Bu gün Bakıda 3-cü Regional İnternet İdarəçilik Forumu işinə başlayıb.

Butov.az Gün.Az-a istinadən xəbər verir ki, “İKT innovasiyalarının regional inkişaf mühitinin yaradılması” mövzusuna həsr edilən forum iki gün davam edəcək.

Forumun keçirilməsində əsas məqsəd daha səmərəli, effektli regional iqtisadi inkişafa və mədəni irəliləyişə nail olmaq üçün internetin tətbiqinin müxtəlif yollarını, Azərbaycanın regional İKT inkişafının mərkəzi kimi yerli iştirakçıların beynəlxalq mütəxəsislərlə təcrübə mübadiləsini və əməkdaşlığını həyata keçirməklə yanaşı, bu sahədə olan problemlərin müzakirəsi, maraqlı inovativ layihələri nümayiş etdirməkdir.

Tədbirdə çıxış edən xarici işlər nazirinin müavini, ADA Universitetinin rektoru Hafiz Paşayev bildirib ki, Azərbaycanda son illər İKT-i sahəsində nəzərəçarpan inkişaf əldə edib.

O deyib ki, enerjiyə əsaslanan iqtisadiyyatımızı difersikasiyalı iqtisadiyyata çevirmək istəyirik, bu mənada belə forumlar böyük əhəmiyyət kəsb edir.

Rektor xatırladıb ki, ADA Universitetinin gələn il 10 yaşı tamam olur: “Azərbaycan Diplomatiya Akademiyasının bazasında ADA Universiteti yaradılarkən dövlət başçısı bu təhsil müəssisəsinin fəaliyyətinin genişləndirilməsini qarşımıza məqsəd qoydu. Artıq bizim fəaliyyətimuz digər istiqamətləri də əhatə etməyəbaşlayıb”.

H.Paşayev İKT-nin insanların həyatının bir hissəsinə çevrildiyini, amma ondan daha geniş şəkildə istifadə etməyin və faydalanmağın yollarının tapılmalı olduğunu deyib.

BMT-nin Azərbaycandakı rezident əlaqələndiricisi Antnius Bruk bildirib ki, BMT İKT sektorunda mühüm rol oynayır. Onun sözlərinə görə, hazırda 3 milyard insan internetdən istifadə edir və onların sayı hər gün artmaqdadır.

A.Bruk hələ də rəqamsal bərabərsizlik olduğunu, kişilərin internetə giriş imkanlarının qadınlardan artıq oluğunu əlavə edib. Onun sözlərinə görə, Azərbaycan artıq bir neçə ildir BMT-nin İKT-nin inkişafına görə lider ölkələr siyahısına düşüb. Az, rnaycan bu sah, də öz təcrübəsi ilə digər ölkələrə kömək edə bilər.

Sabah da davam edəcək forumda müxtəlif mövzular müzakirə olunacaq