15-02-2026, 15:11
Ukraynanı tərk etmək istəyən sabiq nazir SAXLANILDI
Ukraynanın sabiq energetika naziri Herman Qaluşşenko fevralın 15-nə keçən gecə dövlət sərhədini keçməyə cəhd edərkən saxlanılıb.
Sabiq məmur qatardan endirilib. Ukrayna Milli Antikorrupsiya Bürosu və İxtisaslaşmış Antikorrupsiya Prokurorluğu tərəfindən Herman Qaluşşenko ilə bağlı rəsmi sorğu olub. Prosedura uyğun olaraq, cinayət işi üzrə şübhəli şəxst ölkə ərazisini tərk etməyə cəhd göstərərsə, sərhədçilər dərhal detektivləri məlumatlandırmalı idilər.
Qeyd edək ki, iş adamı Timur Mindichi cinayətkar təşkilat yaratmaqda və cinayət yolu ilə əldə edilmiş vəsaitlərin “yuyulmasında” şübhəli bilirlər. Bildirilir ki, 2025-ci il ərzində Mindichin energetika sahəsində cinayət fəaliyyəti faktları müəyyən edilib və bu fəaliyyət o vaxtkı energetika naziri Herman Qaluşşenkoya təsir göstərilməsi yolu ilə həyata keçirilib. Bundan sonra Ali Rada Herman Qaluşşenkonu nazir vəzifəsindən azad edib. Noyabrın 11-də Ukrayna Milli Antikorrupsiya Bürosu və İxtisaslaşmış Antikorrupsiya Prokurorluğu “Enerqoatom” ASC-də iri miqyaslı vəsait mənimsənilməsi sxeminin iştirakçılarının telefon danışıqlarının audioyazılarını yayımlayıb. Ehtimal olunur ki, həmin yazılarda sabiq energetika nazirinin danışıqları da yer alır.
15-02-2026, 14:41
Suriya ordusu ABŞ bazasına yerləşdi
Suriya ordusu ABŞ hərbi birləşmələrinin çıxmasından sonra Haseke əyalətindəki Əl-Cəbsə neft yatağının yaxınlığında yerləşən Əş-Şəddadi hərbi bazası üzərində nəzarəti ələ alıb.
Bu barədə Suriya keçid hökumətinin Müdafiə Nazirliyi məlumat yayıb.
Qeyd edilib ki, əməliyyat ABŞ tərəfi ilə razılaşdırıldıqdan sonra həyata keçirilib.
Xatırladaq ki, fevralın 12-də Suriya ordusu ABŞ-nin öz qüvvələrini çıxardığı Ət-Tanf hərbi bazasının ərazisini nəzarətə götürmüşdü.
15-02-2026, 14:07
Bizə ABŞ-nin məsləhəti lazım deyil - Almaniya XİN
Almaniyanın xarici işlər naziri Yohann Vadeful Münhen Təhlükəsizlik Konfransında ABŞ Dövlət katibi Marko Rubionun çıxışını Vaşinqtonla münasibətlərin qurulması fonunda "yaxşı başlanğıc" adlandırıb.
Bu barədə Vadeful jurnalistlərə açıqlama verərkən deyib.
Vadeful jurnalistlərə Avropanın öz istəyi ilə rəqabət qabiliyyətini artırmağa qərar verdiyini, həmçinin öz ölkəsinin qanunsuz miqrasiyanın qarşısını almaq üçün səylər göstərdiyini qeyd edib.
“Avropa ABŞ ilə dialoqa hazırdır. Amma bizə əlavə məsləhət lazım deyil", - deyə o əlavə edib.
Qeyd edək ki, Rubio konfransda çıxışı zamanı kütləvi miqrasiya məsələsi ilə bağlı narahatlığını bildirib və ABŞ-ın güclü Avropa görmək istədiyini vurğulayıb.
15-02-2026, 13:30
Ukrayna Rusiyada neft anbarını BOMBALADI
Ukrayna Ordusu Rusiyanın Krasnodar diyarında neft anbarı və terminalına zərbə endirib.
Bununla bağlı Krasnodar qubernatoru Veniamin Kondratyev paylaşım edib.
Volna qəsəbəsində pilotsuz uçuş aparatı (PUA) ilə endirilən zərbə nəticəsində neft anbar və terminalda yanğın başlayıb, iki nəfər xəsarət alıb.
Kuban operativ qərargahının yaydığı məlumatda yanğının 2,2 min kvadratmetr sahəni əhatə etdiyi bildirilib.
Yanğının söndürülməsinə 165 nəfər şəxsi heyət və 45 texnika cəlb olunub.
15-02-2026, 13:10
Həccə sənəd qəbulu müddəti uzadıldı
Həcc mövsümü üçün sənəd qəbulu QMİ tərəfindən martın 7-dək uzadılıb.
Bu barədə Qafqaz Müsəlmanları İdarəsinin Xarici Əlaqələr şöbəsinin müdiri, Həcc elektron sistem rəhbəri Vüsal Cahangiri məlumat verib:
“Səudiyyə Ərəbistanı Krallığının Həcc və Ümrə nazirliyindən gələn təlimatlara əsasən, habelə, xaricdə və bölgələrdə yaşayan vətəndaşlarımızın çoxsaylı müraciətlərini nəzərə alaraq bu ilki Həcc mövsümü üçün sənəd qəbulunun müddəti tərəfimizdən mart ayının 7-dək uzadılmışdır. Vətəndaşlarımızdan xahiş edirik ki, gec qalmasınlar, göstərilən tarixdən sonra bir daha müddət uzadılmayacaq”, - o qeyd edib.
15-02-2026, 12:52
"Real"dan növbəti rekord
"Real" klubu İspaniya La Liqasında yeni rekorda imza atıb.
Madrid təmsilçisi buna XXIV turda "Real Sosyedad"ı məğlub etdikləri (4:2) oyunda nail olub.
"Kral klubu" qollardan ikisini penaltidən vurub.
Komanda cari mövsüm turnirdə 13 dəfə 11 metrlik cərimə zərbəsi yerinə yetirib. Bu isə ölkə çempionatında yeni rekorddur.
Daha əvvəl "Barselona" futbolçuları 1950/1951 və 2015/2016 mövsümlərində 12 penalti vurublar.
15-02-2026, 12:38
20 dərəcə isti olacaq - Sabahın havası
Fevralın 16-da gözlənilən hava proqnozu açıqlanıb.
Bu barədə Milli Hidrometeorologiya Xidmətindən xəbər verilib.
Sabah Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi gündüz arabir güclənəcək.
Havanın temperaturu gecə 4-7° isti, gündüz 15-20° isti olacaq. Atmosfer təzyiqi 767 mm civə sütunudan 759 mm civə sütununa enəcək. Nisbi rütubət 70-80 % olacaq.
Fevralın 16-da Azərbaycanın rayonlarında hava şəraiti əsasən yağmursuz olacaq. Gecə və səhər bəzi dağlıq və dağətəyi rayonlarda arabir duman olacaq. Qərb küləyi bəzi yerlərdə arabir güclənəcək.
Havanın temperaturu gecə 6-11° isti, gündüz 15-20° isti, dağlarda gecə 3-8° isti, gündüz 13-18° isti olacaq.
15-02-2026, 12:17
Qərb Ermənistanı geosiyasi alət kimi istifadə edir - Rusiya XİN
Qərb Moskva ilə qarşıdurmada Ermənistanı geosiyasi alət kimi istifadə edir.
Bunu Rusiya xarici işlər nazirinin müavini Mixail Qaluzin bildirib
Onun sözlərinə görə, Kollektiv Təhlükəsizlik Müqaviləsi Təşkilatı (KTMT) Ermənistanın Qərblə münasibətlərindəki addımlarını, o cümlədən təşkilat daxilindəki öhdəliklərinə əməl etməsini izləyir.
Qaluzinin sözlərinə görə, Moskva üçün əsas məsələ Ermənistanın KTMT-də tamhüquqlu üzv statusunu qoruyub saxlamasıdır. O vurğulayıb ki, İrəvan müttəfiqlik münasibətlərindən geri çəkilmir və qəbul olunan qərarlara qoşulmaq imkanını əlində saxlayır. Rusiya tərəfi hesab edir ki, Ermənistan Cənubi Qafqazda onun təbii müttəfiqidir və iki ölkə arasında strateji tərəfdaşlıq möhkəm hüquqi baza üzərində qurulub. Rəsmi Moskva əmindir ki, Rusiya-Ermənistan müttəfiqliyinə alternativ mövcud deyil.
15-02-2026, 11:57
İran geri çəkildi - nüvə sazişinə də hazırdı
ABŞ sanksiyaların ləğvini müzakirə etməyə razılaşsa, İran nüvə sazişi bağlamaq üçün kompromisə hazırdır.
Bunu İranın xarici işlər nazirinin müavini Məcid Taxt-Ravançi BBC-yə müsahibəsində bildirib.
Məcid Taxt-Ravançi İranın 2015-ci ildəki nüvə sazişi çərçivəsində edildiyi kimi, 400 kq-dan çox yüksək zənginləşdirilmiş uranı ölkədən çıxarmağa razılaşıb-razılaşmayacağı sualına da cavab verib: "Danışıqlar zamanı nə baş verəcəyini söyləmək hələ tezdir".
İranın XİN başçsının müavini bir daha təkrar edib ki, uranın sıfır zənginləşdirilməsi məsələsi və ballistik raketlərin istehsalı müzakirə predmeti deyil.
"Belə başa düşürük ki, onlar (ABŞ - red.) bu qənaətə gəliblər ki, saziş bağlamaq üçün nüvə probleminə diqqət yetirmək lazımdır", - nazir müavini vurğulayıb.
O əlavə edib ki, indi ABŞ sövdələşmə istəyini sübut etməlidir: "Əgər onlar səmimi olsalar, əminəm ki, razılığa gələcəyik".
15-02-2026, 10:54
Serbiya ilə münasibətlərimizin hazırkı səviyyəsi məmnunluq doğurur - İlham Əliyev
Azərbaycan Prezidenti İlham Əliyev Serbiya Prezidenti Aleksandar Vuçiçə bu ölkənin milli bayramı münasibətilə təbrik məktubu ünvanlayıb.
Məktubda deyilir:
"Serbiya Respublikasının milli bayramı münasibətilə Sizi və Sizin simanızda bütün xalqınızı öz adımdan və Azərbaycan xalqı adından ürəkdən təbrik edir, ən səmimi arzularımı çatdırıram.
Dost ölkə və etibarlı strateji tərəfdaşımız olan Serbiya ilə münasibətlərimizin hazırkı səviyyəsi məmnunluq doğurur. Bu gün qarşılıqlı dəstək və etimad kimi sağlam təməllər üzərində qurulmuş dostluq və əməkdaşlıq münasibətlərimiz hərtərəfli inkişaf edir və yeni məzmunla zənginləşir. Şübhəsiz, ali səviyyəli müntəzəm qarşılıqlı səfərlər, fəal siyasi dialoqumuz bu əlaqələrin daha sürətlə inkişafına və strateji tərəfdaşlığımızın möhkəmlənməsinə şərait yaradır. Bu yaxınlarda Davosda Sizinlə görüşümüzü ən xoş təəssüratlarla xatırlayıram.
Əminəm ki, birgə səylərimizlə Azərbaycan-Serbiya ənənəvi dostluq münasibətlərinin, həm ikitərəfli, həm də çoxtərəfli əsasda qarşılıqlı faydalı əməkdaşlığın xalqlarımızın mənafelərinə uyğun olaraq bundan sonra da genişlənməsinə, strateji tərəfdaşlığın daha da dərinləşməsinə nail olacağıq.
Bu xoş gündə Sizə möhkəm cansağlığı, xoşbəxtlik, işlərinizdə uğurlar, dost Serbiya xalqına daim əmin-amanlıq və rifah arzulayıram".
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!