Xəbərlərin siyahısı: Sentyabr 2023 illər » Səhifə 11

27-09-2023, 18:19

Ceyhun Bayramov Anım Gününə həsr olunmuş tədbirdə çıxış etdi

27 sentyabr tarixində Azərbaycan Respublikasının Xarici İşlər Nazirliyində 27 Sentyabr – Anım Gününə həsr olunmuş anım tədbiri və qanvermə aksiyası keçirilib.
Nazir Ceyhun Bayramov, müharibənin və münaqişənin bitməsinə baxmayaraq ölkəmizin 3 il bundan öncə Ermənistana sülh təklif etdiyini, sülh prosesinin irəlilədillməsi istiqamətində səy göstərdiyini, Ermənistanın isə bunun qarşılığında yenə də 30 ilə yaxın işğal dövründəki təcrübəni təkrarladığı, sözdə ərazi bütövlüyümüzü tanıdığını bildirsə də, əməldə bunun əksinə olaraq təxribatları və mina təhdidini davam etdirdiyini bildirib.
Bu xüsusda, Ermənistanın növbəti təxribatların qarşısının alınması üçün ölkəmizin lokal anti-terror tədbirləri gördüyü, bu tədbirlər nəticəsində ərazilərimizdə 30 illik işğal dövrünün qalıqları olan qeyri-qanuni erməni silahlı qüvvələrinin varlığıına son qoyulduğu, habelə ərazilərimizdəki dəhşətli hərbiləşmənin miqyasının hər kəs üçün aydın olduğu diqqətə çatdırılıb.
Bundan sonra da ölkəmizin normallaşma və sülh gündəliyinin irəli aparılması istiqamətində qərarlı şəkildə səylərini davam etdirəcəyi, gələcəyə baxışımızın sülh üzərində qurulduğu vurğulanıb.
Bugünkü post-münaqişə dövrünün reallıqlarının, torpaqlarımızın azad edilməsinin isə şəhidlərimizə borclu olduğumuz, bu xüsusda onların əziz xatirəsinin daim qəlbimizdə yaşayacağı bildirilib.

Ceyhun Bayramov Anım Gününə həsr olunmuş tədbirdə çıxış etdi

27-09-2023, 17:23

Xankəndi-Laçın yolunda asfalt örtüyü çökdü

Son günlər Qarabağdan gedən ermənilərin hərəkət etdiyi Xankəndi-Laçın yolunda asfalt örtüyü çöküb.
Bunu əks etdirən fotoşəkil sosial mediada yayılıb.
Hadisənin başvermə səbəbi barədə məlumat verilməyib.
Xatırladaq ki, Laçın şəhərinə daxil olmadan yeni avtomobil yolunun tikintisinə 2021-ci ilin iyul ayında başlanılıb. Yolun ümumi uzunluğu 22 km təşkil edir və III texniki dərəcəyə uyğun inşa edilib. Yoxuşlarda 3, digər hissələrdə 2 hərəkət zolaqlı olan yolun layihə üzrə hərəkət hissəsinin eni 7-10.5 metr təşkil edir.
Azərbaycan Respublikasının büdcəsi hesabına inşa olunan Xankəndi-Laçın yolu 2022-ci ildə istifadəyə verilib.
Qeyd edək ki, Qarabağ ermənilərinin axını ilə əlaqədar hazırda Xankəndi-Laçın yolunda böyük tıxac yaranıb.

Xankəndi-Laçın yolunda asfalt örtüyü çökdü

27-09-2023, 16:50

Qanunvericiliyə uyğun yaşamaq istəyən ermənilər bizim vətəndaşımız sayılacaq

Azərbaycan qanunvericiliyinə uyğun şəkildə yaşamaq istəyən erməni sakinlər də bizim vətəndaşımız sayılacaq.
Bunu bu gün Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev jurnalistlərə deyib.
"Digər vətəndaşlarımız kimi bütün xidmətlərdən yararlana biləcəklər", - deyə o, əlavə edib.
Qeyd edək ki, Qarabağın erməni sakinləri Azərbaycan qanunları altında vətəndaşlıq qəbul edərək yaşaya bilərlər. Qarabağın erməni əsilli sakinləri arasında Azərbaycan vətəndaşlığı almaq üçün müraciət edənlərin olduğu da bildirilir.

Qanunvericiliyə uyğun yaşamaq istəyən ermənilər bizim vətəndaşımız sayılacaq

27-09-2023, 16:24

İraqda üçgünlük matəm elan olundu

İraqın Baş naziri Məhəmməd Şiə əs-Sudani Naynava əyalətinin Xamadniyə şəhərində toyda baş verən yanğın nəticəsində ölənlərlə bağlı üçgünlük matəm elan edib.
Bu barədə xarici KİV məlumat yayıb.
Yanğın nəticəsində bəy və gəlin koma vəziyyətinə düşüblər. Hadisə ilə bağlı 9 nəfər həbs olunub. Müəssisənin sahibi hələ tutulmayıb.
İraq Qızıl Aypara Cəmiyyəti ölən və xəsarət alanların sayının 450-dən çox olduğunu bildirib.

İraqda üçgünlük matəm elan olundu

27-09-2023, 16:17

Pakistanda döyüş sursatı partladı - 8 nəfər öldü

Pakistanın Sind əyalətinin Kaşmor diyarının Kandkot rayonunda döyüş sursatının partlaması nəticəsində azı 8 nəfər ölüb.
Bu barədə “News” qəzeti məlumat yayıb.
Bildirilib ki, döyüş sursatı kənd təsərrüfatı sahəsində oynayan yerli uşaqlar tərəfindən tapılıb. Onlar bunu evlərinə gətirib və daha sonra mərmi orada partlayıb.

Pakistanda döyüş sursatı partladı - 8 nəfər öldü

27-09-2023, 16:09

Şimali Kiprin Prezidenti İlham Əliyevə təşəkkür etdi

Şimali Kipr Türk Respublikasının Prezidenti Ersin Tatar Azərbaycanın dövlət başçısı İlham Əliyevə təşəkkür edib.
Bu barədə Türkiyə KİV-i məlumat yayıb.
O, Türk Dövlətləri Təşkilatının (TDT) növbəti iclasının gələn il Qazaxıstanda keçirilməsi qərarına verdiyi dəstəyə görə Azərbaycan Prezidentinə minnətdarlığını bildirib.
Bundan başqa, E.Tatar Türkiyə Prezidenti Rəcəb Tayyib Ərdoğanın Şimali Kiprin dünyadakı səsi olduğunu söyləyib: “R.T.Ərdoğan hər zaman bizə dəstək verir. Nə yaxşı ki, güclü lider, güclü Türkiyə var”.

Şimali Kiprin Prezidenti İlham Əliyevə təşəkkür etdi

27-09-2023, 16:04

Türkiyə Prezidenti Anım Günüylə bağlı paylaşım etdi

Türkiyə Prezidenti Rəcəb Tayyib Ərdoğan 27 Sentyabr - Anım Günü ilə bağlı paylaşım edib. Paylaşımda deyilir:
“Qarabağın və işğal altındakı Azərbaycan torpaqlarının dastanlara layiq azadlıq mübarizəsinin başlanğıcı olan Anım Günündə bütün şəhidlərimizi rəhmətlə, qazilərimizi hörmətlə yad edirəm. Qarabağ Azərbaycandır!”

Türkiyə Prezidenti Anım Günüylə bağlı paylaşım etdi

27-09-2023, 15:51

İran üçüncü hərbi peykini orbitə çıxardı

İran üçüncü hərbi peykini orbitə çıxarıb.
Bu barədə İranın rabitə naziri İsa Zarepur bildirib.
Zarepur qeyd edib ki, İran bu gün üçüncü hərbi peyki olan “Nur-3”ü uğurla orbitə çıxarıb.
Onun sözlərinə görə, İslam İnqilabı Keşikçiləri Korpusunun (SEPAH) aerokosmik qüvvələri gələn ilin mart ayının sonuna kimi daha iki hərbi peyk buraxmaq niyyətindədir.

İran üçüncü hərbi peykini orbitə çıxardı

27-09-2023, 15:21

Ukrayna müharibədə qalib gəlməlidir - Alman nazir

"Ukrayna müharibədə qalib gəlməlidir, o, həm də qələbənin parametrlərini müəyyən edir".
Bunu Almaniyanın müdafiə naziri Boris Pistorius deyib.
O, Rusiyanın təcavüzünə qarşı mübarizədə Ukraynaya dəstəyin davamlı olduğunu təsdiqləyib.
Xatırladaq ki, ötən ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb.

Ukrayna müharibədə qalib gəlməlidir - Alman nazir

27-09-2023, 15:03

Erməni əsilli sakinlər üçün növbəti dəfə yanacaq göndərildi

Qarabağda yaşayan erməni əsilli sakinlər üçün Azərbaycan Dövlət Neft Şirkətinə (SOCAR) məxsus yanacaqla dolu daha bir nəqliyyat vasitəsi göndərilib.
Yanacaq daşıyan avtomobil Ağdam-Əsgəran-Xankəndi yolu ilə yola salınıb.
Qeyd edək ki, yanacaq Yevlax şəhərində keçirilən görüşdə erməni sakinlərinin nümayəndələrinin bölgəyə yanacaq göndərilməsi ilə bağlı xahişləri nəzərə alınaraq Azərbaycan mərkəzi hökuməti tərəfindən göndərilib. Ötən gün də Xankəndiyə dizel və Aİ 92 markalı benzin daşıyan avtomobillərin gedişi təmin edilib.

Erməni əsilli sakinlər üçün növbəti dəfə yanacaq göndərildi