24-04-2023, 19:30
Britaniyadan SEPAH komandirlərinə sanksiya
Britaniya İran İslam İnqilabı Keşikçiləri Korpusunun (SEPAH) komandirlərinə sanksiya tətbiq edib. Bu barədə Britaniya Xarici İşlər Nazirliyi məlumat yayıb. Komandirlər İranda insan haqlarını pozmaqda ittiham edilir. SEPAH-ın "Mərkəzi" əyaləti üzrə qoşun komandiri Mohsən Kərimi, "Kərbəla" bazasının komandiri Əhməd Xadim, "Nəcəf Əşrəf" korpusunun regional bazasının komandiri Məhəmməd Nəzər Əzimi və Qərbi Azərbaycan əyaləti üzrə qoşun komandanı Həbib Şahsəvarinin adı "qara siyahı"ya salınıb. 2022-ci ilin oktyabrından Böyük Britaniya 70-dən çox iranlını sanksiya siyahısına daxil edib. Ümumilikdə siyahıda 300-dən çox adamın adı var.
24-04-2023, 19:00
Rusiya müdaxiləsi Ukrayna xalqına əzab və dağıntılar gətirir - Quterreş
Rusiyanın Ukraynaya qarşı müharibəsi ölkəyə və onun xalqına böyük əzab və dağıntılar gətirir. Bunu BMT-nin baş katibi Antonio Quterreş təşkilatın Rusiyanın xarici işlər naziri Sergey Lavrovun sədrliyi ilə keçirilən iclasında deyib. "Rusiya Federasiyasının Ukraynaya müdaxiləsi ölkəyə və onun xalqına böyük əzab və dağıntılar gətirir, COVID-19 pandemiyasının yaratdığı qlobal iqtisadi təlatümləri gücləndirir", - Quterreş bildirib. Buna cavab olaraq Lavrov ABŞ və onların müttəfiqlərini “qloballaşmanı məhv etməkdə” ittiham edib.
24-04-2023, 18:30
İsraildə 8 nəfərin yaralamasıyla nəticələnən terror aktı baş verdi
Aprelin 24-də Yerusəlimin mərkəzində, Mahane Yehuda bazarı yaxınlığında naməlum şəxs avtomobillə insanların üzərinə hücum edib. Bu barədə İsrailin "Kan" televiziya kanalı məlumat yayıb. Bildirilir ki, hücum nəticəsində 8 nəfər yaralanıb. Yaralılardan birinin vəziyyəti ağır, birinin vəziyyəti orta ağırdır. Hücum həlak olan hərbçilərin və terror qurbanlarının anım gününün başlamasına bir neçə saat qalmış baş verib. İsrail rəsmiləri hücumun terror aktı olduğunu bildirib. Hücum edən şəxs yerindəcə zərərsizləşdirilib. İsrailin baş naziri Benyamin Netanyahu hücum baş verən ərazinin yaxınlığında olub. "Terrorçular yəhudiləri bu torpaqdan qovmağı gözləyirlər, lakin bu plan ordu və polis sayəsində həyata keçirilməyib", - Netanyahu bildirib.
24-04-2023, 18:00
Estoniyanın Baş naziri Ukraynaya səfər etdi
Estoniyanın Baş naziri Kaja Kallas Ukraynaya səfər edib. Bu barədə Ukrayna Prezidenti Volodimir Zelenski özünün "Telegram" kanalında məlumat yayıb. Baş nazir Kiyevdə Zelenski ilə görüşüb. Ukrayna lideri Rusiyaya qarşı müharibədə Estoniyanın göstərdiyi dəstəyə görə Kallasa təşəkkür edib.
24-04-2023, 17:30
Perunun sabiq prezidenti həbs olundu
Perunun keçmiş prezidenti Alexandro Toledo ABŞ-dan vətəninə ekstradisiya edildikdən sonra Barbadillo adlı həbsxanaya aparılıb. Korrupsiyada şübhəli bilinən və 25 ilə qədər həbsi gözlənilən sabiq dövlət başçısı 18 ay xüsusi nəzarət altında olacaq. Toledo iş üzrə bütün istintaq tədbirləri başa çatana qədər həbsxanada qalacaq. Qeyd edək ki, Toledo 2001-2006-cı illərdə Peruya rəhbərlik edib. İttihamlara görə, o, Braziliya tikinti şirkətlərindən rüşvət alınmasında, çirkli pulların yuyulmasında və pul vəsaitlərinin şəxsi ehtiyacları üçün istifadə olunmasında iştirak edib. Eks-prezident ittihamlar üzrə beynəlxalq axtarışa verilmişdi.
24-04-2023, 16:00
Aİ-dən İrana qarşı 7-ci sankiyalar paketi
Avropa İttifaqı (Aİ) İrana qarşı 7-ci sanksiyalar paketini qəbul edib. Bu barədə Avropa İttifaqı ölkələrinin xarici işlər nazirləri qərar qəbul ediblər. Bildirilib ki, sanksiyaların əsas səbəbi İranda insan hüquqlarının kobudcasına pozulmasıdır.
24-04-2023, 15:00
Ərdoğanın partiyasından seçkilərə münasibət: “Asan olmayacaq”
“Biz seçkidə qələbə qazanmaq üçün çalışırıq və əlimizdən gələni edirik”. Bunu Türkiyə Böyük Millət Məclisinin (TBMM) hakim Ədalət və İnkişaf Partiyasından olan deputatı Şamil Ayrım bildirib. O, 14 may seçkilərinin asan olmayacağını söyləyib:
“Biz seçkilər üçün əlimizdən gəldiyi qədər çalışırıq. Hazırda hazırlıq işləri normal gedir. İndiyədək çox uğurlu fəaliyyətimiz olub. Vətəndaşlarımızın məmnunluğunu görürük. Ancaq biz bu seçkidə təkcə Türkiyədəki siyasi partiyalarla mübarizə aparmırıq. Amerikadan, Avropa İttifaqı ölkələrindən müdaxilələr olur. Qarşımızda terror qruplaşmaları, xain FETÖ var. Bu baxımdan seçkilər asan keçməyəcək”. Şamil Ayrım vurğulayıb ki, bütün çətinliklərə baxmayaraq, AKP seçkidə qalib gələcək: “Biz bütün şər qüvvələrə qarşı mübarizə aparırıq. Buna baxmayaraq, biz bu seçkilərdən qalib çıxacağıq. Prezidentimiz ilk turda qalib olacaq. Buna inanırıq”. Xatırladaq ki, Türkiyədə 14 may tarixində keçiriləcək prezident seçkilərində 4 nəfərin namizədliyi qeydə alınıb. Bunlar hazırkı prezident, hakim Ədalət və İnkişaf Partiyasının (AKP) sədri, "Cümhur İttifaqı"nın vahid namizədi Rəcəb Tayyib Ərdoğan, əsas müxalifət qüvvələrinin birləşdiyi "Millət İttifaqı"nın vahid namizədi, Cümhuriyyət Xalq Partiyasının (CHP) sədri Kemal Kılıçdaroğlu, CHP-dən qopmuş Məmləkət Partiyasının sədri və namizədi Muharrem İnce və ultra-sağçı qüvvələrin konsolidasiya olunduğu "ATA İttifaqı"nın irəli sürdüyü namizəd Sinan Oğandır.
24-04-2023, 14:30
Beynəlxalq Ədalət Məhkəməsi Ermənistanın sənədinə baxılmanı dayandırdı
Beynəlxalq Ədalət Məhkəməsi Ermənistanın əsas iddia sənədinə baxılmanı dayandırır. Bu barədə XİN məlumat yayıb. Bildirilir ki, cari ilin 21 aprel tarixində Azərbaycan tərəfi "İrqi Ayrı-seçkiliyin Bütün Formalarının Ləğv edilməsi haqqında" Konvensiya çərçivəsində Ermənistan tərəfindən Azərbaycana qarşı qaldırılmış əsas iddiaya qarşı ilkin etirazlarını Beynəlxalq Ədalət Məhkəməsinə rəsmi təqdim edib. "Azərbaycanın qeyd edilən ilkin etirazları ilə əlaqədar Beynəlxalq Ədalət Məhkəməsi Ermənistanın əsas iddia sənədinə baxılmanı dayandırıb"-, deyə qeyd olunur.
24-04-2023, 13:00
Peskovdan üçtərəfli sazişlə bağlı açıqlama
"Qərb, şübhəsiz ki, 2024-cü ildə Rusiya Federasiyasında keçiriləcək prezident seçkilərinə müdaxilə cəhdlərini gücləndirəcək. Rusiya Federasiyası BRİKS-də bütün səviyyələrdə işlərini davam etdirəcək". Bunu Kremlin sözçüsü Dmitri Peskov deyib. "Rusiya Federasiyası Bakı, İrəvan və Moskva arasında mübahisəsiz qalan sazişlərin müddəalarının həyata keçirilməsi üzərində işi davam etdirəcək", - Kreml rəsmisi qeyd edib.
23-04-2023, 20:30
Soyludan PKK terrorçularıyla bağlı açıqlama
Hazırda Türkiyədə 86 PKK terrorçusu qalıb. Bunu Türkiyənin daxili işlər naziri Süleyman Soylu deyib. "29 oktyabr 2023-cü ildə bu ölkənin dağlarında bir dənə də PKK terrorçusu qalmayacaq. Hamısını qurutduq, qurutmağa çalışırıq, addım atmağa imkan vermirik”, - deyə Soylu qeyd edib. Qeyd edək ki, Süleyman Soylu mayın 14-də keçiriləcək seçkilərdə hakim partiyanın namizədidir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!