14-03-2023, 16:43
Qarabağ ermənilərinin təhlükəsizliyinin qarantı Rusiyadır - Paşinyan
"Qarabağ ermənilərinin təhlükəsizliyinin qarantı Rusiyadır, lakin İrəvan da onlarla daim əlaqə saxlayır". Bunu bu gün keçirdiyi mətbuat konfransında Ermənistan baş naziri Nikol Paşinyan deyib. Paşinyanın sözlərinə görə, üçtərəfli bəyanata əsasən, Rusiya qarant olub, çünki 44 günlük müharibədən sonra Ermənistan bu rolu oynaya bilməzdi. Baş nazir bildirib ki, lakin özü şəxsən Arayik Arutyunyanla (separatçıların rəhbəri-red) gündəlik əlaqə saxlayır, bütün məsələlər açıq şəkildə müzakirə olunur.
14-03-2023, 16:40
Formatı genişləndirək və Almaniyanı, ABŞ-ı dəvət edək - Paşinyan
"Fransanın mövqeyi Azərbaycanı qane etmirsə, o zaman formatı genişləndirək və Almaniyanı, ABŞ-ı dəvət edək". Bunu bu gün keçirdiyi mətbuat konfransında Ermənistan baş naziri Nikol Paşinyan deyib. "Ermənistan Avrasiya İqtisadi İttifaqından çıxmaq fikrində deyil. Rusiya və Ukrayna arasında baş verən hadisələr Ermənistan üçün həm risklər, həm də imkanlar ehtiva edir, vəziyyət statik deyil. Bir tərəfdən, ötən il Ermənistanın Aİİ-nin digər ölkələri ilə ticarəti böyük həcmə çatıb. Bu, Ermənistan iqtisadiyyatı üçün fürsətdir. Amma digər tərəfdən, Ermənistanın anti-Rusiya sanksiyalarından yan keçməyə cəhd edib-etməməsi ilə bağlı Qərbdə narahatlıq var. Bu, təhlükəlidir", - deyə o bildirib. Baş nazir Ermənistan və Azərbaycan liderlərinin görüşü ilə bağlı heç bir razılaşma olmadığını söyləyib: "İrəvan Brüssel formatı da daxil olmaqla işi davam etdirməyə razıdır, lakin əvvəllər əldə edilmiş razılaşmaların həyata keçirilməsindən başlamaq lazımdır. Praqa danışıqları Brüsseldəki danışıqlardan daha effektiv olub. Əgər Azərbaycan Fransanın Praqa formatında olması ilə razı deyilsə, o zaman format genişləndirilə bilər. Məsələn, Almaniya, ABŞ-ı dəvət edilə bilər".
14-03-2023, 16:36
Paşinyan korrupsiya ilə bağlı vəziyyətə toxunub
Ermənistan baş naziri Nikol Paşinyan ölkəsində korrupsiya ilə bağlı vəziyyətdən danışıb. O, bu gün keçirdiyi mətbuat konfransında bu haqda söz açıb. "Ermənistanda sistematik korrupsiya yoxdur. Mövcud korrupsiya işlərinə baxılır", - deyə söyləyən Paşinyan bildirib ki, onların içində baş nazirin özünün təyin etdiyi şəxsləri də görür. Paşinyan səs-küylü işlərdə hakimiyyət nümayəndələrinin də həbs olunduğunu xatırladıb: "Buna görə də toxunulmazlar yoxdur".
14-03-2023, 16:33
Paşinyan Qarabağ ermənilərinin Bakıya gəlməsinə münasibət bildirdi
Ermənistanın baş naziri Nikol Paşinyan Azərbaycanın Qarabağ ermənilərinə Bakıda danışıqların davam etdirilməsi ilə bağlı təklifinə münasibət bildirib. O, bu gün keçirdiyi mətbuat konfransında bu barədə danışıb. "Artıq təşəbbüsə yekun cavab verilib. Qeyd olunub ki, danışıqlar eyni formatda, Rusiya sülhməramlılarının vasitəçiliyi ilə, eyni yerdə aparılmalıdır", - deyə Ermənistan baş naziri söyləyib. Qeyd edək ki, Prezident Administrasiyası Qarabağın erməni ictimaiyyətinin nümayəndələrini reinteqrasiya ilə bağlı təmasların davam etdirilməsi, habelə Qarabağda infrastruktur layihələrinin reallaşdırılması məsələlərinin müzakirəsi üçün ikinci görüşə dəvət edib. Görüşün yaxın günlərdə Bakı şəhərində keçirilməsi təklif olunub. Bundan öncə ilk görüş Xocalıda baş tutub.
14-03-2023, 16:29
İranda çərşənbələr zamanı 15 nəfər ölüb
İranda Novruz çərşənbələri zamanı 15 nəfər ölüb. Bu barədə ölkənin Fövqəladə Hallar Nazirliyi məlumat yayıb. Ölüm hallarının 7-si Təbrizdə, 4-ü Tehranda, 2-si Həmədanda, 1-i Urmiyada, 1-i isə Qəzvində qeydə alınıb. Bundan əlavə, çərşənbələrdə 357 nəfərin yaralandığı bildirilib.
14-03-2023, 16:26
Paşinyan Azərbaycanla imzalanacaq sülh müqaviləsindən danışdı
Ermənistan baş naziri Nikol Paşinyan Azərbaycanla imzalanacaq sülh müqaviləsindən danışıb. Bu barədə o, bu gün keçirdiyi mətbuat konfransında söz açıb. "Azərbaycanla imzalanacaq sülh müqaviləsi üçün zaminə ehtiyac var. Sülh müqaviləsinin zaminə ehtiyac var deyəndə, müqavilələrin yerinə yetirilməsi üçün təminatların olmasını nəzərdə tuturuq. Ola bilsin ki, hansısa mərhələdə bu məsələnin həlli olacaq və təklif irəli sürüləcək. Bizim üçün vacib olan zamin institutu deyil, zəmanət institutudur", - deyə Paşinyan bildirib.
14-03-2023, 16:24
KTMT Ermənistanı tərk edir və bu, bizi narahat edir - Paşinyan
"Dünən Rusiya prezidenti ilə söhbətimiz Qarabağda eskalasiya mövzusuna həsr olunmuşdu. Putinə dedim ki, Rusiya sülhməramlılarının nəzarət zonasında problemlər var". Bunu Ermənistanın baş naziri Nikol Paşinyan bu gün keçirdiyi mətbuat konfransında deyib. Paşinyan çıxışı zamanı KTMT ilə bağlı məsələyə də aydınlıq gətirib. "2022-ci ildə KTMT-nin baş katibi mənə dedi ki, KTMT-də Ermənistanın təşkilatdan çıxacağı ilə bağlı qorxular var. Cavab verdim ki, bu qorxular yersizdir, amma Ermənistanda mövcud olan başqa qorxular da var və bu, KTMT-nin Ermənistanı tərk etməsi ilə bağlıdır. Mənim qiymətləndirməm isə ondan ibarətdir ki, istər-istəməz KTMT Ermənistanı tərk edir və bu, bizi narahat edir", - deyə Ermənistan baş naziri vurğulayıb.
14-03-2023, 16:19
Paşinyan eskalasiya təhlükəsindən danışdı
Ermənistanın baş naziri Nikol Paşinyan yeni eskalasiya təhlükəsindən danışıb. Bu barədə o, keçirdiyi mətbuat konfransında söz açıb. "Eskalasiya təhlükəsi realdır. Məhz mümkün eskalasiyanın qarşısını almaq, vəziyyəti izləmək üçün İrəvan avropalı müşahidəçilərdən ibarət missiya göndərməyi xahiş edib. Ermənistan Laçın dəhlizinə və Qarabağa faktaraşdırıcı missiya göndərməyi təklif edir", - deyə Baş nazir bildirib.
14-03-2023, 16:14
İrəvan və Bakı arasında razılaşma effektiv olmalıdır - Paşinyan
"Bakı bir neçə gün əvvəl İrəvanın fevralın ortalarında göndərdiyi sülh müqaviləsinin mətni ilə bağlı təkliflərə cavab verib". Bunu Ermənistanın baş naziri Nikol Paşinyan bu gün keçirdiyi mətbuat konfransında deyib. Baş nazir bildirib ki, Ermənistan tərəfi prosesdə müəyyən irəliləyiş görür, lakin irəliləyiş həm də fundamental problemləri ortaya qoyur. Paşinyanın sözlərinə görə, 2020-ci ilin üçtərəfli bəyanatından fərqli olaraq, İrəvan və Bakı arasında razılaşma effektiv olmalıdır.
14-03-2023, 16:11
Arayik istefa verməyə hazırlaşır
Rusiya sülhməramlılarının müvəqqəti yerləşdirildiyi Azərbaycan ərazilərində qalan erməni sepatarçılarının rəhbəri Arayik arutyunyan istefa verməyə hazırlaşır. Bu barədə Ermənistan mediası məlumat yayıb. Erməni mənbələrində yer alan xəbərlərə görə, Arutyunyan "vəzifəsindən" getməyə razıdır. "İrəvunk" nəşri isə bildirib ki, Arayik payız aylarına qədər "vəzifə"sində qala bilər, onun istefası sonrakı dövrdə mümkündür. İddia olunur ki, Arutyunyan istefaya razılaşsa da, guya yerli ermənilər onun getməsini istəmir. Qeyd edək ki, bir neçə gün əvvəl separatçıların "rəhbəri" Arayik Arutyunyan Ermənistan Baş naziri Nikol Paşinyanla görüşüb. "Hraparak" bildirir ki, görüş çox gərgin keçib. Belə ki, Paşinyan Qarabağdakı ermənilərin Azərbaycanla dil tapmalı olduğunu, əks halda müharibə baş verəcəyini diqqətə çatdırıb. Arayik qəmgin əhval-ruhiyyə ilə Xankəndiyə qayıdıb və artıq "vəzifədə" qalmaq istəmədiyini söyləyib. Bu mənada, onun tezliklə istefa verə biləcəyi ehtimal olunur.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!