24-08-2023, 17:51
Ermənistanın qeyri-konstruktik mövqeyi tam nəticə əldə etməyə imkan vermir
Təbii ki, biz post-münaqişə mövzusunda danışarkən digər istiqamətlərdə aparılan layihələr və danışıqlar barədə də fikir mübadiləsi apardıq.
Bunu Azərbaycan xarici işlər naziri Ceyhun Bayramov Belçikanın xarici işlər naziri Hadja Labiblə birgə keçirdiyi mətbuat konfransında deyib.
“Üçtərəfli bəyanatda nəzərdə tutulduğu kimi, Ermənistanın bir sıra öhdəlikləri diqqətə çatdırıldı. Hansı ki bunlardan nəqliyyat-kommunikasiyaların açılması, Azərbaycanla Naxçıvan arasında kommunikasiyaların açılması əsas məqamlardan biridir. Bu istiqamətdə iki il yarım gedən danışıqlarda bəlli bir irəliləyiş olsa da, Ermənistanın qeyri-konstruktik mövqeyi tam nəticə əldə etməyə imkan vermir”, - nazir əlavə edib.
24-08-2023, 17:43
Belçika XİN: “Azərbaycanın ərazi bütövlüyünə hörmətlə yanaşılmalıdır”
Qarabağla bağlı narahatlığımızı bildirdik.
Bunu Belçika xarici işlər naziri Hadja Labib Azərbaycan xarici işlər naziri Ceyhun Bayramovla birgə mətbuat konfransında deyib.
"Təşəkkür edirəm ki, bizimlə bu məsələləri müzakirə etdiniz. Mən Ararat Mirzoyana bildirdim ki, indi dayanıqlı sülh əldə olunsması üçün tarixi fürsətdir. Biz bu məsələdən dialoqla çıxa bilərik. Səmimi şəkildə bildirirəm ki, əla fürsətdir. Azərbaycanın ərazi bütövlüyünə hörmətlə yanaşılmalıdır. Sülh təşəkkül tapmalıdır. Budur səfərimizin məqsədi", - o deyib.
24-08-2023, 17:36
Qarabağdakı ermənilərin idarəçilər kimi qələmə verilməsi qınanılmalıdır - XİN Başçısı
Laçın dəhlizi ətrafındakı prosesləri müzakirə etdik.
Bunu Azərbaycan xarici işlər naziri Ceyhun Bayramov Belçikanın xarici işlər naziri Hadja Labiblə birgə keçirdiyi mətbuat konfransında deyib.
O qeyd edib ki, Laçın sərhəd-buraxılış məntəqəsinin yaradılması erməniləri qıcıqlandırıb:
"Bunu həzm etməyən ermənilər təxribatlara əl atıb. Ancaq Azərbaycan konstruktiv yol tutub. Bu gün də yoldan ermənilər keçirlər. Humanitar yüklərin daşınması üçün Ağdam-Xankəndi yolunu təklif etdik. Ermənistanın bunu bloklamağa çalışması qəbuledilməzdir. Humanitar yardımın siyasiləşdirilməsi qəbuledilməzdir. Əgər bir tərəf bir yolu qəbul edib, digərini qəbul etmirsə, bu hadisənin siyasiləşdirilməsi cəhdini göstərir. Azərbaycan bunun üçün addımlar atıb. Lakin Qarabağdakı ermənilərin idarəçilər kimi qələmə verilməsi beynəlxalq aləm tərəfindən qınanılmalıdır"
24-08-2023, 17:29
Seperatçılığın təbliğatını aparan erməni axtarışa verildi
1970-ci ildə Bakı şəhərində anadan olmuş, hazırda Azərbaycan Respublikasının Xankəndi şəhərində yaşayan Matevosyan Karen Eduardi avqustun 21-də "Telegram" və digər internet informasiya resurslarında rus dilində yayımlanmış videomüraciəti üzrə Baş Prokurorluğun İstintaq idarəsində cinayət işi başlanaraq ibtidai istintaq aparılır.
Bu barədə Azərbaycanın Baş Prokurorluğun Mətbuat Xidmətindən məlumat verilib.
İş üzrə K.Matevosyan Cinayət Məcəlləsinin 279.1 (qanunvericiliklə nəzərdə tutulmayan silahlı birləşmələr və qruplar yaratma) və 283.1-ci (milli nifrət və düşmənçiliyin salınması) maddələrilə təqsirləndirilən şəxs qismində cəlb olunaraq axtarışa verilmiş və barəsində məhkəmənin qərarı ilə həbs qətimkan tədbiri seçilmişdir.
Hazırda ibtidai istintaq davam etdirilir, nəticəsi barədə ictimaiyyətə ətraflı məlumat veriləcəkdir.
24-08-2023, 17:22
Ceyhun Bayramov belçikalı həmkarıyla Zəngəzur dəhlizini müzakirə etdi
Görüş zamanı ikitərəfli iqtisadi əlaqələrdən söhbət aparmışıq.
Bunu Azərbaycan xarici işlər naziri Ceyhun Bayramov Belçikanın xarici işlər naziri Hadja Labiblə birgə keçirdiyi mətbuat konfransında deyib.
"Azərbaycanda 18 Belçika şirkəti fəaliyyət göstərir. 2022-ci ildə ticarət dövriyyəsi 80 milyon ABŞ dolları olub. Biz Belçikaya 250 milyon dollar investisiya qoymuşuq. Belçika isə ölkəmizə 120 milyon ABŞ dollar investisiya yatırıb", - nazir bildirib.
Ceyhun Bayramov qeyd edib ki, Hadja Lahbib ilə Zəngəzur dəhlizinin açılması məsələsini də müzakirə edib. Görüş zamanı Şərq-Qərb Orta dəhlizi və onun artan rolu barədə danışıblar. C.Bayramov Zəngəzur dəhlizinin də Şərq qərb dəhlizinin yeni bir qolu kimi əhəmiyyətini belçikalı nazirin diqqətinə çatdırıb.
24-08-2023, 16:54
XİN Ukraynanı Müstəqillik Günü münasibətilə təbrik etdi
Azərbaycan Xarici İşlər Nazirliyi (XİN) Ukraynanı Müstəqillik Günü münasibətilə təbrik edib.
Bu barədə nazirliyin X-dəki rəsmi səhifəsində paylaşım edilib.
“Müstəqillik Günü münasibətilə dost Ukrayna hökuməti və xalqını təbrik edirik. Biz strateji əməkdaşlığımızı genişləndirməyi səbirsizliklə gözləyirik.
Milli bayramınız mübarək!”, - paylaşımda deyilir.
24-08-2023, 16:50
Laçının 98 yaşlı sakini doğma yurduna qayıtdı
Laçın şəhərinin 98 yaşlı sakini Nərgiz Xəlil qızı Əsədova 30 illik ayrılıqdan sonra doğma yurda qayıdıb.
Bu barədə Qaçqınların və Məcburi Köçkünlərin İşləri üzrə Dövlət Komitəsindən məlumat verilib.
Artıq bir aydan çoxdur ki, o, şəhərdəki bərpa olunmuş evində yaşayır. Laçını daha da abad görməsindən böyük sevinc və qürur hissi keçirir. Buradakı yeni həyatından, onlar üçün yaradılmış şəraitdən razılıq edən Nərgiz nənə dövlətimizin başçısı, cənab Prezident İlham Əliyevə minnətdarlıq bildirir...
Dövlət Komitəsi Ərazisi işğaldan azad olunmuş rayonların sakinləri ilə müsahibələr əsasında videoçarxların hazırlanmasını davam etdirir.
24-08-2023, 15:56
Priqojinlə birlikdə təyyarədə ölənlərin siyahısı müəyyənləşdi
Xəbər verdiyimiz kimi, Rusiyada "Vaqner" muzdlularının rəhbəri Yevgeni Priqojinin də göyərtəsində olduğu təyyarənin qəzaya uğraması nəticəsində bütün sərnişinlər və ekipaj üzvləri həyatını itiriblər.
Valeri Çekalov Priqojinə ən yaxın "menecer"lərdən biri imiş. O, 2000-ci illərdən oliqarxın yanındadır. Priqojin Moskvada məktəblərin ərzaq bazarını ələ keçirəndə layihəyə Çekalov rəhbərlik edib. O, sonradan hərbçilər üçün ərzaq tədarükü müqavilələrinə də cavabdehlik daşıyıb. Çekalov Priqojinin xaricdəki bütün “mülki” layihələrinə, istər geoloji kəşfiyyat, istər neft hasilatı, istərsə də kənd təsərrüfatı kimi layihələrə nəzarət edib. O, həmçinin "Vaqner"in logistika və təminatına da cavabdeh olub. Suriya və Afrikadakı bütün layihələrinin bağlı olduğu özəl şirkətlərə də rəhbərlik edən Çekalov idi.
Dmitri Utkin "Vaqner"də Priqojinin sağ əli olub. Komanda və döyüş hazırlığına məsul şəxs Utkin idi. Məlumata görə, Priqojin, Utkin və Çekalov həmişə birlikdə uçurmuş. Çekalov bütün arxa cəbhəyə, Utkin isə döyüş bölməsinə cavabdeh olub.
Yevgeni Makaryan keçmiş polis, rütbəcə kiçik leytenant olub. O, 2016-cı ilin martında "Vaqner"ə qoşulub. Sambo ilə məşğul olub. O, 2017-ci ilin yanvarında ABŞ təyyarələrinin atəşinə məruz qalan Suriyadakı 4-cü "Vaqner" hücum dəstəsinin tərkibində olub. Hadisə zamanı sol bud nahiyəsindən yara alıb. Priqojinin cangüdəni olduğu deyilir.
Sergey Propustin hərbçi, rütbəcə praporşik olub. İkinci Çeçenistan müharibəsində vuruşub. 2015-ci ilin martında "Vaqner"ə qoşulub. Muzdluların ikinci kəşfiyyat və hücum dəstəsinin üzvü olub. Propustinin də Priqojinin cangüdəni olduğu bildirilir.
Aleksandr Totmin də Priqojinin cangüdənlərindən biri olub, onun haqqında məlumatlar məhduddur.
Nikolay Matuseyev 2017-ci ilin yanvarından "Vaqner"dədir. O, Suriyada 4-cü hücum dəstəsində atıcı kimi xidmət edib.
Aleksey Levşin təyyarə ekipajının komandiri olub. O, Voronejdəndir. Onun həyat yoldaşı Svetlana Levşina avqustun 23-də axşam sosial şəbəkələrdə ərinin öldüyünü təsdiqləyib.
Rüstəm Kərimov təyyarənin 29 yaşlı ikinci pilot idi. 2014-cü ildə Sasovo Mülki Aviasiya Uçuş Məktəbini bitirib. Həyat yoldaşı Anastasiyanın "VKontakte"dəki şəxsi səhifəsində verdiyi məlumata görə, Rüstəmin ölümündən 5 gün əvvəl onlar evliliklərinin dördüncü4-cü ildönümünü qeyd ediblər.
Kristina Raspopova isə stüardessa olub. 38 yaşlı qadın əslən Çelyabinsk vilayətindəndir. Moskva Maliyyə və Hüquq Universitetini bitirib. Məlumata görə, o, Çelyabinsk vilayətinin Yemanjelinsk şəhər prokurorunun müavini Yevgeni Raspopovun bacısıdır. Bildirilir ki, yola düşməzdən bir neçə saat əvvəl ailəsinə bildirib ki, nədənsə onların uçuşu gecikib. İddialara görə, təyyarəni qısamüddətli təmirə aparıblar.
Qeyd olunub ki, Priqojinin həyat yoldaşı Lyubov hadisə zamanı Hindistanda tətil keçirirmiş.
24-08-2023, 15:40
Ərdoğanın Rusiyaya səfər tarixi açıqlandı
Türkiyə Prezidenti Rəcəb Tayyib Ərdoğan Rusiyaya səfər edəcək.
Bu barədə TASS agentliyi diplomatik mənbələrə istinadən məlumat yayıb.
Məlumata görə, səfər sentyabrın 4-də baş tutacaq. Ərdoğan Soçidə rusiyalı həmmkarı Vladimir Putinlə görüşəcək.
Liderlərin “Taxıl sazişi”ni müzakirə edəcəkləri gözlənilir.
24-08-2023, 15:34
31 il sonra nəşinin qalıqları tapılan hərbiçimiz dəfn olundu
Birinci Qarabağ müharibəsi zamanı Daşaltıda itkin düşən və 31 il sonra meyitinin qalıqları tapılan Niftəliyev Adil Kamal oğlu Xaçmaz rayonunda dəfn olunub.
Şəhid yaylım atəşi və Dövlət Himninin sədaları altında ata və anasının dəfn olunduğu Dədəli kənd qəbiristanlığında torpağa tapşırılıb.
Dəfn mərasimində Xaçmaz Rayon İcra Hakimiyyətinin rəhbərliyi, hüquq-mühafizə orqanlarının əməkdaşları və rayon ictimayyəti iştirak ediblər.
Qeyd edək ki, Xaçmaz rayonunun Kiçik Baraxum kənd sakini, 1966-cı il təvəllüdlü Niftəliyev Adil Kamal oğlu birinci Qarabağ müharibəsi zamanı - 1992-ci il yanvarın 26-da Şuşa rayonunun Daşaltı kəndi uğrunda gedən döyüşlərdə itkin düşüb. Onun meyitinin qalıqları 31 il sonra Daşaltı kəndində aşkarlanıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!