7-10-2022, 18:40
Ərdoğan Paşinyanla ilk görüşü haqda nə danışdı
Regionumuzda yaxşı qonşuluq sayəsində tam normallaşma hədəfimizə çata biləcəyimizə inanıram. Bunu Türkiyə Prezidenti Rəcəb Tayyib Ərdoğan Praqada jurnalistlərə açıqlamasında bildirib. Türkiyə lideri Ermənistanın Baş naziri Nikol Paşinyanla görüşündən danışaraq deyib ki, xüsusi nümayəndələr vasitəsilə danışıqlar davam etdirilir:"İnanıram ki, mehriban qonşuluq münasibətləri əsasında bölgədə tam normallaşma məqsədinə nail ola bilərik". Ərdoğan, həmçinin Avropa Siyasi Birliyi Toplantısının həmrəylik və əməkdaşlıq üçün önəmli platforma olduğunu vurğulayıb. Qeyd edək ki, bu gün Praqada Türkiyə Prezidenti Rəcəb Tayyib Ərdoğan və Ermənistanın Baş naziri Nikol Paşinyan arasında görüş keçirilib.
7-10-2022, 18:17
Baydenin nüvə qorxusu: “Putin zarafat etmir”
Nüvə silahından istifadə bütün dünya üçün “Armageddon”la bitə bilər. Bunu ABŞ prezidenti Co Bayden deyib. Onun sözlərinə görə, dünya 1962-ci ildə Karib böhranından sonra ilk dəfə nüvə silahının istifadəsi ilə bağlı birbaşa təhlükə ilə üzləşib: "Vəziyyət hazırda getdiyi istiqamətdə inkişaf edərsə, bu, həqiqətən də mümkündür". ABŞ lideri qeyd edib ki, o, rusiyalı həmkarı Vladimir Putini yaxşı tanıyır. Baydenin fikrincə, Putin taktiki nüvə, bioloji və ya kimyəvi silahların potensial istifadəsi haqqında danışarkən zarafat etmir.
7-10-2022, 18:16
ABŞ ermənilərin cəzalandırılmasını tələb etdi
"ABŞ Edilli kəndində baş verən insan itkilərindən sarsılıb. Həlak olanların ailələrinə dərin hüznlə başsağlığı veririk". Bunu ABŞ Dövlət Departamentinin mətbuat katibinin müavini Vedant Patel bildirib."Azərbaycanın Xocavənd rayonunun Edilli kəndində daha bir kütləvi məzarlığın aşkarlanması sarsıdıcıdır. Bu hadisənin təqsirkarları cavab verməlidirlər. Sülh əldə etmək, yaraları sağaltmaq üçün məsuliyyətli olmaq lazımdır", - ABŞ rəsmisi vurğulayıb. Qeyd edək ki, Ermənistan hərbçilərinin Birinci Qarabağ müharibəsi dövründə Xocavəndin Edilli kəndində azərbaycanlıları kütləvi şəkildə qətlə yetirərək basdırdıqları daha bir məzarlıq tapılıb. Məzarlıqda 12 nəfərin qalıqları üzə çıxıb. Əşyalarla birlikdə aşkarlanan skeletlərin əlləri və ayaqlarının məftil və kəndirlə bağlandığı məlum olub.
7-10-2022, 18:13
“Hansı ölkə bizə hücum etsə…” – Ərdoğandan xəbərdarlıq
"Ankaranın Afina ilə danışacağı heç bir şey yoxdur". Bu barədə Türkiyə Prezidenti Rəcəb Tayyib Ərdoğan Avropa liderlərinin Praqa sammitində bildirib. Türkiyə lideri çıxışı zamanı yenidən Yunanıstana xəbərdarlıq edib:"Türkiyə təkcə Yunanıstana deyil, onun təhlükəsizliyini təhdid edən istənilən ölkəyə adekvat cavab verməyə hazırdır. Bunu təkcə Yunanıstan eşitməsin. Hansı ölkə bizə hücum edirsə, etsin, gecə qəfil gələ bilərik. Onlar bundan xəbər tutsunlar". Qeyd edək ki, Türkiyə ilə Yunanıstan arasında münasibətlər bu ilin avqustun 23-dən sonra daha da pisləşib.
7-10-2022, 18:11
MDB liderləri Rusiyada toplaşır
Bu gün Rusiyanın Sankt-Peterburq şəhərində Müstəqil Dövlətlər Birliyinin (MDB) dövlət başçılarının qeyri-rəsmi zirvə görüşü keçiriləcək.
Butov.az xəbər verir ki, MDB liderlərinin görüşü Strelnada yerləşən Konstantinovski sarayında baş tutacaq. Qeyd edək ki, Ermənistanın Baş naziri Nikol Paşinyan artıq Sant-Peterburqa yola düşüb. Azərbaycan Prezidenti İlham Əliyevin də görüşə qatılması gözlənilir. Xatırladaq ki, MDB ölkələri liderlərinin sonuncu qeyri-rəsmi görüşü 2021-ci ildə dekabrın 28-də Sankt-Peterburqda keçirilib.
7-10-2022, 17:57
Paşinyan Praqadan Rusiyaya getdi
Ermənistanın Baş naziri Nikol Paşinyan MDB-nin qeyri-rəsmi sammitində iştirak etmək üçün Praqadan Sankt-Peterburqa gedib. Bu barədə Ermənistan mətbuatı məlumat yayıb. Ötən gün Paşinyan Fransa Prezidenti Emmanuel Makron və Avropa İttifaqı Şurasının rəhbəri Şarl Mişelin iştirakı ilə Azərbaycan lideri İlham Əliyev ilə dördtərəfli görüş, həmçinin Türkiyə Prezidenti Ərdoğan ilə ikitərəfli görüş keçirib. Qeyd edək ki, Rusiya Prezidenti Vladimir Putin 70 illik yubileyini Sankt-Peterburqda MDB ölkələrinin başçıları ilə birlikdə keçirəcək.
7-10-2022, 17:55
Rusiyaya yeni sanksiyalar gəlir
Yaponiya Nazirlər Kabineti referendumlar və dörd yeni regionun Rusiyaya birləşdirilməsi ilə əlaqədar Moskvaya qarşı sanksiyalar rejimini genişləndirmək barədə qərar qəbul edib. Bu barədə Nazirlər Kabinetinin baş katibi Seydzi Kihara bildirib.“Kabinet iclasının nəticələrinə əsasən, yeni əlavə sanksiyaların tətbiqi, yəni bu dörd regionun nümayəndələrinin, eləcə də Rusiya rəsmilərinin aktivlərinin dondurulması barədə qərar qəbul edilib”, - Kihara deyib. Qeyd edək ki, barələrində sanksiya tətbiq edilən şəxslərin siyahısı açıqlanmayıb. Bundan əvvəl Avropa İttifaqı Rusiya əleyhinə yeni sanksiyalar paketini təqdim edib.
6-10-2022, 23:27
Ərdoğan Paşinyanla ilk görüşü haqda nə danışdı
Regionumuzda yaxşı qonşuluq sayəsində tam normallaşma hədəfimizə çata biləcəyimizə inanıram. Bunu Türkiyə Prezidenti Rəcəb Tayyib Ərdoğan Praqada jurnalistlərə açıqlamasında bildirib. Türkiyə lideri Ermənistanın Baş naziri Nikol Paşinyanla görüşündən danışaraq deyib ki, xüsusi nümayəndələr vasitəsilə danışıqlar davam etdirilir:"İnanıram ki, mehriban qonşuluq münasibətləri əsasında bölgədə tam normallaşma məqsədinə nail ola bilərik". Ərdoğan, həmçinin Avropa Siyasi Birliyi Toplantısının həmrəylik və əməkdaşlıq üçün önəmli platforma olduğunu vurğulayıb. Qeyd edək ki, bu gün Praqada Türkiyə Prezidenti Rəcəb Tayyib Ərdoğan və Ermənistanın Baş naziri Nikol Paşinyan arasında görüş keçirilib.
6-10-2022, 23:13
Ukrayna İran PUA-larının 60%-ni vurub
Ukrayna ordusu Rusiyanın istifadə etdiyi İran istehsalı pilotsuz uçuş aparatlarının 60%-ni vurub.
Bu barədə Ukrayna Silahlı Qüvvələri Baş Qərargahının Baş Əməliyyat İdarəsinin rəis müavini Aleksey Qromov bildirib. Onun sözlərinə görə, Rusiya İrandan alınan 86 ədəd PUA-dan istifadə edib. "PUA-ların 60%-i vurulub. Biz düşmən PUA-larının texniki xüsusiyyətlərini nəzərə alaraq hava hücumundan müdafiə sistemimizi təkmilləşdirəcəyik”, - Qromov deyib. Xatırladaq ki, “The Washington Post” nəşri avqust ayında Rusiyanın İrandan PUA-ların ilk partiyasını aldığını yazmışdı. Sentyabrda Ukrayna Hərbi Hava Qüvvələrinin sözçüsü Yuri İqnat rusiyalıların Ukraynaya qarşı müharibədə İran pilotsuz uçuş aparatlarından istifadə etdiyini təsdiqləyib.
6-10-2022, 23:09
Bayden G20 sammitində Putinlə görüşü istisna etmir
ABŞ Prezidenti Co Bayden G20 sammitində Rusiya Prezidenti Vladimir Putinlə görüşəcəyini istisna etməyib. Bu barədə o, jurnalistlərlə görüşü zamanı danışıb. Junalistin mümkün görüşlə bağlı sualına Bayden belə cavab verib: "Baxacayıq". Qeyd edək ki, sammit noyabrın 15-də İndoneziyanın Bali adasında keçiriləcək.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!