5-06-2023, 12:09
Tərəflər arasında tam razılıq əldə olunmayan məqamlar var - XİN başçısı
Vaşinqton danışıqlarının praktiki olaraq müsbət nəticələri olub. Bunu Azərbaycanın xarici işlər naziri Ceyhun Bayramov jurnalistlərə açıqlamasında bildirib. Onun sözlərinə görə, Azərbaycan və Ermənistan arasında razılaşdırılmış maddələrin sayı artıb. “Hələ də açıq qalan məsələlər, tərəflər arasında tam razılıq əldə olunmayan məqamlar var. Ona görə də proses davam edəcək”, - nazir qeyd edib. Xatırladaq ki, 1-4 may 2023-cü il tarixlərində ABŞ-ın Virciniya ştatının Arlinqton şəhərində Azərbaycan Respublikasının xarici işlər naziri Ceyhun Bayramov və Ermənistan Respublikasının xarici işlər naziri Ararat Mirzoyan arasında danışıqlar aparılıb.
5-06-2023, 11:57
Ermənistan Qarabağın statusu ilə bağlı danışıqlar aparmağa iddialı deyil
"Ermənistan Qarabağın statusu ilə bağlı danışıqlar aparmağa iddialı deyil". Bunu Ermənistan XİN rəhbəri Ararat Mirzoyan 2022-ci il büdcəsinin icrasının müzakirəsi zamanı bildirib. "Biz Qarabağ ermənilərindən onların gələcəyi ilə bağlı danışıqlar aparmaq üçün mandat almamışıq. Statusun müəyyən edilməsi məsələsinə də biz iddia etmirik və buna cəhd də etmirik". Mirzoyanın sözlərinə görə, Ermənistan-Azərbaycan nizamlanması prosesində İrəvanın danışdığı yeganə şey Qarabağ əhalisi ilə rəsmi Bakı arasında dialoq mexanizminin yaradılması ilə bağlıdır: "İrəvan bu dialoq üçün platforma yaratmalıdır".
5-06-2023, 11:48
Rusiya ilə Ermənistan arasında nüvə sənayesi üzrə əməkdaşlıq artır
"Rusiya texnologiyaları Ermənistanda yeni atom elektrik stansiyasını sıfırdan olmamaq şərtilə tikməyə imkan verəcək". Bunu "Rosatom"un mütəxəssisi İlya Vergizayev İrəvanda nüvə texnologiyalarının inkişafına dair konfransda bildirib. "Ermənistan və Rusiya arasında stansiyaların tikintisi və istismarı üçün ümumi normativ baza mövcuddur ki, bu da mövcud stansiyadan yeni stansiyaya problemsiz keçidə imkan verəcək. Stansiyanın həm reaktoru, həm də digər aqreqatları son 30 ildə yenilənmiş sovet texnologiyaları əsasında tikilib", - mütəxəssis deyib. "Bundan əlavə, “Rosatom” hələ də Ermənistan AES-in yerləşdiyi ərazinin xüsusiyyətləri haqqında sovet məlumatlarını saxlayıb. Həmçinin Ermənistanın nüvə sənayesi Rusiya Federasiyasının istehsal və tədqiqat mərkəzləri ilə əlaqələr saxlayır", - o əlavə edib.
5-06-2023, 11:37
İranın Rusiyaya silah satdığını sübut edən müqavilə aşkarlandı
İranın Rusiyaya silah satdığını sübut edən müqavilə ortaya çıxıb. Silah müqaviləsi adı açıqlanmayan təhlükəsizlik mənbəyi tərəfindən "Sky News" agentliyinə təqdim edilib. Agentlik iddia edir ki, 14 sentyabr 2022-ci il tarixində imzalanan 16 səhifəlik sənəd dəyəri 1 milyon dollardan çox olan silah satışını ehtiva edir. Müqavilə artilleriya və tank mərmiləri, eləcə də raket hissələrinin satışını əhatə edir. Mənbə sənədin 100% həqiqi olduğunu bildirib. "Sky News" sənədləri may ayında Britaniyaya səfər edən Ukraynanın Baş naziri Denis Şmıqala və Böyük Britaniyanın xarici işlər naziri Ceyms Kleverliyə göstərdiyini bildirib.
5-06-2023, 11:10
Bankomatların faiz dərəcələri camaatı incidir - Deputat
“Bankomatların faiz dərəcələri camaatı incidir”. Bunu Milli Məclisin İqtisadi siyast, sənaye və sahibkarlıq komitəsinin iclasında deputat Rüfət Quliyev deyib. "Bankları idarə edən şəxslər sərin, rahat kabinetində oturub işlərini görürlər. Amma rayonlarda olan şəxslər bankomatların faiz dərəcələrindən əziyyət çəkirlər. Hər bankda bir faiz müəyyənləşib. Bunu standart 1,5 faiz edin, camaat əziyyət çəkməsin. Vətəndaş pul çıxarmaq istəyir, gərək şəhərin o başına getmək üçün 3 avtobus dəyişsin. Bu da cammatı yorur. Ona görə bankomatdan pul çıxarmaq üçün faizləri standart etmək lazımdır”,- deyə deputat bildirib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!