13-05-2023, 20:14
Zelenski Roma papası ilə görüşdü
Ukrayna Prezidenti Volodimir Zelenski Roma papası Fransisk ilə görüşüb. Bu barədə Ukrayna KİV məlumat yayıb. Görüş 40 dəqiqə çəkib. Papa Fransisk və Zelenski bir-birinə hədiyyələr təqdim ediblər. Qeyd edək ki, Zelenski bu gün İtaliyaya səfər edib.
13-05-2023, 19:29
Sübhan İsmayılov
Azərbaycanın və azərbaycanlıların ürəyi bu seçkilərdə Ərdoğan üçün döyünür
Sabah qardaş Türkiyədə keçiriləcək prezident seçkiləri Azərbaycanda görünməmiş həyəcanla izləniləcək. Seçki prosesi eyni zamanda Qərbin, xüsusi ilə qardaş ölkədə sözəbaxan prezident, sözəbaxan iqtidar görmək istəyən ABŞ-ın da xüsusi diqqətindədir.
ABŞ və onun dirijorluğu ilə hərəkət edən bəzi Qərb ölkələri bütün resurları ilə Kılıcdaroğlunu dəstəkləyir, onun Türkiyə prezidenti olması üçün açıq və gizli çabalar göstərirlər.
Azərbaycanın və azərbaycanlıların ürəyi isə bu seçkilərdə Ərdoğan üçün döyünür... Şübhəsiz, Türkiyə bizim vətənimiz, bizim dövlətimizdi.Biz bir xalq - iki dövlətik. Türk xalqının seçimini biz öpüb gözümüz üstünə qoyacağıq. Ancaq və lakın... ürəklərdə Rəcəb Tayyib Ərdoğandı - Ər-do-ğan!!!
Azərbaycanın, azərbaycanlıların sayın Cumuhrbaşkanına bir vəfa borcu var. Azərbaycanın ağır günündə sinəsini Ermənistana dəstək verən dünya güclərinin qarşına verib- “Azərbaycan tək deyil ! ”, ”Mən varam,Türkiyə var ! ” - dediyi üçün... . “ Türkiyə bütün imkanları ilə Azərbaycanın yanındır ! ” dediyi üçün... Silahlı qüvvələrin Ali Baş Komandanı İlham Əliyevin “qoy hər kəs kənarda dursun, Ermənistan bizmlə təkbətək qalsın, onda biz gücümüzü hamıya göstərəcəyik” istəyinin reallaşmasına yardımçı olduğü üçün...
...Hamımızın yadındadı, bütün varlığıyla türkçü olan, özünü Atatükün əskəri adalandıran mərhum prezident Əbülfəz Elçibəy mühasirədə qalmış qoca-ahıl kəlbəcərliləri xilas etmək üçün Türkiyədən bir neçə mülki helikopter istəmişdı. O vaxtkı Türkiyə rəhbərləri, ən elementar humanist prinsipləri geri çevirərək “biz müharəbəyə qarışma bilmərik ” bəhanəsiylə bundan imtina etdilər.
Ərdoğan isə 44 günlük müharibə boyu dəfələrlə “Türkiyə silahı ilə, əskəri ilə Azərbaycanın yanındadı” dedi. F-16-larını müharibə zonasına yaxın Gəncədə saxladı və kimsə kənardan müdaxilə edərsə, F-16-lar dərhal havalancaq dedi. Bu mesajı Ali Baş Komandanımız da, barmaq silkələyərək həmin güclərə çatdırdı və hər kəs durduğu yerdəcə qaldı... Və müzəffər Ali Baş Komandanımız cəmi 44 gündən sonra dünyaya qələbə raportu verdi!
Əziz Türkiyəmiz, türk bacı-qardaşlarımız! Biz Cumurbaşkanımıza vəfa borcumuzu yalnız dualar etməklə, ona yenidən Türkiyə prezidenti seçilməsi diləklərimizi çatdırmaqla veririk. Biz Türkiyəmizi güclü, qüdrətli, dunyada söz sahibi - möhtəşəm görmək istəyirik! Türkiyəni bu yerlələrə sahibləndirmiş Rəcəb Tayyib Ərdoğanala davan etməsini istəyirik!
Əminik ki, Türkiyəmizin sabahkı seçimi düşmənləri
məyus, dostları məmnun edəcəkdir!
13-05-2023, 19:27
Ukrayna prezidenti italiyalı həmkarıyla görüşdü
Ukrayna Prezidenti Volodimir Zelenski Romada italiyalı həmkarı Sercio Matarella ilə görüşüb. Matarella Zelenskini Quirinale adlanan prezident sarayında qarşılayıb. İtaliya Prezidenti Zelenskiyə tam dəstəyini ifadə edib, Zelenski isə dəstəyə görə ona təşəkkür edib.
13-05-2023, 19:19
Türkiyədə seçkilərlə bağlı təbliğat qaydası dayandırıldı
Türkiyədə sabah keçiriləcək seçkilərdə təbliğat kampaniyası bu gün yerli vaxtla saat 18:00-da dayandırılıb. Prezidentliyə namizədlər və siyasi partiya nümayəndələri son çıxışlarını TRT telekanalları və radioları ilə ediblər. Parlament seçkilərinə qatılan 24 partiyanın təmsilçiləri saat 12:53-dən etibarən püşklə müəyyənləşən sıra ilə vədlərini seçicilərə çatdırıb. Xatırladaq ki, Türkiyədə mayın 14-də keçiriləcək prezident və parlament seçkilərində 60 milyon 697 min 843 seçici səs verəcək.
13-05-2023, 18:09
Fransada nümayişlərin təşkili qadağan edildi
Bu il mayın 16-dan 27-dək Fransada 76-cı Kann Film Festivalı keçiriləcək. Kann şəhərinin yerləşdiyi Alpes-Maritimes vilayətinin rəhbərliyi tərəfindən dərc edilən qərarda şəhərin festival zamanı 120 min insanı qəbul edəcəyi bildirilib. Vilayət rəhbərliyi tərəfindən verilən qərarda qeyd edilib ki, mayın 16-dan mayın 28-si saat 06:00-dək festival ərazisində nümayiş təşkil etmək qadağan olunub.
13-05-2023, 16:37
Latviyada təhsil alan tələbəmiz vəfat etdi
Latviyada azərbaycanlı tələbə Həşimli Mircavad Mirvardər oğlu müəmmalı şəkildə vəfat edib. Bu ölkədə ali təhsilini davam etdirən 22 yaşlı M.Həşimlinin ailəsinə onun Latviyada göldə boğulduğu bildirilib. Bu gün M.Həşimlinin cənazəsi Azərbaycana gətirilərək dəfn edilib. Yaxınlarının verdiyi məlumata görə, Mircavad Həşimli hadisədən əvvəl anası ilə danışıb və daha sonra yaşadığı evi tərk edib. Bir neçə saat sonra onun suda boğulması barədə məlumat gəlib. Ailəsi Mircavadın telefonunun onun boğulduğu deyilən ərazidən təxminən 5 kilometr uzaq məsafədən tapıldığını deyib. Bildirilir ki, ziyalı ailəsindən olan və bir neçə xarici dil bilən Mircavad Həşimli ali təhsilini ADA Universitetində fransız dilində alıb. O, daha sonra təhsilini davam etdirmək üçün Latviyaya gedib.
13-05-2023, 15:33
Ərdoğandan ABŞ prezidentinə mesaj
Türkiyə Prezidenti Rəcəb Tayyib Ərdoğan İstanbulun Ümraniyyə ərazisində keçirilən mitinqdə iştirak edib. Ərdoğan burada ABŞ Prezidenti Co Baydenə də mesaj göndərib. O, sabah keçiriləcək seçkinin nəticəsinin Baydenə dərs verəcəyini bildirib: "Bilirsiniz, ölkəmizin təhlükəsizlik maraqları üçün Aralıq dənizində, Egeydə dik durduğumuz məsələlər var, NATO-da hamısı təslimçilik bayrağını qaldıracaq. Kamal bəy nə deyir, Rusiyaya qarşı sanksiyalar tətbiq edəcəyik deyir. Bu nə ağıldır, bu nə anlayışdır? Bu günə qədər Rusiya kənd təsərrüfatı məhsullarında bizim ən mühüm müttəfiqlərimizdən biridir. Müdafiə sənayesində də belədir, eyni şəkildə Rusiyadan turist axını ilə bizə 5,5 milyona yaxın turist gəlir. Amerikadan aldığın sifarişlə bunu edəcəksən? Bunu Baydenin göstərişi ilə edəcəksiniz? Bayden əmr verdi ki, Ərdoğanı devirmək lazımdır, bunu bilirəm. Bunu bütün xalqım bilir. İndi sabah seçki qutularında Baydenə cavab verəcəyik. Rusiya hökumətinin sözçüsü nə deyir? Deyir, izah etsin, sübut etsin. Hər hansı bir sübut varmı? Yox, sonra qıvrılmağa başlayır, deyir, belə eşitmişəm, deyir sübut yoxdur, amma ola bilər. Bu necə siyasətdir? Mənim xalqım bu ölkəni sizə təslim etməyəcək".
13-05-2023, 15:23
Mədəniyyət nazirinə yeni müavin təyin olundu
Fərid Cəfərov Azərbaycan mədəniyyət nazirinin müavini təyin edilib. Bakı Dövlət Universitetinin beynəlxalq hüquq fakültəsində təhsil alan Fərid Cəfərov bu təyinata qədər Azərbaycan Respublikası Gənclər Fondunun icraçı direktoru olub. Eyni zamanda Heydər Əliyev Fondunda çalışıb, Heydər Əliyev Mərkəzinin humanitar və sosial layihələr departamentinin direktoru olub.
13-05-2023, 15:00
Hərbiçimiz dəfn olundu
Ermənistan ordusunun təxribatı nəticəsində şəhid olan hərbçimiz Məhəmməd Qarayev dəfn olunub. O, Qəbələ şəhərində torpağa tapşırılıb.
13-05-2023, 13:09
Sabahın hava proqnozu
Mayın 14-də gözlənilən hava şəraiti açıqlanıb. Milli Hidrometeorologiya Xidmətindən bildirilib ki, Bakıda və Abşeron yarımadasında buludlu hava şəraiti üstünlük təşkil edəcək. Bəzi yerlərdə arabir yağış yağacağı gözlənilir. Gündüz yağışda fasilə olacaq. Arabir güclənən şimal-qərb küləyi əsəcək. Havanın temperaturu gecə 8-12° isti, gündüz 13-16° isti olacaq. Atmosfer təzyiqi norma daxilində 760 mm civə sütunu təşkil edəcək. Nisbi rütubət 65-75 % olacaq. Azərbaycanın rayonlarında bəzi yerlərdə arabir yağıntılı olacağı gözlənilir. Ayrı-ayrı yerlərdə intensiv olacağı, şimşək çaxacağı, dolu düşəcəyi, yüksək dağlıq ərazilərdə qar yağacağı ehtimalı var. Bəzi yerlərdə duman olacaq. Mülayim qərb küləyi bəzi yerlərdə arabir güclənəcək. Havanın temperaturu gecə 9-14° isti, gündüz 15-19° isti, dağlarda gecə 0-3° isti, gündüz 3-5° isti olacaq.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!