15-10-2025, 15:13
Ceyhun Bayramov ATƏT-in sədri ilə görüşdü
Azərbaycan Respublikasının xarici işlər naziri Ceyhun Bayramov Finlandiyanın xarici işlər naziri və ATƏT-in fəaliyyətdə olan sədri Elina Valtonen ilə görüşüb.
Bu barədə Xarici İşlər Nazirliyindən (XİN) məlumat verilib.
Görüşdə Azərbaycan-Finlandiya ikitərəfli münasibətləri, Finlandiyanın ATƏT-də sədrliyi dövründə prioritet istiqamətlər, ATƏT-in qarşısında duran çağırışlar, Azərbaycan-ATƏT əməkdaşlığının hazırkı vəziyyəti və gələcək perspektivləri, eləcə də bölgədə post-münaqişə dövründə vəziyyət və Azərbaycan-Ermənistan sülh prosesi müzakirə olunub.
Tərəflər ötən il COP-29 çərçivəsində Bakıda, eləcə də bu ilin sentyabr ayında BMT Baş Assambleyasının yüksək səviyyəli həftəsi zamanı Nyu Yorkda liderlər arasında keçirilmiş görüşlərin ikitərəfli münasibətlərin inkişafına töhfəsini məmnunluqla qeyd ediblər. Nazirlər münasibətlərin genişləndirilməsi məqsədilə qarşılıqlı səfərlərin və dialoqun intensivləşdirilməsinin vacibliyini vurğulayıblar.
Görüş zamanı Finlandiyanın ATƏT sədrliyi çərçivəsində prioritetlərə toxunulub. Nazir Ceyhun Bayramov qeyd edib ki, Finlandiyanın sədrliyi Avropada təhlükəsizliyin ciddi çağırışlarla üzləşdiyi dövrə təsadüf edir. Bu şəraitdə ATƏT-in çoxtərəfli platforma kimi çevik şəkildə yeni reallıqlara uyğunlaşmasının, öz aktuallığını və funksionallığını qoruyub saxlamasının əhəmiyyəti vurğulanıb.
Nazir həmçinin regionda son vəziyyət, işğaldan azad edilmiş ərazilərdə bərpa-quruculuq işləri, məcburi köçkünlərin geri qayıdışı istiqamətində görülən tədbirlər və mina təhdidi barədə finlandiyalı həmkarını məlumatlandırıb.
Görüşdə Azərbaycan-Ermənistan sülh prosesi də müzakirə edilib. Nazir Ceyhun Bayramov 8 avqust 2025-ci il tarixində Vaşinqtonda Azərbaycan, ABŞ və Ermənistan liderlərinin tarixi görüşünün və imzalanmış Birgə Bəyannamənin əhəmiyyətini qeyd edib. Sülh sazişinin imzalanması istiqamətində atılacaq növbəti addımlar və Ermənistanın konstitusiyasında Azərbaycana qarşı ərazi iddialarının aradan qaldırılması zərurəti bir daha diqqətə çatdırılıb.
“Beynəlxalq Sülh və Rifah Naminə Tramp Marşrutu” (TRIPP) layihəsinin regionda nəqliyyat və iqtisadi əlaqələrin bərpası baxımından əhəmiyyəti vurğulanıb.
Tərəflər post-münaqişə dövründə reallıqları nəzərə alaraq, funksional əhəmiyyətini itirmiş Minsk Prosesi, Fəaliyyətdə olan sədrin xüsusi nümayəndəsi və Yüksək Səviyyəli Planlaşdırma Qrupu kimi ATƏT təsisatlarının fəaliyyətinin 1 sentyabr tarixindən dayandırılması barədə qərarı müsbət qiymətləndiriblər.
Nazir Ceyhun Bayramov ATƏT çərçivəsində əməkdaşlıq layihələrinin həyata keçirilməsi istiqamətində mövcud maneələrdən bəhs edərək, Azərbaycan Əməkdaşlıq Proqramının icrasına start verilməsinin vacibliyini qeyd edib. O, xüsusilə minalardan təmizləmə, ekoloji vəziyyətin qiymətləndirilməsi və kiber təhlükəsizlik sahələrində praktiki əməkdaşlığın inkişaf etdirilməsinin faydalı olacağını vurğulayıb.
Nazir həmçinin ATƏT-in iqtisadi və ətraf mühit ölçüsü üzrə təşəbbüslərin əhəmiyyətini qeyd edərək, Azərbaycan tərəfindən təşəbbüs göstərilən “Xəzər dənizi regionunda yaşıl limanların və bağlantıların təşviqi” layihəsinin uğurla icra olunduğunu və artıq üçüncü mərhələyə keçdiyini bildirib.
Nazir Ceyhun Bayramov Finlandiyanın ATƏT sədrliyinə uğurlar arzulayaraq, bu sədrliyin çoxtərəfli dialoq və əməkdaşlıq mühitinin gücləndirilməsinə, ATƏT-in fəaliyyətinin canlandırılmasına mühüm töhfə verəcəyinə ümidvar olduğunu qeyd edib.
Tərəflər həmçinin qarşılıqlı maraq doğuran digər ikitərəfli və çoxtərəfli məsələlər ətrafında fikir mübadiləsi aparıblar.
15-10-2025, 15:11
Ramiz Mehdiyev zəngə cavab verdi, amma...
Ötən gün 4 aylıq ev həbsinə məhkum edilən Prezident Administrasiyasının sabiq rəhbəri Ramiz Mehdiyev telefona cavab verib.
Manset.az saytı Mehdiyevlə əlaqə saxlayıb.
Jurnalist keçmiş PA rəhbərinin dövlətə xəyanətdə ittiham edilməsi haqda mövqeyini soruşub. O, telefonu açsa da, sualı eşidən kimi dəstəyi asıb.
Xatırladaq ki, Bakı şəhəri Səbail rayon məhkəməsi dünən Mehdiyev Ramiz Ənvər oğlu Mehdiyev barədə cinayət işi üzrə qərar qəbul edib. O, Cinayət Məcəlləsinin 278.1 (dövlət hakimiyyətini ələ keçirməyə yönələn əməllər), 274 (dövlətə xəyanət) və 193-1.3.2-ci (cinayət yolu ilə əldə edilmiş əmlakı leqallaşdırma) maddələri maddələri ilə ittiham edilir.
15-10-2025, 15:06
Biz Azərbaycanla sıx əməkdaşlıqda maraqlıyıq - Zaxarova
“Biz Azərbaycanla müxtəlif regional formatlarda - MDB və ŞƏT, Asiyada Qarşılıqlı Fəaliyyət və Etimad Tədbirləri Müşavirəsi, Xəzər beşliyi və 3+3 regional əməkdaşlıq platforması, o cümlədən Avrasiya təhlükəsizlik arxitekturasının qurulması kontekstində sıx əməkdaşlıqda maraqlıyıq.
Bunu oktyabrın 15-də keçirdiyi brifinqdə Rusiya Xarici İşlər Nazirliyinin sözçüsü Mariya Zaxarova deyib.
"Biz Bakının Avrasiya İqtisadi İttifaqı ilə dialoqunun güclənməsinin şahidi oluruq. Bunu Azərbaycanın Baş nazirinin Avrasiya Hökumətlərarası Şurasının iclaslarında fəxri qonaq qismində iştirak etməsinin indiki yaxşı ənənəsi sübut edir. Sonuncu belə tədbir bu il sentyabrın 30-da Minskdə baş tutub. Biz Bakı ilə əməkdaşlığımızı müsbət qiymətləndiririk, çünki bu il Azərbaycan MDB çərçivəsində müxtəlif sektorlarda əməkdaşlığımızın çox fəal nümunəsidir. Məsələn, MDB-nin hər üç tematik paytaxtına ev sahibliyi edən Qəbələ, Laçın Gəncə kimi...
Və təbii ki, biz Bakının oktyabrın 10-da Düşənbə sammitinin bir sıra yekun sənədlərinə qoşulmasını alqışlayırıq. Bunlara dövlət başçılarının transmilli cinayətkarlıqla mübarizə sahəsində əməkdaşlıq və Çernobıl AES-də baş vermiş faciənin 40 illiyi ilə bağlı bəyanatları daxildir. Azərbaycan həmçinin 2026-2028-ci illər üçün terrorizm və ekstremizmə qarşı mübarizə sahəsində əməkdaşlıq proqramının – MDB ölkələrinin regional təhlükəsizliyin təmin edilməsi üzrə birgə fəaliyyətinin konkret istiqamətləri üzrə mühüm ortamüddətli sənədin qəbulunu dəstəkləyib”, - Zaxarova bildirib.
15-10-2025, 14:43
Yanğın törədən şəxs məsuliyyətə cəlb olundu
Zərdabda yanğın törədən şəxs məsuliyyətə cəlb olunub.
DİN-in Mətbuat xidmətinin regional qrupu xəbər verir ki, Zərdab rayonunun Dəkkəoba kəndi ərazisində yanğın hadisəsi törədən şəxs polis əməkdaşları tərəfindən müəyyən edilib.
Araşdırmalarla yanğının kənd sakini F.Rasulov tərəfindən törədildiyi məlum olub. Hadisə nəticəsində 1 hektar ərazidə quru ot və kol-kos yanıb. Şəxs barəsində qanunvericiliyə uyğun tədbir görülüb.
15-10-2025, 00:07
Son 1 ayda Azərbaycanda ikinci böyük QALMAQAL
Son 1 ayda Azərbaycan ictimaiyyətində rezonans doğuran daha bir həbslə bağlı məlumat yayılıb. Prezident Administrasiyasının sabiq rəhbəri, Azərbaycan Milli Elmlər Akademiyasının keçmiş prezidenti, akademik Ramiz Mehdiyev Dövlət Təhlükəsizliyi Xidməti (DTX) tərəfindən aparılan istintaq çərçivəsində cinayət məsuliyyətinə cəlb edilib.
Onun Cinayət Məcəlləsinin 274-cü (dövlətə xəyanət), 278-ci (hakimiyyəti zorla ələ keçirmə və ya onu zorla saxlama) və 193-1-ci (cinayət yolu ilə əldə edilmiş pul vəsaitlərinin leqallaşdırılması) maddələri üzrə cinayət işi başlanıb.
Bu gün Səbail Rayon Məhkəməsinin qərarı ilə akademik barəsində 4 aylıq ev dustaqlığı qətimkan tədbiri seçilib. Onun yaşı nəzərə alınaraq təcridxanaya salınmadığı ehtimal edilir.
Qeyd edək ki, 87 yaşlı Ramiz Mehdiyev hazırda Təhlükəsizlik Şurasının üzvüdür. O, bu vəzifəyə 2019-cu ildə təyin olunmuşdu.
Ramiz Mehdiyevin həbsindən cəmi bir ay öncə ölkə gündəmini silkələyən daha bir qalmaqal yaşanıb. Belə ki, SOCAR-ın keçmiş rəsmisi Adnan Əhmədzadə DTX tərəfindən saxlanılmış və barəsində 4 aylıq həbs qətimkan tədbiri seçilmişdi.
O, iqtisadi təhlükəsizliyə qarşı təxribat və xüsusilə külli miqdarda mənimsəmə əməllərində ittiham olunur. İddialara görə, o, “Azeri Light” markalı nefti digər xam neft məhsulları ilə qarışdırmaqla ölkənin enerji sektorunun etibarlılığına və bazar şəffaflığına ciddi zərbə vurub.
Uzun illər SOCAR-ın rəhbər vəzifələrində çalışan Adnan Əhmədzadə həm ölkə daxilində, həm də xaricdə geniş biznes şəbəkəsinə malik şəxs kimi tanınırdı.
İki həbs arasında əlaqənin olub-olmadığı hələlik məlum deyil...
14-10-2025, 23:44
Putin müharibəni bitirmək istəmir - Tramp
ABŞ prezidenti Donald Tramp Rusiya prezidenti Vladimir Putin barədə sərt açıqlama verib.
O, hesab edir ki, Kreml rəhbəri Ukraynadakı müharibəni dayandırmaq niyyətində deyil və Rusiya iqtisadiyyatı yaxın zamanda çökmək ərəfəsindədir.
Tramp bu fikirləri Argentinanın prezidenti Xavyer Mileylə Ağ Evdə keçirilən görüş zamanı səsləndirib. O, həmçinin Ukrayna prezidenti Zelenskinin yaxın günlərdə Vaşinqtonda keçiriləcək görüşdə ABŞ-dan “Tomahawk” tipli raketlərin tədarükünü istəyəcəyini bildirib.
“Zelenski silah istəyəcək. O, "Tomahawk" raketləri almaq niyyətindədir. Bizdə bu raketlərdən çoxdur”, – deyə Tramp vurğulayıb.
Tramp həmçinin qeyd edib ki, Putinə qarşı şəxsi münasibəti dəyişməsə də, onun qərarlarını anlaya bilmir:
“Vladimirlə çox yaxşı münasibətlərimiz olub. Bəlkə indi də elədir. Amma mən anlamıram, niyə bu müharibəni davam etdirir. O, sadəcə müharibəni bitirmək istəmir”.
ABŞ lideri əlavə edib ki, davam edən hərbi kampaniya və sanksiyalar fonunda Rusiya iqtisadiyyatı “tezliklə dağılacaq”.
14-10-2025, 23:34
Ramiz Mehdiyevin özü bu şuranın üzvü, oğlu nazir müavinidir
Xəbər verdiyimiz kimi, Azərbaycan Prezidenti Administrasiyasının sabiq rəhbəri, AMEA-nın sabiq prezidenti, akademik Ramiz Mehdiyev həbs olunub.
DTX Baş İstintaq İdarəsi tərəfindən keçirilmiş əməliyyat istintaq tədbirləri nəticəsində Ramiz Mehdiyevlə bağlı cinayət işi başladılıb.
Bu gün Səbail Rayon Məhkəməsi onun barəsində 4 aylıq ev dustaqlığı qətimkan tədbiri seçilib.
R.Mehdiyev Cinayət Məcəlləsinin 274 (Dövlətə xəyanət), 278 (Hakimiyyəti zorla ələ keçirmə və ya onu zorla saxlama) və 193-1-ci (cinayət yolu ilə əldə edilmiş pul vəsaitlərinin leqallaşdırılması) maddələri ilə ittiham edilir.
Ramiz Mehdiyev hazırda Təhlükəsizlik Şurasının üzvüdür.
O, bu vəzifəyə 2019-cu ildə təyin edilib.
87 yaşlı akademikin oğlu Teymur Mehdiyev isə fövqəladə hallar nazirinin müavinidir.
Onların vəzifələrində qalıb-qalmayacağı yaxın günlərdə məlum olacaq.
14-10-2025, 22:57
Qəzzanı idarə edəcək 15 nəfər seçilib"
"15 fələstinli texnokratdan ibarət qrup müharibədən sonra Qəzza zolağını idarə edəcək".
Bynu Misirin xarici işlər naziri Bədr Əbdülati "Associated Press" agentliyinə deyib.
Nazirin sözlərinə görə, namizədlər artıq seçilib və İsrail tərəfi ilə razılaşdırılıb. Onların adları hələ açıqlanmır.
Əbdülati qeyd edib ki, 15 nəfərdən ibarət "inzibati komitə" HƏMAS da daxil olmaqla, Fələstindəki bütün fraksiyalar tərəfindən təsdiqlənib.
O əlavə edib ki, HƏMAS keçid dövründə heç bir rol oynamayacaq.
14-10-2025, 22:41
Zığda yanğın: 2 nəfər xəsarət aldı
Fövqəladə Hallar Nazirliyinin “112” qaynar telefon xəttinə Bakı şəhəri, Suraxanı rayonu, Zığ qəsəbəsi, Hətəm Allahverdiyev küçəsində fərdi yaşayış evində yanğın baş verməsi barədə məlumat daxil olub.
Bu barədə Fövqəladə Hallar Nazirliyinin Mətbuat Xidməti məlumat yayıb.
Bildirilib ki, dərhal FHN-in Dövlət Yanğından Mühafizə Xidmətinin qüvvələri əraziyə cəlb olunub.
Hadisə yerində əməliyyat şəraitinin qiymətləndirilməsi zamanı fərdi yaşayış evində yanğınla müşayiət olunan partlayışın baş verdiyi və genişlənərək yaxınlıqdakı tikililərə keçmə riskinin yüksək olduğu müəyyən edilib
Yanğınsöndürənlərin operativ müdaxiləsi sayəsində yanan evdə xəsarət alaraq təhlükəli vəziyyətdə qalmış 1 nəfər xilas olunub, yanğının qonşu evlərə keçməsinə imkan verilməyib
Yanğın nəticəsində vətəndaşa məxsus ümumi sahəsi 70 kv.m olan birmərtəbəli üçotaqlı evin bir otağının yanar konstruksiyaları və tavanı 30 kv.m sahədə yanıb. Yanğın zamanı ümumilikdə 2 nəfər xəsarət alıb.
Evin qalan hisssi və qonşu evlər yanğından mühafizə edilib.
14-10-2025, 17:35
Prezidentdən ETSN-lə bağlı fərman
Ekologiya və Təbii Sərvətlər Nazirliyinin səlahiyyətlərindən biri ləğv edilib.
Bununla bağlı Prezident İlham Əliyev Fərman imzalayıb.
Fərmana əsasən, su obyektlərindən xüsusi məqsədlər üçün istifadəyə icazə verilməsi səlahiyyəti Azərbaycan Dövlət Su Ehtiyatları Agentliyinə (ADSEA) verilib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!