19-06-2023, 14:50
Yaşı 60 və yuxarı olan müəllimlər MİQ imtahanında iştirak etməyəcək
Yaşı 60 və yuxarı olan müəllimlərin MİQ imtahanında iştirakı ləğv edilib. Bunu Təhsil İnstitutunun direktoru Rüfət Əzizov bildirib. "20-24 iyul tarixində keçirilən imtahanda yaşı 60 və daha artıq olan müəllimlərin iştirakı nəzərdə tutulmur. Könüllü də iştirak edə bilməyəcəklər. Onların iştirakı ləğv olunub", - deyə qurum rəhbəri qeyd edib.
19-06-2023, 14:14
Naxçıvan istiqamətində mövqelərimiz atəşə tutuldu
İyunun 19-u saat 13:35 radələrində Ermənistan silahlı qüvvələrinin bölmələri Vedi rayonunun Arazdəyən yaşayış məntəqəsi istiqamətində yerləşən mövqelərindən Ordumuzun Naxçıvan Muxtar Respublikasının Sədərək rayonunun Heydərabad yaşayış məntəqəsi istiqamətində yerləşən mövqelərini atıcı silahlardan atəşə tutub.
Bu barədə Müdafiə Nazirliyindən məlumat verilib. Bildirilib ki, Azərbaycan Ordusunun bölmələri tərəfindən cavab tədbirləri görülüb.
19-06-2023, 14:11
Ukraynanın birinci xanımı İsrailə səfər edib
Ukraynanın birinci xanımı Yelena Zelenskaya İsrailə səfər edib. Bu barədə o, özünün "Facebook" səhifəsində yazıb. Səfər İsrail prezidentinin xanımı Mixal Hersoqun dəvəti ilə baş tutub. O, İsraildə prezident İsxak Hersoq və onun xanımı ilə görüşüb. "Genişmiqyaslı müharibə başlayandan bəri biz İsrailin birinci xanımı ilə psixi sağlamlıq sahəsində bir sıra layihələr üzərində işləyirik", - deyə Zelenskaya qeyd edib.
19-06-2023, 13:31
Moskva və Minskin çoxlu düşmənləri var - Kreml sözçüsü
"Afrika ölkələrinin Ukraynada nizamlanma ilə bağlı təkliflərində həyata keçirilə biləcək aspektlər var". Bu barədə Kremlin sözçüsü Dmtri Peskov danışıb. "Putin hərbi müxbirlərlə dialoqu yüksək qiymətləndirir və onu davam etdirəcək. Rusiya Federasiyası və Belarus öz ərazilərində sabitliyi pozmaq cəhdlərinə müqavimət göstərmək əzmindədir. Kremldə Polşada Lukaşenkonu devirmək üçün dövlət çevrilişinə hazırlıqla bağlı konkret məlumat yoxdur, lakin Moskva və Minskin çoxlu düşmənləri var. Putin Novqorod vilayətinin qubernatoru ilə görüşəcək", - o əlavə edib.
19-06-2023, 13:22
İrəvanda Hindistan vətəndaşları öldürüldü
Hindistan vətəndaşı İrəvanda həmyerliləri ilə dava zamanı öldürülüb. Ölən şəxs 24 yaşlı A.Suradidir. Digər Hindistan vətəndaşı, 31 yaşlı M.Lindon da döş qəfəsindən bıçaq yarası və kəllə-beyin travması ilə xəstəxanaya çatdırılıb. Daha bir neçə hindistanlı hadisə yerinə gələn polis tərəfindən zərərsiz hala gətirilib və cinayət işi başlanıb.
19-06-2023, 12:49
Ermənistan Rusiyanın Qafanda konsulluq açmasını dəstəkləyir
Ermənistan xarici işlər nazirinin müavini Vahan Kostanyan Rusiya Federasiyasının Qafanda baş konsulluğunun açılmasını dəstəkləyib. Xarici işlər nazirinin müavini bu barədə parlamentdə jurnalistlərə müsahibəsində danışıb. "Bu, yerlərdə vəziyyətlə daha yaxından tanış olmağa kömək edəcək. İrəvan beynəlxalq tərəfdaşlarımızın Sünik bölgəsində (Zəngəzur - red.) diplomatik nümayəndəlik açmaq marağını və istəyini alqışlayır", - XİN başçısının müavini qeyd edib.
19-06-2023, 12:15
Baş Prokurorluq Ağdamdakı kütləvi məzarlıqla bağlı məlumat yaydı
Baş Prokurorluq Ağdamda tapılan kütləvi məzarlıq barədə məlumat yayıb. Məlumatda deyilir: "İyunun 19-u saat 09 radələrində Ağdam rayonunun işğaldan azad olunmuş Sarıcalı kəndi ərazisində mina təmizləmə işləri aparılan zaman insan sümüklərinə bənzər sümük fraqmentlərinin aşkar edilməsi faktı üzrə Ağdam rayon prokurorluğunda araşdırma aparılır".
19-06-2023, 12:01
Ermənistan Gürcüstanla bağladığı sazişi təsdiqlədi
Ermənistan parlamentinin müvafiq komissiyası sərhədlərin qarşılıqlı keçidi haqqında saziş layihəsini təsdiqləyib. Söhbət sərhədin şəxsiyyət vəsiqəsi ilə keçilməsini nəzərdə tutan sazişdən gedir. Hakim partiyadan olan deputat Qurgen Arsenyan bildirib ki, Ermənistan qonşuları ilə effektiv dinc yanaşı yaşama sxemi qura bilər və qurmalıdır. "Bu nöqteyi-nəzərdən Gürcüstanla münasibətlər ən yaxşı “pilot layihə”yə çevrilə bilər və biz digər qonşularla belə bir rejimə can atmalıyıq", - deyə o vurğulayıb. Gürcüstan parlamenti artıq müqavilə layihəsini qəbul edib. Saziş ölkə prezidenti tərəfindən imzalandıqdan sonra qüvvəyə minəcək.
19-06-2023, 11:30
Rayonlara yağış yağıb, dolu düşüb
Milli Hidrometeorologiya Xidmətinin iyunun 19-u saat 11:00-a olan məlumatına əsasən ölkə ərazisində hava şəraiti qeyri-sabit olub, şimşək çaxıb, arabir leysan xarakterli yağış yağıb, bəzi yerlərdə intensiv və güclü olub. Xidmətdən verilən xəbərə görə, düşən yağıntının miqdarı Qaxda 35 mm, Tovuzda 31 mm (aylıq normanın 55 faizi ), Cəfərxan (aylıq normanın 97 faizi), Şəkidə 25 mm, Naftalanda 24 mm, Sabirabadda 20 mm (aylıq normanın 73 faizi), Hacıqabulda 19 mm (aylıq normanın 98 faizi), Gəncədə 19 mm, Göygöl, Ağdamda 18 mm, Qusarda 13 mm, Oğuzda 10 mm, İmişli, Şahdağda 9 mm, Tovuzda 7 mm Balakən, Biləsuvarda 6 mm, Qəbələ, Şabran, Şirvan, Şahbuz, Daşkəsən, Şəmkirdə, Gədəbəy, Xaltan, Quba, Altıağac, Beyləqan, Şamaxı, Tərtər, Mingəçevir, Şamaxı, Qrız, Sədərək, Ceyrançöl, Ağstafa, Zaqatala, Qobustan, Bərdə, Yevlax, Zərdab, Yardımlı, Neftçalada 1-5 mm, Bakıda və Abşeron yarımadasında 2 mm-dək olub. Şimal-qərb küləyi Bərdədə 28, Goranboyda 25, Gəncədə 24, Cocuqmərcanlı, Daşkəsəndə 23, Naftalan, İsmayıllı, Göyçayda 22, Şəmkir, Oğuz, Tərtər, Bərdə, Mingəçevirdə 18, Sabirabadda 17, Naxçıvan, Göygöldə 16, Zaqatala, Şəkidə 15, Bakıda və Abşeron yarımadasında 22 m/s-dək güclənib. Neft Daşları stansiyasının məlumatına əsasən dalğanın hündürlüyü 2 metrə çatıb. İyunun 18-də saat 20:00 radələrində Tovuz rayonu ərazisindən axan Əsrikçaydan sel keçib. Saat 17:00 radələrində Qubadlı rayonu ərazisinə dolu düşüb. Havanın maksimal temperaturu Bakıda və Abşeron yarımadasında 33, Naxçıvan MR-da 34, dağlıq rayonlarda 24, Aran rayonlarında 37 dərəcəyədək isti olub.
19-06-2023, 11:16
XİN Başçısı İngiltərəyə işgüzar səfərə yollandı
Azərbaycan Respublikasının xarici işlər naziri Ceyhun Bayramov Birləşmiş Krallığa işgüzar səfərə yola düşüb. XİN-dən bildirilib ki, səfər çərçivəsində nazir Ceyhun Bayramovun Azərbaycan Respublikası ilə Birləşmiş Krallıq arasında strateji dialoqda, eləcə də Ukrayna Bərpa Konfransında iştirakı nəzərdə tutulub. Səfər çərçivəsində nazirin bir sıra yüksək səviyyəli rəsmilərlə ikitərəfli görüşləri, beyin mərkəzlərində çıxışları planlaşdırılır.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!