26-01-2024, 17:57
Moskva İrəvanın tərəfdaşı olaraq qalır - Zaxarova
Moskva İrəvanın tərəfdaşı olaraq qalır və hərbi əməliyyatların dayandırılmasına həlledici töhfə verir.
Bunu yanvarın 26-da keçirdiyi brifinqdə Rusiya Xarici İşlər Nazirliyinin rəsmi nümayəndəsi Mariya Zaxarova Moskvanın İrəvanın yeni mina sahəsi xəritələrinin Bakıya verilməsi məsələsində tərəfdaş olmağa hazır olub-olmaması ilə bağlı sualı cavablandırarkən deyib.
O deyib ki, Rusiya 2020-ci ilin payızında Ermənistanın məğlubiyyətinin qarşısının alınmasına həlledici rol oynayıb.
"Eyni zamanda, biz Ermənistan-Azərbaycan arasında humanitar məsələlərə daim diqqət yetirmişik. Rusiya hərbi əsirləri mübadiləsi, itkin düşmüş şəxslərin axtarışı, minalanmış ərazilərin xəritələrinin verilməsində fəal kömək göstərib.
Moskva Cənubi Qafqazda sülh və sabitliyin əldə edilməsinə səbəb olan bu səyləri davam etdirməyə hazırdır”, - deyə o bildirib.
Ermənistan Xarici İşlər Nazirliyinin rəhbəri Ararat Mirzoyan bir müddət öncə bəyan etmişdi ki, etimad mühiti yaradılarsa, beynəlxalq ictimaiyyətin iştirakı ilə Ermənistan Azərbaycana minalanmış ərazilərin yeni xəritələrini verə bilər.
Ermənstan Milli Təhlükəsizlik Xidməti isə Azərbayacana 8 yeni mina xəritəsi verə biləcəklərini bəyan edib.
26-01-2024, 17:49
Ermənistan və Gürcüstan strateji tərəfdaş oldu - RƏSMİ
Ermənistan və Gürcüstan strateji tərəfdaşlıq sazişi imzalayıblar.
Bunu Gürcüstanın baş naziri İrakli Qaribaşvili Ermənistan-Gürcüstan hökumətlərarası komissiyasının iclasına yekun vurarkən deyib.
“De-fakto, biz artıq strateji tərəfdaş idik. Bu gün demək olar ki, bu reallıq rəsmiləşib. Bu gün biz rəsmi olaraq strateji tərəfdaşlıq sazişi imzaladıq”, - Qaribaşvili bildirib.
26-01-2024, 17:46
Ərdoğan İngiltərənin XİN Başçısını qəbul etdi
Türkiyə Prezidenti Rəcəb Tayyib Ərdoğan Böyük Britaniyanın xarici işlər naziri Devid Kameronu İstanbuldakı Vahdetdin sarayında qəbul edib.
Bu barədə Türkiyə Prezidentinin Kommunikasiya İdarəsindən bildirilib.
Qeyd edək ki, D.Kameron Türkiyədə səfərdədir.
O, daha əvvəl həmkarı H. Fidanla görüşüb.
26-01-2024, 17:27
Beynəlxalq Ədalət Məhkəməsi İsraillə bağlı qərar verdi
Beynəlxalq Ədalət Məhkəməsi Cənubi Afrika Respublikasının Fələstin soyqırımı ilə bağlı İsrailə qarşı iddiası ilə əlaqədar aralıq qərar verib.
Haaqa məhkəməsi İsrail dövlətinə Qəzza zolağında soyqırımın qarşısını almaq üçün bütün tədbirləri görməyi tapşırıb.
Qərarı 17 hakimdən 15-i dəstəkləyib. İclası Beynəlxalq Ədalət Məhkəməsinin rəhbəri Coan Donoqyu açıb: “Məhkəmə regionda baş verən insan faciəsinin miqyasını dərindən dərk edir və davam edən insan itkisi və iztirabdan dərin narahatdır”.
O, İsrail hərbçilərinə ünvanlanmış ittihamı oxuyub, həmçinin bəzi israilli siyasətçilərin çıxışlarından sitat gətirib.
Hakimin sözlərinə görə, iddia üzrə müvəqqəti qərar ona görə verilib ki, işə tam baxılana qədər Qəzza zolağında humanitar vəziyyət geridönməz ola bilər. Bundan əlavə, məhkəmənin qərarı İsraildən əhalinin güzəranını təmin etmək üçün zəruri olan xidmətləri təqdim etməyi tələb edir.
Hakimlər kollegiyasının qərarına əsasən, İsrail rəhbərliyi də təyin olunmuş qərarların icrası ilə bağlı hesabat təqdim etməlidir. Məhkəmə həmçinin İsrailə heç bir şərt qoymadan girovları dərhal azad etməyi tapşırıb.
"Associated Press" qeyd edir ki, iddianın həlli illər çəkə bilər. İsrail soyqırım ittihamlarını rədd edir. Beynəlxalq Məhkəmədə yəhudi dövlətinin mövqeyini vəkil Gilad Noam təmsil edir. Yanvarın 12-də cənab Noam bildirib ki, Cənubi Afrikanın tələbinin təmin edilməsi "terror qruplarına müharibə cinayətləri və insanlığa qarşı cinayətlər törədə biləcəkləri və sonra bu məhkəmədə müdafiə axtara biləcəkləri barədə siqnal göndərəcək".
26-01-2024, 17:03
Məhkəmə Makronun
qəbul etdiyi qanunu ləğv etdi
Fransa Konstitusiya Məhkəməsi prezident Emmanuel Makronun yeni immiqrasiya qanununu ayrı-seçkilik hesab edərək onu ləğv edib.
Bu barədə “El Pais” xəbər verir.
Hakimlər Makronun ifrat sağçı “Milli Mitinq” partiyasının nümayəndələri ilə razılaşdığı miqrantların sadələşdirilmiş deportasiyası haqqında qanunun mətnini ölkə konstitusiyasına zidd sayıblar.
Nəşrin məlumatına görə, qanun layihəsinin mətni ifrat sağçıların tarixi şüarı olan “milli üstünlük” forması adlandırılıb. Bundan əlavə, məhkəmə əcnəbilərin əsas sosial müavinətlərə çıxışının məhdudlaşdırılmasını ayrı-seçkilik tədbiri kimi qiymətləndirib.
Məhkəmənin qərarından bir müddət əvvəl Parisdə “arzuolunmaz” əcnəbilərin deportasiyasını asanlaşdıracaq yeni qanuna etiraz aksiyaları keçirilib. Fransızlar prezidenti “sağa” getməkdə ittiham ediblər.
25-01-2024, 21:35
Tehrandakı xəstəxanalardan birində güclü yanğın baş verib
İranın paytaxtı Tehranda yerləşən xəstəxanalardan birində yanğın baş verib və binanın bir neçə mərtəbəsini bürüyüb.
Bu barədə ISNA agentliyi məlumat yayıb.
Hadisənin səbəbləri və ölənlər barədə məlumat verilmir.
25-01-2024, 16:36
Ermənistanda Hərbi-Sənaye Komitəsinin yeni sədr seçildi
Ermənistanda Hərbi-Sənaye Komitəsinin yeni sədri təyin edilib.
Bu barədə qərarı Baş nazir Nikol Paşinyan imzalayıb.
Baş nazirin təyinatı ilə Artem Mehrabyan Ermənistanın Hərbi-Sənaye Komitəsinin yeni sədri olub.
25-01-2024, 15:50
Putin Kalininqrada yollandı
Vladimir Putin Kalininqrada gedib.
O, Rusiyanın Tələbələr Gününü qeyd etdiyi günü gənclərlə görüşə və İmmanuel Kant Baltik Federal Universitetinin tələbələri ilə söhbətə həsr edəcək.
Bundan əlavə, Rusiya prezidenti Kalininqradda regionun sosial-iqtisadi inkişafı ilə bağlı müşavirə keçirəcək.
Putin həmçinin qubernator Anton Alixanovla görüşəcək.
25-01-2024, 14:01
Paşinyan Milli Təhlükəsizlik Xidmətində müzakirələr apardı
Ermənistanın Baş naziri Nikol Paşinyan 2023-cü il üçün fəaliyyət hesabatını müzakirə etmək üçün yanvarın 24-də Milli Təhlükəsizlik Xidmətində olub.
Bu barədə Ermənistan KİV-i məlumat yayıb.
Milli Təhlükəsizlik Xidmətinin direktoru Armen Abazyan və müavinləri hesabat dövründə görülmüş işlər barədə məlumat veriblər.
24-01-2024, 22:17
Lavrov Rusiya sülhməramlılarının rolundan danışdı
Qərb Rusiyanın Azərbaycan-Ermənistan münasibətlərinin normallaşmasında oynadığı rolunun yanlış olduğu qənaətinə gəlib və Bakı və İrəvanı Brüsseldə şirnikləndirməyə çalışır.
Bunu Rusiya xarici işlər naziri Sergey Lavrov Nyu-Yorkda keçirdiyi mətbuat konfransında bildirib.
O, Qarabağdakı sülhməramlılar haqqında da danışıb.
Nazirin sözlərinə görə, sülhməramlılar Rusiya və Azərbaycan arasında ikitərəfli münasibətlər məsələsidir və sülhməramlıların Qarabağda yerləşdirilməsi məsələsi Ermənistana aidiyyatı yoxdur.
“Prezidentlər bu mövzunu müzakirə ediblər, onlar razılaşıblar ki, hazırkı mərhələdə Rusiya sülhməramlılarının mövcudluğu sabitliyin möhkəmləndirilməsi, regionda etimadın yaradılması və Qarabağ sakinlərinin geri qayıtmasına, kimlər ki, bunu etmək istəyir, kömək etmək üçün müsbət rol oynayır”, - deyə Lavrov qeyd edib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!