7-06-2023, 16:33
Ukrayna xalqıyla aramızda müharibə yoxdur, ABŞ-ın açıq təcavüzü var - Patruşev
"ABŞ Rusiya Federasiyası və Belarusa qarşı elan olunmamış müharibə aparır, Qərb siyasətçiləri bu haqda açıq danışırlar". Bunu Rusiya Təhlükəsizlik Şurasının katibi Nikolay Patruşev deyib. "Kaxovka su elektrik stansiyasının bəndinin dağıdılması Kiyev tərəfindən planlaşdırılan növbəti terror aktıdır. Rusiya və Ukrayna xalqları arasında müharibə yoxdur, yalnız ABŞ-ın açıq təcavüzü var. Ukrayna ətrafında böhranın davam etməsi ABŞ-dan başqa heç kimə sərfəli deyil. Ukraynadakı vəziyyət müdafiə sahəsində Rusiya-Belarus əməkdaşlığının dərinləşməsini vacib edir", - katib iddia edib. "BMT Təhlükəsizlik Şurasının Ukrayna ilə bağlı iclası göstərdi ki, Avropa Vaşinqtonun göstərişi ilə hərəkət edən ukraynalı millətçilərin cinayətlərini dəstəkləyir. ABŞ, Böyük Britaniya və onların Kiyevin fəaliyyətini əlaqələndirən NATO tərəfdaşları Kaxovka SES ilə bağlı vəziyyətə görə məsuliyyət daşımalıdırlar", - Patruşev iddialarını davam etdirib.
7-06-2023, 16:17
Ərdoğan ukraynalı həmkarıyla telefon danışığı apardı
Türkiyə prezidenti Rəcəb Tayyib Ərdoğanla ukraynalı həmkarı Volodimir Zelenski arasında telefon danışığı olub. Bu barədə Türkiyə PA-nın Kommunikasiya İdarəsi məlumat yayıb. Söhbət zamanı Rusiya-Ukrayna müharibəsi ətrafında müzakirə aparılıb. Ərdoğan Nova Kaxkova su anbarının vurulmasını araşdırmaq üçün komissiya yaratmağı təklif edib. Ədalətli sülh üçün danışıqlar yolunun əhəmiyyətinə diqqət çəkilib.
7-06-2023, 16:09
Mişustin: “Rusiya Ermənistanla əməkdaşlığa böyük əhəmiyyət verir”
"Rusiya Federasiyası Ermənistanla əməkdaşlığa böyük əhəmiyyət verir". Bunu Rusiyanın baş naziri Mixail Mişustin ermənistanlı həmkarı Nikol Paşinyanla Soçidə keçirdiyi görüşdə deyib. "Biz dağ-mədən sənayesinin energetika sektorunda, aqrar-sənaye kompleksində və s. sahələrdə yeni birgə layihələrin həyata keçirilməsində maraqlıyıq. Hazırda Rusiya Federasiyasının 70-ə yaxın subyekti Ermənistanla işləyir, birbaşa əlaqələr var. Keçən il Ermənistanda Rusiya regionlarının nümayəndələrinin iştirakı ilə 24 işgüzar missiya təşkil olunub”, - Mişustin bildirib.
7-06-2023, 15:55
Türkiyənin parlament iclasında təyin olunan yeni rəsmi nümayəndələr and içdi
Türkiyə parlamentinin iclası keçirilir. İclasa müvəqqəti spiker vəzifəsini tutan MHP lideri Devlet Bahçeli sədrlik edir. İclasda ölkənin yeni vitse-prezidenti Cevdet Yılmaz və nazirlər and içiblər. Parlamentin bugünkü toplantısının gündəliyində yeni spikerin seçilməsi məsələsi də var. Türkiyənin yeni hökumətinin tərkibi aşağıdakı kimidir:
Vitse-prezident: Cevdet Yılmaz
Ədliyyə naziri: Yılmaz Tunç
Ailə və sosial xidmətlər naziri: Mahinur Özdemir Göktaş
Əmək və sosial nüdafiə naziri: Vedat Işıkhan
Ətraf mühit, şəhərsalma və iqlim dəyişikliyi naziri: Mehmet Özhaseki
Xarici işlər naziri: Hakan Fidan
Enerji və təbii sərvətlər naziri: Alparslan Bayraktar
Gənclər və ndman naziri: Osman Aşkın Bak
Xəzinə və maliyyə naziri: Mehmet Şimşek
Daxili işlər naziri: Ali Yerlikaya
Mədəniyyət və turizm naziri: Mehmet Nuri Ersoy
Milli təhsil naziri: Yusuf Tekin
Milli müdafiə naziri: Yaşar Gülər
Səhiyyə naziri: Fahrettin Koca
Sənaye və texnologiya naziri: Mehmet Fatih Kaçır
Kənd təsərrüfatı və meşə təsərrüfatı naziri: İbrahim Yumaklı
Ticarət naziri: Ömer Bolat
Nəqliyyat və infrastruktur naziri: Abdulkadir Uraloğlu
7-06-2023, 15:51
İkiqat vergitutmanın aradan qaldırılması ilə bağlı saziş imzalandı
Azərbaycan və Slovakiya arasında ikiqat vergitutmanın aradan qaldırılması ilə bağlı saziş imzalanıb. Bu barədə Azərbaycan Xarici İşlər Nazirliyinin mətbuat xidməti məlumat yayıb. Bildirilib ki, Azərbaycan xarici işlər naziri Ceyhun Bayramovun Slovakiyaya işgüzar səfəri çərçivəsində Azərbaycan və Slovakiya arasında ikiqat vergitutmanın aradan qaldırılması və gəlirlərə görə vergidən yayınmanın qarşısının alınması haqqında Saziş imzalanıb. “Bu, ikitərəfli münasibətlərin daha da möhkəmlənməsinə töhfə verəcək”, - məlumatda qeyd olunub.
7-06-2023, 15:32
Paşinyan rusiyalı həmkarıyla görüşdü
Ermənistanın Baş naziri Nikol Paşinyan rusiyalı həmkarı Mixail Mişustinlə görüşüb. Bu barədə "Sputnik Armenia" məlumat yayıb. Bildirilib ki, görüş Soçidə baş tutub. Danışıqların detalları hələlik açıqlanmayıb.
7-06-2023, 13:31
Təqdim edilmiş sifarişlər üzrə hazırda borc yoxdur - Nazir müavini
"Dövlət büdcəsi çərçivəsində təqdim olunmuş sifarişlər 1-2 gün ərzində icra olunur və bu günə bizdə icra olunmamış sifariş yoxdur". Bunu Milli Məclisin İqtisadi siyasət, sənaye və sahibkarlıq komitəsinin iclasında maliyyə nazirinin müavini Azər Bayramov azad olunmuş ərazilərdə fəaliyyət göstərən şirkətlərdən daxil olan şikayətlərə münasibət bildirərkən deyib. “Təqdim edilmiş sifarişlər üzrə hazırda bir qəpik belə borc yoxdur. Bizim planlaşdırdığımız büdcə xərclərimiz beş ayda 103% icra olunub. Resurs baxımından dövlət büdcəsinin gəlirlərini nəzərə alaraq bizim heç bir problemimiz yoxdur. Qanunuvericiliklə daxil olan öhdəliklərin maliyyələşdirilməsində probemimiz yaşanmır. Qarabağdakı podratçılarla bağlı problem başqa istiqamətdədir. Bu, açılmış vəsaitlərlə görülmüş işlərin tam uyğun olmamasındadır. Biz keçən il qənaət olunmuş bütün vəsaitləri, təqribən 1,5 milyard manat vəsaiti əlavə olaraq sırf işğaldan azad edilmiş ərazilərin bərpasındakı tikinti işlərinə ayırdıq. Bu il təqdim etdiyimiz dürüstləşmədə planlaşdırlan məbləğin 3/2-si yenə o istiqamətdədir", - Azər Bayramov vurğulayıb.
Nazir müavini qeyd edib ki, sifarişçi ilə podratrçı arasında münasibətlər normal tənzimlənməlidir: "Onların gördüyü işin büdcədə nəzərdə tutulub-tutulmaması müəyyənləşdirilməlidir. Amma bizə büdcə çərçivəsində təqdim olunmuş sifarişlər dərhal bir-iki gün ərzində icra olunur və bu günə bizdə icra olunmamış sifariş yoxdur”. İqtisadiyyat nazirinin müavini Elnur Əliyev də bildirib ki, Qarabağda icraolunmamış sifariş yoxdur: “Nəzərdə tutulan hər bir işin ödənişi edilib. Podratçı şirkətlər belə problemlərlə üzləşir və İqtisadiyyat Nazirliyinə müraciət edir ki, bizim pulumuzu verin. İnvestisiya proqramında nəzərdə tutulan işlər üzrə bütün ödənişlər edilib. Bəzən olur ki, proqramda nəzərdə tutulandan kənar işlər görülür və həmin işlər cari il üçün proqramda olmur. Sonra da podratçılar deyir ki, pulumuzu verin”. Qeyd edək ki, deputat Elnur Allahverdiyev Qarabağda fəaliyyət göstərən şirkətlərə büdcədən ödənişlərdə gecikmələrin olduğunu və bununla bağlı narazılığın yaşandığını açıqlayıb.
7-06-2023, 13:26
Bu il peşə təhsilində 6 yeni ixtisasa qəbul aparılacaq
"Bu il peşə təhsilində 6 yeni ixtisasa qəbul aparılacaq". Bunu Peşə Təhsili üzrə Dövlət Agentliyinin direktor vəzifəsini icra edən, direktor müavini Ceyhun Kərəmov media nümayəndələri ilə görüşdə deyib. O bildirib ki, bunlardan 2-si yüksək texniki peşə, 4-ü isə texniki peşə üzrədir:"Yüksək texniki peşə sahəsi üzrə yeni ixtisaslar - Kompüter şəbəkələri və şəbəkə inzibatçılığı, Kənd təsərrüfatı və inşaat texnikası (maşınlarının) istismarı, texniki peşə üzrə yeni ixtisaslar (1 illik) isə Rabitə quraşdırıcısı-kabelçi - Rabitə və İT üzrə BDPTM, Kombi və kondisioner ustası - (Cəlilabad), Planer və mühərrik üzrə mexanik (Aviasiya və Avtomobil Nəqliyyatı) və Unüyütmə istehsalının aparatçısıdır". Ceyhun Kərəmov həmçinin deyib ki, peşə təhsili müəssisələrində çalışan müəllim və təlim ustalarının rifahının yaxşılaşdırılması üçün təkliflər hazırlanır: "Bu təklif həm Elm və Təhsil Nazirliyinə, həm də digər aidiyyəti qurumlara təqdim olunacaq. Hesab edirəm ki, bu sahədə çalışan şəxslərin əməkhaqlarının artırılması labüddür. Həmçinin ümumtəhsil məktəbləri ilə müqayisədə burada çalışan pedaqoji heyət də azdır. Ona görə onların əməkhaqlarının artırılmasının elə də böyük maliyyə yükü yaratmayacağını düşünürəm".
7-06-2023, 13:10
Qərbi Azərbaycan İcmasının yeni loqosu ictimaiyyətə təqdim edildi
Qərbi Azərbaycan İcmasının yeni loqosu ictimaiyyətə təqdim edilib. Təqdimat mərasimi ilə bağlı keçirilən mətbuat konfransında icmanın sədri, millət vəkili Əziz Ələkbərli media nümayəndələrinə loqo barədə məlumat verərək bildirib ki, loqonun tərtibatında İrəvan xanlığının bayrağında yer alan günəş və Azərbaycan dövlətinin rəmzlərindən biri olan səkkiz guşəli ulduz bir-biri ilə sintez edilərək Azərbaycan bayrağının rənglərində təcəssüm olunub. Üçbucaq şəklində olan hər bir ikon öz evlərindən deportasiya olunmuş qərbi azərbaycanlıları təmsil etməkdədir. İkonların üçkünc olması rəmzi olaraq öz ata-baba yurdlarına qayıtmaq istəyi ilə yaşayan soydaşlarımızın evlərinə doğru olan istiqamətini ifadə etməkdədir. Üçbucaq ikonların dairə şəklində birləşməklə yaratdığı birlik Qərbi Azərbaycan İcmasını təmsil edir. Mətbuat konfransında loqonun tərtibatçısı, Türkiyədə yaşayan tanınmış azərbaycanlı dizayner Adəm Yunisovun onlayn çıxışı dinlənilib. Adəm Yunisov məhz onun dizayn etdiyi loqonun seçilməsindən məmnunluğunu ifadə edərək İcmaya uğurlar diləyib. Qeyd edək ki, Adəm Yunisov 1978-ci ildə Azərbaycanda doğulub. Ali təhsilini Ankarada Haccetepe Universiteti Kompüter mühəndisliyi bölümündə alıb. Türkiyədə şirkət yaradan dizayner öz layihələri, qazandıqları uğurlarla müxtəlif ölkələrdə tanınır. Adəm Yunisov ilk dəfə öz vətənində Bakıda keçirilən Birinci Avropa Oyunlarının loqosunun müəllifi kimi məşhurlaşıb. Türkiyə Cümhuriyyətinin 100 illiyinə həsr olunmuş loqotip də onun əl işidir. Adəm Yunisov həmçinin Türk Dövlətləri Təşkilatının ali ordeni olan “Türk Dünyasının Ali Ordeni”nin dizayn müəllifidir.
7-06-2023, 13:09
İşğaldan azad edilən ərazilərə köçürüləcək ailələrin sayı müəyyənləşdi
Biz Prezident İlham Əliyevin rəhbərliyi altında həyata keçirilən bərpa-quruculuq prosesi haqqında məlumat verdik. Artıq 3 yaşayış məntəqəsinə bizim keçmiş məcburi köçkün soydaşlarımız köçüb, firavan yaşayır. Bunu Qarabağ iqtisadi rayonuna daxil olan işğaldan azad edilmiş ərazilərdə (Şuşa rayonu istisna olmaqla) Azərbaycan Respublikası Prezidentinin xüsusi nümayəndəsi Emin Hüseynov Şuşada jurnalistlərə açıqlamasında deyib. Böyük Qayıdış üzrə Birinci Dövlət Proqramına əsasən, 2026-cı ilin sonuna kimi 34 min 500 ailənin işğaldan azad olunmuş ərazilərə köçürülməsinin hədəfləndiyini deyən E.Hüseynov bildirib: “Bununla bağlı müxtəlif dövlət qurumları arasında, əməkdaşlıq şəraitində bütün məsələlər əlaqələndirmə qərargahı çərçivəsində əlaqələndirilir”. Onun sözlərinə görə, insanlarımızın həsrətində olduqları doğma torpaqlarımıza qayıdışı, həm onların yaşayış şəraiti, həm də işlə təmin olunmaları Prezident İlham Əliyev tərəfindən qarşımıza qoyduğu əsas vəzifədir ki, bunun üzərində işlər davam edir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!