Dünya » Səhifə 385

16-07-2023, 12:38

138 miqrant Əfqanıstana göndərildi

Türkiyənin Kocaeli ərazisində keçirilən əməliyyatlar zamanı tutulan 138 qeyri-qanuni miqrant Əfqanıstana göndərilmək üçün avtobuslarla Cengiz Topel hava limanına aparılır. 138 qeyri-qanuni mühacir təhlükəsizlik məntəqəsindən keçdikdən sonra Əfqanıstan Hava Yollarına məxsus təyyarə ilə çarter reysləri ilə ölkələrinə göndəriləcək.
Bu gün ediləcək çarter reysi ilə ilin əvvəlindən bu yana deportasiya edilən immiqrantların sayı 2688 olacaq. 2017-ci ildən bu yana deportasiya edilən qeyri-qanuni miqrantların sayının 18 095 nəfər olduğu bildirilib.

138 miqrant Əfqanıstana göndərildi

16-07-2023, 11:00

Pakistan XİN-dən İsveç hökümətinə etiraz

Pakistan Xarici İşlər Nazirliyi Tövrat və İncilin yandırılmasına icazə verdiyinə görə İsveç hakimiyyətini tənqid edib.
Bu barədə nazirlik bəyanat yayıb.
Pakistan XİN bildirib ki, söz və fikir azadlığı pərdəsi altında dini nifrət yaradan təhqiramiz əməllərə bəraət qazandırmaq olmaz.
Qeyd edək ki, iyunun 28-də - Qurban bayramının ilk günü Stokholmda məscidin qarşısında təxribat məqsədilə “Qurani-Kərim” yandırılıb. İsveçdə dəfələrlə müqəddəs kitablara qarşı bu kimi hallar yaşanır və etirazlara baxmayaraq İsveç polisi buna biganə qalır.

Pakistan XİN-dən İsveç hökümətinə etiraz

16-07-2023, 10:10

Tel-Əvivdə kütləvi etiraz aksiyası - 150 mindən çox insan iştirak etdi

İsrailin paytaxtı Təl-Əvivdə məhkəmə islahatlarına qarşı keçirilən etiraz aksiyasında 150 mindən çox insan iştirak edib.
Bu barədə “The Times of Israel” qəzeti yazıb.
28-ci dəfədir keçirilən aksiyada etirazçılar əllərində “Bayden bizi xilas et” yazılan plakatlar tutaraq ABŞ prezidenti Co Baydeni İsrail baş naziri Benyamin Netanyahuya təzyiq göstərməyə çağırıb.
Son günlər etirazlar daha da artıb, müxalifət iyulun sonunda hökumətin məhkəmə sisteminə düzəlişləri qəbul edəcəyini və yay tətilinə çıxacağını gözləyir.
İyulun 15-də İsrail hökumətinin iclası 73 yaşlı baş nazir Benyamin Netanyahunun xəstəliyi ilə əlaqədar iyulun 17-nə təxirə salınıb.
Mart ayından bəri İsraildə məhkəmə islahatları ilə əlaqədar genişmiqyaslı etirazlar keçirilir. Dəyişikliklərə əsasən, hökumət hakimlərin təyinatına və Ali Məhkəmənin səlahiyyətlərinin azaldılmasına nəzarət edəcək. Etirazlara görə qanun layihəsinə baxılması yaya qədər təxirə salınıb.

Tel-Əvivdə kütləvi etiraz aksiyası - 150 mindən çox insan iştirak etdi

15-07-2023, 20:16

İsrailin Baş naziri xəstəxanaya yerləşdirildi

İsrailin baş naziri Benyamin Netanyahu xəstəxanaya yerləşdirilib. O, evdə özünü pis hiss edib və daha sonra huşunu itirib.
73 yaşlı siyasətçi Tel-Əvivdəki Şeba Tibb Mərkəzinin təcili yardım şöbəsinə yerləşdirilib.
Netanyahunun vəziyyətinin qənaətbəxş olduğu və tibbi müayinədən keçdiyi bildirilir.

İsrailin Baş naziri xəstəxanaya yerləşdirildi

15-07-2023, 13:25

FETÖ-yə qarşı dünyanı daraltmağa davam edəcəyik - Hakan Fidan

Dünyanı FETÖ-yə dar etməyə davam edəcəyik. Bunu Türkiyənin xarici işlər naziri Hakan Fidan İndoneziyanın XİN başçısı Retno Marsudi ilə birgə mətbuat konfransında deyib.
“Bütün qurumlarımızla koordinasiyalı şəkildə FETÖ-yə qarşı dünyanı daraltmağa davam edəcəyik. FETÖ ilə mübarizəni milli təhlükəsizliyimizin ən mühüm məsələlərindən biri kimi görürdük. Onlar Türkiyə düşmənlərinə xidmət edən çirkin siyasi məqsədləri üçün xalqımızın tarixindən doğan bütün müqəddəs dəyərlərdən amansızcasına sui-istifadə etdilər. Onların əsl üzünü görənlərə qarşı hər cür sui-qəsdlər qururlar. 7 fevral MİT yük maşınları və 17-25 dekabr əməliyyatları ilə prezidentimizi və dövlətimizi ram etməyə çalışdılar. Nəhayət, iyulun 15-də onlar son addımlarını atdılar", - deyə nazir qeyd edib.

FETÖ-yə qarşı dünyanı daraltmağa davam edəcəyik - Hakan Fidan

15-07-2023, 13:08

Türkiyə 15 iyulda həlak olanların xatirəsini yad edir

Türkiyə xalqı 15 iyul dövlət çevrilişi cəhdinə qarşı mübarizədə həlak olanları xatirəsini ehtiramla yad edir. “Demokratiya və Milli Birlik Günü” münasibətilə 15 İyul Şəhidlər Körpüsünə Türkiyənin dövlət bayrağı sancılıb, həmçinin körpü üzərinə “7 il əvvəl bu gün 34 can vətən naminə şəhid oldu” və “Vətən və millət eşqinə” sözləri yazılmış nəhəng plakatlar asılıb.
Bu körpü İstanbulda çevriliş cəhdinə qarşı müqavimətin rəmzlərindən biridir. Yeddi il əvvəl burada 34 nəfər şəhid olub. 15 İyul Şəhidlər Körpüsü hələ də çevriliş cəhdinin izlərini daşıyır. Asiya ilə Avropanı birləşdirən körpü istifadəyə verildiyi 1973-cü ildə “Boğaziçi” adlanırdı, 43 ildən sonra ona 15 İyul Şəhidlər Körpüsü adı verilib.
Xatırladaq ki, 2016-cı il iyulun 15-də Türkiyədə dövlət çevrilişinə cəhdin qarşısı alınarkən 252 mülki şəxs və əsgər şəhid olub.

Türkiyə 15 iyulda həlak olanların xatirəsini yad edir

15-07-2023, 12:02

Koreya Prezidentindən Ukraynaya gözlənilməz səfər

Cənubi Koreya Prezidenti Yun Sok Yel Kiyevə gözlənilməz səfər edib. O, Ukrayna Prezidenti Volodimir Zelenski ilə görüşəcək. C.Koreya Prezidenti artıq Buça və İrpendə olub.
Qeyd edək ki, Yun Sok Yel bundan əvvəl Litvada, daha sonra isə Polşada NATO-nun sammitinə də qatılıb.

Koreya Prezidentindən Ukraynaya gözlənilməz səfər

15-07-2023, 10:29

Həkim Saakaşvilinin testlərini oğurlamaq istədi

Polşalı həkim Gürcüstanın keçmiş prezidenti Mixail Saakaşvilinin testlərini oğurlamağa çalışıb. Bu barədə Gürcüstan Penitensiar Xidməti məlumat yayıb.
İddia olunur ki, polşalı həkimlərin Saakaşvilini ziyarəti zamanı xoşagəlməz insident baş verib. Belə ki, polşalı həkim Saakaşvilidən götürdüyü nümunəni kağıza büküb və ayaqqabısında gizlətməyə cəhd edib. Onun niyə belə bir addım atmasının səbəbi bəlli deyil.
Xatırladaq ki, bir neçə gün əvvəl polşalı həkim heyəti Tbilisidəki "Vivamed" klinikasına gələrək Saakaşvilinin vəziyyəti ilə tanış olub, öz tövsiyələrini klinika rəhbərliyinə çatdırıblar.
2021-ci ildə ölkəsinə qayıdarkən həbs olunan Saakaşvili dəfələrlə aclıq aksiyası keçirib və səhhətində ağır problemlər yaranıb. O, daha sonra müalicə müəssisəsinə köçürülüb.

Həkim Saakaşvilinin testlərini oğurlamaq istədi

15-07-2023, 10:11

ABŞ-da güclü partlayış

ABŞ-ın Plaquemin şəhərində (Luiziana ştatı) yerləşən “Dow Chemical” kimya zavodunda güclü partlayış olub. Bununla bağlı sosial şəbəkələrdə görünütlər yayılıb.
Hadisə yerində lentə alınan videoda partlayışdan sonra güclü yanğının başladığı və qalın tüstü görünür.
Əraziyə xilasedicilər və yanğınsöndürənlər göndərilib. Təfərrüatlar məlum deyil.

ABŞ-da güclü partlayış

14-07-2023, 19:45

Paşinyan da Belçikada səfərdədir

Ermənistan Baş naziri Nikol Paşinyan Belçikaya səfər edib. Bu barədə Ermənistan hökumətinin mətbuat xidməti məlumat yayıb.
Bildirilir ki, o, əvvəlcə Brüsseldə Avropa İttifaqı Şurasının prezidenti Şarl Mişellə görüşəcək, daha sonra Azərbaycan Prezidenti İlham Əliyevin də iştirakı ilə üçtərəfli görüşə qatılacaq.
Qeyd edək ki, Mişel artıq İlham Əliyevlə görüşüb.

Paşinyan da Belçikada səfərdədir