1-10-2022, 15:08
İranda “qanlı cümə” günündə kütləvi qətliam - Şahın oğlu yenə bəyanat verdi
İranda etiraz dalğasının miqyası getdikcə böyüyür. Hökumət qüvvələri sentyabrın 30-da Sistan-Bəllucistan mərkəzi Zahedan şəhərində kütləvi qətliam törədiblər. Verilən məlumatlara görə, cümə namazından çıxan insanlar İran İnqilab keşikçiləri Ordusu (SEPAH) tərəfindən atəşə tutulub. Nəticədə onlarla ölən və yaralanan olub. İranda bu hadisəni "qanlı cümə" adlandırıblar. Qeyd edək ki, Zahedan şəhərində əhalinin etnik tərkibini əsasən bəluc milliyətindən olan insanlar təşkil edir. Elə kütləvi qətliama məruz qalanların da bəluclar olduğu söylənilir. Sosial şəbəkələrdə yayılan məlumatlara görə, Zahedan şəhərində baş verən qanlı hadisədən hiddətlənən sakinlər küçələrə axışaraq, etirazlarını sərt şəkildə bildirməyə başlayıblar. Bu zaman Zahedan Şəhər Polis İdarəsinin binasının yandırıldığı bildirilir. Eyni zamanda, qeyd edilir ki, əhali SEPAH-ın Zahedan şəhəri üzrə kəşfiyyat xidmətinin rəisini yaxalayaraq öldürüb. Butov.az xəbər verir ki, İran şahının mühacirətdəki oğlu Rza Pəhləvi də Zahedan şəhərində törədilən qətliamı pisləyən bəyanat yayıb. O bəyanatda bildirib:“İslam respublikası rejimi Zahedanın "qanlı cümə" günündə bəluc soydaşlarımızı qətl etmişdir. Bu cinayət insanların İran rejiminə qarşı qəzəbini artıracaq və xalqı onu devirməkdə daha da əzmli edəcək. İranın Birləşmiş Milləti dünyəvi, azad və firavan İrana çatana qədər milli inqilabını davam etdirəcək. Dünyəvi, demokratik, firavan İrana nail olana qədər vahid İran xalqı milli inqilabını davam etdirəcək”.
1-10-2022, 15:03
İranda SEPAH-ın komandiri öldürüldü
İranın cənub-şərqində, Sistan-Bəlucistan əyalətinin Zahidan şəhərində cümə namazından sonra polis məntəqəsinə atəş açılıb. Bu barədə İran mətbuatı məlumat yayıb. Atışma nəticəsində bir neçə nəfərin öldüyü, onlarla insanın yaralandığı bildirilir. Hücum zamanı İran İnqilab Keşikçiləri Korpusunun (SEPAH) kəşfiyyat komandiri, polkovnik Əli Musəvi ağır yaralanıb. O, xəstəxanaya aparılsa da, orada vəfat edib. Qeyd edək ki, Zahedan şəhərində keçirilən aksiya zamanı etirazçılarla polis əməkdaşları arasında toqquşmalar olub. Məlumata görə, nümayişçilər SEPAH tərəfindən atəşə tutulub. Nəticədə onlarla ölən və yaralanan olub. Bundan qəzəblənən etirazçı sakinlər Zahedan Şəhər Polis İdarəsinin binasını yandırıb, daha sonra polkovnik Əli Musəvini öldürüblər.
1-10-2022, 14:59
Konqres Ukraynaya 12.4 milyardlıq yardımı təsdiqlədi
ABŞ Nümayəndələr Palatası Ukraynaya 12,4 milyard dollar məbləğində yardımın ayrılmasını təsdiqləyib. Butov.az xəbər verir ki, palatanın üzvləri qanun layihəsinə müsbət səs veriblər. Qeyd edək ki, yardım ABŞ Senatı tərəfindən dünən təsdiq edilib. Qanun qüvvəyə minməsi üçün ABŞ prezidenti Cozef Bayden tərəfindən imzalanmalıdır. Yardımın 7,8 milyard dollarlıq hissəsi müdafiəyə xərclənəcək, qalanı birbaşa dövlət büdcəsinə daxil ediləcək.
1-10-2022, 14:57
Rusiyaya qarşı yeni sanksiyalar tətbiq olundu
ABŞ Rusiyaya qarşı yeni sanksiyalar tətbiq edib. Bu barədə ABŞ Maliyyə Nazirliyi məlumat yayıb. Rusiyanın müdafiə və texnologiya sektoru, yüksək səviyyəli rəsmiləri "qara siyahı"ya daxil edilib. Həmçinin, Rusiya ordusunun tədarük zəncirlərini dəstəklədiyinə görə, 14 beynəlxalq şirkətə qarşı sanksiya tətbiq olunub. Dövlət Departamenti 900-dən çox Rusiya rəsmisinə viza qadağası qoyub. Qeyd edək ki, Böyük Britaniya və Kanada da Rusiyaya qarşı yeni sanksiyalar tətbiq edib.
1-10-2022, 14:55
Zelenski NATO ilə bağlı mühüm qərar verdi
Ukrayna Prezidenti Volodimir Zelenski ölkəsinin NATO-ya üzvlüyünün sürətləndirilməsi ilə bağlı sənədi imzalayıb. Bu barədə o, Təhlükəsizlik Şurasının təcili iclasından sonra məlumat verib. Prezidentin sözlərinə görə, Ukrayna faktiki olaraq NATO-nun bir hissəsidir: “Bu gün bunu de-yure etmək üçün müraciət edirik”. Zelenski, həmçinin qeyd edib ki, Ukrayna defakto NATO-da öz yolunu keçib: “Biz artıq defakto Alyansın standartlarına uyğunluğumuzu sübut etmişik".
1-10-2022, 14:54
Azərbaycanla sülh danışıqlarına başlamaq lazımdır - Paşinyan
Azərbaycanla sülh müqaviləsinin bağlanması üçün substantiv danışıqlara başlamaq lazımdır. Bunu Ermənistanın baş naziri Nikol Paşinyan ölkənin İctimai Televiziyasına müsahibəsində bildirib. O qeyd edib ki, Ermənistan əldə olunan razılaşmalardan imtina etmir."Yaxın günlərdə xarici işlər nazirimiz azərbaycanlı həmkarı ilə görüş keçirəcək. Əvvəllər qeyd etdiyimiz kimi, sazişin mətninin hazırlanması üzrə danışıqlara başlanılmalıdır”, - Paşinyan deyib.
1-10-2022, 14:49
ABŞ Ermənistana sanksiya tətbiq etdi
ABŞ Ermənistanın "Taco LLC" (Taco) şirkətinə sanksiya tətbiq edib. Bu barədə ABŞ Maliyyə Nazirliyi məlumat yayıb. Ermənistan şirkəti Rusiya ordusuna dəstək verməkdə ittiham olunur. Şirkət Rusiyanın "Radioavtomatika" kompaniyasının təchizatçısıdır. Məlumata görə, "Radioavtomatika" Taco LLC-yə komponentlərin idxalı və Ermənistan daxilində satınalma prosesinin aparılması üçün pul ödəyib. Sanksiya siyahısında kompaniyanın Çin və Belarus şirkətləri də var.
30-09-2022, 16:15
Putin “ilhaq təklifi”ni Dumaya göndərdi
Prezident Vladimir Putin qondarma “Donetsk və Luqansk xalq respublikaları”nın, Zaporojye və Xerson vilayətlərinin Rusiya Federasiyasının tərkibinə daxil etmək üçün müvafiq təklifləri Dövlət Dumasına təqdim edib. Bu barədə Rusiya KİV-ləri məlumat yayıb. Sentyabrın 23-dən 27-dək qondarma “Donetsk və Luqansk xalq respublikaları”nda, həmçinin Xerson və Zaporojye vilayətlərində (Rkraynanın zəbt olunmuş torpaqları-red.) Rusiyaya birləşmək məsələsi üzrə referendum keçirilib. Guya bu bölgələrdə əhalinin 90%-dən çoxu Rusiyaya birləşmək üçün səs verib.
Rusiya prezidenti Vladimir Putin ötən həftə bəyan edib ki, Rusiya həmin vilayətlərin sakinlərinin qəbul edəcəyi qərarı dəstəkləyəcək.
30-09-2022, 16:13
Britaniyanın baş naziri Rusiyanı hədələdi
Böyük Britaniyanın baş naziri Liz Trass bildirib ki, London Rusiya Federasiyasına birləşməklə bağlı qondarma “LPR”, “DXR”, Zaporojye və Xerson vilayətlərində keçirilən referendumlar fonunda rəsmi Moskvaya qarşı yeni tədbirlər görəcək. Butov.az xəbər verir ki, xanım baş nazir bu barədə tvitter səhifəsində yazıb.“Biz tərəddüd etmədən növbəti tədbirləri, o cümlədən Rusiya prezidenti Vladimir Putinin hərbi maşınını iflic etmək üçün yeni sanksiyalar tətbiq edəcəyik”. Bundan əlavə, L.Trass qeyd edir ki, Böyük Britaniya heç vaxt “Donetsk və Luqansk xalq respublikaları”nı, eləcə də Xerson və Zaporojye vilayətlərini Rusiyanın bir hissəsi kimi tanımayacaq.
30-09-2022, 16:08
Gürcüstan sərhədini keçən rusların sayı açıqlanıb
29 sentyabr saat 10:00-dan 30 sentyabr saat 10:00-a qədər 6109 nəfər Rusiya vətəndaşı Gürcüstana daxil olub, 5186 nəfər isə tərk edib. Bu barədə Gürcüstan DİN məlumat yayıb. Qeyd olunub ki, Daryal sərhəd-keçid məntəqəsindən sərnişinlərin axını nəzərəçarpacaq dərəcədə azalıb və o cümlədən Gürcüstanın digər keçid məntəqələrində də Rusiya vətəndaşlarının gediş-gəliş sayı azalıb. Bununla belə, 28 sentyabrdan 29 sentyabra kimi Gürcüstan ərazisinə 9642 nəfər Rusiya vətəndaşı keçib, 5448 nəfər isə ölkə ərazisini tərk edib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!