Dünya » Səhifə 421

Əlaqə Haqqımızda

Azərbaycan və Türkiyənin XİN Başçıları görüşdü

And Yerimiz

Layihəyə Kürdəmirdə yekun vuruldu

Laçında tənha məzar

ƏSAS ALTMIŞI ADLAMAQDIR

Zəngəzur dəhlizi bəhanədir!

Təbrik edirik!

TRT-nin VERİLİŞİ ANTİ-TÜRK AKTIDIR

Ruhların görüş yeri

Xocalının Xanyurdu kəndinə 62 nəfər qayıtdı

TƏBRİK EDİRİK!

57 min nəfər tələbə adını qazanıb ..... MİQ-də müsahibə mərhələsi yekunlaşdı ..... Yeni tələbələrin nəzərinə! - Təhsil kreditində yenilik var ..... Azərbaycanın Ukraynaya göstərdiyi humanitar yardımların ümumi həcmi ..... Stiven Douti Bakıdan sonra İrəvana getdi ..... MDB oyunlarında 10 ölkənin iştirakı təsdiqlənib - RƏSMİ ..... Ramiz Rövşənin səhhəti pisləşib? - AÇIQLAMA ..... Zəngəzur dəhlizi ilə bağlı mühüm AÇIQLAMA ..... Minsk Qrupu bu tarixdə LƏĞV EDİLİR .....

1-11-2023, 01:38

İordaniya İsraildəki səfirini geri çağırdı

İordaniya İsraildəki səfirini geri çağırıb.
Bu barədə "Peyda" informasiya agentliyi məlumat yayıb.
Bildirilir ki, ölkənin Xarici İşlər Nazirliyi səfirin geri çağırılması barədə qərar qəbul edib.
Qeyd olunur ki, İordaniya “İsrailin Qəzza zolağındakı müharibəsini rədd edir və pisləyir”.

İordaniya İsraildəki səfirini geri çağırdı

31-10-2023, 22:56

Hakan Fidan ərəbistanlı həmkarıyla telefon danışığı apardı

Türkiyə xarici işlər naziri Hakan Fidan bu gün Səudiyyə Ərəbistanlı həmkarı Feysəl bin Fərhan ilə telefon danışığı aparıb.
Bu barədə Türkiyə XİN məlumat yayıb.
Telefon danışığı zamanı Fələstindəki son proseslər müzakirə edilib.

Hakan Fidan ərəbistanlı həmkarıyla telefon danışığı apardı

31-10-2023, 21:58

İsrail-Fələstin qarşıdurmasının qarşısını almaq əsas vəzifəmizdir - Ərdoğan

Cümhuriyyətimizin 100 illik yubileyini 85 milyon insan olaraq böyük fəxrlə qeyd etdik. Birlikdə Türk əsrini qucaqlaşma, böyümə, inkişaf və sülh əsrinə çevirəcəyimizə ürəkdən inanıram. Yubiley həyəcanımızı istər telefonla, istərsə də mesajla bizimlə bölüşən dost ölkələrin rəhbərlərinə minnətdarlığımı bildirmək istəyirəm.
Bu sözləri Türkiyə Prezidenti Rəcəb Tayyib Ərdoğan Cümhuriyyətin ikinci əsrinin ilk hökumət toplantısından sonra xalqa müraciətində söyləyib.
Çıxışında İsrail-Fələstin qarşıdurmasına toxunan Ərdoğan bildirib ki, “davam edən bu qarşıdurmanın qarşısının alınması bizim əsas vəzifəmizdir. Bunun üçün əvvəlcə atəşkəs elan edilməli, sonra daimi sülhə yolun açılması zəruridir. Bütün əlaqədar tərəflərin iştirakı ilə təşkil ediləcək Fələstin-İsrail Beynəlxalq Sülh Konfransının bunun üçün ən uyğun platforma olacağına inanırıq”.
O, Türkiyə adından region ölkələri ilə əməkdaşlıq çərçivəsində yeni təhlükəsizlik mexanizminin yaradılmasını zəruri hesab etdiklərini, bu addım atılacağı təqdirdə məsuliyyəti öz üzərlərinə götürməyə hazır olduqlarını bildirib.
Türkiyə Prezidenti indiyədək ölkəsindən Fələstinə 213 ton humanitar yardım göndərildiyini, Misirin Rəfah keçid məntəqəsi açıq olduğu təqdirdə, bu yardımların davam edəcəyini deyib.
Sonra Türkiyə Prezidenti hökumət toplantısında ölkədaxili məsələlərlə bağlı alınan qərarları açıqlayıb.

İsrail-Fələstin qarşıdurmasının qarşısını almaq əsas vəzifəmizdir - Ərdoğan

31-10-2023, 20:45

İsrail ordusunun 20 mindən çox hərbçisi Qəzza zolağına daxil oldu

İsrail ordusunun 20 mindən çox hərbçisi Qəzza zolağına daxil olub.
Bu barədə Amerikanın "Axios" nəşri İsrail ordusundakı iki mənbəyə istinadən məlumat yayıb.
Bildirilir ki, iki tank və piyada diviziyası Qəzzaya daxil olub. Nəşr əlavə edir ki, ordu quru əməliyyatlarının genişləndirilməsini müdaxilə adlandırmayacaq.
Anklavda İsrail ordusu yerli kəşfiyyat mənbələrindən istifadə edərək girovları tapmağa çalışır.

İsrail ordusunun 20 mindən çox hərbçisi Qəzza zolağına daxil oldu

31-10-2023, 17:29

Türkiyə Yunanıstanın nəzarətində olan adasını geri aldı

Türkiyə Ege dənizində Yunanıstanın nəzarəti altında olan Zürafə Qayalığı adasını geri alıb.
Bu barədə "TGRT Haber" məlumat yayıb.
Bildirilib ki, ada balıqçılıq və müdafiə baxımından strateji əhəmiyyət kəsb edir.
Məlumata görə, Ankara Afinaya rəsmi məktub göndərərək sözügedən adanın ona aid olduğunu bildirib. Qeyd olunub ki, adanın suverenlik hüququ ancaq Türkiyəyə məxsusdur. Yunanıstan məktuba müsbət cavab verib.

Türkiyə Yunanıstanın nəzarətində olan adasını geri aldı

31-10-2023, 17:03

Abdullahian HƏMAS lideri ilə görüşdü

İran xarici işlər naziri HƏMAS lideri ilə görüşüb.
İran xarici işlər naziri Hüseyn Əmir Abdullahian Dohaya səfəri çərçivəsində HƏMAS hərəkatının siyasi bürosunun rəhbəri İsmayıl Haniyə ilə görüşüb.
Görüşdə Abdullahiana Qəzzadakı son vəziyyət barədə məlumat verilib.

Abdullahian HƏMAS lideri ilə görüşdü

31-10-2023, 16:57

Türkiyə hepatit A-ya qarşı peyvənd istehsal edəcək

“Türkiyə hepatit A-ya qarşı peyvənd istehsal edəcək”.
Bunu Türkiyə Prezidenti Rəcəb Tayyib Ərdoğan bildirib.
“Türkiyə bu peyvəndi dünya standartlarına uyğun istehsal edəcək dördüncü ölkə olacaq”, - o qeyd edib.

Türkiyə hepatit A-ya qarşı peyvənd istehsal edəcək

31-10-2023, 16:18

Qırmızı dənizdən İsrail ərazisinə raket atıldı

Qırmızı dənizdən İsrail ərazisinə raket atılıb.
Bu barədə İsrail ordusu məlumat yayıb.
Bildirilib ki, raket HHM sistemləri tərəfindən zərərsizləşdirilib. Qırıcıların havaya qaldırıldığı və hədəfin İsrail sərhədlərinə çatmadan sıradan çıxarıldığı qeyd olunub.
İsrail ordusunun açıqlamasında sözügedən raketin haradan və hansı qüvvə tərəfindən atıldığı barədə məlumat verilməsə də, yerli mətbuat hücumun arxasında Yəməndəki İran tərəfindən dəstəklənən Husi qruplaşmasının olduğunu yazıb.
Qeyd edək ki, 7 oktyabrda başlanan Fələstin-İsrail qarşıdurması davam edir. Hər iki tərəfdən minlərlə insan həyatını itirib.

Qırmızı dənizdən İsrail ərazisinə raket atıldı

31-10-2023, 15:49

Rusiya və Səudiyyə XİN Başçıları telefon danışığı apardı

Oktyabrın 31-də Rusiya XİN başçısı Sergey Lavrov Səudiyyə Ərəbistanı Krallığının xarici işlər naziri Feysəl Ben Fərhan Əl Səud ilə telefon danışığı aparıb.
Bu barədə Rusiya XİN-in informasiya resurslarında məlumat dərc olunub.
İkitərəfli münasibətlərin vəBRICS formatında qarşılıqlı fəaliyyətin aktual məsələləri müzakirə edilib. Müzakirələr 22-24 avqust tarixlərində Yohannesburqda keçirilən XV sammitdə liderlərinin 2024-cü il yanvarın 1-dən BRICS-ə yeni üzvlərin dəvət edilməsi ilə bağlı qərarı kontekstdə aparılıb.
Yaxın Şərq nizamlanması məsələsi ətrafında hərtərəfli fikir mübadiləsi də gerçəkləşdirilib.

Rusiya və Səudiyyə XİN Başçıları telefon danışığı apardı

30-10-2023, 22:27

Putin Mahaçqala hadisələrinə görə Ukraynanı ittiham etdi

Rusiya prezidenti Vladimir Putin Şimali Qafqazda antisemitizm aksiyaları ilə bağlı iclas keçirir.
Bu barədə "Kommersant" nəşri yazıb.
İclasın əvvəlində o, oktyabrın 29-da Mahaçqala hava limanında baş verən iğtişaşların sosial şəbəkələr vasitəsilə Qərbin xüsusi xidmət orqanlarının agentləri tərəfindən təşkil edildiyini bildirib.
Putin hadisələrə görə Ukraynanı da ittiham edib.
Oktyabrın 29-u bazar günü axşam saatlarında Mahaçqala hava limanı yaxınlığında toplaşan bir neçə min insan Təl-Əvivdən gələn təyyarənin enməsinə etiraz edib. Etirazçılardan bəziləri hava limanına girib. Polislə toqquşmalarda 20-dən çox adam yaralanıb. Etirazçıların hərəkətləri respublikanın hakimiyyət orqanları, Dağıstan müftisi, Rusiya Federasiyası Müsəlmanları Ruhani İdarəsi, Rusiya Yəhudiləri Konqresi və bir çox başqa qurumlar tərəfindən tənqid edilib. Dağıstan rəhbəri Sergey Məlikov hadisəni kobud qanun pozuntusu adlandırıb və iğtişaşlarla bağlı bir neçə cinayət işinin açıldığını deyib.
Məlikov Mahaçqala hava limanında baş verən iğtişaşları respublikada “vəziyyəti destabilizasiya cəhdi” adlandırıb. Onun iddiasına görə, iğtişaşlara xaricdən, o cümlədən “Ukraynayönlü Telegram kanalları” vasitəsilə nəzarət edilib: “Dağıstanda vəziyyətin sabitliyini pozmaq cəhdləri, o cümlədən millətlərarası nifrət və konfessiyalararası problemlərin qızışdırılması ilə bağlı qadağan olunmuş üsullardan istifadə bizim düşmənlərimiz, ölkəmizin əleyhdarları tərəfindən həyata keçirilir”.

Putin Mahaçqala hadisələrinə görə Ukraynanı ittiham etdi