16-01-2022, 12:26
Səməd Bayramzadə
Tarix üzrə fəlsəfə doktoru
Tarix üzrə fəlsəfə doktoru
Azərbaycan türkcəsində ərsəyə gəlmiş “Ərusək” filmi Fəcr film festifalına buraxılmadı, özü də Təbrizin lap göbəyində.
(13.01.2022-ci il tarixində İranın “ANAJ” saytına istinadən)
“Ərusək” (Gəlincik – S.B.) filminin prodüseri Cəlil Əkbəri Səhhət həmin filmin Fəcr film festivalına buraxılmamasını kino sənəti və onu yaradanlar üçün böyük bir itki kimi dəyərtləndirib.
40-cı Fəcr Film Festivalının seçim komissiyasının üzvü olan Behruz Əfxəmi “Ərusək”in ölkənin ən mühüm kino tədbirinə qatılmamasının səbəbi ilə bağlı bunları deyib: “Bu film həssas bir məsələyə (Azərbaycan türkcəsində olduğunu nəzərdə tutur – S.B.) və filmin fars dilində gedən alt yazıları üçün çox az zaman verilməsi səbəbinə görə festivala qəbul olunmadı. Amma ümumi qaydalara görə filmin nümayişi üçün lisenziya veriləcəkdir. Çünki bu film, çox yaxşı bir işin məhsuludur”.
“Ərusək” filminin prodüseri Cəlil Əkbəri Səhhətin müsahibəsindən: “Ərusək” filmi sosial problemdən və eyni zamanda da bir ailənin hekayəsindən bəhs edən bir komediyadır. Filmin məzmununu açıqlamaq istəmirəm, amma onun nə ümumi, nə də milli təhlükəsizliklə bağlı məsələlərlə heç bir əlaqəsi yoxdur. Bu film İran kinosunun ümumi və xüsusi tamaşaçıları üçün çəkilib və filmdəki hekayə Təbrizdə baş verən hadisələrlə bağlı olduğundan filmin dili təbii olaraq türkcədir (Azərbaycan dilidir – S.B.). Bu film çəkilməli olduğu gündən, yəni bu ilin aprel-may ayından xəbərlər şəbəkəsində onun geniş kütlə üçün dublyaj ediləcəyini bildirdim. Əvvəldən planımız film üçün dublyaj və farsca alt yazı hazırlamaq idi. Bu illər ərzində türk (Azərbaycan – S.B.) dilində “Ev”, “Dəri”, “Kömür”, “Atabay” kimi müxtəlif filmlər çəkilib. Ölkəmizdə yayılmış ortaq dillərdən biri türk (Azərbaycan – S.B.) dilidir və bu dildə film nümayişinin də tamaşaçı üçün heç bir xüsusi problemi yoxdur. İstehsal lisenziyası alınarkən bu dilin istifadəsinin qadağan olunduğu qeyd edilməmişdi. Bu film düşünülənin əksinə olaraq, milli sinerjini də artıra bilər.
Fikrimizcə, “Ərusək” filmi geniş tamaşaçı kütləsini cəlb edə bilən milli bir filmdir. “Ərusək”in sosial potensialı o qədər böyükdür ki, bütün tamaşaçılar arasında fərqli əks-səda yarada bilər”.
چرا «عروسک» از جشنواره فجر بازماند؟/ داستانی به زبان ترکی و در بطن شهر تبریز
ANAJ.İR
چرا «عروسک» از جشنواره فجر بازماند؟/ داستانی به زبان ترکی و در بطن شهر تبریز
جلیل اکبری‌صحت، تهیه‌کننده «عروسک»، پذیرفته نشدن این فیلم در جشنواره فجر را هم خسارتی برای این رویداد سینمایی و هم سازندگان آن دانست.
13-01-2022, 15:44
Azərbaycanın Qarabağ və ətraf rayonlarının erməni işğalından azadlığı hökumətin və millətin üzərinə yeni, böyük və çağdaş məsuliyyət yükü qoyur. Prezident İlham Əliyevin rəhbərliyi, şəhid və qazilərimizin qanları hesabına işğal altındakı torpaqlarımızın azad edilməsindən bir ildən artıq vaxt ötür. 44 günlük Vətən müharibəsi gedişində şəhər və kəndlərimizin düşməndən təmizlənməsi ilə bağlı xoş müjdələr indi də düşmənin 30 il ərzində viran qoyduğu əzəli-əbədi yurdlarımızın, hər bir kəndimizin belə dirçəlişi yönündə görüləcək tədbirlərin sevinci ilə davam edir.
Qeyd edək ki, özünün inzibati ərazi böyüklüyünə görə Azərbaycanda birinci olan, təbii sərvətlərilə və zəngin təbiətilə seçilən, kənd təsərrüfatının inkişafı üçün mühüm perspektivlərə sahib olan Kəlbəcər rayonu da böyük diqqət və qayğıya ehtiyac duyur. Ölkə rəhbərinin xüsusi tapşırığı ilə hökumət rəsmilərinin Kəlbəcərə səfərlər etmələri, Kəlbəcərli məcburi köçkünlərin tezliklə öz doğma yurdlarına qayıtmaları istiqamətində plan və təhlillər aparmaları da nəzərə çarpır. Lakin, Kəlbəcərə səfərlərin heç də hamısı prezidentin etimad etdiyi iri dövlət məmurları tərəfindən uğurlu və səmimi alınmır.
DİA.AZ bildirir ki, yerli KİV-də yayılan məlumata görə, keçən ilin ortalarında Baş nazirimizin müavini Şahin Mustafayevin, Kənd Təsərrüfatı Nazirliyinin nümayəndələrinin, Meliorasiya və Su Təsərrüfatı ASC-nin yeni sədri Zaur Mikayılovun və sonuncunun müavini Rafiq Aslanovun Kəlbəcərə səfər proqramı rəzilliklə yadda qalıb. Belə ki, heyətə başçılıq edən nazir müavini Şahin Mustafayev və qeyriləri protokol qaydalarının pozulmasına yol açan hərəkət və hərəkətsizlik ediblər.
Məlumata görə, 2021-ci ilin may ayının 18-də Bakıdan Kəlbəcərə səfər edən işçi heyəti gözlənilmədən Rafiq Aslanovun təkidli tələbilə birbaş Kəlbəcərə deyil, Göygöl Suvarma Sistemləri İdarəsinə təşrif buyurublar. İdarənin rəisi İlqar Məhərrəmovu yeni sədr Zaur Mikayılovun da hüzurunda xeyli tərifi mədhiyyələrdən sonra heyət "xüsusi qonaq" qismində yaxşıca yeyib-içiblər, standartlardankənar memarlıq üslubunda tikilmiş "akvarium" idarədə doyunca gərdiş edib Gəncədəki otellərin birində də gecələyiblər. Boşuna vaxt itirdikdən sonra, yalnız mayın 19-da isə Kəlbəcərdə görüləcək işlərə və nümayəndə heyətinin siyahısına heç bir aidiyyatı olmayan həmin "səxavətli" idarə müdirini də özlərilə götürüb Kəlbəcərə aparıblar.
Məlumatlı mənbənin bildirdiyinə görə, səfərin ardından dımbılıboy meliorator nümayəndə heyətinin ardınca danışaraq xeyli xərcə düşdüyünü, təkcə Göygöldə və Gəncədə deyil, "dostlarının" bütün maddi xərclərini Kəlbəcərdə də qarşıladığını dilə gətirib.
DİA.AZ qeyd edir ki, əslində, cəmiyyət və lə həm də ən ali siyasi iradə dövləti ən üst səviyyədə təmsil edən Şahin Mustafayevi və qeyrilərini belə bayağı, ələbaxan davranışlarından dolayı şiddətlə qınayır. Subardinasiya qaydaları üzrə Meliorasiya ASC-nin tabeliyindəki bir korrupsioneri özlərinə "pul cüzdanı" edənlər görəsən anlayırlarmı ki, etdikləri dövlət ərkanına, prezidentin onlara etimadına açıq-aydın xəyanətdir? Öz vəzifə öhdəliklərilə Kəlbəcərə gedibən yolu burulub da "bulanıq çay suyundan" özlərinə dost tutmaq, hansısa melioratora pul xərclətdirmək də nə demək?! Gecə-gündüz Qarabağ və ətraf rayonların abadlığını düşünən, Şuşaya, Ağdama səfər edəndə nəfəsini belə dərməyən, bu yolda canını cəfa edən prezidentdən fərqli olaraq bəziləri Kəlbəcərə getməyi iki günlük turistik səfərə, adi əyləncəyəmi çevirməlidir? Hələ gedişlərinin hökumətə hansı mənada faydası toxundu, nə yazıb-pozublar, heç onu da bilmirik. Təəssüf...
Qoy Prezident Administrasiyası, baş nazir Əli Əsədov, hüquq mühafizə orqanları da araşdırsın görək, maddi maraqdan savayı axı hansı əhəmiyyətli səbəb Şahin Mustafayevi və ətrafını bir gün Kəlbəcərdən 80 km uzaqda saxlayıb, desinlər bilək, bəlkə 3 saat yol gəlib, Göygölə çatıb yorulmuşdular?
Bir də, İlqar Məhərrəmovun "şotu"na Kəlbəcərə gedib-gələnlər üçün büdcədən ayrılan və xərcləmədikləri ezamiyyə pulları əllərindən alınsa, özlərinə də töhmət verilsə digər məmurlara da görk üçün çox yaxşı olar...
Onu da xatırladaq ki, Göygöl SSİ-nin rəisi İlqar Məhərrəmov ölkənin meliorasiya sahəsində ən korrupsioner və qalmaqallı məmurlarından biri kimi tanınır. Amma görünür Rafiq Aslanov, Şahin Mustafayev və baş meliorator Zaur Mikayılov üçün o sadəcə "şedriy oğlan"dır...
İddia olunanlarla bağlı dia.az olaraq bütün maraqlı tərəfləri dinləməyə hazırıq...
Bütöv.az
13-01-2022, 14:51
“Mərhum Aqil Əliyevin əmlaklarını “Riyad” Şirkətlər qrupunun rəhbəri İlham Məmmədov və dəstənin fəal üzvü İmran Eyvazzadə ilə əlbir olaraq ələ keçirən sabiq icra başçısı Tofiq Zeynalovun və İmran Eyvazzadənin də məsuliyyətə cəlb edilməsi üçün DTX rəisinə və Baş prokurora göstəriş verməsini cənab Prezidentdən və Birinci vitse-prezidentdən bir daha xahiş edirik”
Bütöv.az xəbər verir ki, “Hürriyyət”in ötən saylarının birində “Aqil Əliyevin gəmisini gizli şəkildə satıb, pulunu bölüşdürdülər... - Bu faktın yeganə şahidi olan Dianət Səlimovu isə sifarişlə "aradan götürdülər" sərlövhəli yazı dərc etmişdik. Qeyd edək ki, bu fakt Bakı şəhəri, Binəqədi rayonu, 8-ci mkr, N.Nərimanov küçəsi, ev 23 B, mənzil 42 ünvanda qeydiyyatda olan, hazırda Almaniyada yaşayan Səlimova Nərgiz və Seyidova Nərminə Dianət qızları tərəfindən “Hürriyyət”in redaksiyasına daxil olan şikayət məktubundan əks olunurdu.
“Aqil Əliyev 03.08.2006-cı il tarixdə rəhmətə getdikdən sonra, atamı A.Əliyevin şirkətində işləyən İlham Məmmədov və atamın ortağı (şəriki) Eyvazzadə İmran adında kəslər gözümçıxdıya salmışlar. Aqil Əliyev rəhmətə gedən kimi atamın işlədiyi 1500 tonluq “Drafa” gəmisini əlindən almışlar və Maxaçkala şəhərində gizlindən kimlərəsə satmışlar. Həmin gəminin satışından əldə edilən, atamın payına düşən pulun üstündə də atamı sifariş verib öldürtmüşlər...”, - deyə məktub müəllifləri yazırdı.
Bu məqalə qəzetimizdə dərc olunduqdan sonra “EKO-SERVİS KO” MMC-nin mərhum təsisçisi Dianət Səlimovun hüquqi varisi Tamella Səlimova tərəfindən redaksiyamıza növbəti müraciət daxil olub. Həmin məktubdan aydın olur ki, “EKO-SERVİS KO” MMC-nin təsisçisi və prezidenti Aqil Əliyev 22.02.2005-ci il tarixdə, 02 A/Ə saylı məktubla Tovuz rayon İcra Hakimiyyətinin aparatına müraciət etmişdir(11.12.2021-ci ildə Tovuz rayon Dövlət Arxivindən götrülmüş sözügedən məktubun surəti redaksiyaya təqdim olunur).
Həmin dövrdə Tovuz rayon İcra Hakimiyyətinin başçısi vəzifəsini icra edən Həmid Bağırov Aqil Əliyevin sözügedən məktubunu nəzərə alaraq, 28.02.2005-ci il tarıxli, 15 nömrəli SƏRƏNCAMI ilə “EKO-SERVİS KO” MMC-yə, Tovuz rayonu ərazisində, dövlət nəfində olan 69 hektar torpaq sahəsi ayırmışdır. Bununla bağlı Aqil Əliyevlə 99 illiyə 01-saylı icarə müqaviləsi bağlanmışdır.
“EKO-SERVİS KO” MMC-nin prezidenti Aqil Əliyev bu ərazidən səmərəli istifadə etmək məqsədilə ayrılmış torpaq sahəsində inzibati texniki binalar tikdirmiş, sahibkarlıq fəaliyyəti ilə məşğul olmaq üçün bütün lazımi şəraiti yaratmışdır.
Aqil Əliyev 08.03.2006-cı il tarıxdə vəfat etdikdən sonra mərhumun əmlaklarına göz dikən nankorlar qüvvələr baş qaldırmışlar. Nəticədə həmin qara qüvvələr tərəfindən A.Əliyevin Tovuz rayonunda yerləşən “EKO-SERVİS KO” MMC-yə məxsus əmlaklarına əl qoyulmuş və burada gedən bütün işlər dayandırılmışdır.
“Bu yaxınlarda Dövlət Təhlükəsizlik Xidməti tərəfindən həbs edilən, barəsində istintaq işi davam etdirilən “Riyad” Şirkətlər Qrupunun rəhbəri, mütəşəkkil dəstənin təşkilatçısı və başçısı İlham Məmmədov və dəstənin fəal üzvü İmran Eyvazzadə mərhum Aqil Əliyevin Tovuz rayonunda yerləşən, “EKO-SERVİS KO” MMC-yə məxsus olan əmlaklarını tam ələ keçirmək və mənimsəmək üçün onlara maneəçilik yaradan Aqil Əliyevin şəriki, “EKO-SERVİS KO” MMC-nin digər təsisçisi Dianət Səlimovu 07 noyabr 2008-ci ildə aradan götürdülər, yəni sifariş verib öldürtdülər”, - deyə məktubda iddia olunur.
Məlumata görə, bundan sonra İlham Məmmədovun və İmran Eyvazzadənin Aqil Əliyevin Tovuz rayonunda olan “EKO-SERVİS KO” MMC-yə məxsus əmlaklarını ələ keçirməsinə və mənimsəmələrinə şirkətin üçüncü təsisçisi - şəriki Abdullayev Böyükağa Abdulla oğlu maneəçilik yaratmışdır: “Belə olan halda dəstənin başçısı İlham Məmmədov və dəstənin fəal üzvü İmran Eyvazzadə Tovuz rayonuna yeni təyin edilmiş, Tofiq Zeynalovla dialoqa girirlər. Mütəşəkkil dəstənin başçısı İlham Məmmədov və İmran Eyvazzadə Tofiq Zeynalovla tam razılaşdıqdan sonra, “EKO-SERVİS KO” MMC-nin saxta “xüsusi-blank” formasını və möhürünü hazırlayırlar. Bundan sonra İlham Məmmədovun göstərişi ilə İmran Eyvazzadə həmin saxta “xüsusi-blank” formasında Tovuz rayon İcra Hakimiyyətinin başçısı Tofik Zeynalova 25 sentyabr 2009-cu ildə “EKO-SERVİS KO” MMC-nin adından məktub yazır. Halbuki, İmran Eyvazzadənin heç vaxt MMC-nin adından danışmağa və “EKO-SERVİS KO” MMC-ni təmsil etməsi barədə hüquqi əsas olmamışdır”.
Maraqlısı budur ki, İmran Eyvazzadə “EKO-SERVİS KO” MMC-nin “direktoru” kimi xahiş edir ki, şirkətin mərhum rəhbəri Aqil Əliyevlə Tovuz rayon İcra Hakimiyyəti arasında bağlanmış 28 fevral 2005-ci il tarıxlı, 01 saylı müqavilə 28 sentyabr 2009-cu il tarıxdın ləğv edilsin(“EKO-SERVİS KO” MMC-nin saxta “xüsusi-blank” formasında yazılmış, möhürlənmiş İmran Eyvazzadənin 25 sentyabr 2009-cu il tarixli məktubunu əlavə edirəm).
Maraqlıdır ki, “EKO-SERVİS KO” MMC-yə heç bir aidiyyəti olmayan, şirkətin təsisçiləri (İlqar Əliyev, Böyükağa Abdullayev Və Dianət Səlimovun hüquqi varisi Tamilla Səlimova) tərəfindən heç bir hüquqi səlahiyyət verilməyən İmran Eyvazzadənin saxta məktubunu icra başçısı Tofiq Zeynalov nəzərə alaraq, Aqil Əliyevlə sabiq icra başçısı Həmid Bağırov arasında bağlanmış 28 fevral 2005-ci il tarıxli SƏRƏNCAMI VƏ MÜQAVİLƏNİ qüvvədən düşmüş hesab etmişdir.
“Daha dəhşətlisi isə odur ki, İmran Eyvazzadənin digər bir məktubu ilə Tofiq Zeynalov mərhum Aqil Əliyevə 99 illiyə icarəyə verilmiş 69 hektar torpaq sahəsini yenidən ona - İmran Eyvazzadəyə icarəyə vermişdir”, - deyə məktubda vurğulanır.
Tamella Səlimova daha sonra bildirir: “Diqqətinizə onu da çatdırıram ki, icra başçısı Tofiq Zeynalov mütəşəkkil dəstənin təşkilatçısı və başçısi “Riyad” Şirkətlər Qrupunun rəhbəri İlham Məmmədovla və dəstənin fəal üzvu İmran Eyvazzadə ilə əlbir olub, hakim ailənin - mərhum Aqil Əliyevin əmlakına qarşı etdiyi xəyanətə qarşı çıxan, qorxmadan və inadından dönməyən MMC-nin digər təsisçisi Böyükağa Abdullayevi də “aradan götürmüş”, yəni 12 il müddətinə azadlıqdan məhrum etdirmişlər. Beləliklə də, sabiq icra başçısı Tofiq Zeynalov mütəşəkkil dəstənin təşkilatçısı və başçısı “Riyad” Şirkətlər qrupunun rəhbəri İlham Məmmədovla və dəstənin fəal üzvü İmran Eyvazzadə ilə əlbir olaraq, mərhum Aqil Əliyevin Tovuz rayonunda yerləşən “EKO-SERVİS KO” MMC-yə məxsus bütün əmlaklarını ələ keçirərək, mənimsəmişlər.
Bu barədə cənab Prezidentə, Birinci vitse-prezident Mehriban xanım Əliyevaya müraciət edilmişdir.
Mərhum Aqil Əliyevin əmlaklarını “Riyad” Şirkətlər qrupunun rəhbəri İlham Məmmədov və dəstənin fəal üzvü İmran Eyvazzadə ilə əlbir olaraq ələ keçirən sabiq icra başçısı Tofiq Zeynalovun və İmran Eyvazzadənin də məsuliyyətə cəlb edilməsi üçün DTX rəisinə və Baş prokurora göstəriş verməsini cənab Prezidentdən və Birinci vitse-prezidentdən bir daha xahiş edirik”.
Onu da qeyd edək ki, Tovuz rayonunun sabiq icra başçısı Tofiq Zeynalov DİN-nin Baş Dövlət Yol Polisi İdarəsinin rəisi, general-mayor Ramiz Zeynalovun qardaşıdır.
Redaksiyadan: Mövzunu davam etdirəcəyik. Yazıda adları qeyd olunan qurumların və şəxslərin mövqeyini də dərc etməyə hazırıq. (“Hürriyyət”)
13-01-2022, 11:25
Azərbaycanda şəhərlərarası avtobusların işi bərpa olunsa da, qatarların hərəkətinə icazə verilməyib.
TİA.Az-ın əldə etdiyi məlumata görə, bu məsələdə “Azərbaycan Dəmir Yolları” QSC-nin maraqlı olmadığı bildirilir. Xəbərlərə görə, qurumun sədri Cavid Qurbanov məsələnin gündəmə gəlməsini və müzakirəsini belə istəmir. Hazırda ölkədaxili sərnişin qatarları fəaliyyət göstərmir. Bu da həm əhalinin işini çətinləşdirir, həm avtobusla daşımalarda yüklənməyə səbəb olur. Halbuki ölkədə karantin rejimi xeyli yumşalıb, toylara icazə verilib, metro işini bərpa edib, avtobuslar bölgələrə və Bakıya gedib-gəlir, böyük ticarət mərkəzləri fəaliyyətdədir, yəni insanların kütləvi olduğu məkanların əksəriyyətində həyat normasına qayıdıb, təkcə sərnişin qatarları çalışmır.
Məlumata görə, C. Qurbanov müəmmalı səbəblərdən bunun əleyhinə çıxır. İddialara görə, sərnişin qatarlarının biletindən əldə edilən gəlir böyük mənfəət gətirmir, rentabelli deyil, amma hazırkı vəziyyətdə pandemiyadan zərər çəkən sahə kimi dövlətdən dotasiya ala bilir və bu da QSC sədrini qane edir. Bildirilir ki, C. Qurbanov bu yolla pandemiya dövründə kifayət qədər vəsaitin maxinasiyası imkanları əldə edib. Bura dəmiryol xətlərinin təmiri, relslərin dəyişdirilməsi, işsiz qalan dəmiryolçuların aldıqları kompensasiya daxildir. Hətta qatarların işinin bərpası gündəmə gələndə qurumun media emissarları bu xəbərlərin tirajlanmasını önləməyə çalışırlar. Çünki davamlı olaraq mətbuatın gündəmində qalması yekunda Nazirlər Kabinetinin əhalinin maraqlarına uyğun qərar verməsi ilə nəticələnə bilər. Ona görə müzakirəsinin qarşısını almağa cəhd göstərilir.
Bütöv.az
12-01-2022, 17:17
Yazmışdıq, yenə yazırıq: Saxta diplomlularla, “yuxarı”dan tapşırılmışlarla, korrupsiyaya bulaşmışlarla Qarabağda cənnət qurmaq mümkün olmayacaq. Bu müstəvidə bizə Türkiyənin “Bayraktar”ları, İsrailin “Harop”ları kömək etməyəcək. Vicdanlı yerli kadlar lazımdır. Vicdanı isə pulla almaq mümkün deyildir.
Sadiq oxucularımız bəlkə də xatırlayarlar, hələ bu ilin fevral ayında «Deryaz.az” saytı etibarlı mənbəyə istinadən yazmışdı ki, Füzuli Rayon İcra Hakimiyyətinin (RİH) 3-cü “Qayıdış” qəsəbəsi İnzibati Ərazi Dairəsi (İƏD) üzrə nümayəndəliyinin sədri Məmmədova Tamella Taleh qızının keçmiş AMİ-nin Gəncə filialından aldığı diplom saxtadır. Bizim bu yazımızdan sonra Korrupsiyaya Qarşı Mübarizə İdarəsindən araşdırma aparılıb icra nümayəndəsi vəzifədən çıxarıldı. Bu günlərdə daha bir şəhid anası Dəryaz qəzetinə müraciət edərək bildirdi ki, oğlumla birlikdə iş üçün icra başçısı Alı Alıyevin qəbuluna getdim. Alı müəllim bizi kabinetində qəbul etmədi. Aşağıda qəbul etdi. Sözümü bitirməmiş oğlumun üstünə cumdu,oğluma təpik atıb stulu başına vurmaq istədi. Mənə də dedi ki,yaxın gəlmə, pandemiyadır.
(Deryaz.az)
Bütöv.az
12-01-2022, 17:09
Ekologiya və Təbii Sərvətlər Nazirliyi özü "meşə quldurlar"ın müdafiə edir. Bu qədər şikayətlər fonunda hələ də "cinayətkar dəstə" iş başındadır.
Bütöv.az xəbər verir ki, bu barədə azinfo.tv məlumat yayıb.
Redaksiyamıza etibarlı mənbədən daxil olan məlumata görə, Masallı Regional Meşə Təsərrüfatı Mərkəzinin meşələrin mühafizəsi üzrə baş mühəndis Abturab Bağırov bu qədər cinayətləri törətdiyinə görə, noyabr 2021-ci ildə ETSN-nin audit qrupu tərəfindən şiddətli şiddətli töhmət olmağına baxmayaraq, hələ də iş başındadır. Deyilənə görə, Ekologiya Nazirliyi A. Bağırovu tutduğu vəzifədən uzaqlaşdırmağa qorxur. Çün ki, sabah A.Bağırov "söykəndiyi dirəklər"in (krişalarının) üzünə durub, bütün sirləri aça bilər.
Abtub Bağırov:
- Dövlət meşə torpaqların satdığı üçün, 2013-cü ildə əli qandallı Masallı Məhkəməsinə gətirilən və s;
- Özü və yaxın qohumları Masallı meşəbəyliyinin 20 saylı dolayında( yaşadığı kəndin yanında ) dövlət meşə fondunauzəbt edib, orada əsaslı tikintilər aparan;
- Orta ixtisas təhsilli (texnikum bitirən) və ixtisasca qeyri məşəçi. Halbu ki, baş mühəndis ali ixtisas təhsilli və uyğun ixtisaslı kadr olmalıdır;
- Əgər "vurma cədvəl"ini belə soruşsanız belə bilməyən;
-Akt yazmaqı bilməyən, sadəcə olaraq üzdən köçürdən;
-Etdiyi nöqsanlara görə, 2021-ci ilin noyabr ayı ETSN-nin audit qrupu tərəfindən şiddətli töhmət alan;
-Dövlət meşə torpaqların satan;
-Meşələrdən "işlik" materiallın oduncaq adıyla sexlərə satdıran;
-2020-ci ilin dekabr ayı pul üstündə Qəriblər meşəbəyliyinin sabiq meşəbəyisi Sədrəddin Abbasovu 8 saylı dolayda vurub hündürlükdən itəlyən. Sədrəddin güllü bədən xəsarəti almışdı və bir neçə gün də xəstə yatdı. Bu barədə hətta iş gedib hüquq mühafizə orqanlarına qədər belə gedib çıxdı. Bu işdən dərhal sonra ETSN-nin müavini Firdovsi Əliyev MİX-nin sabiq rəisi Namik Xıdırovla Masallıya yollanaraq məsələni yoluna qoyub, onları barıdırmırşdılar və yalan saxta həmkarlar keçirtdirərək, guya Sədrəddin özü dəyib əzilib və s.
-Masallı Regional Meşə Təsərrüfatı Mərkəzində bütün çirkin işlərin ssenarisini verən və s.
Ekologiya Nazirliyi çıxıb yuxarıda sözügedən ittihamlara açıqlama versin və aydınlıq gətirib sübut etsin ki, bu yazılanlar yalan və şər-böhtandır.
Növbəti məqaləlırimizdə Abturab Bağırovun Masallı və Cəlilabad ərazilərində vətəndaş, sahibkar və şirkətlərə satdığı dövlət meşə fondu torpaqları barədə təfərrüatılə, geniş məlumat verəcəyik. Ərazinin koordinat, xəritə və şəkilləri olmaqla.
12-01-2022, 12:43
Xəbər verdiyimiz kimi, ötən gün sosial şəbəkələrdə yüksək sürətlə hərəkət edən “Gelandewagen” markalı avtomobilin sürücüsünün aztəminatlı ailələri təhqir edən görüntüləri yayılıb.
Dərhal polis əməkdaşları tərəfindən müvafiq tədbirlər həyata keçirilib və 1985-ci il təvəllüdlü Samid Bağırov müəyyən edilərək saxlanılıb.
S.Bağırovla polis idarəsində profilaktiki söhbət aparılıb və xəbərdarlıq edildikdən sonra sərbəst buraxılıb. O, əməlindən peşman olduğunu deyərək üzrxahlıq edib.
Bakupost.az həmin sürücü ilə bağlı bəzi maraqlı məlumatlar əldə edib.
Bəlli olub ki, 37 yaşlı S. Bağırov heç də sıradan bir nəfər deyil. Uzun müddət “Akkord” Şirkətlər Qrupunun xəzinadarı olub.
O, sabiq baş prokuror Zakir Qaralovun yaxını, daha dəqiq desək, “pulyığanı” kimi tanınıb.
Samid Bağırovun hazırda da həmin adamlarla isti münasibətinin davam etdiyi bildirilir.
Bütöv.az
11-01-2022, 18:45
Baş nazir Əli Əsədov Bakı Şəhər İcra Hakimiyyəti başçısının tabeliyində “Mərkəzi Nəbatat Bağı”və “Dendrologiya Bağı” publik hüquqi şəxslərin yaradılması haqqında Qərar imzalayıb.
Qərarda qeyd olunur ki, Azərbaycan Milli Elmlər Akademiyasının (AMEA) Mərkəzi Nəbatat Bağının mövcud ərazisi və Dendrologiya İnstitutunun Bakı şəhərinin Xəzər rayonunun Mərdəkan qəsəbəsində yerləşən mövcud ərazisi müvafiq olaraq “Mərkəzi Nəbatat Bağı” publik hüquqi şəxsin və “Dendrologiya Bağı” publik hüquqi şəxsin ərazisi qismində müəyyən edilsin.
Qərarda həmçinin qeyd olunur ki, AMEA Mərkəzi Nəbatat Bağının və Dendrologiya İnstitutunun balansında olan dövlət əmlakının müvafiq olaraq “Mərkəzi Nəbatat Bağı” publik hüquqi şəxsin və “Dendrologiya Bağı” publik hüquqi şəxsin balansına verilməsi ilə bağlı təkliflərini Nazirlər Kabinetinə təqdim etsin.
Bütöv.az yeniavaz.com-a istinadən xəbər verir ki, hazırda Mərdəkan qəsəbəsində yerləşən Dendrologiya İnstitutunun ərazisində AMEA-nın “Qonaq Evi” fəaliyyət göstərir. AMEA-nın rəsmi veb-səhifəsində göstərilir ki, qonaq evləri müasir dizaynda təmir edilib, lazımi avadanlıqlarla təhciz olunub. İstirahət mərkəzində qonaqların və uşaqların istirahəti üçün hər cür şərait yaradılıb. Burada qonaqlama və istirahət üçün 17 geniş və rahat otaq təqdim olunur. Xəzər rayonu, Mərdəkan qəsəbəsi, S.Yesenin küç., 89 ünvanında yerləşən qonaq evinin 1 günlük qiymətləri 1 nəfər üçün 50 manat (səhər yeməyi daxil olmaqla), 2 nəfər üçün 70 manat (səhər yeməyi daxil olmaqla) təşkil edir.
11-01-2022, 18:28
Ləğv edilmiş Kütləvi İnformasiya Vasitələrinin İnkişafına Dövlət Dəstəyi Fondunun (KİVDF) sabiq icraçı direktoru Vüqar Səfərlinin barəsində olan hökmdən verilən apellyasiya şikayətinin detalları məlum olub.
Bütöv.az “Report”a istinadən xəbər verir ki, onun şikayətində göstərilib ki, KİVDF həqiqətən Mətbuat prospektidə yerləşən binada icarə haqqı müqabilində icarəçi kimi fəaliyyət göstərib.
Bildirilib ki, Fondla icarəyə verən arasında bağlanan rəsmi müqavilələr mövcuddur: “Həmin müqavilələr üzrə ödəniş sənədləri də cinayət işinin materiallarına əlavə edilib”.
Şikayətdə qeyd edilib ki, V.Səfərli tərəfindən ödənilmiş icarə haqqı üzrə hər hansı məbləğ mənimsənilməyib: “İcarə sahəsinin yerləşdiyi binada dövlət hesabına maliyyələşən digər qurumlar, QHT fondu və digər fondlar fəaliyyət göstərib. Bina əlverişli məkanda, nəşriyyata və redaksiyalara yaxın mövqedə yerləşir. Fondun fəaliyyət göstərdiyi ünvan üzrə ödənilən icarə haqqının dövlət tərəfindən müəyyən edilən standartdan artıq olmasına dair dövlət orqanlarından heç vaxt irad bildirilməyib”.
Eyni zamanda apellyasiya şikayətində icarə haqqının bazar qiymətlərindən artıq olub-olmamasının müəyyən edilməsi üçün ekspertizanın da təyin edilməsi tələb olunur: “Bu hal məhkəmə iclasında şahid qismində dindirilən "Azərmətbuatyayım" ASC-nin nümayəndəsinin ifadəsi ilə də öz əksini tapıb. Hadisənin mexanizmindən görünür ki, müqavilə əsasında pul vəsaiti Fonda ayrılıb və eyni qaydada da “icarə haqqı” təyinatı ilə Həsənli Şamxal Əli oğlunun hesabına transfer edilib. Belə olan halda həmin pul vəsaitlərinin ayrıldığı və çatdığı yer bəllidir. Göründüyü kimi, icarə haqqı üzrə hər hansı məbləğdə pulun Vüqar Səfərliyə qaytarılmaması və yaxud bu epizod üzrə onun hər hansı formada bəhrələnməməsi onun qeyd edilən epizod üzrə Cinayət Məcəlləsinin 179-cu (Mənimsəmə) maddəsi ilə məsuliyyətini istisna edir”.
Müdafiə tərəfi həmçinin apellyasiya şikayətində jurnalistlər üçün inşa edilən binaların tikintisi zamanı yol verilən qanunazidd əməllər nəticəsində dövlətə məxsus 16 928 086,44 manat məbləğində pul vəsaitinin talanması epizodu üzrə də aparılan məhkəmə istintaqından narazı olduğunu qeyd edib: “Həmin epizod üzrə Vüqar Səfərlinin əməlində talama cinayətinin tərkibini yaradan heç bir fakt yoxdur. Həmçinin qeyd edilməlidir ki, tikinti üzrə ziyan Vüqar Səfərli tərəfindən deyil, Ədalət Vəliyev (Əli Həsənovun bacanağı) tərəfindən ödənilib. Belə ki, Ədalət Vəliyev “Portos” MMC-də vəzifəyə münasibətdə formal bir şəxs olmasını bildirsə də, 36 000 000 manat dəyərində olan əmlakı ziyanın əvəzini ödəmək üçün təqdim edib. Həmçinin iş materiallarından görünür ki, “Portos” MMC Əli Həsənovun oğlu Şamxal Həsənova məxsus olub. Tikintinin əvvəldən axıra qədər aparılmasında bütün göstərişlər Əli Həsənov tərəfindən verilib (şahid ifadələrinə əsasən). Vüqar Səfərli Əli Həsənovun göstərişlərini mübahisələndirmək iqtidarında olmayıb”.
Şikayətdə qeyd edilib ki, bu epizod üzrə V.Səfərli günahkar deyil, onun barəsində bəraət hökmünün çıxarılması istənilir.
Qeyd edək ki, Bakı Ağır Cinayətlər Məhkəməsinin hökmü ilə V.Səfərli cəzasını ciddi rejimli cəzaçəkmə müəssisəsində çəkməklə 10 il 6 ay müddətinə azadlıqdan məhrum olunub.
Həmçinin hökmə əsasən, keçmiş icraçı direktorun Bakı şəhəri, Xətai rayonu, 8 Noyabr prospekti, 23 ünvanında yerləşən qeyri-yaşayış sahəsi, Xətai rayonu, Əhmədli qəsəbəsi, Əhmədli 9 küçəsi, ev 14 ünvanında yerləşən torpaq sahəsi, Binəqədi rayonu, Goradil kəndindəki 0,104 hektarlıq bağ sahəsi, Xətai rayonu, Lütfi Zadə küçəsi, ev 18A (49 kv/m) ünvanı, İsmayıllı rayonu, Ticran kəndində yerləşən 0,1 hektarlıq torpaq sahəsi, İsmayıllı rayonu, Ticran kəndində yerləşən 0,19 hektarlıq torpaq sahəsi müsadirə olunub.
Bundan başqa, müsadirə edilənlər sırasında onun “Mercedes Benz ML 350”, “Volkswagen Tuareg” və “Toyota Land Cruiser” markalı avtomobilləri, Binəqədi rayonu, Novxanı kəndində yerləşən 0,223 hektar torpaq sahəsində olan 701 nömrəli 192.8 kv/m-lik bağ evi, Binəqədi rayonu, Novxanı kəndində yerləşən 291 kv/m-lik bağ evi, oğlu Seymur Səfərliyə məxsus Xətai rayonu, 8 Noyabr prospektində yerləşən 23 nömrəli evin birinci mərtəbəsindəki 39 kv/m-lik qeyri-yaşayış sahəsi də var.
Eyni zamanda, məhkəmənin hökmünə əsasən, V.Səfərlinin "Rabitəbank" ASC-də hesabında olan 300 min manatı, həmin bankda oğlunun hesabına olan 500 min manatı və Baş Prokurorluğun depozit hesabına qoyulmuş 200 min manat vəsaiti müsadirə edilib.
11-01-2022, 13:59
Qazaxıstanda yaşanan hadisələr fonunda bütün postsovet ölkələrində gərginlik müşahidə olunmaqdadır. Xüsusi ilə məmur özbaşınalığının sərhəd tanımadığı ölkələrdə Qazaxıstan senarisinin təkrarlanmayacağına zəmanət yoxdur. Üstəlik, Qərbin narıncı inqilab texnologiyasını özünəməxsus formada mənimsəmiş Rusiyanın xüsusi xidmət orqanları cəmiyyətdəki sosial-iqtisadi narazılıqlardan maksimum istifadə etməklə həmin ölkələrin suverenliyi üçün böyük bir təhlükə mənbəyinə çevrildiyini artıq sübut ediblər.
Bu baxımdan postsovet ölkələri üçün Rusiyanın artan təhdidlərindən hakimiyyətlər ciddi narahat olmağa başlayıb. Bu sırada Özbəkistan hakimiyyətinin atdığı addımlar diqqət çəkir. Beləki, mərkəzi hakimiyyət Rusiyanın işğal senarisini önləmək üçün insanları narazı salan məmurlar üzərində ciddi nəzarət mexanizmi həyata keçirməklə bərabər bütün təhdid mənbələri üzrə tədbirlər görür. Eyni narahatlıqlar zəif də olsa Azərbaycan hakimiyyətində var. Amma hakimiyyət hələlik məmur özbaşınalığından qaynaqlanan sosial narazılığı önləmək üçün ciddi tədbir görməyə tələsmir. Müşahidələr isə göstərir ki, ölkə daxilində Azərbaycanın müstəqilliyi ciddi təhlükə ola biləcək kifayət qədər ciddi təhdid mənbələri var. Xüsusi ilə Rusiyaya bağlılığı şübhə doğurmayan hakimiyyət daxili qruplaşmaların yerlərdəki kadrlarının fəaliyyəti bunu deməyə əsas verir. Bu baxımdan sosial-iqtisadi narazılıqla yanaşı məmur özbaşınalığının və hərəkətsizliyinin pik həddini yaşayan Lənkəran rayonu diqqətə alınmalıdır. Minlərlə sakinin iş dalınca Rusiyaya üz tutmasından tutmuş qonşu dövlətdən qaynaqlanan narkomaniyanın rayonda geniş yayılması da lazımi məqamlarda Lənkərana kənar təsirləri artıran faktorlardır. Belə bir vəziyyətdə isə 10 ildir əhali sayına nisbətdə ölkənin ən böyük rayonlarından biri olan Lənkərana rəhbərlik edən icra başçısı Taleh Qaraşovun fəaliyyəti çox şübhəlidir.
AzToday.az xəbər verir ki, təkcə Lənkəran sakinlərinin mediada yayılmış şikayətlərinin sayı rayonda vəziyyətin dözülməz səviyyədə olduğunu göstərir. Bu yazımızda ancaq Lənkəran İcra Hakimiyyətinin birbaşa fəaliyyətindən qaynaqlanan problemlərin bir hissəsini işıqlandırmağa çalışacağıq.
Lənkəran şəhərinin problemləri
Əsas mərkəzi küçələr istisna olmaqla şəhərin küçələri təmirsizdir, xüsusi ilə qonşu rayonlar sakinlərinin də alış-veriş etdiyi Lənkəran bazarı və ətraf küçələr yağışlı havalarda keçilməz olur. Ötən ilin yay aylarında şəhərin bir-neçə küçəsi asfaltlansa da, şəhərdaxili yolların böyük əksəriyyəti Suriyanın müharibə gedən yaşayış məntəqələrinin küçələrini xatırladır.
Şəhərin əsas mərkəzi küçələri mal-qaranın otlaq sahəsinə çevrilib. Aztoday.az həmin görüntüləri təqdim edir:
Şəhərin əsas tarixi tarixi abidələri baxımsız vəziyyətdə məhv olur, amma icra hakimiyyəti və aidiyyatı dövlət qurumları tarixi abidələrin bərpası üçün heç iş görmür. Vəziyyət o həddə çatıb ki, lənkəranlılar tarixi Zindan qalasının təmir olunması üçün sosial şəbəkələrdə müxtəlif aksiyalar keçirmək məcburiyyətində qalıblar.
Lənkəran şəhərinin illərdir mövcud olan kanalizasiya problemi də həllini tapmayıb. Açıq kanalizasiya xətləri sakinləri üfünətli hava ilə nəfəs almağa məcbur qoyur.
Şəhərdə demək olar boş ərazilər qalmayıb, hətta son illər bir-neçə avtobus dayanacağının ərazisi belə icra hakimiyyəti tərəfindən satılıb.
Təngivanı kim məhv edir?
Təngivan kəndinin düz ortasından keçən Lənkərançay çayının yatağı “PROFCO” MMC tərəfindən qazılaraq daşınmaqdadır. Artıq qazıntı işləri kənd sakinlərinin otlaq və əkin sahələrinə keçib. Sakinlər kəndi məhv edən şirkətin icra başçısı Taleh Qaraşova məxsus olduğunu deyir. Əks halda Lənkəranın onlarla kəndini təhlükə altında qoyan şirkətin qanunsuz fəaliyyətinə dövlət qurumları müdaxilə edəcəyini bildirirlər.
Dənizə həsrət qoyulan sahil kəndi
Xəzər dənizinin sahilində yerləşən Vel kəndinin sahil əraziləri mkanlı şəxslərə satılıb. Nəticədə isə sakinlərinin dəniz sahilinə çıxışı faktiki olaraq bağlanıb. Sakinlər cəmi 100 metr aralıdakı sahilə getmək üçün 5-6 kilometr yol qət etmək məcburiyyətində qalıb.
Sakinlərin sözlərinə görə, illər əvvəl kənddə yeni məktəb tikilib və köhnə məktəbin ərazisi isə boş qalıb. Həmin ərazidən sakinlər rahatçılıqla gedib gələ biliblər və yeniyetmə uşaqlar köhnə məktəbin ərazisində müxtəlif idman növləri ilə məşğul olublar. Amma bir-neçə il əvvəl Vel kəndinin köhnə məktəbinin 74 sot ərazisi də yerli qurumlar tərəfindən satılır. Həmin yeri alan şəxs (adını kənd sakinləri də bilmir – red) isə ərazini daş hasara alaraq sakinlərin sahilə yolunu bağlayır. Və sakinlərin də problemi bundan sonra başlayıb.
Bununla bağlı kənd sakinlərinin müvafiq qurumlara etdikləri şikayətlər illərdir nəticəsiz qalıb. Lənkəran Şəhər İcra Hakimiyyəti başda olmaqla əlaqədar qurumlar sakinlərin problemlərini görməzdən gələrək sakinlər üçün 2 metrlik piyada yolunun da açılmasına şərait yaratmır. Bu isə kəndin əsas dolanışıq mənbəyi olan turizmə ciddi təsir göstərib.
Ən çox şəhid verən kəndə yol yoxdur
Ölkənin ən çox yağıntı düşən yaşayış məntəqəsi olan Gəgiran kəndi Qarabağ müharibəsində 9 şəhid verib. Amma kənd illərdir icra hakimiyyətinin hərəkətsizliyi səbəbindən demək olar yolsuz qalıb. Orta əsr yaşayış məntəqələrini xatırladan Gəgiran kəndininə indiyə kimi müasir yol çəkilməməsi dövlət adına çox böyük bir ayıb sayıla bilər.
Sakinlər bildirir ki, kəndlə rayon mərkəzi arasındakı məsafəni qət etmək hər sürücünün işi deyil. Kənddən rayon mərkəzinə, yaxud da əks istiqamətə hərəkət edən avtomobillər tez-tez qəzaya uğrayır, ölüm-itim olur. Yol hər şeydir. İşdir, qazancdır, rahatlıqdır. Gəgiranlılar bunlardan məhrumdur, çünki yolumuz bərbad vəziyyətdədir…
Lənkəran “xanı” kefindən qalmır
Lənkəranın çox ciddi sosial-iqtisadi problemlərini həll etməyən icra başçısı və övladlarının bahalı həyat tərzi keçirməsi haqlı narazılığa səbəb olur.
Qeyd edək ki, Lənkəran rayon icra başçısının özü və övladları bu günədək müxtəlif məqamlarlarla bağlı gündəmə gəlib. Məlumatlara görə, Qaraşovun oğlanlarından biri Seymur Qaraşov rayonda bütün tikinti, yenidənqurma və abadlıq işlərinə nəzarəti əlinə keçirib.
Mediada yayılan məlumata görə, hazırda Fövqəladə Hallar Nazirliyindəki işi Lənkərandan Bakıya dəyişdirilmiş Seymur Qaraşov şəhərdə olan zaman səhərlər «Lexus», günortadan sonra eyni dövlət nömrə nişanlı (010) «Porşe» sürür.
Məsələ burasındadır ki, Qaraşovların macəraları oğullarla bitmir. Elə icra başçısının özü də illərdən bəri dövlət büdcəsini “dədə malı” olaraq bilir. İllər əvvəl Virtualaz.org saytının verdiyi xəbər bunu deməyə əsas verir. Yazını qısa ixtisarla nəzərinizə çatdırırıq: “Taleh Qaraşov bu il məzuniyyətini öz ailə üzvləri ilə birlikdə Çexiyanın məşhur Karlovı Varı kurort şəhərində keçirib. Azərbaycandan gedən və aylıq maaşı 2 min manata yaxın olan bir məmurun xərclədiyi pulların məbləğinin yüz minlərlə dolları aşması faktı çexiyalı jurnalistlərin də diqqətini cəlb edib və onlar həmin informasiyanı bizimlə bölüşüblər.
Məlumatda deyilir ki, T.Qaraşov və onun 11 nəfər ailə üzvü (övladları və nəvələri) AZAL şirkətinin Bakı-Praqa reysi ilə Çexiyaya uçub. Qaraşovlar ailəsi Praqadan da Karlovı Varı şəhərinə gedib. Maraqlıdır ki, Qaraşovların bütün aviabiletləri biznes-klassa alınıb. Yəni, icra başçısı təyyarənin biznes-klass salonuna faktiki olaraq bütün biletləri alıb. AZAL-da bir biznes-klass biletinin qiyməti 1500 manatdır. Deməli, aylıq maaşı 2 min manata yaxın olan məmur təkcə aviabiletlərə 165000 manat xərcləyib.
Məlumata görə, icra başçısı və ailə üzvləri Karlovı Varıdakı dəbdəbəli “Carlsbad Plaza” otelində yerləşiblər. Bu oteldə bir nömrənin sutkalıq qiyməti 2 min dollardır. Qaraşovlar ailəsi oteldə 6 otaq götürüblər. Yəni ailənin gündəlik otel xərci 12 min dollar təşkil edib. İcra başçısı və ailə üzvləri bu oteldə 21 gün qalıb.
Ailənin otel xərclərini hesablamaq çətin deyil. Amma buna bilirsinizmi nə qədər xərclənib? 251 min dollar!
T.Qaraşovun Çexiyadakı digər xərcləri barədə danışmağa lüzum görmürük. Lakin Lənkəranın icra başçısına sual etmək lazımdır: o, bu qədər pulu haradan və necə qazana bildi ki, Karlovı Varıda üç həftənin içində təxminən yarım milyon manatı asanlıqla xərclədi?”
Lənkəranın problemləri nə vaxt həll olunacaq?
Ölkənin ən böyük iqtisadi rayonlarından olan Lənkəranın sosial problemlər məngənəsində boğulması 2012-ci ildən indiyənə kimi rayona rəhbərlik edən Taleh Qaraşovun aktivinə yazılmalıdır. Subtropik zonada yerləşən rayonun ənənəvi təsərrüfat sahələrinin sıradan çıxması fonunda Lənkəran ərazilərinin iri oliqarxlar tərəfindən ələ keçirilməsi sakinləri hiddətləndirməkdədir. Nadir ağac növləri ilə zəngin olan Lənkəran meşələrindən tutmuş sahilyanı ərazilər də oliqarxiyanın hədəfinə çevrilib…
Bütöv.az
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!