2-04-2023, 16:43
Artıq 1 ildir ki, Kiyev vilayətindən işğalçıları qovmuşuq - Zelenski
"İlk hücumlar, ilk nailiyyətlər, ilk azad edilmiş ərazilər... Artıq 1 ildir ki, biz Kiyev vilayətindən işğalçıları qovmuşuq". Bunu Ukrayna prezidenti Volodimir Zelenski teleqram kanalında yazıb. "Ukrayna xalqı! Siz dövrümüzün ən böyük anti-bəşəri qüvvəsini dayandırdınız. Məna verən hər şeyi məhv etmək istəyən bir qüvvəni dayanmağa məcbur etdiniz. Və biz bütün torpaqlarımızı azad edəcəyik. Biz bütün şəhərlərimizə və kəndlərimizə Ukrayna bayrağını asacağıq. Biz Ukraynanı qorumaq üçün hər şeyi edəcəyik", - deyə o qeyd edib.
2-04-2023, 16:39
28 minə yaxın abituriyent buraxılış imtahanı verdi
Dövlət İmtahan Mərkəzi tərəfindən bu gün əvvəlki illərin məzunları üçün ali təhsil müəssisələrinə qəbul imtahanının I mərhələsi, V ixtisas qrupu üzrə ali təhsil müəssisələrinə və 11 illik təhsil bazasında kolleclərə qəbul imtahanı, müsabiqədə buraxılış imtahanında verdiyi xarici dildən fərqli dil üzrə iştirak etmək istəyən cari ilin məzunları üçün əlavə xarici dil imtahanı, qəbul imtahanını buraxılış imtahanında verdiyi dildən fərqli dil üzrə vermək istəyən cari ilin məzunları üçün əlavə tədris dili imtahanı; mart ayında keçirilmiş buraxılış imtahanlarında müxtəlif səbəblərdən iştirak edə bilməmiş və barəsində Mərkəzə müraciət edilmiş cari ilin XI sinif şagirdləri üçün buraxılış imtahanı, eksternat qaydasında XI sinif üzrə yekun attestasiyada iştirak etmək istəyən şəxslər üçün buraxılış imtahanı, buraxılış imtahanlarında müxtəlif səbəblərdən iştirak edə bilməmiş və barəsində Mərkəzə müraciət edilmiş əvvəlki illərin XI sinif məzunları üçün buraxılış imtahanı keçirilib.
DİM-dən verilən məlumata görə, imtahanlar Bakı, Şəki, Lənkəran, Gəncə, Sumqayıt, Mingəçevir, Şirvan şəhərlərində, Abşeron, Qazax, Şəmkir, Bərdə, Sabirabad, Göyçay, Kürdəmir, Salyan, Cəlilabad, Xaçmaz rayonlarında və Naxçıvan MR-də təşkil olunub. İmtahanlarda 27864 nəfərin iştirakı nəzərdə tutulurdu. İmtahanların idarə olunması üçün 118 ümumi imtahan rəhbəri, 337 imtahan rəhbəri, 2657 nəzarətçi-müəllim, 360 buraxılış rejimi əməkdaşı və 118 bina nümayəndəsi ayrılıb. İmtahanlarda 64 nəfər fiziki məhdudiyyətli (I qrup gözdən əlil, eşitmə əngəlli və digər) abituriyent də iştirak edib. Bu abituriyentlərin rahat şəkildə imtahan verməsi üçün imtahan binalarında ayrıca zallar ayrılıb, gözdən əlillər üçün tapşırıqların oxunması, cavab vərəqinin doldurulması və s. işlər üçün fərdi nəzarətçilər təyin edilib. Həmçinin eşitmə əngəlli abituriyentlər üçün onların dinləmə ilə bağlı çətinlikləri nəzərə alınaraq xüsusi test kitabçaları hazırlanıb. Hərəkət məhdudiyyətli abituriyentlərin bina və zala daxil olması və rahat şəkildə hərəkəti üçün də xüsusi şərait yaradılıb. Aprelin 3-dən etibarən DİM-də imtahan protokollarının və cavab vərəqlərinin emalına başlanılacaq. İmtahanlarda istifadə olunan yazılı cavab tələb edən açıq tipli tapşırıqların yoxlanılması uzun müddət tələb etdiyindən nəticələrin yaxın 1 ay ərzində elan olunması nəzərdə tutulur. Dəfələrlə xəbərdarlıq olunmasına baxmayaraq, tələb olunan sənədləri özləri ilə gətirmədikləri üçün imtahana buraxılmayan abituriyentlər olub. Bundan əlavə, yoxlama prosesi zamanı bəzi abituriyentlərin üzərində kəsici‑deşici vasitələr, müxtəlif elektron cihazlar və digər köməkçi vəsaitlər aşkar olunub. 8 nəfərdə mobil telefon tutulduğu üçün imtahandan xaric edilib və nəticələri ləğv olunacaq. Həmin abituriyentlər qəbul imtahanının ikinci mərhələsinə də buraxılmayacaq. Qeyd olunan qayda pozuntuları protokollaşdırılıb və hazırda bunlarla bağlı araşdırma aparılır.
2-04-2023, 16:34
Rusiya və Belarusa daha çox sanksiya tətbiq etməliyik - Latviya XİN
"Rusiya və Belarusa nüvə şantajının nəticə verməyəcəyini göstərmək lazımdır". Bunu Latviyanın xarici işlər naziri Edqars Rinkeviçs deyib. “Belarus suveren dövlət deyil. Ölkə praktiki olaraq Rusiya hərbi dairəsinin bir hissəsidir. Biz həm Rusiyaya, həm də Belarusa qarşı daha çox sanksiyalar tətbiq etməliyik ki, bu şantaj, bu addımlar heç bir nəticə verməsin və verməyəcək”, - nazir bəyan edib. "Rusiya Federasiyası siyasi, hərbi şantajla da məğlub olmasına baxmayaraq, danışıqlar masasına oturmaq niyyətində deyil", - o əlavə edib.
2-04-2023, 16:26
Dördtərəfli görüşün iştirakçıları artıq Moskvadadır
Aprelin 3-də Rusiya, Türkiyə, Suriya və İranın XİN rəhbərlərinin müavinləri arasında danışıqlar aparılacaq. Bu barədə TASS məlumat yayıb. Bütün nümayəndə heyətləri nazirlər səviyyəsində növbəti görüşü hazırlamaq üçün artıq Moskvaya gəliblər.
2-04-2023, 16:23
Sabahın hava proqnozu
Aprelin 3-də gözlənilən hava şəraiti açıqlanıb. Milli Hidrometeorologiya Xidmətindən verilən məlumata görə, Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, gün ərzində əsasən yağmursuz keçəcəyi gözlənilir. Lakin gecə və səhər bəzi yerlərdə yağış yağacağı ehtimalı var. Şimal-qərb küləyi əsəcək. Havanın temperaturu gecə 4-6° isti, gündüz 12-16° isti olacaq. Atmosfer təzyiqi 760 mm civə sütunundan 765 mm civə sütununa yüksələcək. Nisbi rütubət 65-75 % olacaq. Azərbaycanın rayonlarında əsasən yağmursuz hava şəraiti hökm sürəcək. Lakin axşam bəzi yerlərdə arabir yağıntılı olacağı ehtimalı var. Bəzi yerlərdə arabir duman olacaq. Mülayim şərq küləyi əsəcək. Havanın temperaturu gecə 4-8° isti, gündüz 13-18° isti, dağlarda gecə 5-10° şaxta, gündüz 0-5° isti olacaq.
2-04-2023, 16:21
Respublikaçıların yarıdan çoxu Trampı dəstəkləyir
ABŞ-da Respublikaçılar Partiyası üzvlərinin yarıdan çoxu hazırkı hakimiyyətin ona qarşı ittiham irəli sürmək niyyətinə baxmayaraq, 2024-cü ildə ABŞ-da keçiriləcək prezident seçkilərində Donald Trampın namizədliyini dəstəkləməyə hazırdır. Bu barədə Böyük Britaniyanın "YouGov" şirkətinin keçirdiyi sorğunun nəticələrində qeyd olunub. Bildirilib ki, praymerizdə partiya tərəfdarlarının 52%-i Trampa səs verə bilər. Onu Florida qubernatoru Ron De Santis (21%) izləyir. Populyarlığa görə 3-cü yerdə isə Cənubi Karolinanın keçmiş qubernatoru və ABŞ-ın BMT-dəki sabiq nümayəndəsi Nikki Heyli (5%) qərarlaşıb. Eyni mövzuda keçirilən daha iki sorğuda da təxminən oxşar nəticələr ortaya çıxıb.
2-04-2023, 16:13
Avropa və ABŞ beynəlxalq məhkəmə qarşısına çıxarılmalıdır - Volodin
"Liviya, İraq, Suriya, Əfqanıstan, Yuqoslaviya və Ukraynada qan tökülməsinə və dağıntılara görə məsuliyyət daşıyan Avropa və ABŞ siyasətçiləri beynəlxalq məhkəmə qarşısına çıxarılmalı və öz layiqli cəzalarını almalıdırlar". Bu barədə Rusiya Dövlət Dumasının spikeri Vyaçeslav Volodin özünün teleqram kanalında bildirib. "Donald Tramp çoxmilyonluq dələduzluqda ittiham olunur. ABŞ-ın keçmiş prezidentini cinayət təqibi gözləyir. Baydeni də gələcəkdə eyni aqibət gözləyə bilər. Kifayət qədər səbəblər var", - o əlavə edib.
2-04-2023, 16:09
Rusiyanın enerji asılılığından qurtula bilərik - Moldova prezidenti
Moldova 2 il ərzində Rusiyadan enerji asılılığından azad ola bilər. Bunu ölkə prezidenti Maya Sandu deyib. Prezident qeyd edib ki, ölkə artıq enerji müstəqilliyinin formalaşdırılması ilə məşğuldur və Rusiya qazından praktiki olaraq imtina edib. "Biz bərpa olunan enerji mənbələrinə, enerji səmərəliliyinə sərmayə qoymalıyıq. Bütün bunlar baş verir, bunu 6 aya etmək mümkün deyil, amma 2 ildən sonra, Kişinyov-Vulkanesti layihəsini başa çatdırsaq, biz enerjidə tam müstəqilliyə malik olacağıq”, - deyə o bildirib.
2-04-2023, 16:07
Yuxarı Lars yolunda avtomobillərin hərəkəti dayandırıldı
Rusiya və Ermənistanı birləşdirən Gürcüstan-Rusiya sərhədinə gedən Yuxarı Lars yolu qoşqulu və yarımqoşqulu avtomobillər üçün bağlanıb. Bu barədə "Sputnik Armenia" məlumat yayıb. Bildirilib ki, Mtsxeta-Stepantsminda-Lars beynəlxalq avtomobil yolunun Qudauri-Kobi hissəsində qarın yağması, temperaturun aşağı düşməsi və uçqun təhlükəsi ilə əlaqədar məhdudiyyətlər tətbiq edilib. Həmçinin qeyd olunub ki, hava şəraiti normallaşandan sonra yolda bütün nəqliyyat vasitələrinin hərəkəti tam bərpa olunacaq.
2-04-2023, 16:04
Geosiyasi hadisələr regiondakı vəziyyətə təsir edə bilər - Ohanyan
"Ermənistan güclü təhlükəsizlik sistemi, milli və beynəlxalq təminatlar formalaşdırmalıdır". Bunu ölkənin keçmiş müdafiə naziri, hazırda parlamentdəki müxalif "Hayastan" fraksiyasının rəhbəri Seyran Ohanyan deyib. "Milli təminatlar ordu, iqtisadiyyat və birlik, beynəlxalq təminatlar isə güclü diplomatiya və danışıqlardır.Hərbi-siyasi vəziyyət indi elədir ki, geosiyasi hadisələr regiondakı vəziyyətə təsir edə bilər. Bundan Ermənistanın əleyhdarları istifadə edirlər", - deyə Ohanyan bildirib. O, Paşinyanın ordudakı “5-ci kolon”la bağlı dediklərinə də münasibət bildirib. Ohanyanın fikrincə, hakimiyyət öz məsuliyyət payını unudaraq bütün günahı silahlı qüvvələrin üzərinə yıxmağa çalışır.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!