16-10-2024, 00:11
Vaşinqton COP29-la sülh sazişini əlaqələndirmir
ABŞ Azərbaycan və Ermənistan arasında sülh
sazişini heç vaxt COP29 tədbiri ilə əlaqələndirməyib.
Bunu ABŞ Dövlət Departamentinin sözçüsü Metyu Miller mətbuat konfransı zamanı deyib.
“Biz heç vaxt razılaşmanı COP29-la əlaqələndirməmişik. Bir neçə ay əvvəl sülh sazişini görmək istəyirdik, sazişin əldə olunmasına çalışırdıq. Ancaq bu, ABŞ-nin deyil, tərəflərin işidir", - Miller qeyd edib.
15-10-2024, 23:37
Rusiya Ukraynada bu qədər ərazini ələ keçirib - Şok rəqəmlər
Rusiya ordusu avqust ayında Ukraynanın 351 kv.km, sentyabrda 468 kv.km ərazisini ələ keçirib.
Bu barədə "UA War Infographics" layihəsi məlumat yayıb.
Bildirilir ki, Rusiya ordusu ilin ilk yarısında hər ay 200 kvadrat kilometrdən çox olmayan ərazini nəzarət altına alıb.
Qrafikdəki məlumatlardan belə nəticə çıxır ki, 2024-cü ilin doqquz ayı ərzində Rusiya 1559 kvadrat kilometr ərazini ələ keçirib.
Nəşrin müəllifləri qeyd edir ki, bu ilin avqust və sentyabr aylarında Rusiya bütün 2023-cü illə müqayisədə 5,5 dəfə çox Ukrayna ərazisini ələ keçirib. Müəlliflər bunun əsas səbəbini silah çatışmazlığı (Qərb tərəfdaşları Ukraynanın ehtiyaclarına cavab vermir və vədlərinə əməl edə bilmir) və Rusiyanın taktika dəyişdirməsi ilə əlaqələndirir.
15-10-2024, 23:09
Erməni nazir Türkiyədə
Ermənistanın ərazi idarəetmə və infrastruktur naziri Qnel Sanosyan Türkiyəyə səfər edib.
O, İstanbulda Türkiyənin nəqliyyat və infrastruktur naziri Abdulkadir Uraloğlu ilə görüşüb.
Görüşdə müzakirə olunan məsələlər açıqlanmayıb.
Danışıqlar Beynəlxalq Yol Federasiyasının İstanbul Konqresi çərçivəsində baş tutub.
15-10-2024, 22:41
"Döyüş bölgəsində sursatların 20 faizi yararsızdır"
Ukrayna Silahlı Qüvvələrinin istifadə etdiyi sursatların bir hissəsi nasazdır.
Bu barədə Ukraynanın müdafiə naziri Rustem Umerov bildirib.
"Təxmini hesablamalara görə, döyüş bölgəsindəki döyüş sursatlarının 20%-ə qədəri yararsızdır", - deyə o qeyd edib.
Məlumata görə, yararsız sursatlar döyüş bölgəsində utilizasiya ediləcək.
"Handelsblatt" qəzeti bundan əvvəl mənbələrə istinadən yazıb ki, Qərbin Ukraynaya verdiyi artilleriya sursatlarının bir qismi nasazdır.
15-10-2024, 00:28
Bayden və Harrisin komandaları arasında gərginlik artır
Prezident seçkilərinə bir neçə həftə qalmış Kamala Harrislə Co Baydenin komandaları arasında münasibətlər daha da gərginləşir.
Bu barədə “Axios” 10-a yaxın mənbəyə istinadən yazıb. Bildirilir ki, Harris komandasının bəzi nümayəndələri Ağ Evin köməkçilərinin Baydenin cədvəlini vitse-prezidentin kampaniyası ilə uyğunlaşdırmaq üçün kifayət qədər koordinasiya etməməsindən şikayətlənirlər. Buna sübut olaraq, oktyabrın 11-də Harrisin Miçiqan ştatında seçicilərlə görüşü zamanı Ağ Evin brifinq otağında Baydenin qeyri-müəyyən mətbuat konfransı keçirməsinin Harrisin tədbirinin gözləniləndən daha az televiziyada yayımlanmasına səbəb olduğu deyilir. Bununla yanaşı, ötən həftənin əvvəlində Harris Florida qubernatoru Ron De Santisi son qasırğalarla bağlı zənglərinə cavab vermədiyi üçün tənqid etdiyi halda, qısa vaxt sonra Bayden qubernatoru qayğıkeş və işgüzar adlandırıb. Vəziyyətlə tanış olan bir şəxs “Axios”a Harrisin şərhləri ilə bağlı Baydenə məlumat verilmədiyini söyləyib. Harris kampaniyasından başqa bir nəfər bildirib ki, Ağ evdə deyilənlərin seçki kampaniyasına necə təsir edəcəyini düşünən adam yoxdur.
Qeyd olunur ki, Bayden və Harris komandaları arasında gərginlik qaçılmaz idi. Belə ki, Demokratlar Partiyasının Baydenə seçki yarışından çəkilməsi üçün təzyiq etməsi ilə yanaşı, Ağ Evdə olan vitse-prezidentin Oval Ofisin sahibi ilə daxili mübahisəsi ilk hal deyil. Bu baxımdan 2000-ci ildə Al Qor ilə Bil Klinton və 1988-ci ildə Corc Buş və Ronald Reyqan arasında gərginlik misal olaraq göstərilib.
Koordinasiya ilə bağlı problemin olmasına baxmayaraq, bəzi mənbələr Ağ ev komandasının Harrisin qalib gəlməsi üçün gərgin işlədiyini bildirib. Ağ Ev daxildə yüksək səviyyəli rəsmilər arasında gərginliyin olmasını təkzib edib.
14-10-2024, 22:21
Rusiya Odessanı vurdu: Ölü və yaralılar var
“Oktyabrın 14-də Rusiya qoşunları yenidən ballistik raketlərlə Odessanın liman infrastrukturuna hücum edib. Bir həlak olan, səkkiz yaralı var”.
Bu barədə Ukraynanın Baş nazirin ərazi bərpası üzrə müavini Aleksey Kuleba “Telegram” kanalında yazıb.
“Rusiya Federasiyası tərəfindən liman infrastrukturuna növbəti hücum: bir nəfər həlak olub, iki mülki gəmi zədələnib. Oktyabrın 14-də Rusiya Odessa limanını növbəti dəfə atəşə tutub. Hücum nəticəsində 1 nəfər həlak olub, 8 nəfər yaralanıb. Hamısı mülki şəxslərdir”, - deyə Kuleba bildirib.
Bundan əlavə, Palau bayrağı altında üzən OPTIMA quru yük gəmisi artıq ikinci dəfədir zədələnir.
“Bir həftə əvvəl gəmi ballistik hücum nəticəsində artıq zədələnmişdi. O vaxt əcnəbilər - ekipaj üzvləri zərər çəkdi. Bu gün başqa bir gəmi - Beliz bayrağı altında “NS Moon” gəmisi zədələnib”, - deyə Baş nazirin müavini qeyd edib.
Hücum zamanı taxıl anbarına, yük kranlarına, anbarlara, avadanlıqlara, Dəniz Limanları Administrasiyasının filialının binalarına, avtomobillərə ziyan dəyib.
Odessa Vilayət Hərbi Administrasiyasının rəhbəri Oleq Kiperin sözlərinə görə, zərərçəkənlər xəstəxanaya yerləşdirilib, onlardan ikisinin vəziyyəti ağırdır.
“Həkimlər bütün lazımi yardımı göstərirlər. Bütün yaralılar və həlak olan liman infrastrukturunun işçiləri, Ukrayna vətəndaşlarıdır”, - deyə Kiper vurğulayıb.
14-10-2024, 20:55
Kurtulmuş erməni həmkarı ilə görüşdü
Türkiyə Böyük Millət Məclisinin sədri Numan
Kurtulmuş erməni həmkarı Alen Simonyanla görüşüb.
Bu barədə, o, "X" hesabında məlumat paylaşıb.
Görüşün Cenevrədə, Parlamentlərarası Birliyinin (İPU) 149-cu Baş Assambleyası çərçivəsində baş tutub.
14-10-2024, 16:48
"Müxalifət seçki ərəfəsində təxribatlara hazırlaşır"
Gürcüstan müxalifəti qarşıdan gələn parlament seçkiləri ilə bağlı təxribatlara hazırlaşır.
Bunu “Gürcü Arzusu – Demokratik Gürcüstan” partiyasının deputatı Rati İonatamişvili bildirib.
O qeyd edib ki, hakimiyyət təxribatın həyata keçirilməsinə mane olmaq üçün əlindən gələni edəcək.
“Aydındır ki, müxalifət hansısa təxribatlar təşkil etmək arzusundadır və onlar bu təxribatlar üçün nəinki xəyal qururlar, hətta konkret olaraq bəzi məkrli planlar da hazırlayırlar”, - İonatamişvili jurnalistlərə deyib .
Deputatın fikrincə, dövlət onların bu məkrli planlarını zərrə qədər də həyata keçirməsinə heç vaxt imkan verməyəcək.
14-10-2024, 13:33
NASA ən böyük kosmik gəmisini göndərir - 6 ilə çatacaq
ABŞ Milli Aeronavtika və Kosmik Tədqiqatlar İdarəsi (NASA) bu gün Yupiterin peyki olan Europaya kosmos gəmisi göndərəcək.
Bu barədə xarici KİV məlumat yayıb.
Gəmi orada hər hansı bir canlının olub-olmadığını araşdıracaq.
Europa Clipper missiyası Florida ştatındakı Kennedi Kosmik Mərkəzindən start götürəcək. Altı ton ağırlığında olan Clipper, NASA-nın indiyə qədər planetar missiya üçün inşa etdiyi ən böyük kosmik gəmidir. O, Marsın yanından keçib geriyə dönəcək, Yer ətrafında dövr edəcək, sonra Yupiterə gedəcək və 2030-cu ildə təyinat yerinə çatana qədər təxminən 3,22 milyard km yol qət edəcək.
5 milyard dollar dəyərində, 30 metr uzunluğunda olan kosmik gəmi Europanın səthində yaşayış üçün yararlı olub-olmadığını qiymətləndirmək üçün peyk tərəfindən buraxılan üzvi birləşmələrin və qazların izlərini araşdırmaq üçün qabaqcıl cihazlardan istifadə edəcək. O, doqquz aləti, o cümlədən ayın səthinin xəritəsini çəkmək üçün kameraları, eləcə də ayın qalın səthindəki buzun altına baxmaq üçün radar da daşıyır.
13-10-2024, 17:42
Gürcüstanda MSK işçilərinə təhdid
Gürcüstan Mərkəzi Seçki Komissiyasının əməkdaşlarının telefonlarına təhdid mesajları gəlməyə başlayıb.
Bunu Gürcüstan Mərkəzi Seçki Komissiyasının (MSK) sədri Giorgi Kalandarişvili deyib.
Onun sözlərinə görə, mesaj MSK əməkdaşlarına eyni nömrədən gəlib:
“Bütün mesajlarda ünvan sahibinin adı var ki, bu da mesajın müəllifinin həmkarlarımız və onların şəxsiyyətləri haqqında şəxsi məlumatları bildiyini təsdiqləyir. Biz onların maraqlarını mütləq qoruyacağıq”.
Giorgi Kalandarişvili vurğulayıb ki, buna bənzər hallar əvvəllər də baş verib. Belə ki, MSK əməkdaşlarına qarşı rüşvət vermək, qorxutmaq və ya başqa tədbirlər görmək istəyiblər.
Gürcüstanın Daxili İşlər Nazirliyi (DİN) isə vətəndaşları saxta bildirişlərə inanmamağa çağırıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!