19-12-2022, 17:02
Laçın yolundakı aksiya davam edir - Etirazçı kütləsi genişlənir
Artıq 8 gündür ki, ekologiya üzrə ixtisaslaşmış qeyri-hökumət təşkilatları, ictimai fəallar və könüllülər Şuşa-Xankəndi yolunda ekoloji cinayətlər əleyhinə aksiya keçirirlər. Hava şəraitinin soyuq olmasına baxmayaraq, dinc aksiya hazırda davam edir. Getdikcə aksiya iştirakçılarının sayı daha da artır və ölkənin bütün bölgələrindən Laçın yoluna axın müşahidə edilir. Aksiyanın fəal iştirakçılarından biri olan siyasi şərhçi Tural İsmayılov son durum barədə məlumat verib. O bildirib ki, dinc aksiyanın əsas tələbi dəyişməz olaraq qalır və etirazçılar ekoloji cinayətlərə son qoyulmasına çağırış edirlər: "Aksiya iştirakçılarının əsas tələbləri ekoloji terrorla bağlıdır. Azərbaycan xalqı öz sərvətlərinin talanmasına, ərazilərinin ekoloji cəhətdən çirkləndirilməsinə etiraz edir. Eyni zamanda müşahidə qruplarımızın Qızılbulaq və Dəmirli yataqlarına monitorinq üçün buraxılmasını tələb edirlər. Aksiyalar siyasi şüar səsləndirilmədən, siyasi məqsəd ifadə edilmədən mədəni şəkildə, gecə-gündüz dayanmadan davam edir. Aksiya daha güclü mərhələyə keçib. Çünki etirazçıların sıraları genişlənir". T.İsmayılov vurğulayıb ki, "Arayik, rədd ol!", "Vardanyan, rədd ol!" şüarları Azərbaycan xalqının ümumi tələbi kimi səsləndirilir: "Gecəboyu belə şüarlar səsləndirilməyib. Gün ərzində Vardanyanla, Qarabağdakı separatçılarla bağlı şüarlara rast gəlmək mümkündür. Amma separatçıların Azərbaycandan çıxarılması xalqın ümumi tələblərindən biridir. Hazırda davam edən aksiya Azərbaycan xalqının erməni separatçılarının suverenliyimizi pozmasına etirazıdır. Bunu siyasi şüar kimi yox, ümumi tələb kimi dəyərləndirmək lazımdır". Aksiya iştirakçılarının sağlıq durumuna gəlincə, T.İsmayılov hər şeyin qaydasında olduğunu söyləyib: "Tibb məntəqəsi kifayət qədər peşəkar formada hazırlanıb. Burada həyati əhəmiyyətli dərmanlar mövcuddur. Həkimlər narahatlıq yaşayan etirazçılara diqqət göstərir, onlarla mütəmadi şəkildə maraqlanırlar. Dağ havası olduğuna görə, istər-istəməz qan təzyiqi qalxır. Başqa problemlərlə də məntəqəyə müraciət edənlər olub. Ümumilikdə isə hər şey qaydasındadır". "Ümumiyyətlə, sülhməramlılarla, aksiya iştirakçıları ünsiyyətə girmir. Hansısa gərginlik və aqressiya müahidə edilmir. Aksiya iştirakçıları tələbləri yerinə yetirilənə qədər öz işlərini davam etdirəcəklərini deyiblər. Yeni qruplar aksiyaya qoşulurlar. Bir sözlə, proses əvvəlkindən daha güclü şəkildə gedir. Aksiya iştirakçılarının inadkar mübarizəsi onların tələblərinin yerinə yetiriləcəyinə işarə edir. Başqa cür aksiyanın dayanması gözlənilmir", - gənc fəal vurğulayıb. Qeyd edək ki, Şuşa ərazisində Rusiya sülhməramlılarının nəzarətində olan yolun bir hissəsində etiraz aksiyası azərbaycanlı aktivistlər və ekologiya üzrə qeyri-hökumət təşkilatlarının (QHT) üzvləri tərəfindən Qarabağ iqtisadi rayonunda ekoloji terrora son qoyulması tələbi ilə keçirilir.
19-12-2022, 16:58
Azad olunmuş bölgələrdə minalar aşkarlandı
Azərbaycan Minatəmizləmə Agentliyi (ANAMA) işğaldan azad edilmiş ərazilərdə ötən həftə daha 94 mina aşkarlanıb. ANAMA-dan verilən məlumata görə, dekabrın 12-dən 17-dək Tərtər, Ağdam, Xocavənd, Füzuli, Şuşa, Qubadlı, Cəbrayıl və Zəngilanda aparılan minatəmizləmə əməliyyatları zamanı piyada əleyhinə 59, tank əleyhinə idə 35 mina və 297 partlamamış hərbi sursat aşkarlanaraq zərərsizləşdirilib. Nəticədə 579 hektar ərazi mina və partlamamış hərbi sursatlardan təmizlənib.
19-12-2022, 16:54
Temperatur aşağı düşəcək - 15 dərəcə şaxta gözlənilir
Bakıda və Abşeron yarımadasında dekabrın 19-u axşamdan başlayaraq 21-i səhərədək hava şəraitinin qısa müddətə kəskin dəyişəcəyi, şimal-qərb küləyinin 15-20 m/s, arabir 23- 28 m/s, yarımadanın bəzi yerlərində arabir 30-33 m/s-dək güclənəcəyi gözlənilir. Milli Hidrometeorologiya Xidmətindən verilən məlumata görə, dekabrın 20-də hava arabir yağıntılı olacaq. Havanın temperaturu gecə və gündüz 2-5° isti olacaq. Azərbaycanın rayonlarında dekabrın 19-dan 20-na keçən gecə şimal və dəyişəcəyi, arabir yağıntılı olacağı, dağlıq və dağətəyi rayonlarda qar yağacağı, qərb rayonlarından başlayaraq 21-i gündüzədək ölkə ərazisində hava şəraitinin qısa müddətə kəskin intensivləşəcəyi gözlənilir. Havanın temperaturu: dağlıq və dağətəyi rayonlarda gecə 10-15° şaxta, gündüz 3-8° şaxta olacağı, aran rayonlarında isə gece saatlarında "0"-yǝ yaxınlaşacağı gözlənilir. Qərb küləyi arabir 15-20 m/s, ayrı-ayrı yerlərdə arabir 25-30 m/s-dək güclənəcək. Dağlıq və dağətəyi rayonlarda yollar buz bağlayacaq, duman olacaq.
19-12-2022, 16:31
Laçın yolunda keçid problemi yoxdur
Biz hətta istənilən mülki erməninin aksiya yerindən keçidinə şərait yaradıla bilər;
- bizdən qorxmaq lazım deyil, biz sülh carçılarıyıq;
- biz “yolkəsən quldur” deyilik, biz sülhə yol açanlarıq;
- dinc ermənilər bizə xilaskarları kimi baxa bilərlər, biz onları girov saxlayan, alət kimi istifadə edən quldur rejimi lənətləyirik;
- bizim erməni uşaqları ilə, yaşıdlarımızla, mülki əhali ilə heç bir problemimiz yoxdur, bizim düşmənimiz ərazimizi talayan quldurlardır.
19-12-2022, 15:34
Dünya Çempionatının “ən yaxşıları” mükafata layiq görüldü
Qətərdə keçirilən futbol üzrə dünya çempionatının ən yaxşıları mükafatlandırılıb. Fərdi mükafatları bu futbolçular qazanıb:
Ən gənc oyunçu: Enso Fernandes (Argentina)
Ən yaxşı qapıçı ("Qızıl əlcək" mükafatı): Emiliano Martines (Argentina)
Ən yaxşı bombardir ("Qızıl buts" mükafatı): Kilian Mbappe (Fransa)
Ən yaxşı oyunçu ("Qızıl top" mükafatı): Lionel Messi (Argentina)
18-12-2022, 21:08
Məşhurlar da dünya çempionatını gələnlər arasındadır
Futbol üzrə dünya çempionatının finalında Argentina və Fransa yığmaları üz-üzə gəlir. Final matçını izləmək üçün Qətərə gələnlər arasında məşhurlar da var. Belə ki, Fransa Prezidenti Emmanuel Makron, amerikalı milyarder İlon Mask, "Milan"ın məşhur futbolçusu Zlatan İbrahimoviç və digərləri həlledici görüşü stadiondan izləyirlər.
18-12-2022, 21:01
Qarabağa sərmayə yatırmaq ərəblərin maraq dairəsindədir
Səudiyyə Ərəbistan Krallığının Azərbaycana gələn nümayəndə heyətinin tərkibində olan investorlar azad edilmiş ərazilərə sərmayə yatırmaqda maraqlıdırlar. Bunu Səudiyyə Ərəbistanı Krallığının investisiya naziri, Azərbaycan Hökuməti ilə Səudiyyə Ərəbistanı Hökuməti arasında Müştərək Komissiyanın həmsədri Xalid bin Əbdüləziz Əl-Falih Zəngilanda jurnalistlərə açıqlamasında bildirib. Onun sözlərinə görə, Səudiyyə Ərəbistanından Azərbaycana geniş nümayəndə heyəti gəlib, onlar yalnız dövlət sektorunda təmsil edilmirlər, həmçinin burada özəl sektorun nümayəndələri də var: "Nümayəndə heyətinin tərkibində Azərbaycanda energetika, xüsusilə "yaşıl energetika", kənd təsərrüfatı, eko-turizm, hotel kimi sahələrə investisiya yatırmağa maraqlı olan investorlar var. Hesab edirəm ki, azad edilmiş ərazilərdə infrastruktur tam olanda Səudiyyə Ərəbistanı və ətraf ölkələr üçün maraq kəsb edəcək. Bu ərazilərdə turizm cəlbedicidir". Nazir deyib ki, Səudiyyə Ərəbistanının texnologiya şirkətləri Azərbaycanın texnologiya sahəsinə investisiya yatırmağı nəzərdən keçirirlər. Xalid bin Əbdüləziz Əl-Falih qeyd edib ki, nümayəndə heyətinin tərkibində dövlət nümayəndələri də təmsil olunurlar: "Səudiyyə İnkişaf Fondu Azərbaycanda aktiv fəaliyyət göstərir. Fond 5 layihəni maliyyələşdirib. Onlar azad edilmiş ərazilərdə infrastruktur layihələrini maliyyələşdirməkdə maraqlıdılar". "Biz Azərbaycan dövləti ilə 30 ildir ki, yan-yanayıq. Bizim üçün ən önəmli məsələlərdən biri azad edilmiş ərazilərə normal həyatın qayıtmasıdır", - səudiyyəli nazir vurğulayıb.
18-12-2022, 20:57
Səudiyyə naziri Zəngilanda
Səudiyyə Ərəbistanı Krallığının investisiya naziri, Azərbaycan Respublikası hökuməti ilə Səudiyyə Ərəbistanı Krallığı hökuməti arasında Müştərək Komissiyanın həmsədri Xalid ibn Əbdül Əziz Əl-Faleh və Azərbaycanın maliyyə naziri, Azərbaycan Respublikası hökuməti ilə Səudiyyə Ərəbistanı Krallığı hökuməti arasında Müştərək Komissiyanın həmsədri Samir Şərifov Zəngilan rayonuna səfər ediblər. Zəngilan hava limanında Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı çərçivəsində görülmüş işlər və qarşıda duran planlara dair brifinq keçirilib. Brifinqdən sonra Qarabağ iqtisadi rayonuna daxil olan işğaldan azad edilmiş ərazilərdə (Şuşa rayonu istisna olmaqla) Azərbaycan Respublikası Prezidentinin xüsusi nümayəndəsi Emin Hüseynov və Zəngilan rayonunda Azərbaycan Respublikası Prezidentinin xüsusi nümayəndəsi Vahid Hacıyevində iştirakı ilə Səudiyyə Ərəbistanı Krallığından gələn 50-dən çox qonaq Zəngilan məscidinin yenidən qurulması, Zəngilan şəhərində həyata keçirilən bərpa və yenidənqurma işləri barədə məlumatlandırılıb. Qonaqlar, eyni zamanda, “Dost Aqropark” ağıllı kənd təsərrüfatı kompleksinə baxış keçirib və burada yaradılan infrastrukturla yaxından tanış olublar. Daha sonra səudiyyəli qonaqlar Zəngilan rayonunda yerləşən Ağalı kəndində “Ağıllı kənd” layihəsi ilə tanış olub, kənd sakinləri ilə görüşüblər. “Göyərçin” abidə-fəvvarə kompleksinə və meydana baxış keçirilib. Sonda səfərdə iştirak edən qonaqlar Zəngilan Beynəlxalq Hava Limanından Bakı şəhərlərinə yola salınıblar.
18-12-2022, 16:29
Qiymətlərin qalxmasına dövlət nəzarət etmir
Bayram günləri otellərdə qiymətlərin yüksəlməsini bazar tənzimləyir. Buna dövlət nəzarət etmir. Bunu Dövlət Turizm Agentliyinin (DTA) sədrinin müşaviri Kənan Quluzadə Yeni il bayramı ilə əlaqədar otellərdə qiymətlərin yüksək olmasına barədə sualını cavablandırarkən deyib. Agentlik rəsmisi qeyd edib ki, tələbat artdıqca, turizm sahəsində qiymətlər də artır: "Bu, bütün sahələrdə belədir. Necə ki, bayramqabağı bazar və marketlərdə qiymətlər yüksəlir, turizm sahəsində də eyni hal müşahidə edilir. Məsələn, hazırda olduğumuz "Şahdağ" Turizm Mərkəzində yanvar ayının sonuna qədər bütün yerlər tan dolub. Yəni tələbat artdıqca, qiymətlər də yüksəlir. Bu, bazar iqtisadiyyatıdır, dövlət tərəfindən tənzimlənmir".
18-12-2022, 16:24
Zəngəzur yolunda aparılan işlərin yarıdan çoxu tamamlanıb
Zəngəzur dəhlizinin Azərbaycan ərazisindən keçən hissəsində dəmir yolu xətti üzrə işlərin 40 %-i, avtomobil yolunda isə 70 %-i tamamlanıb. Şərq və Qərb ölkələrini birləşdirə biləcək Zəngəzur dəhlizinin tərkib hissəsi olan dəmir yolu və avtomobil yollarında tikinti prosesi davam edir. Bunu Zəngilan rayonunda Azərbaycan Prezidentinin xüsusi nümayəndəsi Vahid Hacıyev Səudiyyə Ərəbistanı Krallığından olan nümayəndə heyətinin iştirakı ilə Zəngilanda keçirilən tədbirdə deyib. Onun sözlərinə görə, Zəngilanın davamlı gələcəyinə birbaşa töhfə verəcək 5 əsas inkişaf istiqaməti var: "Bunlar kənd təsərrüfatı, mədən sənayesi, nəqliyyat və logistika, turizm və "yaşıl" enerjidir". V. Hacıyev bildirib ki, Şərqi Zəngəzurun yenidən qurulması prosesində kifayət qədər çətinliklər olsa da, eyni zamanda böyük imkanlar da var idi: "Böyük problemlərdən biri minalardan təmizləmə və təhlükəsizliklə bağlı idi. Şəhər və kəndlərdə dayanıqlığa nail olmaq üçün təhlükəsizliyin, sabitliyin və əmin-amanlığın təmin edilməsi birinci prioritet idi. Yenidənqurma səylərinə və məcburi köçkünlərin təhlükəsiz qayıtmasına əsas maneələrdən biri işğaldan azad edilmiş ərazilərin mina və digər partlayıcı qurğularla kütləvi şəkildə çirklənməsi olub. Hazırda Şərqi Zəngəzurun minalardan təmizlənməsi prosesi davam edir".
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!