16-08-2022, 21:32
İran PUA-ları Moskavada nümayiş olundu - Ermənistan maraq göstərdi
Moskvadakı “Ordu 2022” forumunda ziyarətçilər ən çox İranın pilotsuz təyyarələrinə, o cümlədən zərbə vuran dronlarına böyük maraq göstərirlər. Bu haqda Rusiyanın RİA Novosti agentliyi məlumat yayıb. “Xəbərləri izləyən insanlar bizim pilotsuz təyyarələrimizin nəyə qadir olduğunu, o cümlədən Fars körfəzində baş verənləri yaxşı bilirlər. Hər kəs artıq İran pilotsuz uçan aparatlarının nəyə qadir olduğunu bilir. Buna görə də burada ən çox dronlara və kvadrokopterlərə diqqət yetirilir”, - deyə İran nümayəndəsi Nayafi Pour Davud bildirib. O, həmçinin əlavə edib ki, İran sərgidə raketlər, müxtəlif hava hücumundan müdafiə sistemləri və reaktiv yaylım atəşi qurğuları təqdim edir. İran “Ordu 2022” forumunda ümumilikdə üç pilotsuz uçuş aparatı təqdim edib: “Quadcopter”, “Mohajer 6” və “Karrar-3”. Birincisi həm mülki məqsədlər - məsələn, yanğınların söndürülməsi üçün, həm də hərbi məqsədlər üçün istifadə edilə bilər və zərbə mərmiləri daşıya bilər. Onun xüsusiyyətləri aşağıdakılardır: uçuş çəkisi - 21 kiloqram, yük çəkisi - 1 kiloqramdan 7 kiloqrama qədər, 10 kilometrə qədər məsafədə və 400 metrdən çox olmayan yüksəklikdə işləyir, çalışma müddəti - 60 dəqiqəyə qədər. İkincinin çəkisi 670 kiloqramdır, yüklənə bilən çəkisi 100 kiloqrama qədərdir, 200 kilometr məsafədə və təxminən 5 kilometr yüksəklikdə işləyir, işin müddəti 12 saata qədərdir. Üçüncünün çəkisi 510 kiloqramdır, 250 kiloqrama qədər yük daşıya bilir və 9 kilometrə qədər hündürlüyə qalxır. İran stendində RİA Novosti-yə bildiriblər ki, “Karrar-3” dronu həm zəbə dronu, həm də “kamikadze” kimi istifadə edilə bilər. İran tərəfinin bildirdiyinə görə, onların milli stendi sərgidə xarici dövlətlərin bütün nümayəndələri arasında ən böyüyüdür. Stend bir gün əvvəl İran Baş Qərargahının nümayəndəsinin iştirakı ilə açılıb. Məlumata görə, Ermənistan da İran PUA-ları ilə maraqlanıb.
16-08-2022, 21:17
Rusiya etiraf etdi: Krımda diversiya törədilib
Krım yarımadasındakı hərbi anbarda baş vermiş partlayışa diversiya səbəb olub. Açıqlamanı Rusiya Müdafiə Nazirliyi yayıb. Qeyd edilib ki, hərbi obyektlə yanaşı, mülki infrastruktur - elektrik xətləri, elektrik stansiyaları, dəmir yolları və yaşayış binaları da zədələnib. "İnsan itkiləri yoxdur. Təxribatın nəticələrinin aradan qaldırılması üçün lazımi tədbirlər görülür", - Rusiya Müdafiə Nazirliyi vurğulayıb. Xatırladaq ki, avqustun 16-da səhər saatlarında Krımdakı hərbi hissələrdən birində müvəqqəti silah-sursat anbarının ərazisində gurultulu partlayışlar baş verib. Rəsmi məlumata görə, partlayış zamanı iki mülki şəxs yaralanıb. Hadisə yerinin ətrafında beş kilometrlik təhlükəsizlik zolağı yaradılıb və mülki şəxslər təxliyə edilib.
16-08-2022, 21:00
Müdafiə nazirləri Ukraynanı müzakirə etdilər
Türkiyənin milli müdafiə naziri Hulusi Akar və ukraynalı həmkarı Aleksey Reznikov arasında telefon danışığı olub. Bu barədə Türkiyənin Milli Müdafiə Nazirliyi bildirilib. Telefon danışığı zamanı tərəflər Ukraynadakı son durumu, o cümlədən taxıl ixracını müzakirə ediblər.
16-08-2022, 16:06
Makron Zelenski ilə Zaporojye AES-i müzakirə edəcək
Fransa prezidenti Emmanuel Makron çərşənbə axşamı Vladimir Zelenski ilə Zaporojye Atom Elektrik Stansiyası ətrafındakı vəziyyəti müzakirə edəcək. Məlumatı BFMTV Yelisey sarayına istinadən yayıb. Fransa lideri ilə Zelenski arasında telefon danışığının çərşənbə axşamı gün ərzində baş tutacağı bildirilir. Bazar ertəsi Rusiya Müdafiə Nazirliyi Kiyevin Zaporojye AES ərazisində genişmiqyaslı təxribatlar hazırladığını, bunun üçün Ukrayna komandanlığının minə qədər radiasiya, kimyəvi və bioloji müdafiə qoşunu cəlb etdiyini açıqlayıb. Zaporojye AES Dnepr çayının sol sahilində, Enerqodar şəhəri yaxınlığında yerləşir. Bu, aqreqatların sayına və quraşdırılmış gücünə görə Avropanın ən böyük atom elektrik stansiyasıdır. Stansiyada altı enerji bloku quraşdırılıb. AES mart ayından Rusiya hərbçiləri tərəfindən qorunur. Rusiya Xarici İşlər Nazirliyi nüvə və radioaktiv materialların sızmasının qarşısını almaq nöqteyi-nəzərindən Rusiya hərbçilərinin elektrik stansiyasını mühafizə etməsinə haqq qazandırdığını vurğulayıb.
16-08-2022, 14:43
“Biz Ukraynada Qərbin birləşmiş qüvvələri ilə vuruşuruq” - Rusiyalı nazir
“Rusiya Ukraynadakı hibrid müharibədə bu ölkənin rəhbərliyinə nəzarət edən Qərbin birləşmiş qüvvələri ilə qarşı-qarşıyadır”. Bunu Rusiyanın müdafiə naziri Sergey Şoyqu “Ordu-2022” forumu çərçivəsində Beynəlxalq Təhlükəsizlik üzrə Moskva Konfransının açılışında bildirib. O əlavə edib ki, Ukraynaya silah və hərbi texnikanın tədarükü artır, Ukrayna ordusunun şəxsi heyəti hazırlanır, millətçi rejimin həyat qabiliyyətini saxlamaq üçün böyük maliyyə resursları köçürülür. "Ukrayna silahlı qüvvələrinin hərəkətləri xarici hərbi məsləhətçilər tərəfindən planlaşdırılır və əlaqələndirilir. Kəşfiyyat məlumatları NATO-da mövcud olan bütün mənbələrdən verilir. Silahdan istifadə Qərb ekspertlərinin nəzarəti altında həyata keçirilir", - Şoyqu bildirib.
16-08-2022, 14:38
Şoyqu Ukraynada kimyəvi silahdan istifadəni istisna etdi
"Ukraynada xüsusi əməliyyat zamanı kimyəvi silahdan istifadə ehtimalı ilə bağlı iddialar absurddur". Bunu Rusiyanın müdafiə naziri Sergey Şoyqu çərşənbə axşamı Moskvada təhlükəsizlik konfransında bildirib. "Ukraynada kimyəvi silahdan mümkün istifadə ilə bağlı iddialar absurddur. Nəzərinizə çatdırım ki, ABŞ-dan fərqli olaraq, beynəlxalq öhdəliklərin yerinə yetirilməsi çərçivəsində bu cür silahlar hələ 2017-ci ildə ölkəmizdə tamamilə məhv edilib. Eyni zamanda, zəhərli maddələrdən istifadə edilən təxribatlar Suriyada “Ağ Dəbilqəlilər” kimi Qərbin himayə etdiyi ictimai təşkilatların əlamətdar xüsusiyyətinə çevrilib”, - Şoyqu vurğulayıb.
15-08-2022, 18:15
Donbasda vurulan təyyarə ilə bağlı qərar bu tarixdə açıqlanacaq
Niderklandın Haaqa Məhkəməsi 2014-cü il iyulun 17-də Ukraynanın Donetsk vilayəti üzərində Malayziyaya məxsus “Boeing 777” təyyarəsinin vurulması ilə bağlı qərarı noybarın 17-də açıqlayacaq. Bu barədə "Reuters" Hollandiya məhkəməsinə istinadən məlumat yayıb. Xatırladaq ki, 17 iyul 2014-cü ildə Donetsk vilayətində Amsterdam-Kuala Lumpur marşrutu ilə hərəkət edən və “Malaysia Airlines” aviaşirkətinə məxsus "Boeing-777" təyyarəsinin vurulması nəticəsində təyyarənin göyərtəsində olan 298 nəfərin hamısı həlak olmuşdu. Təyyarə Rusiyanın “Buk” zenit-raket kompleksi tərəfindən vurulub. Yanvar ayında Avropa İnsan Haqları Məhkəməsində də iş üzrə dinləmələr başlayıb. Məhkəmə 2020-ci ilin mart ayından davam edir, iş üzrə təqsirləndirilən şəxslərdən üçü Rusiya və biri Ukrayna vətəndaşıdır. Ötən ilin dekabrında Niderland prokurorluğu dörd müttəhimə ömürlük həbs cəzası verilməsini tələb edib.
15-08-2022, 18:09
Avropa İttifaqı və 42 ölkə Rusiyaya qarşı birləşdi
Avropa İttifaqı (Aİ) və 42 ölkə Rusiyaya qarşı birgə bəyanat verib. Butov.az xəbər verir ki, bəyanatda Rusiyanın Ukraynaya qarşı müharibə aparmaqla beynəlxalq hüququ pozduğu bildirilib, Avropanın ən böyük atom elektrik stansiyası olan Zaporojye AES-in Rusiya tərəfindən idarə olunmasının Beynəlxalq Atom Enerjisi Agentliyinin (AEBA) əsas prinsipləri üçün böyük təhlükə yaratdığı vurğulanıb. Bəyanatda, həmçinin nüvə obyektində rus əsgərlərinin varlığının qəbuledilməz olduğu qeyd edilib: “Rusiya qüvvələrinin Zaporojye Atom Elektrik Stansiyasında olması stansiyanın operatoruna, Ukrayna hakimiyyətinə,beynəlxalq konvensiyalar və MAQATE-nin təhlükəsizlik standartlarına uyğun olaraq nüvə və radiasiya təhlükəsizliyi üzrə öhdəliklərini yerinə yetirməyə mane olur, həmçinin MAQATE-nin təhlükəsizlik mandatını həyata keçirməsinə əngəl törədir. Biz Rusiyanı dərhal öz hərbi qüvvələrini və bütün şəxsi heyətini Zaporojye AES-dən, onun ətrafından, eləcə də Ukraynadan çıxarmağa çağırırıq”. Qeyd edək ki, birgə bəyanatı imzalayan ölkələr arasında Avropa İttifaqına üzv dövlətlər, o cümlədən Avstraliya, ABŞ, Böyük Britaniya, Yaponiya, Kanada, Gürcüstan, İslandiya, Lixtenşteyn, Monteneqro, Yeni Zelandiya, Şimali Makedoniya, Norveç, Cənubi Koreya, Moldova və Türkiyə də yer alıb.
15-08-2022, 17:54
“Rusiya hərbçiləri addım-addım Donbası azad edir” - Putin
Prezident Vladimir Putin bildirib ki, Rusiya ordusu Donbas torpaqlarını addım-addım azad etməklə bütün tapşırıqları aydın şəkildə yerinə yetirir. Butov.az xəbər verir ki, Putin bunu “Ordu - 2022” forumunda çıxışı zamanı deyib. "Bu gün xüsusi hərbi əməliyyat zamanı əsgərlərimiz Donbas döyüşçüləri ilə birlikdə öz vəzifələrini şərəflə yerinə yetirir, Rusiya uğrunda, “Donetsk və Luqansk Xalq respublikaları”nda dinc həyat uğrunda vuruşurlar. Onlar qarşıya qoyulan bütün vəzifələri aydın şəkildə yerinə yetirirlər. Donbass torpağını addım-addım azad edirlər”, - Putin vurğulayıb.
15-08-2022, 17:32
Rusiyaya casusluq edən həkim həbs olundu
Ukraynada Rusiyanın xüsusi xidmət orqanlarına casusluq edən şəxs ifşa olunub. Bu barədə ölkənin Təhlükəsizlik Xidməti məlumat yayıb. Bildirilib ki, saxlanılan şəxs Odessa vilayətində həkim işləyib. Onun Ukrayna Silahlı Qüvvələrinin mövqeləri və hərbi obyektləri barədə Rusiyaya məlumat ötürdüyü müəyyən edilib. Saxlanılan şəxs barəsində dövlətə xəyanət maddəsi ilə cinayət işi açılıb, məhkəmənin qərarı ilə həbs-qətimkan tədbiri seçilib. Hazırda faktla əlaqədar araşdırma aparılır.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!