29-09-2022, 15:36
“Sülh məcburi ola bilməz” - Aİ rəsmisi
Avropa İttifaqının (Aİ) Cənubi Qafqaz və Gürcüstan böhranı üzrə xüsusi nümayəndəsi Toivo Klaar Ermənistan-Azərbaycan sərhədindəki gərginliyə münasibət bildirib. Aİ rəsmisi bu barədə "Twitter" səhifəsində paylaşım edib. “Bu gün yenidən üç erməni əsgərinin həlak olması və bir Azərbaycan əsgərinin yaralanması ilə bağlı məlumat aldıq. Bu və bir çox digər haqsız qurbanların olması nifrət və qeyri-sabitliyi artırır. Əməliyyatların təhlükəsizliyi o halda mümkündür ki, sərhədlərə riayət olunsun, qoşunlar bir-biri ilə yaxın məsafədə toqquşmasın. Sülh məcbur edilə bilməz", - diplomat qeyd edib.
29-09-2022, 15:32
"Yaşamaq istəyirsinizsə, qaçın" - Zelenskidən ruslara çağırış
“Rusiya əsgərləri yaşamaq istəyirlərsə, döyüş meydanından qaçsınlar”. Bu barədə Ukrayna Prezidenti Volodimir Zelenski bildirib. “Rus dilini başa düşənlər üçün bir daha təkrar edirəm. Yaşamaq istəyirsinizsə, qaçın. Yaşamaq istəyirsinizsə, təslim olun. Yaşamaq istəyirsinizsə, öz azadlığınız üçün küçələrdə mübarizə aparın”, - prezident Rusiya vətəndaşlarına müraciətində deyib. Zelenski qeyd edib ki, rusiyalılar onsuz da çox şeydən məhrum olublar. Dövlət başçısı, həmçinin rusiyalı hərbçiləri Ukraynanın ruhuna və mədəniyyətinə toxunmamağa çağırıb.
29-09-2022, 15:30
Dünya Bankı Ukraynaya 11 milyard dollar verdi
Dünya Bankı Ukraynaya dəstək üçün 11 milyard dollar verib. Bu barədə bankın rəhbəri David Malpass açıqlama verib. Onun sözlərinə görə, pul Kiyevə kredit təşkilatının və onun məqsədli fondlarının müxtəlif layihələri vasitəsilə çatdırılıb. Qeyd edilib ki, indiyə qədər Ukraynaya 13 milyard dollar yardım ayrılıb.
29-09-2022, 15:28
Hava limanında iki təyyarə toqquşdu
Londonun “Hitrou” hava limanında iki sərnişin təyyarəsi toqquşub. Butov.az xəbər verir ki, hadisə nəticəsində xəsarət alan olmayıb. "Fövqəladə hallar xidmətləri hava limanında iki təyyarənin iştirakı ilə insident baş verən yerdə çalışır. Tələfat barədə məlumat yoxdur", - deyə “Hitrou”nun nümayəndəsi bildirib.
29-09-2022, 15:23
ABŞ İrana məxsus PUA-nı vurdu
ABŞ İrana məxsus pilotsuz uçuş aparatını (PUA) vurub. Bu barədə ABŞ Mərkəzi Qüvvələr Komandanlığı (CENTCOM) məlumat yayıb. Bildirilir ki, hadisə İraqın şimalında yerləşən Ərbil ərazisində baş verib. PUA-nın ABŞ Mərkəzi Qüvvələri üçün təhdid yaratdığı qeyd edilib.
29-09-2022, 15:20
Zelenski Quterreşlə Zaporojyedəki vəziyyəti müzakirə etdi
Ukrayna Prezidenti Volodimir Zelenski BMT-nin Baş katibi Antonio Quterreşlə telefon danışığı aparıb. Bu barədə Zelenskinin ofisi məlumat yayıb. Bildirilir ki, telefon danışığı zamanı Zaporojye AES-də yaranmış vəziyyət müzakirə olunub. Zelenski Rusiyanın Ukrayna ərazilərində keçirdiyi “referendumların” BMT tərəfindən tanınmaması ilə bağlı mövqeyinə görə Quterreşə təşəkkür edib.
29-09-2022, 15:14
Afrikada helikopter qəzası - 22 nəfər öldü
Uqanda ordusuna məxsus iki helikopter qəzaya uğrayıb. Bu barədə "Reuters" agentliyi yerli rəsmilərə istinadən məlumat yayıb. Bildirilib ki, hadisə Konqo ilə sərhəddə baş verib. Hərbi helikopterlərin qəzaya uğraması nəticəsində 22 nəfər həlak olub. Hadisənin başvermə səbəbləri araşdırılır. Hadisə yerinə hüquq-mühafizə orqanları cəlb edilib.
29-09-2022, 15:12
Rusiyanı tərk edin! - Daha bir ölkədən çağırış
Latviya öz vətəndaşlarını Rusiyanı tərk etməyə çağırıb. Bu barədə Latviyanın xarici işlər naziri Edqars Rinkeviçs bildirib. “Rusiyanı mümkün qədər tez tərk edin. Bu çağırış beynəlxalq vəziyyətin gərginləşməsini nəzərə alaraq edilib”, - nazir deyib. Qeyd edək ki, bundan əvvəl ABŞ və Polşa vətəndaşlarını Rusiyadan çıxmağa çağırıb.
29-09-2022, 15:09
Bosfor boğazı Rusiyaya gedən gəmiyə görə bağlandı
Bosfor boğazından keçən quru yük gəmisində nasazlıq yaranıb. Bu səbəbdən boğazda gəmilərin hərəkəti dayandırılıb. Butov.az xəbər verir ki, 190 metrlik quru yük gəmisi Panama bayrağı altında üzür və Rusiyaya doğru hərəkət edirdi. Məlumata görə, İstanbulun Asiya sahillərində yük gəmisinin mühərriki sıradan çıxıb və o boğazda qalıb. Hadisə yerinə yedək gəmiləri göndərilib. Gəminin boş olduğu bildirilir.
29-09-2022, 15:06
Yeni baş nazir Zelenskiyə söz verdi
Böyük Britaniyanın Baş naziri Liz Trass və Ukrayna Prezidenti Volodimir Zelenski arasında telefon danışığı olub. Bu barədə Britaniya hökuməti məlumat yayıb. Trass söhbət zamanı Britaniyanın Ukraynaya davamlı dəstəyini ifadə edib. Baş nazir açıq şəkildə bildirib ki, Britaniya Rusiyanın Ukraynanın suveren ərazilərini ilhaq etmək cəhdlərini tanımayacaq. Zelenski isə Baş naziri hazırkı hərbi vəziyyətlə bağlı məlumatlandırıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!