18-12-2025, 00:27
PSJ Qitələrarası Kubokun qalibi oldu
FIFA-nın Qitələrarası Kubokunun qalibi bəlli olub.
Finalda Fransanın PSJ və Braziliyanın “Flamenqo” komandaları qarşılaşıblar.
Qətərin paytaxtı Doha şəhərində reallaşan görüşün əsas və əlavə vaxtı 1:1 hesablı heç-heçə ilə yekunlaşıb. Penaltilər seriyasında isə 2:1 hesabı ilə qalib gələn PSJ kubokun sahibi olub.
17-12-2025, 23:28
Dünya çempionatı üçün rekord mükafat
FIFA 2026-cı il dünya çempionatının mükafat fondunu açıqlayıb.
Mundialın mükafat fondu 727 milyon ABŞ dolları təşkil edir. Məbləğin 655 milyon dolları turnirin iştirakçısı olan 48 ölkənin yığmasına ödəniləcək. Bu isə DÇ-2022 ilə müqayisədə 50 faiz artım deməkdir.
Mundialın qalibi 50, finalda uduzan 33, üçüncü yerin sahibi 29, dördüncü yeri tutan komanda 27 milyon dollar qazanacaq. 5-8-ci yerlər üçün 19, 9-16-cı yerlər üçün 15, 17-32-ci yerlər üçün 11, 33-48-ci yerlər üçün 9 milyon dollar mükafat veriləcək.
Bundan əlavə, final mərhələsinə vəsiqə qazanan hər bir yığma hazırlıq xərclərini ödəmək üçün 1,5 milyon dollar alacaq. Beləliklə, DÇ-2026-nın bütün iştirakçılarına ən azı 10,5 milyon dollar ödəniləcək.
Qeyd edək ki, dünya çempionatı iyunun 11-dən iyulun 19-dək ABŞ, Kanada və Meksikada keçiriləcək.
17-12-2025, 23:09
Məktəblilər arasında “snus” təhlükəsi - Polisdən açıqlama
Məktəblilər arasında “snus” adlı saqqızabənzər, tütün tərkibli məhsul yayılıb. Uşaqlar isə onun tərkibi və təsirləri barədə məlumatlı olmadan istifadə edir.
İTV-yə danışan şagirdlər bildirirlər ki, bu məhsulu alıb məktəbdə çeynəyirlər.
“Bizim məhlədə satılır, almışam. Uşaqlar da bir neçə dəfə alıblar. Ağızda dağılır, pis dad verir. Hər marketdə satılmır. Köşk kimi yerlərdə olur”, - şagirdlər bildirib.
DİN-in Mətbuat Xidmətinin əməkdaşı Elbrus İbrahimov bildirib ki, “Snus” adlandırılan məhsulun tərkibi və hüquqi statusu ilə araşdırmalar aparılır.
Hazırda bu məhsulun narkotik vasitə və ya psixotrop maddə kimi qiymətləndirilməsi ilə bağlı ixtisaslaşmış ekspert rəyi yoxdur.
Bununla belə, tərkibində nikotin olan məhsulların, tütün məmulatlarının yetkinlik yaşına çatmayan şəxslərə satışı qanunvericiliyin tələblərinə ziddir və polis orqanları tərəfindən bu istiqamətdə profilaktik və nəzarət tədbirləri həyata keçirilir.
Zərərli vərdişlərin qarşısının alınması məqsədilə polis əməkdaşları tərəfindən ticarət obyektlərində və məktəblər ətrafında müvafiq yoxlama və nəzarət fəaliyyəti davam etdirilir.
17-12-2025, 22:06
Ağdamda mina partladı - YARALI VAR
Ağdamın Çəmənli kəndində mina partlayıb.
Kənd sakini Məlik Qədir oğlu Məmmədovun idarə etdiyi traktor sahədə soğan səpərkən minaya düşüb.
O, yaralı halda xəstəxanaya çatdırılıb.
Faktla bağlı araşdırma başlanıb.
17-12-2025, 21:50
Meyiti tapılan gənc Mirmahmud Mirəlioğlunun nəvəsi imiş
Sumqayıtda 18 yaşlı gəncin meyiti aşkarlanıb.
Hadisə şəhərin 30-cu məhəllə adlanan ərazisində qeydə alınıb.
Məlumata görə, 2007-ci il təvəllüdlü Fəttayev Müşfiq Mirmehdi oğlunun cansız bədəni yaxınları tərəfindən yaşadığı evdə tapılıb.
Vəfat edən gəncin Klassik Xalq Cəbhəsi partiyasının sədri, sabiq deputat Mirmahmud Mirəlioğlunun nəvəsi olduğu bildirilir.
Qeyd edək ki, partiya sədrinin oğlu Mirmehdi Fəttayevin iki övladı var.
Onlardan böyüyü 18 yaşlı Müşfiq Fəttayev, kiçik oğlu isə məktəblidir.
Onun ürək tutmasından öldüyü deyilir.
Xatırladaq ki, M.Mirəlioğlu 1991-ci ildə oğlu Müşviqi, 2009-cu ildə isə oğlu Mircəlili, 2012-ci ildə isə qızı Mahirəni itirib.
17-12-2025, 21:12
]3 uşağına işgəncə verdiyi deyilən ata saxlanıldı - YENİLƏNİB
Ağstafada azyaşlı övladlarını döyən və işgəncə verən ata saxlanılıb.
Bu barədə Daxili İşlər Nazirliyinin Mətbuat Xidmətinin Gəncə Regional Qrupunundan bildirilib.
Qurumdan qeyd edilib ki, övladlarını döyən və işgəncələr verən ata Oruc Əliyev polis əməkdaşları tərəfindən tutulub.
Məsələ ilə Ağstafa Rayon Polis şöbəsində müvafiq ekspertiza təyin edilib.
Araşdırmaların nəticəsinə uyğun olaraq məsələyə hüquqi qiymət veriləcək.
***
20:13
Ağstafada uşaqların atası tərəfindən döyüldüyü iddia edilib.
Hadisə Yeni gün kəndində baş verib.
Uşaqların anası Günel Bayramova iddia edib ki, onun həyat yoldaşı, 42 yaşlı Oruc Əliyev onunla aralarında olan davalara görə uşaqlarını incidirmiş.
Sonuncu dəfə davadan sonra ata evinə gedən Günel Bayramova Oruc Əliyev evdə olmayanda uşaqlarına baş çəkməyə gəlib. Bundan xəbər tutan ata da uşaqları anaları ilə görüşdüyü üçün döyüb, işgəncə verib. Azyaşlılar da atalarının analarını və onları günlərlə müxtəlif əşyalarla döyüb işgəncə verdiklərini bildiriblər. Onlar atalarının spirtli içki aludəçisi olduğunu da deyiblər.
Azyaşlılar əvvəlcə xəstəxanaya yerləşdiriliblər. Ağstafa Rayon Xəstəxanasından isə bildirilib ki,müayinə zamanı azyaşlılarda ciddi xəsarət aşkar edilməyib.
Qeyd edək ki, uşaqlardan ikisi oğlan, biri qızdır.
Sözügedən azyaşlılar aidiyyəti qurumların əməkdaşları ilə birlikdə ekspertizaya cəlb ediliblər.
Daxili İşlər Nazirliyinin Mətbuat Xidmətinin Gəncə Regional Qrupundan bildirilib ki, məsələ ilə bağlı Ağstafa Rayon Polis Şöbəsində müvafiq ekspertiza təyin edilib. Araşdırmaların nəticəsinə uyğun olaraq məsələyə hüquqi qiymət veriləcək.
17-12-2025, 19:03
Türk general Bakıya niyə gəlib?
Dekabrın 17-də Bakı şəhərində 17-ci Azərbaycan-Türkiyə Yüksək Səviyyəli Hərbi Dialoq İclası öz işinə başlayıb.
İclas çərçivəsində Azərbaycan müdafiə nazirinin müavini - Baş direktor Aqil Qurbanov Türkiyə Silahlı Qüvvələrinin Baş Qərargahının 2-ci rəisi ordu generalı Levent Ergünün rəhbərlik etdiyi nümayəndə heyəti ilə görüşüb.
A.Qurbanov Azərbaycan və Türkiyə arasında bütün sahələrdə, o cümlədən hərbi sahədə əlaqələrin yüksək səviyyədə olduğunu qeyd edib və bu əməkdaşlığın daha da genişləndirilməsinin hər iki tərəf üçün əhəmiyyətini diqqətə çatdırıb.
Keçirilən görüşlərin və icra olunan birgə fəaliyyətlərin bundan sonra da intensivləşəcəyini bildirən ordu generalı L.Ergün qarşılıqlı təcrübə mübadiləsinin hər iki ordu üçün səmərəli olacağını qeyd edib.
Görüşdə Azərbaycan və Türkiyə arasında hərbi əməkdaşlıq sahəsindəki cari fəaliyyət mexanizmləri barədə geniş müzakirələr aparılıb.
Hərbi Dialoq İclasının növbəti mərhələsində Alt İşçi Qrupları tərəfindən ikitərəfli hərbi əlaqələrin cari vəziyyəti təhlil edilərək, perspektivdə duran vəzifələrin yerinə yetirilməsi üçün əsas fəaliyyət istiqamətləri haqqında fikir mübadilələri aparılıb.
Dekabrın 19-dək davam edəcək 17-ci Yüksək Səviyyəli Hərbi Dialoq İclası çərçivəsində Alt İşçi Qrupların Beynəlxalq Hərbi Əməkdaşlıq İdarəsində və Milli Müdafiə Universitetində görüşləri keçiriləcək.
17-12-2025, 18:00
Əli Kərimli DTX təcridxanasında xanımı ilə görüşdü
AXCP sədri Əli Kərimli saxlandığı DTX təcridxanasında həyat yoldaşı Samara Seyidova ilə görüşüb.
Bu barədə AXCP-nin məlumatında bildirilib.
“Əli Kərimli onun həbsini diqqətdə saxlayan və maraqlanan hər kəsə salam göndərib”, - məlumatda deyilir.
Qeyd edilib ki, AXCP sədri ona qarşı açılan cinayət işinini qəbul etmədiyindən ifadə verməkdən imtina edib.
“Heç nə bilmədiyim iş haqqında hansı ifadəni verə bilərəm?”, - o deyib.
Xatırladaq ki, Dövlət Təhlükəsizliyi Xidməti noyabrın 29-da AXCP sədri Ə.Kərimli və partiyanın Rəyasət Heyətinin üzvü Məmməd İbrahimi saxlayıb. Səbail Rayon Məhkəməsi dekabrın 1-də onların hər biri barəsində 2 ay 15 gün müddətə həbs qətimkan tədbiri seçib.
Əli Kərimli və Məmməd İbrahim Cinayət Məcəlləsinin 278.1 (hakimiyyəti zorla ələ keçirməyə, dövlətin konstitusiya quruluşunu zorla dəyişdirməyə yönələn hərəkətlər) maddəsi ilə ittiham edilirlər. Hər iki şəxs Prezident Administrasiyasının keçmiş rəhbəri, akademik Ramiz Mehdiyev barəsində başladılan cinayət işi çərçivəsində həbs olunublar.
17-12-2025, 17:47
Çernobıl əlillərinə yeni avtomobillər veriləcək
Çernobıl Atom Elektrik Stansiyası (AES) hadisələri ilə əlaqədar əlilliyi olan şəxslərin sosial təminatı üzrə tədbirlər davam etdirilir.
Bu işlərin davamı kimi qəzanın ləğvi ilə əlaqədar və xüsusi nəqliyyat vasitəsi almaq üçün tibbi göstərişləri olan əlilliyi olan şəxslərə növbəti partiya üzrə avtomobillər təhvil veriləcək.
Məlumata əsasən, bu tədbirlər çərçivəsində 24 nəfər 2025-ci il istehsallı sedan tipli avtomobillərlə təmin olunacaqlar.
Belə ki, Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyi artıq bununla bağlı müvafiq işlərə start verib.
Agentlik avtomobillərin satın alınmasının 390,6 min manata başa gələcəyini proqnozlaşdırıb.
17-12-2025, 17:28
Bakıda mağazalardan oğurluq edildi
Paytaxtın Sabunçu rayonunda silsilə oğurluq cinayətləri qeydə alınıb.
Naməlum şəxs gecə saatlarında iki mağazanın qapısını qıraraq zərərçəkənlərə ümumilikdə 2900 manat dəyərində ziyan vurub. Talanan əşyalar arasında nağd pul vəsaiti ilə yanaşı, mobil telefon, enerji içkiləri və tütün məmulatları da olub.
Polis əməkdaşlarının keçirdikləri tədbirilə hər iki əməli törətməkdə şübhəli bilinən, əvvəllər də analoji cinayətlərə görə məhkum olunmuş 22 yaşlı E.Yusifov müəyyən olunaraq saxlanılıb.
Məhəmmədi qəsəbəsində keçirilən digər tədbir zamanı isə marketlərin birindən 800 manat dəyərində tütün məmulatı oğurlamaqda şübhəli bilinən 40 yaşlı İ.Nadirov da saxlanılıb.
Faktlarla bağlı araşdırmalar davam etdirilir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!