5-07-2025, 21:34
Vətən müharibəsi iştirakçısı vəfat etdi
Vətən müharibəsi iştirakçısı Sübhan Hüseynov vəfat edib.
Bu barədə sosial şəbəkələrdə məlumat yayılıb.
Belə ki, 26 yaşlı Ucar rayon sakini S.Hüseynov aprel ayının 14-də Ucar Rayon Mərkəzi Xəstəxanasında “tükdönməsi” əməliyyatı olunmalı imiş.
Lakin narkozun təsirindən şok keçirib və əməliyyat baş tutmayıb. 81 günlük mübarizədən sonra bu gün müalicə aldığı xəstəxanada dünyasını dəyişib.
5-07-2025, 20:55
Məktəbəhazırlıq təhsili məcburi olacaq? - RƏSMİ
“Məktəbəqədər təhsil haqqında” Qanuna əsasən, məktəbəhazırlıq 5 yaşlı uşaqlar üçün zəruri hesab edilir. Bu baxımdan məktəbəhazırlıq təhsilinin məcburi olması hazırda müzakirə predmeti deyil.
Bu barədə Elm və Təhsil Nazirliyindən bildirilib.
Qeyd edilib ki, “Ümumi təhsil haqqında” Qanuna əsasən, məktəbəhazırlıq ümumi təhsil pilləsinin ayrıca bir mərhələsidir. Müvafiq qanunun digər bəndinə əsasən, Azərbaycanda ümumi orta təhsil icbaridir.
5-07-2025, 20:37
Azərbaycanlı müğənninin ölüm xəbəri TƏKZİB EDİLDİ - YENİLƏNİB
Azərbaycanlı müğənni Albina Pyakşevanın ABŞ-Meksika sərhədində öldürülməsi xəbəri təkzib edilib.
Bu barədə Bakı Caz Festivalının direktoru Leyla Əfəndiyeva feysbuk hesabında yazıb.
O, müğənninin həyatda olduğunu bildirib.
***
18:20
Azərbaycanlı müğənni Albina Pyakşeva dünyasını dəyişib.
Bu barədə Bakı Caz Festivalının direktoru Leyla Əfəndiyeva "Facebook" hesabında məlumat verib.
"Albina Pyaksheva (1993-cü il təvəllüdlü) Meksika ilə ABŞ sərhədində keçid məntəqəsini keçmək istəyərkən öldürülüb", - paylaşımda qeyd olunub.
Xatırladaq ki, Pyakşeva Bakı Caz Festivalı çərçivəsində gənc ifaçılar arasında keçirilən "I am Jazzman" müsabiqəsinin finalçısı olub, "Səs Azərbaycan" ("Azərbaycanın səsi") proqramında iştirak edib.
5-07-2025, 20:21
Xameneidən 25 gündür xəbər yoxdur
İranın Ali Lideri ayətullah Əli Xamenei artıq 25 gündür, ictimaiyyət qarşısına çıxmayıb.
Qeyd edilir ki, bu müddət ərzində Xamenei cəmi iki dəfə xalqa videomüraciət edib və hər iki çıxışın bunkerdə lentə alındığı iddia olunur.
Məlumata görə, Xamenei iyunun 13-də İsrailin İrana hava hücumlarına başlamasından sonra dərhal gizli sığınacağa aparılıb. Mənbələr onun təhlükəsizlik səbəbilə bunkeri tərk etmədiyini bildirirlər.
Lakin İran daxilində ayətullahın ciddi xəstə olduğu və ya vəfat etdiyi barədə müxtəlif şayiələr yayılır. Sözügedən iddialar rəsmi şəkildə təsdiqlənməyib.
Qeyd edək ki, İsrail hərbi əməliyyat çərçivəsində İranın nüvə və müdafiə obyektlərini hədəfə alıb. İyunun 22-də isə ABŞ hərbi qüvvələri İranın İsfahan, Natanz və Fordo şəhərlərindəki strateji nüvə obyektlərinə zərbələr endirib.
İyunun 24-də ABŞ prezidenti Donald Tramp Vaşinqton və Tehran arasında atəşkəs razılaşması əldə olunduğunu bəyan edib.
5-07-2025, 19:54
Ərdoğan yeni model elektromobili sınaqdan keçirdi - FOTO
Türkiyə Prezidenti Rəcəb Tayyib Ərdoğan "Togg" elektromobilinin yeni versiyasını sınaqdan keçirib.
Ərdoğan T10F-in İstanbulda sınaq sürüşünü həyata keçirib.
5-07-2025, 19:16
FHN bu bazarı bağladı - VİDEO
Fövqəladə Hallar Nazirliyinin Dövlət Yanğın Nəzarəti Xidməti səlahiyyətlərinə uyğun olaraq, ölkə ərazisində yanğın təhlükəsizliyinin təmin edilməsi məqsədilə zəruri tədbirlərin görülməsini davam etdirir.
FHN-dən verilən məlumata görə, bu çərçivədə, Dövlət Yanğın Nəzarəti Xidməti tərəfindən Astara şəhərində yerləşən Həziyev Rauf Mirzəşəfi oğluna məxsus Astara Mərkəzi Bazarında yoxlama zamanı yanğın təhlükəsizliyi sahəsində çoxsaylı nöqsanların mövcud olduğu, həmin nöqsanların insan həyatı və ya sağlamlığına, ətraf mühitə və dövlətin əmlak maraqlarına birbaşa təhlükə yaratdığı müəyyən edilib. Belə ki:
- bazarın dam örtüyünün taxta konstruksiyaları odadavamlı məhlulla hopdurulmayıb;
- bazardakı tikililərin daxilində təşkil olunmuş satış sahələri yanar konstruksiyalarla quraşdırılıb və tavanları polietilen və tezalışan sintetik materiallarla üzlənib;
- elektrik təsərrüfatı “Elektrik Qurğularının Quraşdırılması Qaydası”nın tələblərinə uyğun quraşdırılmayıb;
- bazarın ərazisində yanğına qarşı su hovuzu və daxili yanğın kranları mövcud deyil;
- bazar avtomatik yanğınxəbərverici siqnalizasiya sistemi ilə təchiz olunmayıb;
- bazar ilkin odsöndürən alət və avadanlıqlarla tam təmin olunmayıb;
- mümkün yanğın və qəzalar zamanı insanların və qiymətli əşyaların köçürülməsi üçün “Təxliyə planı” işlənib hazırlanmayıb;
- obyektin daşınmaz əmlakı “İcbari sığortalar haqqında” Azərbaycan Respublikasının Qanununa uyğun olaraq sığorta olunmayıb;
- obyektin fəaliyyəti Dövlət Yanğın Nəzarəti Xidməti ilə razılaşdırılmayıb.
Beləliklə, mövcud vəziyyət onu göstərir ki, obyektin istismarının davam etdirilməsi nəticəsində orada hər an baş verə biləcək yanğın qısa müddətdə genişlənərək faciəni qaçılmaz edəcək.
Qeyd olunanları nəzərə alaraq, yanğın təhlükəsizliyi norma və qaydalarının tələblərinin kobud pozulması faktları aşkar edilmiş Astara şəhərində yerləşən Həziyev Rauf Mirzəşəfi oğluna məxsus Astara Mərkəzi Bazarının fəaliyyətinin qismən dayandırılması barədə Qərar qəbul olunub və Qərarın bir nüsxəsi obyektin nümayəndəsinə təqdim edilib.
5-07-2025, 18:52
Portuqaliyalı futbolçu Azərbaycan klubunda
"Kəpəz" komandası heyətini yeni futbolçu ilə gücləndirib.
Portuqaliyalı Pedru Qomeş Gəncə təmsilçisinə transfer olunub. Mərkəz müdafiəçisi mövqeyində çıxış edən Qomeş ilə ikiillik müqavilə imzalanıb.
İyirmi iki yaşlı oyunçunun son klubu vətənində "Boavişta" olub.
5-07-2025, 18:15
Kater qəzasında 6 nəfər yaralanıb - Son durumları AÇIQLANDI
TƏBİB Mingəçevirdə Kür çayında iki katerin toqquşması nəticəsində xəsarət alanlarla bağlı məlumat yayıb.
Qurumdan bildirilib ki, bu gün saat 16:00 radələrində Kür çayında baş verən 2 qayığın toqquşması nəticəsində ikisi azyaşlı olmaqla 6 nəfər (5-i kişi, 1-i qadın cinsli olmaqla) Mingəçevir Şəhər Mərkəzi Xəstəxanasının Təcili tibbi yardım şöbəsinə hospitalizasiya olunub.
Onlardan 1983-cü il təvəllüdlü şəxsə (kişi cinsli) bud boyununun sınığı diaqnozu təyin edilib. Zəruri tibbi yardım göstərilən pasiyentin vəziyyəti stabildir olaraq qiymətləndirilir.
Digər 5 nəfər şəxsə isə zəruri tibbi yardım göstərilib və ambulator müalicə üçün evə buraxılıblar.
5-07-2025, 17:44
Danimarka ordusunu gücləndirir - 530 milyon dollar ayrıldı
Danimarka silahlı qüvvələrini peyklər vasitəsilə müşahidə imkanlarını gücləndirmək üçün 530 milyon dollardan çox vəsait ayırır.
Bu barədə ölkənin Müdafiə Nazirliyi məlumat yayıb.
Qeyd olunur ki, təkmilləşdirilmiş peyk əhatə dairəsi və müşahidə imkanları Danimarka Silahlı Qüvvələrinin aşkarlama və cavab vermək qabiliyyətini artıracaq.
5-07-2025, 17:20
Mingəçevirdə iki kater toqquşub — Xəsarət alanlar var
Fövqəladə Hallar Nazirliyinə Kür çayının Mingəçevir şəhərindən keçən hissəsində 2 ədəd mühərrikli qayığın toqquşması barədə məlumat daxil olub.
FHN-in Mətbuat xidmətindən bildirilib ki, məlumatla əlaqədar FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin qüvvələri dərhal əraziyə cəlb olunub və qayıqların vətəndaşlarla birgə sahilə çıxarılması təmin edilib.
Qəza nəticəsində su nəqliyyat vasitələrində olan 5 nəfər vətəndaş yüngül xəsarət alıb.
Hadisə ilə bağlı araşdırma aparılır.
***
Mingəçevirdə iki kater toqquşub.
Hadisə Mingəçevir şəhərində Kür çayı hövzəsində baş verib. Toqquşma nəticəsində 5 nəfərin xəsarət aldığı deyilir.
Yaralılar Mingəçevir Şəhər Mərkəzi Xəstəxanasına yerləşdirilib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!