Dünya » Səhifə 27

12-12-2024, 17:13

Ərdoğanla daim əlaqə saxlayırıq - Putin

Rusiya və Türkiyə liderləri daimi təmasdadırlar.
Bunu Rusiya prezidenti Vladimir Putin Moksvada keçirdiyi böyük mətbuat konfransında deyib.
“Biz Türkiyə prezidenti Rəcəb Tayyib Ərdoğanla daim əlaqə saxlayırıq. Onunla sonuncu dəfə nə vaxt danışdığımızı xatırlamıram, amma biz təbii ki, regiondakı, Yaxın Şərqdəki vəziyyəti müzakirə etdik”, - Putin bildirib.

Ərdoğanla daim əlaqə saxlayırıq - Putin

12-12-2024, 17:05

Bolqarıstan və Rumıniya Şengen sazişinə qoşulur

Avropa İttifaqı Şurası 2025-ci il yanvarın 1-dən etibarən Bolqarıstan və Rumıniyanın Şengen sazişinə qoşulacağını və həmin ölkələrlə quru sərhədlərində nəzarətin ləğv ediləcəyini təsdiqləyib.
Bu barədə Avropa İttifaqı Şurasının bəyanatında deyilir.
Sofiya və Buxarestin Şengen zonasına qəbulu prosesində yekun qərar Avropa İttifaqı liderlərinın dekabrın 19-20-də Brüsseldə keçiriləcək sammitində veriləcək, lakin bu, formal xarakter daşıyacaq. Belə ki, ədliyyə və daxili işlər nazirləri artıq qərarı Aİ Şurasında təsdiqləyiblər.
Xatırladaq ki, Bolqarıstan və Rumıniya 2007-ci ildə Avropa İttifaqına üzv qəbul edilmişdi. Lakin onların Şengen sazişinə qoşulması bir sıra problemlər, əsasən də korrupsiya ilə mübarizə məsələsi həll olunanadək təxirə salınmışdı. Proses 2015-ci ildə Aİ-də miqrasiya böhranından sonra tamamilə dayanmışdı. 2024-cü ilin martında Brüssel bu ölkələrin hava və su nəqliyyatında pasport nəzarətini ləğv etmişdi.
Bolqarıstan və Rumıniyanın sazişə qəbulu onların Avropa İttifaqı üzvü olmasından 18 il sonra reallaşıb.

Bolqarıstan və Rumıniya Şengen sazişinə qoşulur

12-12-2024, 16:51

Tramp "İlin adamı" elan edildi - FOTO

"Time" jurnalı "İlin adamı" nominasiyası üzrə qalibi açıqlayıb.
ABŞ-ın yeni seçilmiş prezidenti Donald Trampı ilin adamı elan edilib.
Redaktorların fikrincə, Trampı son 12 ayda dünyaya ən çox təsir edən şəxs olub.
Qeyd edək ki, bu il “İlin adamı” adına on nəfərin namizədliyi irəli sürülüb.
Jurnal 1927-ci ildən bəri hər dekabr sayında "İlin Adamı"nı seçir və onların şəklini üz qabığında yerləşdirir. Bu ilki namizədlər aşağıdakılar idi:

ABŞ-ın vitse-prezidenti Kamala Harris;
Uels şahzadəsi Kate Middleton;
Milyarder Elon Musk;
Mərhum rusiyalı müxalifət lideri Aleksey Navalnının arvadı Yuliya Navalnaya;
İsrailin baş naziri Benyamin Netanyahu;
Federal Ehtiyat Sisteminin sədri Cerome Pauell;
Amerikalı komediyaçı Co Roqan;
Meksika tarixində ilk qadın prezidenti Klaudia Şeinbaum;
"Meta"nın sahibi Mark Zukerberq.

Tramp "İlin adamı" elan edildi - FOTO

12-12-2024, 16:30

Ərdoğan Orbanı qəbul etdi

Türkiyədə səfərdə olan Macarıstanın baş naziri Viktor Orban Prezident Rəcəb Tayyib Ərdoğanla görüşüb.
Viktor Orbanın Ərdoğanla Rusiya-Ukrayna müharibəsi və digər regional məsələlər ətrafında fikir mübadiləsi apardığı bildirilir.

Ərdoğan Orbanı qəbul etdi

12-12-2024, 15:31

[b]Bayden ABŞ tarixində ən böyük əfv qərarını verdi[/b]

ABŞ prezidenti Co Bayden qeyri-zorakı cinayətlərdə ittiham olunan 39 məhkumu əfv edib.
Bu barədə Ağ Ev məlumat yayıb.
O, həmçinin COVID-19 pandemiyası zamanı ev dustaqlığına buraxılan və “ailələrinə uğurla inteqrasiya olunan” 1500 nəfərin cəzasını yüngülləşdirib.
Məlumatda bildirilir ki, bu, müasir ABŞ tarixində ən böyük əfv qərarıdır. Əfv olunanların adları açıqlanmayıb.
O, yaxın vaxtlarda digər şəxslərin də əfv olunmasını nəzərdən keçirəcəyini bildirib.

Bayden ABŞ tarixində ən böyük əfv qərarını verdi

12-12-2024, 14:55

DSX rəisi Yaşar Gülərlə görüşdü

Türkiyənin milli müdafiə naziri Yaşar Gülər Azərbaycanın Dövlət Sərhəd Xidmətinin rəisi general-polkovnik Elçin Quliyevi qəbul edib. Modern.az xəbər verir ki, bu barədə Türkiyə MN-in "X" hesabında paylaşım edilib. Qeyd edilib ki, Yaşar Gülər nazirliyə gələn general-polkovnik Elçin Quliyevi qarşılayaraq qardaş ölkənin komandanı ilə görüş keçirib.

DSX rəisi Yaşar Gülərlə görüşdü

12-12-2024, 13:36

Türkiyədən ABŞ-a xəbərdarlıq: “Ya özün məşğul ol, ya da bizə burax!”

Türkiyə ABŞ-a Suriyanın şimalında PKK terror təşkilatına bağlı qüvvələrin mövcudluğuna son qoyması üçün xəbərdarlıq edəcək.
Bu barədə "CNN Türk" məlumat yayıb.
Məlumata görə, ABŞ Suriyanın şimalındakı kürd terrorçularının mövcudluğuna son qoymayacağı təqxdirdə, Ankaranın özü bölgəni onlardan təmizləmək üçün tədbirlər görəcək.
Mənbənin sözlərinə görə, Türkiyə tərəfinin bu mesajı Ankarada ölkənin xarici işlər naziri Hakan Fidan və ABŞ dövlət katibi Antoni Blinken arasında dekabrın 13-nə planlaşdırılan danışıqlarda açıqlanacaq.
Telekanalın Ankara bürosunun rəhbəri Dicle Canova deyib: “Mənə çatan məlumata görə, ABŞ-a bir daha açıq şəkildə bəyan ediləcək: “Ya siz bu məsələylə məşğul olun, ya da biz lazım olan hər şeyi edəcəyik!”".
Türkiyə tərəfi Vaşinqtonun Suriya ilə bağlı öhdəliklərini yerinə yetirmədiyinə və PKK və onun Suriya qolu olan PYD-YPG-yə dəstəyi dayandırmaq zərurətinə diqqət çəkəcək.
“Türkiyənin Suriyanın şimalı ilə bağlı əsas məqsədi əvvəlcə sərhəddə 30-40 km dərinlikdə təhlükəsizliyi təmin etmək olub. Bu məsələ ilə bağlı ABŞ və Türkiyə arasında razılaşma olub, öhdəliklər götürülüb, amma yerinə yetirilməyib”, – jurnalist qeyd edib.

Türkiyədən ABŞ-a xəbərdarlıq: “Ya özün məşğul ol, ya da bizə burax!”

12-12-2024, 12:33

Tramp İran üzrə xüsusi elçi təyin edəcək: Namizəd bəlli oldu

ABŞ-ın yeni seçilmiş prezidenti Donald Tramp vaşinqtonun İran üzrə xüsusi elçisi vəzifəsinə ABŞ Milli Kəşfiyyatının keçmiş direktoru vəzifəsini icra edən Riçard Qrenellin namizədliyini irəli sürə bilər.
Bu barədə “Reuters” agentliyi mənbələrə istinadən məlumat yayıb.
“O, şübhəsiz ki, bu vəzifə üçün nəzərdən keçirilir”, - Trampın keçid komandasının planları ilə tanış olan həmsöhbətlərdən biri agentliyə bildirib.
Qeyd olunur ki, xüsusi elçinin namizədliyi və gələcək administrasiyanın İranla bağlı strategiyası ilə bağlı yekun qərar hələ verilməyib. Bununla belə, Trampın bu rol üçün “əsas müttəfiqi” Qreneli hesab etməsi, “Reuters” agentliyinə görə, növbəti Amerika liderinin İranla “danışıqlara açıq ola biləcəyinə” işarə sayıla bilər.
Agentliyin mənbələri qeyd edib ki, Qrenellin namizədliyi təsdiq olunarsa, onun öhdəliklərinə “regiondakı və ondan kənardakı ölkələrlə” məsləhətləşmələr, həmçinin Tehranın potensial danışıqlarda iştirak etmək əhval-ruhiyyəsini qiymətləndirmək daxildir.

Tramp İran üzrə xüsusi elçi təyin edəcək: Namizəd bəlli oldu

12-12-2024, 12:10

Əli Əsədov Moskvada Heydər Əliyevin xatirəsini yad edib - FOTO

Dekabrın 12-də Rusiya Federasiyasında işgüzar səfərdə olan Baş nazir Əli Əsədov Azərbaycanın Moskvadakı səfirliyinin binasında olub.
Baş nazir Azərbaycan xalqının Ümummilli Lideri Heydər Əliyevin büstü önünə gül dəstələri qoyub.

Əli Əsədov Moskvada Heydər Əliyevin xatirəsini yad edib - FOTO

11-12-2024, 17:43

Ermənistanda daha bir qalmaqallı istefa

Ermənistan parlamentinin deputatı istefa verib.
Hakim “Mülki müqavilə” partiyasının deputatı Davit Aruşanyan deputat mandatından imtina edib.
Bu barədə məlumatı Milli Assambleyadan təsdiqləyiblər.

Ermənistanda daha bir qalmaqallı istefa