Dünya » Səhifə 455

23-09-2023, 21:08

Rusiya sülhməramlı kontingenti hər bir işdə öz töhfəsini verəcək - Lavrov

Azərbaycanla Ermənistan liderləri iki ölkənin suverenliyinin qarşılıqlı tanınması məsələsini həll etdikdən sonra dinc həyatın bərqərar olmasının və etimadın möhkəmləndirilməsinin vaxtı çatıb.
Bunu Rusiyanın xarici işlər naziri Sergey Lavrov BMT Baş Assambleyasının 78-ci sessiyasının ümumi siyasi müzakirəsində deyib.
"Rusiya sülhməramlı kontingenti buna hər bir işdə öz töhfəsini verəcək. Ən mümkün yol da budur”, - nazir bildirib.
S.Lavrov qeyd edib ki, Brüssel hazırda Vaşinqtonla birgə Azərbaycan və Ermənistana Cənubi Qafqazda sabitliyin pozulmasına xidmət edən vasitəçilik təklif edir.

Rusiya sülhməramlı kontingenti hər bir işdə öz töhfəsini verəcək - Lavrov

23-09-2023, 17:45

Türkiyənin Pakistan üçün istehsal etdiyi 2 patrul gəmisi suya buraxıldı

İstanbulda Türkiyənin “MİLGEM” layihəsi çərçivəsində Pakistan Hərbi Dəniz Qüvvələri üçün istehsal etdiyi 2 patrul gəmisi suya buraxılıb.
Rəsmi mərasimdə milli müdafiə naziri Yaşar Gülər çıxış edib.
O qeyd edib ki, Türkiyə dost və müttəfiq Pakistanın təhlükəsizliyinə töhfə verməyə davam edəcək.

Türkiyənin Pakistan üçün istehsal etdiyi 2 patrul gəmisi suya buraxıldı

23-09-2023, 17:27

İranda toz fırtınasından 1632 nəfər xəstəxanaya yerləşdirildi

İranın Sistan-Bəlucistan vilayətində son dörd gündə toz fırtınası səbəbindən xəstəxanaya yerləşdirilənlərin sayı 1632-yə çatıb, 3 nəfər isə həyatını itirib.
Bu barədə “Tasnim” məlumat yayıb.
Bildirilib ki, Sistan-Bəlucistan vilayətinin 5 şəhərində bütün məktəblər, idarələr və banklar bağlanıb.
Xüsusilə ürək və tənəffüs xəstəlikləri olanların çölə çıxmaması tövsiyə edilib.

İranda toz fırtınasından 1632 nəfər xəstəxanaya yerləşdirildi

23-09-2023, 12:59

Ermənistan Hindistana yeni səfir göndərir

Ermənistan Prezidenti Vaaqn Xaçaturyan ölkənin Hindistan, Nepal və Şri-Lankadakı səfiri Yuri Babaxanyanı vəzifəsindən geri çağırıb.
Xaçaturyan bununla bağlı sərəncam imzalayıb.
Ermənitan Prezidentinin digər sərəncamı ilə Vaaqn Afyan ölkənin Hindistandakı yeni səfiri təyin edilib.[b][/b]

Ermənistan Hindistana yeni səfir göndərir

22-09-2023, 22:38

Hakan Fidan ABŞ Dövlət katibiylə görüşdü

Türkiyənin xarici işlər naziri Hakan Fidan ABŞ
Dövlət katibi Entoni Blinkenlə görüşüb.
Bu barədə “TRT Haber” məlumat yayıb.
Bildirilib ki, xarici siyasət idarəsinin rəhbərləri ikitərəfli münasibətlərlə yanaşı regional və qlobal məsələləri müzakirə ediblər.

Hakan Fidan ABŞ Dövlət katibiylə görüşdü

22-09-2023, 20:35

Türkiyə və İsrail XİN rəhbərləri görüşdü

Türkiyə xarici işlər naziri Hakan Fidan BMT Baş Assambleyası çərçivəsində israilli həmkarı Eli Koenlə gölüb.
Məlumatı Türkiyənin Xarici İşlər Nazirliyi yayıb.
Görüş Nyu-Yorkdakı “Türk evi”ndə baş tutub.
Nazirlər ikitərəfli əlaqələr və regional inkişaflar, xüsusilə iqtisadiyyat, turizm və konsulluq məsələlərini müzakirə ediblər.

Türkiyə və İsrail XİN rəhbərləri görüşdü

22-09-2023, 18:23

Qafqaz Rusiya, İran və Türkiyə arasında strateji regiondur - ABŞ

“Azərbaycanın Qarabağ bölgəsindəki separatçılara, qanunsuz silahlı birləşmələrə və qruplara qarşı həyata keçirdiyi lokal antiterror tədbirləri strateji dəyişikliklərə səbəb olub”.
Bu barədə “Maariv” onlayn qəzetində dərc olunan ABŞ Hərbi-Dəniz Donanması Ali Məktəbinin müəllimi, xarici siyasət üzrə ekspert Brenda Şafferin məqaləsində deyilir.
"Ermənistanın bu tədbirlərə qarışmaqdan imtina etməsi sülh prosesinin bərpasına, regionda nəqliyyat və ticarət yollarının açılmasında irəliləyiş əldə olunacağına ümid verir", - B.Şaffer bildirib.
Ekspertin fikrincə, İran və Rusiya strateji bölgə uğrunda mübarizədən belə asanlıqla əl çəkməyəcəklər: “Ona görə də çox güman ki, biz Tehran və Moskvanın təsirlərini bərpa etmək üçün daha böyük fəallığını görəcəyik”.
"Bu həftə Azərbaycanın Qarabağ iqtisadi rayonunda baş verən hadisələr Rusiya, İran, Türkiyə və hətta İsrail üçün çox önəmlidir. Qafqaz Rusiya, İran və Türkiyə arasında strateji regiondur. Atılan addımların nəticələri Azərbaycanı gücləndirib, bu münaqişədə ermənilərə dəstək verən İran və Rusiyanı zəiflədib”, - məqalədə vurğulanır.

Qafqaz Rusiya, İran və Türkiyə arasında strateji regiondur - ABŞ

22-09-2023, 17:47

Yaşar Güler Suriyadakı hərbi mövcudluqlarından danışdı

Türkiyənin milli müdafiə naziri Yaşar Güler Türkiyənin Suriya ərazisində hərbi mövcudluğundan danışıb.
Nazir bu mövzuya "Milliyet"ə müsahibəsində toxunub.
O qeyd edib ki, Suriyanın şimalında Türkiyə ordusunun keçirdiyi əməliyyatlar təhlükəsizliyin təmin olunması məqsədi daşıyıb.
"Ölkəmizdə 4 milyon suriyalı varsa və İdlibdə 5 milyon hər an qaçqına çevrilə biləcək əhali varsa, kiminsə deməsi ilə biz çıxa bilmərik. Bunun üçün zəruri şərait olmalıdır. Konstitusiya qəbul olunmalı, seçkilər baş tutmalıdır. Elə bir hökumət qurulmalıdır ki, bütün insanları qucaqlasın. Belə olsa, çıxarıq", - o qeyd edib.

Yaşar Güler Suriyadakı hərbi mövcudluqlarından danışdı

22-09-2023, 16:41

İrəvanda aksiya zamanı 350 nəfər həbs olundu

İrəvan küçələrində Ermənistan hakimiyyətinə qarşı etiraz aksiyaları davam edir.
Hüquq-mühafizə orqanları etirazçılara qarşı güc tətbiq etməkdən çəkinmir.
"Aysor.am" nəşri yazıb ki, ilkin məlumatlara görə, 350 vətəndaş saxlanılıb.
Müxalifət nümayəndələri hökumətə qarşı itaətsizlik elan edib.

İrəvanda aksiya zamanı 350 nəfər həbs olundu

22-09-2023, 16:03

Paşinyan Aİ-nin xüsusi nümayəndəsiylə Qarabağdakı vəziyyəti müzakirə etdi

Ermənistan Baş naziri Nikol Paşinyan Avropa İttifaqının (Aİ) Cənubi Qafqaz üzrə xüsusi nümayəndəsi ilə görüşüb.
Bu barədə Ermənistan hökumətu məlumat yayıb.
Görüş zamanı Qarabağ ətrafındakı vəziyyəti müzakirə edib. Görüş zamanı Ermənistan-Azərbaycan sərhədindəki vəziyyətə də toxunulub.

Paşinyan Aİ-nin xüsusi nümayəndəsiylə Qarabağdakı vəziyyəti müzakirə etdi