkəzi rayon xəstəxanasına çatdırılıb və əməliyyat olunub. Qeyd edək ki, Şakir Əhədovun oğlu Baloğlan Əhədli Vətən müharibəsində Şuşa uğrunda gedən döyüşlərdə şəhid olub.
11-01-2023, 17:48
Peskov Ukraynadakı müharibəylə bağlı son durumu şərh etdi
Kremlin mətbuat katibi Dmitri Peskov Ukraynadakı müharibə ilə bağlı son durumu şərh edib. Peskov taktiki uğurların vacibliyini vurğulayıb. "Xüsusi əməliyyatın məqsədlərinə nail olanda hərbi əməliyyatların uğurundan danışmaq mümkün olacaq. Taktiki uğurlar da çox vacibdir, amma Soledarla bağlı deyə bilərəm ki, şəhərin azad edilməsi ilə bağlı rəsmi açıqlamaları gözləyin", - deyə Rusiya prezidentinin sözçüsü bildirib. Bundan əlavə, Peskov rusyönümlü ukraynalı siyasətçi Viktor Medvedçuka Rusiya vətəndaşlığı verilməsindən də danışıb. "Bunun indi və ya gələcəkdə olması, olmaması barədə bir şey deyə bilmərəm", - Kreml rəsmisi deyib. Qeyd edək ki, bir müddət əvvəl Ukraynada həbs olunan Medvedçuk əsirlərlə dəyişdirilərək Rusiyaya verilib. Ukrayna prezidenti Volodimir Zelenski onu vətəndaşlıqdan çıxarıb.
11-01-2023, 17:45
Peskov Paşinyanın sülhməramlılarla bağlı təklifinə münasibət bildirdi[/size]
Rusiya prezidentinin sözçüsü Dmitri Peskov Ermənistanın baş naziri Nikol Paşinyanın Qarabdağ müvəqqəti yerləşdirilmiş sülhməramlılarla bağlı təklifini şərh edib. O, təklifdən xəbərdar olduqlarını açıqlayıb. "Moskva Nikol Paşinyanın regiona BMT mandatı olan sülhməramlıların gətirilməsi barədə təklifindən xəbərdardır. Amma bunun üçün bütün tərəflərin razılığı lazımdır. Moskva və İrəvan müxtəlif səviyyələrdə danışıqlar aparır", - deyə Kremlin mətbuat katibi söyləyib. Qeyd edək ki, Paşinyan dünən keçirdiyi mətbuat konfransında Rusiyanın sülhməramlılara beynəlxalq mandat verilməsi və ya xarici ölkələrin sülhməramlılarının da cəlb olunması ilə bağlı BMT Təhlükəsizlik Şurasında müzakirələrə başlamaq üçün təşəbbüs göstərməli olduğunu bəyan etmişdi.
11-01-2023, 17:40
İrandan qonşu ölkə səfirinə etiraz
İraqın Tehrandakı səfiri İraq rəsmilərinin Fars körfəzi üçün istifadə etdiyi adla əlaqədar İran Xarici İşlər Nazirliyinə çağırılıb. Bu barədə “Mehr” agentliyi məlumat yayıb. "İraqla strateji, qardaşlıq və dərin münasibətlərimiz olsa da, bu məsələyə etirazımızı açıq şəkildə bildirdik. İraq səlahiyyətlilərinin Fars körfəzi üçün saxta ad işlətməsindən sonra İraq səfirini Xarici İşlər Nazirliyinə çağırdıq və biz bu məsələyə münasibət bildirdik”, - bunu İranın xarici işlər naziri Hüseyn Əmir Abdullahian çərşənbə günü deyib. Qeyd edək ki, İraq rəsmilərinin Fars körfəzi əvəzinə Ərəb körfəzi ifadəsini işlətməsi neçə gündür İran rəsmilərini qıcıqlandırıb. Ötən cümə günü İraqın Bəsrə şəhərində Səudiyyə Ərəbistanı, İraq, Oman, Yəmən, Bəhreyn, Küveyt, Qətər və BƏƏ futbol komandalarının iştirakı ilə 25-ci beynəlxalq yarış start götürüb. Yarışın adı “Ərəb körfəzi kuboku” kimi təqdim edilib. İran isa buna etiraz edərək, yarışın adının “Fars körfəzi kuboku” kimi yazılmasını tələb edib. İran Futbol Federasiyası ərəb dövlətlərinin Fars körfəzi üçün Ərəb körfəsi adından istifadə etməsinə görə FİFA-ya şikayət edəcəyini açıqlayıb.
11-01-2023, 17:32
Qiymət artımı olduqda maaş və pensiyalara daxil edilən vəsait hiss olunmur - Deputat
Ötən gün Prezident İlham Əliyev yerli televiziya kanallarına müsahibəsində ölkəmizdə müşahidə olunan bahalaşma və minimum əməkhaqqı artımına da münasibət bildirib. Dövlət başçısı çıxışı zamanı Azərbaycanda kəskin qiymət artımının müşahidə edildiyini söyləyib: “Dünya postpandemiya dövrünə hələ təzə-təzə uyğunlaşır. Bir çox ölkələrdə, o cümlədən Azərbaycanda kəskin qiymət artımı müşahidə olunur. Bizim də iqtisadiyyatımız dünya iqtisadiyyatının bir parçası olduğu üçün əfsuslar olsun ki, biz də bu mənfi təsirə məruz qalmışıq”. Prezident, həmçinin deyib ki, dünya üçün böhranlı vəziyyəti biz xalqımız üçün sosial layihələrlə, sosial proqramlarla yüngülləşdirməyə çalışırıq: “Bu yaxınlarda imzaladığım çox geniş sosial paket bir daha bunu göstərir. Yəni, müharibədən təzə çıxmış ölkə, özü də ərazisinin 20 faizi tamamilə dağılmış vəziyyətdə olan ölkə əgər sosial sahəyə bu qədər vəsait ayırırsa, deməli, bizim sosial siyasətimiz dəyişməz olaraq qalır və əlbəttə ki, bizim iqtisadi gücümüzü göstərir”. Minimum maaş və pensiya artımına gəlincə, Prezident indiki rəqəmlərin qaneedici olmadığı diqqətə çatdırıb: “Bu, bizi qane edir? Əlbəttə ki, yox. Amma biz imkan daxilində öz addımlarımızı atırıq. Çünki bir daha demək istəyirəm, bizim əsas xərclər istiqaməti Qarabağı və Şərqi Zəngəzuru bərpa etmək və ordu potensialımızı gücləndirməkdir. Bu iki əsas prioritet bizim üçün uzun illər prioritet kimi qalacaq”. Mövzu ilə bağlı danışan Milli Məclisin deputatı Vahid Əhmədov bildirib ki, Prezident inflyasiya və qiymət artımı ilə bağlı suallara cavabında bir sıra məsələlərin səbəbini aydınlaşdırıb: “Dünən dövlət başçısı jurnalistlərin bütün sahələr üzrə verdiyi suallarını faktiki olaraq cavablandırdı. Prezident qiymət artımı və inflyasiyanın dünyada gedən proseslərlə bağlı olduğunu diqqətə çatdırdı. Azərbaycanda da kəskin qiymət artımının olduğunu vurğuladı”. Deputatın sözlərinə görə, prezident inflyasiya və qiymət artımlarının təsirlərini azaltmaq üçün müəyyən işlərin görülməsinə dair göstərişlər verib:“Prezident bu yaxınlarda “Əhalinin sosial rifahının yaxşılaşdırılması sahəsində əlavə tədbirlər haqqında” sərəncam imzalayıb. Bununla da maaş və pensiyaların məbləği artırıldı. Cənab Prezidentin bu sərəncamı çox mühümdür. Çünki artım 700 minə yaxın insanın maaşına təsir edəcək. Hazırda müavinətlərin məbləği də aşağıdır. Beləliklə, sosial müavinətlərlə bağlı Nazirlər Kabinetinə göstəriş verilib. Kənardan çoxlu məhsullar idxal etdiyimiz üçün Azərbaycanda güclü inflyasiya və qiymət artımı var. Əlbəttə, bu səbəbdən maaş və pensiyaların məbləğinin artırılması qiymət artımları ilə adekvat deyil. Ancaq gedişat göstərir ki, 2023-cü ildə inflyasiya, qiymət artımı elə də yüksək olmayacaq. Bunun qarşısı müəyyən mənada alınacaq”. “Qeyd edim ki, süni qiymət artımları da ola bilər. Pensiya və maaşlar artdıqdan sonra möhtəkirlər bundan istifadə etməyə başlayacaq. Əmək və Əhalinin Sosial Müdafiəsi Nazirliyi və İqtisadiyyat Nazirliyi problemin qarşısını almaq üçün ciddi işlər görməlidir. Çünki qiymət artımı olduqda insanlar maaş və pensiyalarına daxil edilən əlavə vəsaiti hiss etmirlər”,- deyə V.Əhmədov vurğulayıb. Bəs, bugünkü şəraitlə əlaqədar olaraq minimum əməkhaqqı nə qədər olmalıdır?. V.Əhmədov suala cavabında deyib: “İnsanların normal yaşayıb, fəaliyyət göstərməsi üçün 500-1000 manat arası vəsait lazımdır. Bu qiymət artımlarının təsirini müəyyən qədər azalda bilər. Müavinət məsələsinə də baxılmalı, imkan daxilində onun məbləği 180 manatdan heç olmasa 280 manata qaldırılmalıdır. Müavinət kifayət qədər vacib məsələdir”.
11-01-2023, 17:24
Erməni deputatdan Paşinyanın yalan söyləməsiylə bağlı ittiham
Ermənistan parlamentinin deputatı, insan haqları və ictimaiyyətlə əlaqələr komissiyasının sədri Taquhi Tovmasyan baş nazir Nikol Paşinyanı xalqı aldatmaqda ittiham edib. Deputat dünənki mətbuat konfransı zamanı Paşinyanın itkin düşən hərbçilərlə bağlı yalan danışdığını söyləyib. O bildirib ki, 44 günlük müharibədə itkin düşənlərin - hələ də tapılmayan təxminən 200 hərbçinin axtarışları ötən ilin yanvarından dayanıb. "Paşinyan təəssüf ki, hər şeylə məşğul olduğu barədə rəy yaratmaq istəyir", - erməni deputat şikayətlənib. Qeyd edək ki, Ermənistan baş naziri dünənki mətbuat konfransında itkin düşən hərbçilərlə bağlı suala cavabında axtarışların davam etdirildiyini bildirmişdi.
11-01-2023, 17:21
İranda keçirilən aksiyalarda 520 etirazçı öldürülüb
İranda keçirilən etiraz aksiyalarında 520 nəfər həlak olub. Bu barədə ABŞ mərkəzli İranda Hüquq Müdafiəçiləri təşkilatı teleqramda məlumat yayıb. Bildirilib ki, ölənlərin 70-nin yaşı 18-dən az olan şəxslərdir. Məlumata görə, aksiyalarda 19 396 nəfər həbs olunub. Onlardan 4888 nəfərin kimliyi və saxlanılma yeri bəlli deyil. Həbs olunan şəxslərdən 708 nəfəri tələbədir. Ümumilikdə nümayişlərə 144 universitetin tələbələri qoşulub. Bundan əlavə, ölkənin 163 şəhərini əhatə edən aksiyalarda güc strukturlarının 68 nümayəndəsi öldürülüb.
11-01-2023, 17:05
Ətrafına işıq saçan, nur saçan
Ömürlərə çığır salan, yol açan
Yaşlandıqca, qocaldıqca ucalan,
Bir ömür var, o müəllim ömrüdür.
Bu gün 32 nömrəli tam orta məktəbin Coğrafiya müəllimi, Radə müəllimin doğum günüdür. Sinif rəhbəri Minarə müəllim, müəllimlər, şagirdlər, Əliyev Avtandil, Abdullazadə İbrahim, Muradov İsmayıl, Əliyev Əli, İsmayıllı Əli, Abdullayev Yusif və valideyinlər adından Radə müəllimi təbrik edir, ona can sağlığı, işlərində müvəffəqiyyətlər arzu edirik.
Müəllim ömrünüz gözəl, təravətli, canınız sağlam olsun.
Doğum gününüz mübarək!
11-01-2023, 16:26
ABŞ prezidenti tapılan məxfi sənədlərlə bağlı açıqlama verdi
ABŞ prezidenti Co Bayden əvvəllər çalışdığı beyin mərkəzində tapılan məxfi sənədlərdən danışıb. O, sənədlərdən xəbərsiz olduğunu bildirib. "Bu məlumatı öyrənəndə təəccübləndim. Həmin sənədlərin məzmunundan xəbərsiz idim. Bunu bilmirdim", - deyə ABŞ prezidenti bildirib. Qeyd edək ki, Baydenlə əlaqəli beyin mərkəzində onun vitse-prezident olduğu dönəmdə istifadə etdiyi xidməti kabinetdən gizli dövlət sənədləri aşkarlanmışdı. Respublikaçılar 2017-2019-cu illərdə Baydenin oturduğu otaqdan tapılan məxfi materialları onun oğurladığını iddia edirdilər.
11-01-2023, 16:24
Ceyhun Bayramov ABŞ rəsmisiylə bir sıra məsələləri müzakirə etdi
Yanvarın 10-da Azərbaycan Respublikasının xarici işlər naziri Ceyhun Bayramovun Amerika Birləşmiş Ştatları dövlət katibinin Avropa və Avrasiya məsələləri üzrə köməkçisi Karen Donfrid ilə telefon danışığı baş tutub. Xarici İşlər Nazirliyinin Mətbuat xidməti idarəsindən verilən məlumata görə danışıq zamanı tərəflər, iki ölkə arasında əməkdaşlıq gündəliyini və bölgədə cari vəziyyəti müzakirə ediblər. Nazir Ceyhun Bayramov postmünaqişə dövründə Azərbaycan-Ermənistan münasibətlərinin normallaşması ilə bağlı Azərbaycan tərəfinin bir sıra konstruktiv təşəbbüslərinə baxmayaraq, Ermənistan tərəfindən prosesə davamlı əsasda müxtəlif təxribatlarla maneçilik törədildiyini diqqətə çatdırıb. Bu xüsusda, Ermənistan tərəfindən 2020-ci il 10 noyabr tarixli Üçtərəfli Bəyanat üzrə öhdəliklərin kobud şəkildə pozulmasına, Laçın yolundan hərbi təxribatlar, o cümlədən minaların qanunsuz daşınması və yerləşdirilməsi, qeyri-qanuni iqtisadi fəaliyyət və təbii sərvətlərin talanması, üçüncü ölkə vətəndaşlarının qanunsuz keçidi məqsədilə istifadə olunması kimi faktlara vurğu edilib. Ərazilərimizin 30 ilə yaxın davam etmiş işğalı zamanı və son dövrlər intensivləşmiş qeyri-qanuni fəaliyyətlərə qarşı Azərbaycan vətəndaş cəmiyyətinin Laçın yolunda etiraz aksiyasının haqlı tələblərinin hələ də yerinə yetirilmədiyi qeyd olunub. Nazir Ceyhun Bayramov guya Laçın yolunun Azərbaycan tərəfindən bağlanması nəticəsində erməni sakinlərin “blokada”ya alınması, bölgədə “humanitar fəlakət” yaranması barədə iddiaların tamamilə əsassız olduğunu bildirib. Gündəlik əsasda çox sayda Beynəlxalq Qızıl Xaç Komitəsi, Rusiya sülhməramlı kontingenti və digər humanitar məqsədli nəqliyyat vasitələrinin yoldan istifadə etdiyi barədə məlumat verilib. Erməni sakinlərin yoldan istifadə etməklə sərbəst hərəkətinə heç bir maneə olmadığı, ehtiyac olacağı təqdirdə ermənilərə yardım göstərmək niyyətləri barədə Azərbaycan tərəfinin bəyanatlarına baxmayaraq, yerli ermənilərin rəhbərləri kimi özlərini təqdim edən şəxslərin əhalinin yoldan istifadəsinə qarşı olması faktları diqqətə çatdırılıb. Azərbaycan tərəfinin dialoqa sadiqliyi və bölgədə sülhün bərqərar olması istiqamətində səyləri artırmağa daim hazır olduğu vurğulanıb. Tərəflər habelə qarşılıqlı maraq doğuran digər ikitərəfli və regional məsələlər ətrafında fikir mübadiləsi aparıblar.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!