Xəbər verdiyimiz kimi, Rusiya Prezidenti Vladimir Putin 2 saatdan çoxdur ki, jurnalistlər qarşısında “illik hesabat” verir.


Butov.az AzNews.az-a istinadən xəbər verir ki, mətbuat konfransında Rusiya Prezidentinə ABŞ-da yeni seçiləcək prezidentlə münasibətlərin necə qurulacağı barədə sual verilib.

Suala cavab olaraq Putin bildirib ki, əvvəl kimin seçiləcəyini bilmək lazımdır: “İstənilən vəziyyətdə, onun kim olmasından asılı olmayaraq, biz əməkdaşlığa hazırıq və bunu istəyirik. ABŞ dövlət katibinin son səfəri göstərdi ki, ABŞ hakimiyyəti birgə həll olunmalı məsələlərdə əməkdaşlığa doğru addım atmağa hazırdır. Bu, öz növbəsində sağlam düşüncədir və biz bu mövqeni hərtərəfli dəstəkləyirik. Biz heç vaxt qapanmamışıq. Amerika xalqı kimi seçsə də bu, dəyişməyəcək. Onlar bizə daima diqtə etməyə çalışırlar ki, kimi seçək, kimi seçməyək. Biz ki belə etmirik, biz seçkilərə qarışmırıq. Bu həm də təhlükəlidir. Orada deyirlər ki, prokuror səsvermə növbəsinə 5 metrdən çox yaxınlaşan xarici müşahidəçiləri həbs etməklə qorxudur. Biz hətta bunu da etmirik. Biz açığıq. Amerika xalqı kimi seçsə onunla da işləməyə hazırıq”.