Karusel » Səhifə 586

20-04-2025, 10:40

Tramp rüsumların tətbiqini dayandırdı

ABŞ Prezidenti Donald Tramp maliyyə naziri Skott Bessent və ticarət naziri Hovard Lyutniklə söhbətdən sonra ticarət rüsumlarının tətbiqini dayandırmaq qərarına gəlib.
Bu barədə "The Wall Street Journal" qəzeti məlumat yayıb.
Nəşrin yazdığına görə, Bessent və Lyutnik Trampı “aqressiv qlobal tarif planını” dayandırmağa inandırmaq istəyiblər.
Nəticədə, nazirlər Trampla planlaşdırılmamış bir görüş imkanı taparaq, onu rüsumların tətbiqindən imtina etməyə inandıra biliblər.

Tramp rüsumların tətbiqini dayandırdı

20-04-2025, 10:04

Çin “hidrogen bombasını” uğurla sınaqdan keçirdi

Çin, nüvə materiallarından istifadə etmədən
işləyən qeyri-nüvə "hidrogen bombası"nın uğurlu sınağını həyata keçirib.
Bu barədə "South China Morning Post" (SCMP) məlumat yayıb.
Çin Dövlət Gəmiqayırma Korporasiyasının (CSSC) 705 saylı Tədqiqat İnstitutu tərəfindən hazırlanan bu cihaz, maqnezium hidrid adlı kimyəvi birləşməyə əsaslanır. Sınaq zamanı 2 kq-lıq bu cihaz, 1000°C-dən yüksək temperaturda və 2 saniyədən çox davam edən alov topu yaradıb. Bu, ekvivalent TNT partlayışından 15 dəfə uzun müddətlidir.
Maqnezium hidrid, yüksək miqdarda hidrogen qazı saxlaya bilən bərk vəziyyətli hidrogen saxlama materialıdır. Ənənəvi partlayıcılarla aktivləşdirildikdə, bu material sürətli termal parçalanmaya məruz qalaraq hidrogen qazı buraxır və bu qaz alovlanaraq geniş sahəyə yayılan güclü bir partlayış yaradır.
Bu texnologiya, nüvə materiallarından istifadə etmədən yüksək enerjili partlayışlar yaratmaqla, həm hərbi, həm də enerji sahəsində yeni imkanlar aça bilər. Lakin, hazırda Çin Xalq Azadlıq Ordusunun bu texnologiyanı hansı məqsədlərlə istifadə edəcəyi və ya silahlandıracağı barədə rəsmi məlumat yoxdur.
Bu inkişaf, Çin və digər ölkələrin nüvə texnologiyaları sahəsindəki yarışının bir hissəsi kimi qiymətləndirilə bilər. Xüsusilə, nüvə enerjisinin sülh məqsədli istifadəsi və nüvə silahlarının yayılmasının qarşısının alınması məsələləri qlobal gündəmdə önəmli yer tutur.

Çin “hidrogen bombasını” uğurla sınaqdan keçirdi

20-04-2025, 09:42

Nigeriyada silahlı basqın - 56 nəfər öldü

Nigeriyanın mərkəzi hissəsində yerləşən Benue ştatında silahlıların hücumu 56 insanın ölümünə səbəb olub.
Qubernatorun mətbuat üzrə müşaviri Solomon İorpev hücumlar nəticəsində ölənlərin sayının 56 nəfərə çatdığını bildirib. Onun sözlərinə görə, axtarış əməliyyatları zamanı qurbanların sayı arta bilər.
Daha əvvəl silahlı maldarlar tərəfindən törədildiyi güman edilən hücum nəticəsində 17 nəfərin öldüyü bildirilirdi.
Hadisə cümə günü gecə baş verib və təhlükəsizlik qüvvələrinin yerləşdirilməsinə səbəb olub.

Nigeriyada silahlı basqın - 56 nəfər öldü

19-04-2025, 17:19

Prezidentin Təhlükəsizlik Xidmətinin şöbə rəisi işdən çıxarıldı

Prezidentin Təhlükəsizlik Xidmətində kadr islahatı olub.
Prezidentin Təhlükəsizlik Xidmətinin şöbə rəisi polkovnik Səftər Heydər oğlu Hacıyev vəzifəsindən azad edilib.

Prezidentin Təhlükəsizlik Xidmətinin şöbə rəisi işdən çıxarıldı

19-04-2025, 17:00

Qazaxda 4 nəfər dəm qazından zəhərləndi

Qazaxda zəhərlənmə faktı qeydə alınıb.
Hadisə rayonun N.Nərimanov qəsəbəsində qeydə alınıb.
Belə ki, 1959-cu il təvəllüdlü S.Abbasova, 1988-ci il təvəllüdlü A.Abbasova, 2016-cı il təvəllüdlü T.Abbasov və 2018-ci il təvəllüdlü F.Abbaslı zəhərlənmə diaqnozu ilə xəstəxanaya yerləşdiriliblər.
Dərhal zəhərlənən şəxslərə yardım edilib, onların vəziyyətlərinin kafi olduğu bildirilir. Məlumata görə zəhərlənən şəxslər bir ailənin üzvidir. Onların yaşadıqları evdə dəm qazından zəhərləndiyi bildirilir.
Faktla bağlı araşdırma aparılır.

Qazaxda 4 nəfər dəm qazından zəhərləndi

19-04-2025, 16:30

Azərbaycanda zəlzələ oldu

Yardımlıda zəlzələ baş verib.
Bu barədə Respublika Seysmoloji Xidmət Mərkəzinin Zəlzələlərin tədqiqatı bürosu məlumat yayıb.
Bildirilib ki, zəlzələnin dərinliyi 11 kilometr, maqnitudası isə 3,3-dür.

Azərbaycanda zəlzələ oldu

19-04-2025, 16:15

Ceyhun Bayramov Çavuşoğlunun atasının dəfn mərasimində - FOTO

Ceyhun Bayramov Çavuşoğlunun atasının dəfn mərasimində iştirak edib.
Bu barədə Azərbaycanın Türkiyədəki səfiri Rəşad Məmmədov bildirib.
Azərbaycan xarici işlər naziri Ceyhun Bayramov Türkiyə keçmiş xarici işlər naziri və Türkiyə Böyük Millət Məclisinin millət vəkili Mövlud Çavuşoğlunun atası Osman Çavuşoğlunun dəfn mərasimində iştirak edib, başsağlığı verib.

Ceyhun Bayramov Çavuşoğlunun atasının dəfn mərasimində - FOTO

19-04-2025, 15:51

Çin orbitə 6 peyk buraxdı

Çinin “Çanjen-6” raket daşıyıcısı günəşlə sinxron orbitə birdən-birə 6 “Şiyan-27” süni peykini qaldırıb.
Bu barədə Çinin Aerokosmik Elm və Texnika Korporasiyası (CASC) məlumat yayıb.
Məlumata görə, raketlər Çinin şimalında yerləşən Şansi vilayətinin Tayuan kosmodromundan yerli vaxtla 06:51-də buraxılıb. Kosmik aparatlar uğurla orbitdə təyin olunmuş mövqeni tutublar.
CASC qeyd edib ki, peyklər Yerə yaxın kosmik mühiti araşdırmaq və müvafiq texnologiyaların sınaqlarını həyata keçirmək üçün nəzərdə tutulub.

Çin orbitə 6 peyk buraxdı

19-04-2025, 15:43

Bakının mərkəzi küçələrindən biri bağlanır

Bu gecədən Bakının Xətai rayonu, Süleyman Vəzirov küçəsinin bir hissəsində (Bakı Avropa Liseyinin qarşısından Babək prospektinə qədər) hərəkət məhdudlaşdırılacaq.
Bu barədə Azərbaycan Avtomobil Yolları Dövlət Agentliyi (AAYDA) xəbər verir.
Məlumata görə, hərəkətin məhdudlaşdırılması təmir işləri bitənədək qüvvədə olacaq.
AAYDA sürücülərdən aparılan işlərə anlayışıla yanaşmaları və öncədən hərəkət istiqamətlərinə uyğun alternativ yollardan istifadə etmələrini xahiş edit.

Bakının mərkəzi küçələrindən biri bağlanır

19-04-2025, 15:30

Gürcüstan Azərbaycandan kömək istədi

Gürcüstanın paytaxtı Tbilisi də daxil olmaqla bir sıra regionlarda bu gün yenidən elektrik enerjisi kəsilib.
Buna səbəb Kavkasioni elektrik ötürücü xəttində qəzanın baş verməsidir.
“AzərEnerji”nin ictimaiyyətlə əlaqələr mərkəzinin rəisi Teymur Abdullayevin “Qafqazinfo”ya verdiyi məlumata görə, böyük problemlə üzləşən Gürcüstan tərəfi Azərbaycana kömək üçün müraciət edib. Dərhal “AzərEnerji” tərəfindən Gürcüstan enerji sistemi ilə paralel iş bərpa olunub. Qəzanın ilk anında Gürcüstana 380-400 MVt enerji ötürülüb.
Xatırladaq ki, bir neçə gün öncə də Gürcüstan qaranlığa qərq olmuşdu. Genişmiqyaslı qəza nəticəsində Tbilisi, Qori, Batumi, Poti, Borjomi, Kutaisi, Zuqdidi və digər şəhərlərin bir hissəsində işıq kəsilmişdi.

Gürcüstan Azərbaycandan kömək istədi