21-06-2025, 18:36
Azərbaycan regiondakı gərginlikdən narahatdır
Azərbaycanın xarici işlər naziri Ceyhun Bayramov Türkiyəyə işgüzar səfəri çərçivəsində İslam Əməkdaşlıq Təşkilatının (İƏT) Nazirlər Şurasının İstanbul şəhərində keçirilən 51-cı sessiyasında iştirak və çıxış edib.
Bu barədə Azərbaycan Xarici İşlər Nazirliyindən bildirilib.
Çıxışda İƏT coğrafiyasında artan geosiyasi gərginliklərin fonunda meydana gələn siyasi, iqtisadi, humanitar, ətraf mühit və təhlükəsizlik çağırışları, onlarla mübarizədə əməkdaşlıq, habelə postmünaqişə dövründə regional vəziyyətdən bəhs olunub.
Çıxışı zamanı nazir Ceyhun Bayramov lqarşıdan gələn İƏT sədrliyi münasibətilə qardaş Türkiyə Respublikasını təbrik edib, ölkəmizin Türkiyənin sədrlik prosesinə dəstək göstərməyə hazır olduğunu bildirib.
Azərbaycanın 2026-cı ildə təhvil alacağı İƏT sədrliyini İslam dünyasının həmrəyliyi və inkişafına töhfə vermək üçün ciddi tarixi fürsət olaraq dəyərləndirdiyi qeyd olunub.
Dünyada artan İslamofobiya meyllərinin narahatlıq doğurduğu, ölkəmizin bu təhdidin bütün forma və təzahürlərini qətiyyətlə pislədiyi və İslamofobiya ilə mübarizədə İƏT çərçivəsində göstərilən təşəbbüsləri dəstəkləyi vurğulanıb.
Qəzzada mövcud humanitar vəziyyətə toxunulub və bununla bağlı təxirəsalınmaz tədbirlərin görülməsinin əhəmiyyəti qeyd edilib.
Yaxın Şərqdə gərginliyin coğrafiyasının genişlənməsinin, İran İslam Respublikasına qarşı həyata keçirilmiş hərbi əməliyyatların narahatlıq doğurduğu, ölkəmizin beynəlxalq hüququn norma və prinsipləri əsasında diplomatik prosesin bərpasına çağırış etdiyi bildirilib.
Ölkəmizin Cammu və Kəşmir münaqişəsinin BMT Təhlükəsizlik Şurası, o cümlədən İƏT-in müvafiq qətnamələrinə uyğun olaraq, sülh yolu ilə həllini tam dəstəklədiyi qeyd olunub, 10 may 2025-ci il tarixində əldə olunmuş atəşkəs razılaşmasının əhəmiyyəti vurğulanıb.
Suriyada mövcud humanitar vəziyyətdən bəhs edilib, bölgədə bərpa və reinteqrasiya addımlarının beynəlxalq ictimaiyyət tərəfindən dəstəklənməsinin vacibliyi qeyd edilib.
Nazir Ceyhun Bayramov, həmçinin postmünaqişə dövründə regional bərpa, quruculuq və sülh səyləri, habelə normallaşma prosesini təhdid edən çağırışlardan ətraflı bəhs edib. Ermənistan konstitusiyasında Azərbaycana qarşı mövcud ərazi iddiaları, keçmiş münaqişənin qalığı olan ATƏT-in Minsk Qrupu kimi qurumların hələ də ləğv olunmamasının sülh sazişinin imzalanmasının qarşısını aldığı diqqətə çatdırılıb.
Ermənistanın Azərbaycan və Naxçıvan arasında maneəsiz əlaqənin təmin olunması öhdəliyini yerinə yetirməməsi barədə məlumat verilib.
Çıxış zamanı bununla yanaşı, indiki Ermənistan ərazilərindən qovulmuş azərbaycanlıların, Qərbi Azərbaycan İcmasının hüquqlarının bu ölkə tərəfindən kobud şəkildə pozulmasının, onların hüquqlarının inkar olunmasının dayanıqlı sülh və etimad quruculuğuna maneə olduğu xatırlanıb.
21-06-2025, 18:03
Ərdoğan Arakçini qəbul etdi - İstanbulda İranla bağlı xüsusi iclas...
İranın xarici işlər naziri Seyid Abbas Arakçi İstanbulda keçirilən İslam Əməkdaşlıq Təşkilatı (İƏT) Xarici İşlər Nazirləri Şurasının 51-ci sessiyası çərçivəsində Türkiyə prezidenti Rəcəb Tayyib Ərdoğanla görüşüb.
Türkiyə mətbuatının məlumatına görə, prezident Rəcəb Tayyib Ərdoğan Lütfi Kırdar Konqres Mərkəzində Abbas Arakçini qəbul edib.
İstanbulda Türkiyənin xarici işlər naziri Hakan Fidanın sədrliyilə İƏT Xarici İşlər Nazirləri Şurasının 51-ci sessiyası başlayıb. İclasda 40-dan çox xarici işlər naziri, o cümlədən İranın xarici işlər naziri Abbas Arakçi iştirak edir. Ölkələrin nümayəndə heyətlərinin rəhbərlərindən 43-ü nazir, 5-i isə nazir müavinidir.
Məlumata görə, İstanbulda İranla bağlı xüsusi iclas keçiriləcək. İƏT Xarici İşlər Nazirləri Şurasının 51-ci sessiyası çərçivəsində İranın tələb etdiyi xüsusi iclas bu gün axşam saatlarında keçiriləcək.
21-06-2025, 17:52
İranın yeraltı nüvə obyektinə zərbə Azərbaycana da təhlükə yaradacaq - Zəlzələşünas
İranın yeraltı nüvə obyektlərinə mümkün hərbi zərbələr seysmik aktivliyin artmasına və zəlzələlərin baş verməsinə səbəb ola bilər.
Bu barədə Elm və Təhsil Nazirliyinin Geologiya və Geofizika İnstitutunun Seysmologiya və seysmik təhlükənin qiymətləndirilməsi şöbəsinin rəhbəri Qulam Babayev açıqlamasında bildirib.
Onun sözlərinə görə, İranın yeraltı nüvə infrastrukturlarının dəqiq yerləşdiyi dərinliklər ictimaiyyətə məlum olmasa da, belə obyektlərə ediləcək hərbi müdaxilə ciddi nəticələrə səbəb ola bilər:
“Yeraltı nüvə obyektlərinin hədəfə alınması güclü partlayışlar və seysmik titrəyişlərə gətirib çıxara bilər. Belə partlayışlar həm ekoloji fəlakət, həm də yeraltı seysmik ocaqların aktivləşməsi ilə nəticələnə bilər. Əgər bu ocaqlar hərəkətə gələrsə, qonşu bölgələrdə - o cümlədən Azərbaycanda da seysmik fəallığın artması mümkündür”.
Q.Babayev qeyd edib ki, yerüstü nüvə obyektlərinin zədələnməsi zamanı küləyin istiqamətindən asılı olaraq radioaktiv hissəciklərin yayılması Azərbaycana da təsir göstərə bilər. Lakin yeraltı obyektlərə edilən zərbələr daha çox seysmik təsir baxımından təhlükəlidir:
“Əgər İran ərazisindəki aktiv seysmik ocaqlar zərbə nəticəsində oyansa, bu proses qonşu seysmik zonalara da sirayət edə bilər. Məsələn, Türkiyə və Azərbaycan ərazilərində yerləşən seysmik zonalarda aktivlik müşahidə edilə bilər. Fizikanın qanunlarına əsasən, bir ocaq aktivləşərsə, qonşu ocaqlar da hərəkətə gələ bilər və ya enerji yığımı sürətlənə bilər”.
O həmçinin vurğulayıb ki, bu cür proseslərin Azərbaycanda dağıdıcı zəlzələyə səbəb olacağı ehtimalı yüksək olmasa da, hiss edilən təkanların baş verməsi mümkündür:
“Azərbaycan ərazisində zəlzələ olsa belə, onun güclü və katastrofik olacağı gözlənilmir. Ancaq yerin dərin qatlarında enerji toplanması prosesinə süni müdaxilə ilə nüvə obyektlərinin vurulması təbii proseslərini sürətləndirə və ‘trigger effekti’ yarada bilər”.
İranın yeraltı nüvə obyektlərinə mümkün hərbi zərbələr seysmik aktivliyin artmasına və zəlzələlərin baş verməsinə səbəb ola bilər.
Bu barədə Elm və Təhsil Nazirliyinin Geologiya və Geofizika İnstitutunun Seysmologiya və seysmik təhlükənin qiymətləndirilməsi şöbəsinin rəhbəri Qulam Babayev açıqlamasında bildirib.
Onun sözlərinə görə, İranın yeraltı nüvə infrastrukturlarının dəqiq yerləşdiyi dərinliklər ictimaiyyətə məlum olmasa da, belə obyektlərə ediləcək hərbi müdaxilə ciddi nəticələrə səbəb ola bilər:
“Yeraltı nüvə obyektlərinin hədəfə alınması güclü partlayışlar və seysmik titrəyişlərə gətirib çıxara bilər. Belə partlayışlar həm ekoloji fəlakət, həm də yeraltı seysmik ocaqların aktivləşməsi ilə nəticələnə bilər. Əgər bu ocaqlar hərəkətə gələrsə, qonşu bölgələrdə - o cümlədən Azərbaycanda da seysmik fəallığın artması mümkündür”.
Q.Babayev qeyd edib ki, yerüstü nüvə obyektlərinin zədələnməsi zamanı küləyin istiqamətindən asılı olaraq radioaktiv hissəciklərin yayılması Azərbaycana da təsir göstərə bilər. Lakin yeraltı obyektlərə edilən zərbələr daha çox seysmik təsir baxımından təhlükəlidir:
“Əgər İran ərazisindəki aktiv seysmik ocaqlar zərbə nəticəsində oyansa, bu proses qonşu seysmik zonalara da sirayət edə bilər. Məsələn, Türkiyə və Azərbaycan ərazilərində yerləşən seysmik zonalarda aktivlik müşahidə edilə bilər. Fizikanın qanunlarına əsasən, bir ocaq aktivləşərsə, qonşu ocaqlar da hərəkətə gələ bilər və ya enerji yığımı sürətlənə bilər”.
O həmçinin vurğulayıb ki, bu cür proseslərin Azərbaycanda dağıdıcı zəlzələyə səbəb olacağı ehtimalı yüksək olmasa da, hiss edilən təkanların baş verməsi mümkündür:
“Azərbaycan ərazisində zəlzələ olsa belə, onun güclü və katastrofik olacağı gözlənilmir. Ancaq yerin dərin qatlarında enerji toplanması prosesinə süni müdaxilə ilə nüvə obyektlərinin vurulması təbii proseslərini sürətləndirə və ‘trigger effekti’ yarada bilər”.
21-06-2025, 17:33
Xamenei haradadır... - Ali liderin yerinə gələ biləcək 3 namizəd
İsrail-İran müharibəsinin 9-cu günündə ölkənin ali dini lideri Ayətullah Əli Xameneinin taleyi və gələcək siyasi ssenarilər Qərb dairələrinin və regional paytaxtların əsas müzakirə mövzusuna çevrilib.
Xamenei hazırda çox məxfi elit bölmənin qoruması altında xüsusi mühafizə olunan yeraltı bunkerdə yerləşdirilib.
Britaniyanın "The Daily Telegraph" nəşrinin mənbələrinin bildirdiyinə görə, o, komandirləri ilə yalnız etibarlı rabitə kanalları vasitəsilə əlaqə saxlayır və fiziki təhlükəsizliyi prioritet məsələyə çevrilib.
İsrailin baş naziri Benyamin Netanyahu açıq şəkildə Xameneinin öldürülməsinin istisna olunmadığını bəyan etdikdən sonra Tehranda və Qərb ölkələrində onun mümkün varisi ilə bağlı intensiv müzakirələr başlayıb. ABŞ və Avropa diplomatları "CBS News"a bildiriblər ki, İranın gələcək liderinin kim olacağı, ölkənin nüvə obyektlərinin taleyi və regionda yaranacaq yeni güc balansı ilə bağlı gizli danışıqlar gedir.
Maraqlısı odur ki, "New York Times" qəzetinin yazdığına görə, Xamenei özü də son günlər ali rəhbər vəzifəsinə üç namizədi müəyyən edib. Bu addım ölkənin müharibə şəraitində olduğu bir vaxtda hakimiyyətin sarsıntısız ötürülməsi və dini-ideoloji xəttin davamlılığını təmin etmək məqsədi daşıyır.
Seçilmiş şəxslərin adları açıqlanmır, lakin iddialara görə, söhbət yüksək səviyyəli ruhanilərdən gedir. Bundan əlavə, fövqəladə vəziyyətlərdə hərbi komandanlıqda da varislik planının hazır olduğu bildirilir.
Qərbdə isə ehtimallar çoxdur. İranın keçmiş prezidentlərindən Həsən Ruhaniyə yaxın dairələrdən tutmuş, Sistan-Bəlucistanın nüfuzlu dini liderlərinə qədər müxtəlif fiqurların adı hallanır.
Eyni zamanda, Xameneinin oğlu Müctəba Xameneinin də potensial varis ola biləcəyi istisna edilmir.
Qərb diplomatları Tehrandakı siyasi elitanın bu məsələdə yekdil qərar verməkdə çətinlik çəkdiyini bildirirlər.
21-06-2025, 17:30
Ceyhun Bayramov malayziyalı həmkarı ilə İsrail-İran qarşıdurmasını müzakirə etdi
Azərbaycanın xarici işlər naziri Ceyhun Bayramov İslam Əməkdaşlıq Təşkilatının (İƏT) Xarici İşlər Nazirləri Şurasının 51-ci sessiyası çərçivəsində malayziyalı həmkarı Məhəmməd Hacı Həsan (Mohamad Haji Hasan) ilə İsrail-İran qarşıdurmasını müzakirə edib.
Bu barədə Azərbaycan Xarici İşlər Nazirliyi məlumat yayıb.
Bildirilib ki, tərəflər ikitərəfli əməkdaşlığın inkişafı və İsrail-İran gərginliyindən sonra regional təhlükəsizlik vəziyyəti barədə fikir mübadiləsi aparıb.
"Xarici işlər nazirləri Azərbaycan və Malayziya arasında güclü tərəfdaşlıqdan məmnunluq ifadə ediblər. Müzakirələr siyasi dialoqun genişləndirilməsi, ticarət və iqtisadi əlaqələrin şaxələndirilməsi, enerji, təhsil, turizm və rəqəmsal innovasiya sahələrində imkanların araşdırılmasını əhatə edib",- məlumatda qeyd olunub.
21-06-2025, 17:02
Ermənistan Türkiyədə səfirlik açacaq?
Türkiyə ilə Ermənistan arasında hələ də rəsmi diplomatik münasibətlər mövcud deyil. İki ölkə arasında 1993-cü ildən bəri hava və quru sərhədləri bağlıdır, diplomatik əlaqələr indiyə qədər qurulmayıb. Buna səbəb isə Ermənistanın Azərbaycan torpaqlarını işğal etməsi olub. Hazırda Qarabağ məsələsi həll olunsa da, Azərbaycanla Ermənistan arasında sülh sazişi hələ də imzalanmayıb, bu istiqamətdə danışıqlar prosesi gedir.
Bir çox hallarda Türkiyə ilə Ermənistan arasında rəsmi diplomatik münasibətlərin qurulması Azərbaycandan asılıdır. Yəni Ermənistan Azərbaycanla sülh sazişi imzalamadan, anlaşmadan, Türkiyə ilə diplomatik əlaqələr qura bilməyəcək.
Lakin son illərdə iki ölkə arasında münasibətlərin normallaşdırılması prosesi aktiv şəkildə davam etdirilir.
2021-ci ilin dekabrında Ankara və İrəvan qarşılıqlı şəkildə xüsusi nümayəndələr təyin edib. Türkiyəni sabiq səfir Serdar Kılıç, Ermənistanı isə parlament sədrinin müavini Ruben Rubinyan təmsil edir. Bu nümayəndələr 2022–2024-cü illər ərzində beş dəfə görüş keçiriblər. Görüşlər əsasən Vyana və Moskva şəhərlərində baş tutub.
Hazırda iki ölkə arasında diplomatik əlaqələr rəsmi səviyyədə qurulmasa da, səfirliklər fəaliyyət göstərməsə də, yük daşımaları və humanitar əməkdaşlıq sahəsində irəliləyişlər var. 2022-ci ildən etibarən qarşılıqlı hava yükdaşımaları bərpa edilib. 2023-cü ildə Kahramanmaraş zəlzələsindən sonra Ermənistan Türkiyəyə humanitar yardım göndərib, bu məqsədlə quru sərhədi qısa müddətlik açılıb.
Ən mühüm hadisələrdən biri də Ermənistanın Baş naziri Nikol Paşinyanın Türkiyə Prezidenti Rəcəb Tayyib Ərdoğanın 2023-cü ilin 3 iyun tarixində keçirilən andiçməsinə qatılması olub. Bu Nikol Paşinyanın Baş nazir səviyyəsində ilk səfəri olub. Bununla yanaşı ötən gün Nikol Paşinyanın Türkiyəyə səfəri olub və o burada Türkiyə Prezidenti Rəcəb Tayyib Ərdoğanla məhdud tərkibdə görüşüb. Bu, Ermənistan rəhbərliyinin Türkiyəyə illər sonra etdiyi ilk yüksək səviyyəli rəsmi səfər kimi qiymətləndirilir.
Qeyd edək ki, normallaşma prosesi çərçivəsində vizasız rejim, diplomatik nümayəndəliklərin açılması və sərhədin tam bərpası məsələləri hazırda müzakirə mərhələsindədir. Hazırkı vəziyyətə əsasən, Ankara ilə İrəvan arasında münasibətlər rəsmi yox, lakin funksional dialoq səviyyəsində davam edir.
Türkiyə Böyük Millət Məclisinin hakim Ədalət və İnkişaf Partiyasından olan deputatı Şamil Ayrım Modern.az-a açıqlamasında bildirib ki, hazırda iki ölkə arasında səfirliyin və baş konsulluğun açılması istiqamətində danışıqlar yoxdur:
“Belə məsələlər müzakirə edilmir. Amma yaxın vaxtda dediyim kimi, Azərbaycanın da məlumatı olmaqla belə addımlar atıla bilər. Hazırda sərhədləri, səfirliyi açmaqla bağlı danışıqlar aparılmır. Təbii ki, Ermənistan tərəfinin xüsusilə sərhədlərlə bağlı həssaslıqları var. Amma bunun üçün zamana ehtiyac var. Önümüzdəki günlər vacib günlərdir. İnşallah, yaxşı şeylər olacaq”.
21-06-2025, 16:55
İran Gürcüstanı İsrailin hərəkətlərini pisləməyə çağırdı
Tehran Yaxın Şərqdə münaqişənin gərginləşməsi kontekstində Tbilisidən “prinsipial və hüquqi mövqe” tutacağını və İsraili pisləyəcəyini gözləyir.
İranın Gürcüstandakı səfiri Mahmud Ədib gürcü jurnalistlərin suallarını cavablandırarkən deyib.
"Susmaq və ya təcavüzkarı cinayətlərini davam etdirməyə sövq edə biləcək mövqe seçimi beynəlxalq nizam və regional sabitlik üçün ciddi nəticələrlə doludur. Ümid edirik ki, Gürcüstan prinsipial və hüquqi mövqe seçəcək və beynəlxalq hüququn aşkar pozuntularını açıq şəkildə pisləyəcək", - İran səfiri bildirib.
Onun sözlərinə görə, İran 2006-cı il enerji böhranı da daxil olmaqla kritik məqamlarda ardıcıl olaraq Gürcüstanı dəstəkləyib və beynəlxalq platformalarda onun ərazi bütövlüyünü müdafiə edib.
Diplomat Tehran və Tel-Əvivin siyasətini də müqayisə edərək deyib ki, guya 2008-ci ildə Rusiya-Gürcüstan müharibəsindən sonra İsrail “müəyyən və qeyri-müəyyən mövqe” tutub. Qeyd edək ki, o zaman həm İran, həm də İsrail Moskvanı tənqid etməkdən çəkinib, Gürcüstanın suverenliyini dəstəkləyən bəyanatlarla kifayətləniblər.
"İranla İsrail arasında böyük fərq var", - səfir bildirib. Onun sözlərinə görə, “İsrail rejimindən fərqli olaraq, İran dövlətlərin ərazi bütövlüyünə hörmət edir və həmişə beynəlxalq hüquqa sadiq qalıb”.
İyunun 13-nə keçən gecə İsrail İranın nüvə və hərbi obyektlərinə zərbələr endirməyə başlayıb.
Buna cavab olaraq Tehran İsrail ərazisinə yüzlərlə ballistik raket atıb. Bir neçə gündür ki, zərbə mübadiləsi davam edir.
Gürcüstan Xarici İşlər Nazirliyi Yaxın Şərqdə vəziyyətin gərginləşməsindən dərin narahatlığını bildirib və gərginliyin azaldılması üçün diplomatik səylərin vacibliyini vurğulayıb.
21-06-2025, 16:52
40 il əvvəl ölən anasının qəbrini tapa bilmir - Məhkəməyə müraciət etdi]
Saatlı sakini 40 il əvvəl psixonervoloji xəstəxanaya yerləşdirilən anasının qəbrini tapa bilmir.
O, anasının qəbir yerinin müəyyənləşdirilməsi üçün məhkəməyə müraciət edib.
Arxiv məlumatına görə Ə.Ağayeva 1972-1975-ci il və 1976-1982-ci il tarixlərdə 3 saylı Psixonevroloji xəstəxanada müalicədə olunub. Onun psixi vəziyyətinin yaxşılaşması səbəbindən xəstəxanada uzun müddət saxlanılması qanuna zidd olduğu üçün Azərbaycan SSR Sosial Təminat Nazirliyinin göstərişi ilə 1984-cü ildə 7 saylı Əlillər Evinə şəxsi məlumatları dəyişdirilmədən köçürülüb.
Ə.Ağayevanın 1985-ci ildə vəfat etdiyi məlum olub. Ancaq onun dəfn yeri dəqiq məlum deyil. Mərhumun oğlu məhkəməyə müraciət edərək Sosial Xidmətlər Agentliyindən anasının dəfn yerini müəyyən etməsini tələb edib.
Sosial Xidmətlər Agentliyin tabeliyində olan 3 saylı psixonevroloji sosial xidmət müəssisənin köhnə əmr jurnallarına əsasən, 20 fevral 1985-ci ildə - 50 yaşında vəfat edən Ə.Ağayeva Göygöl rayon Qızılca kənd ərazisində müəssisə üçün ayrılan qəbirstanlıqda kimsəsiz şəxs kimi dəfn olunub, dəfni həyata keçirən əməkdaşların vəfat etməsi səbəbindən qəbrin yerini təyin etmək mümkün deyil.
Agentlikdən məhkəmənin sorğusuna cavab olaraq bildirilib ki, müəssisədə vəfat etmiş kimsəsiz şəxslər Göygöl Rayon İcra Hakimiyyətinin Yeni Qızılca inzibati ərazisində müəssisə üçün ayrılmış torpaq sahəsində dəfn olunurlar. Dəfn olunduqdan sonra, həmin məzarlar dəmir lövhə ilə nömrələnir. Dəfn yerlərinin qeydiyyatı 2015-ci ilin iyun ayından hal-hazıra kimi “Müəssisədə vəfat etmiş və müəssisə tərəfindən dəfn olunan sakinlərin qəbrlərinin sıralama kitabında” aparılır. Həmin kitabda sakinlərin məzar nömrələri ilə məlumatları qeyd olunur. İddiaçının anasının dəfni haqqında müəssisənin arxiv sənədlərində heç bir məlumat mövcud deyil.
Məhkəmə mərhumun dəfn olunduğu yerin dəqiq müəyyən edilməsinin mümkün olmadığına qərar verib və vətəndaşın iddiasını mümkün saymayıb.
21-06-2025, 16:50
Parlament 12 məsələyə görə toplaşır - Tarix AÇIQLANDI
Milli Məclisin növbəti iclası iyunun 24-də keçiriləcək. Plenar iclasın gündəliyinə 12 məsələ salınıb:
1. “İstilik təchizatı haqqında” Azərbaycan Respublikası qanununun layihəsi (üçüncü oxunuş).
2. “İcra məmurları haqqında”, “İcra haqqında” və “Ədliyyə orqanlarında qulluq keçmə haqqında” Azərbaycan Respublikasının qanunlarında dəyişiklik edilməsi barədə Azərbaycan Respublikası qanununun layihəsi (üçüncü oxunuş).
3. Azərbaycan Respublikasının Vergi Məcəlləsində, “Bələdiyyələrin statusu haqqında”, “Bələdiyyələrin maliyyəsinin əsasları haqqında”, “Bələdiyyə torpaqlarının idarə edilməsi haqqında”, “Yerli (bələdiyyə) vergilər və ödənişlər haqqında” və “Bələdiyyələrin vergi xidməti orqanı haqqında Əsasnamənin təsdiq edilməsi barədə” Azərbaycan Respublikasının qanunlarında dəyişiklik edilməsi haqqında Azərbaycan Respublikası qanununun layihəsi (üçüncü oxunuş).
4. Azərbaycan Respublikasının İnzibati Xətalar Məcəlləsində dəyişiklik edilməsi haqqında Azərbaycan Respublikası qanununun layihəsi (üçüncü oxunuş).
5. “Azərbaycan Respublikası ilə Çin Xalq Respublikası arasında cinayət işləri üzrə qarşılıqlı hüquqi yardım haqqında Müqavilə”nin təsdiq edilməsi barədə Azərbaycan Respublikası qanununun layihəsi.
6. Azərbaycan Respublikasının Gömrük Məcəlləsində dəyişiklik edilməsi haqqında Azərbaycan Respublikası qanununun layihəsi (birinci oxunuş).
7. “Təhsil haqqında” və “Məktəbəqədər təhsil haqqında” Azərbaycan Respublikasının qanunlarında dəyişiklik edilməsi barədə Azərbaycan Respublikası qanununun layihəsi (birinci oxunuş).
8. Azərbaycan Respublikasının Torpaq Məcəlləsində, Azərbaycan Respublikasının Mülki Məcəlləsində, Azərbaycan Respublikasının Mənzil Məcəlləsində, Azərbaycan Respublikasının Şəhərsalma və Tikinti Məcəlləsində, “Bələdiyyə torpaqlarının idarə edilməsi haqqında”, “Bələdiyyə torpaqlarının ayrılmasına dair sənədlərin hazırlanması və razılaşdırılması qaydaları haqqında Əsasnamənin təsdiq edilməsi barədə” və “Daşınmaz əmlakın dövlət reyestri haqqında” Azərbaycan Respublikasının qanunlarında dəyişiklik edilməsi barədə Azərbaycan Respublikası qanununun layihəsi (birinci oxunuş).
9. “Qeyri-hökumət təşkilatları (ictimai birliklər və fondlar) haqqında” və “Cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında” Azərbaycan Respublikasının qanunlarında dəyişiklik edilməsi barədə Azərbaycan Respublikası qanununun layihəsi (birinci oxunuş).
10. Azərbaycan Respublikasının Mülki Prosessual Məcəlləsində, Azərbaycan Respublikasının Cinayət-Prosessual Məcəlləsində və Azərbaycan Respublikasının İnzibati Xətalar Məcəlləsində dəyişiklik edilməsi haqqında Azərbaycan Respublikası qanununun layihəsi (birinci oxunuş).
11. “Büdcə sistemi haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi (birinci oxunuş).
12. “Dövlət borcu haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi (birinci oxunuş).
21-06-2025, 00:50
Cəlilabadda itkin düşən gənc Bakıda tapıldı
Bir neçə gün əvvəl itkin düşən Cəlilabad rayon sakini tapılıb.
Cəlilabad rayonunun Seyidbazar kənd sakini, 2004-cü il təvəllüdlü Əlisa Hüseynağa oğlu Mirzəyevin polis əməkdaşlarının keçirdikləri tədbirlərlə paytaxt ərazisində tapılıb.
Onun olduğu yer müəyyən edilib və ailəsinə təhvil verilib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!