19-06-2023, 19:41
Türkiyə prezidentinə müavin və köməkçiləri təyin olundu
Türkiyənin hakim Ədalət və İnkişaf Partiyasında (AKP) sədr müavini təyin edilib. Bu barədə TRT kanalı məlumat yayıb. Partiyanın xarici əlaqələr üzrə sədr köməkçisi Efkan Ala sədr müavini təyin edilib. Xarici Əlaqələr üzrə sədr köməkçisi vəzifəsinə Zəfər Sırakaya, İnsan Hüquqları üzrə sədr köməkçisi vəzifəsinə isə Mehmet Ali Zengin gətirilib.
19-06-2023, 18:22
Blinken Tayvanın müstəqilliyinə qarşı olduğunu vurğuladı
Pekinin Tayvan boğazında fəaliyyəti Vaşinqtonun narahatlığına səbəb olur. ABŞ Tayvan ətrafında yaranan fikir ayrılıqlarının dinc yolla tənzimlənməsinin tərəfdarıdır. Bunu ABŞ-ın dövlət katibi Entoni Blinken Pekində keçirilən mətbuat konfransında deyib. “Mən Tayvan boğazında, həmçinin Şərqi-Çin və Cənubi-Çin dənizlərində Pekinin fəaliyyətinin ABŞ da daxil olmaqla, daha çox ölkənin narazılığına səbəb olduğu məsələsini qaldırmışam”, - deyə o bildirib. Blinken qeyd edib ki, ABŞ Tayvan məsələsində “vahid Çin” prinsipini dəstəkləyir və “status-kvo”da istənilən dəyişikliyə qarşıdır. Dövlət katibi, həmçinin Çində keçirilən görüşlərdə Vaşinqtonun regionda birtərəfli fəaliyyətlərə və Tayvanın müstəqilliyinə qarşı olduğunu vurğulayıb. Onun sözlərinə görə, Tayvan ətrafında yaranan vəziyyət bütün dünyaya təsir edəcək iqtisadi böhrana səbəb ola bilər.
19-06-2023, 18:06
Sülh Rusiyanın diktə etdiyi sazişi nəzərdə tuta bilməz - Stoltenberq
Şimali Atlantika Alyansı (NATO) Ukraynada müharibənin dondurulmasının və Rusiyanın şərtləri ilə saziş imzalanmasının əleyhinədir. Bunu NATO-nun Baş katibi Yens Stoltenberq deyib. “Hamımız münaqişənin sona çatmasını istəyirik, lakin ədalətli sülh müharibənin dondurulmasını və Rusiyanın diktə etdiyi sazişi nəzərdə tuta bilməz”, - deyə NATO rəhbəri bildirib.
19-06-2023, 17:13
Hərbi qulluqçumuz atəş açaraq özünü öldürdü
Müdafiə Nazirliyinin Hərbi Polis İdarəsinin müddətdən artıq həqiqi hərbi xidmət hərbi qulluqçusu, baş əsgər Əzizov Fərid Əbülfəz oğlunun odlu silahdan atəş açmaqla özünü öldürməsi barədə Füzuli hərbi prokurorluğuna məlumat daxil olub. Bu barədə Hərbi Prokurorluğun Mətbuat Xidmətindən məlumat verilib. Daxil olmuş məlumat əsasında Füzuli hərbi prokurorluğunun və Azərbaycan Respublikası Hərbi Prokurorluğunun Kriminalistika və İnformasiya Texnologiyaları idarəsinin əməkdaşları tərəfindən hadisə yerinə və meyitə baxış keçirilib, iş üçün əhəmiyyət kəsb edən predmetlər maddi sübut kimi götürülüb, izahatlar alınıb və digər hərəkətlər icra edilib. Fakt üzrə Füzuli hərbi prokurorluğunda Azərbaycan Respublikası Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanılaraq şahidlər dindirilib, müvafiq ekspertizalar təyin edilib və təxirəsalınmaz zəruri istintaq hərəkətləri həyata keçirilib. Hazırda istintaq davam etdirilir və qanunvericiliyin tələblərinə uyğun olaraq bütün tədbirlərin görülməsi təmin olunacaqdır.
19-06-2023, 17:00
Polşa prezidenti bu şəxslərin dövlət qulluğunda olmasını qadağan etdi
Polşa prezidenti Anjey Duda 1944-1990-cı illərdə ölkənin dövlət təhlükəsizlik orqanlarında işləmiş şəxslərin dövlət qulluğunda olmasını qadağan edən qanunu imzalayıb. Bu barədə "RİA Novosti" məlumat yayıb. Qanuna əsasən, təhlükəsizlik orqanlarında çalışmış şəxslər dövlət qurumlarındakı işlərindən kənarlaşdırılacaq.
19-06-2023, 16:50
Kılıçdaroğlunun müşaviri dünyasını dəyişdi
Türkiyənin müxalif Cümhuriyyət Xalq Partiyası (CHP) sədrinin müşaviri Kənan Nuhut vəfat edib. CHP İdman Şurasının sədri olan K.Nuhut Ankarada müalicə aldığı xəstəxanada dünyasını dəyişib. Onun uzun sürən xəstəlikdən vəfat etdiyi bildirilir.
19-06-2023, 16:42
Prezident keçən ilin dövlət büdcəsinin icrası haqqında qanunu təsdiq etdi
Prezident İlham Əliyev "Azərbaycan Respublikasının 2022-ci il dövlət büdcəsinin icrası haqqında" Qanunu təsdiqləyib. Azərbaycan Respublikasının 2022-ci il dövlət büdcəsinin icrası gəlirlər 30 679 646,4 min manat, xərclər 32 064 568,0 min manat məbləğində olmaqla təsdiq edilib. Sənədə əsasən, Azərbaycan Respublikasının 2022-ci il dövlət büdcəsinin icrası nəticəsində həmin ilin sonuna dövlət büdcəsinin vahid xəzinə hesabında yaranan qalıq “Büdcə sistemi haqqında” Qanunun tələbinə uyğun olaraq istifadə edilməlidir.
19-06-2023, 15:45
Faciəvi qəza: Üzünü “laqonda” kəsən kişi həyatını itirdi
Astarada üzünü "laqonda" kəsən kişi dünyasını dəyişib. Bu barədə Baş Prokurorluqdan məlumat verilib. Bildirilib ki, iyunun 16-sı saat 09 radələrində 1961-ci il təvəllüdlü Firudin Zeynalov Astara rayonun Pensər kəndindəki mağazalardan birinin həyətində diskli kəsici alətlə ("laqonda") işləyərkən val yerindən çıxaraq sifət nahiyəsini kəsib və nəticəsində o, aldığı xəsarətlərdən dünyasını dəyişib. Faktla bağlı rayon prokurorluğunda araşdırma aparılır.
19-06-2023, 15:27
Ümit Özdağ CHP qərargahına baş çəkdi
Türkiyədə Zəfər Partiyasının sədri Ümit Özdağ Cümhuriyyət Xalq Partiyasının (CHP) qərargahına baş çəkib. Burada o, CHP sədri Kemal Kılıçdaroğlu ilə 45 dəqiqəlik qapalı görüş keçirib. Görüşdə CHP sədrinin müavini və partiyanın baş katibi, eləcə də sözçü iştirak edib. "Seçkilərdən sonra bir dəyərləndirmə aparmaq imkanımız olmadı. Ona görə keçən həftə randevu istədim. Gözəl keçdi, təşəkkür edirəm", - Özdağ qeyd edib.
Xatırladaq ki, seçkilərin ikinci turunda Zəfər Partiyası Kılıçdaroğlunun prezidentliyə namizədliyini müdafiə edib.
19-06-2023, 15:13
Çindəki təmaslar əsaslı, səmimi və konstruktiv idi - Blinken
"Çindəki təmaslar əsaslı, səmimi və konstruktiv idi". Nunu Pekində Çin sədri Si Tsinpinlə görüşün nəticələrini dəyərləndirən ABŞ dövlət katibi Antoni Blinken deyib. "ABŞ Tayvanla bağlı fikir ayrılıqlarının sülh yolu ilə həllinə ümid edir. Çində keçirilən görüşlərdə ABŞ-ın Çinin Tayvan boğazındakı hərəkətləri ilə bağlı narahatlığı məsələsi gündəmə gətirildi. ABŞ və Çin ikitərəfli münasibətlərin sabitləşdirilməsinin zəruriliyi barədə razılığa gəliblər. ABŞ Çinin Ukraynada sülhün bərqərar edilməsində konstruktiv rolunu alqışlayacaq. Pekində keçirilən görüşlərdə taxıl sazişinin saxlanmasının vacibliyi vurğulandı. Çinin xarici işlər naziri Vaşinqtona səfərə dəvət olundu, o, dəvəti qəbul etdi", - Blinken əlavə edib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!