5-04-2025, 18:14
Çox acınacaqlı və üzücü haldır - Kobaxidze təəssüfləndi
“Əcnəbi həmkarlar bəzən konkret bəyanatlarla ekstremist və radikal fəaliyyətlərin müxtəlif növlərini təşviq edirlər”.
Bu sözləri jurnalistlərə açıqlamasında Gürcüstanın Baş naziri İrakli Kobaxidze söyləyib.
“Biz bunu ölkəmizdə dəfələrlə görmüşük. Xarici həmkarlarımız bunu susqunluqla, bəzən də konkret bəyanatlarla təşviq edirlər. Bu da çox təəssüf doğurur və üzücüdür. Təəssüf ki, ayrı-ayrı səfirliklərin və təşkilatların fəaliyyəti dəyərlərə əsaslanmır. Bu, çox acınacaqlı və üzücü haldır. Biz bu ənənələrə məhəl qoymuruq”, - deyə Baş nazir bildirib.
5-04-2025, 16:33
Atəşkəs üçün heç bir ilkin şərt ola bilməz
Atəşkəs üçün heç bir ilkin şərt ola bilməz.
Bunu Ukrayna Prezidenti Volodimir Zelenski deyib.
"Atəşkəsdən sonra biz istənilən formatda danışa bilərik. Bizdə məlumat var ki, Vaşinqton atəşkəsə nail olmaq üçün son mərhələdədir. Anti-Rusiya sanksiyalarının gücləndiriləcəyi gözlənilir", - Ukrayna prezidenti əlavə edib.
Zelenski bildirib ki, Kiyev tərəfdaşlarla, xüsusən də Fransa və Böyük Britaniya ilə işləyir və hava hücumundan müdafiə sahəsində mümkün müttəfiqlərin mövcudluğunu müzakirə edir.
O, Donald Trampın Ukraynaya tətbiq etdiyi rüsumları şərh edərək qeyd edib ki, ABŞ-la ticarətin həcmi cəmi 3,5 milyard dollardır, ona görə də Amerika tarifləri nə Ukrayna iqtisadiyyatına, nə də hərbi təchizata təsir göstərməyəcək.
5-04-2025, 16:03
İki ölkə "super tank" yaradır
Almaniya və Fransa şirkətləri birlikdə tank istehsal etməyi planlaşdırır.
Almaniyanın "Rheinmetall" və KNDS, Fransanın "Thales" şirkətləri layihəyə cəlb edilib.
Üç şirkət Almaniyada birgə müəssisə yaradacaq. "Leopard-2 Leclerc" əsas döyüş tanklarının yeni nəsil "super tanklar"la dəyişdirilməsi 2040-cı ilə qədər baş tutacaq.
Almaniyanın müdafiə naziri Borus Pistorius qeyd edib ki, "super tanklar" mövcud tankların yeni versiyası deyil, süni intellektdən istifadə edən tamamilə yeni silah növüdür.
4-04-2025, 18:43
CHP-nin atdığı addımlar nəticə vermədi - Ərdoğan
Terrorsuz Türkiyə hədəfi planlaşdırdığımız şəkildə davam edir və bu istiqamətdə hər hansı problem yoxdur. Hadisələr hər ötən gün ölkəmizin və bölgəmizin xeyrinə daha sağlam bir formada davam edir. “Cumhur İttifaqı” olaraq bu prosesi ən yüksək səviyyədə qurur və davam etdiririk. Kimsə bu prosesdən özünə mənfi pay çıxarmasın. Bunların heç biri nəticə verməz.
Bu ifadələr Türkiyə Prezidenti Rəcəb Tayyib Ərdoğanın İstanbulda media nümayəndələrinə gündəmə dair açıqlamalarında yer alıb. Jurnalistlərin ABŞ-a səfəri ilə bağlı sualını cavablandıran R.T. Ərdoğan hələlik konkret bir tarixin müəyyənləşdirilmədiyini deyib: “Həm xarici işlər, həm də ticarət nazirlərimizin görüşləri və Amerika ilə bağlı səfər cədvəlləri gündəmdədir. Bu cədvəllər istənilən an işə düşə və əməkdaşlarımızın ABŞ-a səfərləri mümkün ola bilər. Həmin səfərlər zamanı son günlər gündəmə gələn vergi ilə bağlı məsələlər də əsas müzakirə mövzularından biri ola bilər. Arzumuz Türkiyəyə qarşı düşündükləri müsbət yanaşmanın reallaşdığını görməkdir”.
Cümhuriyyət Xalq Partiyasının (CHP) rəhbərliyinin tərəfdarlarını aprelin 2-də yerli mal və müəssisələri boykot etmək çağırışlarına da toxunan Türkiyə Prezidenti bu prosesin müxalifətin istəyinin tam əksinə getdiyini, həmin gün alış-veriş mərkəzlərinin daha da canlandığını qeyd edib: “Son hadisələr fonunda CHP-nin atdığı addımlar nəticə vermədi və verməyəcək. İqtisadiyyatda bu millətin əleyhinə kampaniya aparanları mənim heç kim bağışlamır. Əksinə, daha çox alış-veriş edir”.
4-04-2025, 16:50
Zelenski güzəştə getməyə hazırdır
Ukrayna prezidenti Vladimir Zelenski yaxın həftələr və ya aylar ərzində Rusiya ilə münaqişə zonasında atəşkəs imzalana biləcəyini açıqlayıb.
Zelenski həmçinin bildirib ki, Ukrayna Rusiyaya keçən ərazilərlə bağlı kompromislərə getməyə hazırdır. O bu torpaqları Rusiya ərazisi kimi tanımaqdan imtina edib, deyib ki, onların geri dönüşü zamanla, diplomatik kanallarla baş verə bilər.
Rusiya istənilən ərazi güzəştlərindən imtina edir.
Zelenski isə qeyd etdiyi variantı münaqişəyə son qoymağın yeganə yolu hesab edib, çünki bu, əbədi davam edə bilməz. O, hansı əraziləri nəzərdə tutduğunu dəqiqləşdirməyib.
Xatırladaq ki, Luqansk, Donbass, Xerson və Zaporojye vilayətləri 2022-ci ildə keçirilən qondarma referendumun nəticələrinə görə, Rusiyanın tərkibinə daxil olublar.
4-04-2025, 16:41
Xalq boykotçuları bağışlamadı - Ərdoğan
Türkiyə Prezidenti Rəcəb Tayyib Ərdoğan müxalifətin "boykot" çağırışlarına münasibət bildirib.
O deyib ki, xalq bu çağırışlara etibar etmir və iqtisadiyyata zərər vurmaq istəyənləri bağışlamır.
“Tam əksinə, daha çox alış-veriş edir, xalq onları bağışlamır” – deyə o qeyd edib.
O, həmçinin bildirib ki, xalqın milli və yerli mövqeyi olduqca önəmlidir: “Dün bir yerə qonaq getdim. Dedilər ki, bütün fabrik avadanlıqları səfərbər olunub. Hər kəsin çənəsi dolu şəkildə işə gəlməsi təmin olunub. Bu, milli ruhun göstəricisidir”.
Ərdoğan çıxışının sonunda vurğulayıb ki, Türkiyə hər sahədə – iqtisadiyyatda, siyasətdə, mədəniyyətdə və beynəlxalq münasibətlərdə daha güclü şəkildə irəliləyir və bu prosesi fərqli formada davam etdirəcək.
4-04-2025, 16:25
Zəlzələ qurbanlarının sayı 3301 nəfərə çatıb
Myanmada zəlzələ qurbanlarının sayı 3301 nəfərə çatıb.
Bu barədə ölkənin yerli KİV-ləri məlumat yayıb.
Məlumata görə, 7.7 bal gücündə dağıdıcı zəlzələdə 4792 nəfərin müxtəlif dərəcəli bədən xəsarətləri aldığı bildirilir.
Bundan başqa, 221 nəfərin ölüsü və ya dirisi tapılmadığından, onlar itkinlər siyahısına salınıb.
Xatırladaq ki, martın 28-də Myanmada ardıcıl iki güclü zəlzələ baş verib. Təbii fəlakət çoxsaylı insan itkiləri ilə yanaşı, genişmiqyaslı dağıntılara yol açıb.
4-04-2025, 15:53
Putin Trampla yaxın günlərdə danışacaq? - Kremldən AÇIQLAMA
Rusiya prezidenti Vladimir Putinlə ABŞ prezidenti Donald Tramp arasında yaxın günlərdə telefon danışığı planlaşdırılmır.
Bunu Kremlin mətbuat xidmətinin rəhbəri Dmitri Peskov jurnalistlərə bildirib.
"Prezidentin qrafikində bununla bağlı hələ heç nə yoxdur", - Dmitri Peskov deyib.
O, həmçinin Trampın müşavirlərinin ona Moskva Ukraynada tam atəşkəs elan edənə qədər Rusiya prezidentinə zəng etməkdən çəkinməyi tövsiyə etməsi ilə bağlı xəbəri şərh etməyib.
"Hazırda mediada çoxlu saxta, şayiələr, fərziyyələr və açıq yalanlar dərc olunur", - Kremlin mətbuat katibi bildirib.
O əlavə edib ki, Rusiya və ABŞ Vladimir Putinin əvvəllər səsləndirdiyi Ukrayna böhranının həllinin “nüansları” ilə bağlı danışıqlar aparır.
Rusiya və ABŞ prezidentləri arasında ilk telefon danışığı fevralın 12-də olub. Putinlə Tramp arasında ikinci söhbət isə martın 18-də baş tutub.
4-04-2025, 14:20
Gürcüstan Təhlükəsizlik Xidmətinin yeni rəhbəri təsdiqləndi
Anri Oxanaşvilini Gürcüstan Təhlükəsizlik Xidmətinin yeni rəhbəri vəzifəsinə seçilib.
Gürcüstan parlamenti 79 səslə Anri Oxanaşvilini Gürcüstanın Dövlət Təhlükəsizlik Xidmətinin rəhbəri vəzifəsinə təsdiq edib.
Anri Oxanaşvili altı il bu vəzifəni icra edəcək.
Oxanaşvili üç çağırış parlamentin deputatı olub, bundan əvvəl isə parlament Aparatının rəhbəri işləyib.
2024-cü ilin noyabrında Oxanaşvili ədliyyə naziri təyin edilib.
Oxanaşvilinin 39 yaşı var. O, əvvəlcə İvane Cavaxişvili adına Tbilisi Dövlət Universitetində, sonra isə Almaniyanın Yena Fridrix Şiller Universitetində təhsil alıb. O, Almaniyada da doktorluq dissertasiyası müdafiə edib.
4-04-2025, 14:11
Xarici işlər nazirinin müavini işdən çıxarıldı
Paruyr Hovhannisyan Ermənistan xarici işlər nazirinin müavini vəzifəsindən azad edilib.
Bu barədə Ermənistan hökumətinin mətbuat xidməti məlumat yayıb.
Məlumata görə, Ermənistanın baş naziri Nikol Paşinyan bu haqda müvafiq qərar imzalayıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!