18-06-2023, 12:12
Sabahın hava proqnozu
İyunun 19-da Bakıda və Abşeron yarımadasında bəzi yerlərdə arabir yağış yağacağı, səhər kəsiləcəyi, gün ərzində əsasən yağmursuz keçəcəyi gözlənilir. Milli Hidrometeorologiya Xidmətindən verilən məlumata görə, arabir güclənən şimal-qərb küləyi gündüz şimal-şərq küləyi ilə əvəz olunacaq. Havanın temperaturu gecə 18-23° isti, gündüz 25-30° isti olacaq. Atmosfer təzyiqi 755 mm civə sütunundan 759 mm civə sütununa yüksələcək.Nisbi rütubət gecə 70-80 %, gündüz 45-55 % olacaq. Azərbaycanın rayonlarında bəzi yerlərdə arabir yağış yağacağı gözlənilir. Ayrı-ayrı yerlərdə leysan xarakterli intensiv və güclü olacağı, şimşək çaxacağı, dolu düşəcəyi ehtimalı var. Şərq küləyi ayrı-ayrı yerlərdə arabir güclənəcək. Havanın temperaturu gecə 17-22° isti, gündüz 30-34° isti, dağlarda gecə 7-12° isti, gündüz 15-20° isti olacaq.
18-06-2023, 11:20
Hindistanda kəskin isti 100-ə yaxın insanın ölümünə səbəb oldu
Hindistanın Uttar-Pradeş və Bihar ştatlarında son günlərdəki kəskin istilər nəticəsində 98 nəfər ölüb. Bu barədə “India Today” telekanalı xəbər verir. Bildirilib ki, Uttar-Pradeş ştatının Balliya rayonunda iyunun 15-17-də 400 nəfər günvurma diaqnozu ilə xəstəxanaya yerləşdirilib, onlardan 54-ü ölüb. Ştatın səhiyyə müdiri Jayant Kumar ölənlərin əksəriyyətinin yaşının 60-dan yuxarı olduğunu deyib: “Hamısı müxtəlif xəstəliklərdən əziyyət çəkirdi, kəskin istilər onların vəziyyətini ağırlaşdırıb”. Qeyd edək ki, oxşar vəziyyət ötən gün qonşu Bihar ştatında da müşahidə olunub. Nəticədə 44 nəfər ölüb. Ştatda istilər səbəbindən məktəblər iyunun 24-dək bağlanıb.
18-06-2023, 10:49
Səudiyyə Ərəbistanı İranda səfirliyini açır
Səudiyyə Ərəbistanının İrandakı diplomatik təmsilçiliklərinin açılacağı tarix məlum olub. Bu barədə xarici mətbuat məlumat yayıb. Məlumata görə, Səudiyyə Ərəbistanının Tehrandakı səfirliyi və Məşhəddəki konsulluğu Qurban bayramından sonra açılacaq. Qeyd edək ki, Səudiyyə Ərəbistanı xarici işlər naziri Feysəl İbin Fərhan Əl Səud Tehranda səfərdədir. O, iranlı həmkarı Hüseyn Əmir Abdullahian ilə görüşüb.
18-06-2023, 10:15
120 sərnişini olan bərə yandı
Filippində göyərtəsində 120 sərnişini olan bərə dənizdə yanıb. Bu barədə ölkənin Sahil Mühafizəsi məlumat yayıb. Bilidirilib ki, “Esperanza Star” bərəsi səhər saatlarında Filippinin Siqihor əyalətindən Bohol əyalətinə gedərkən anidən alovlanıb. Qeyd edək ki, neçə nəfərin xilas edildiyi və ölənlərin olub-olmaması barədə məlumat verilməyib.
18-06-2023, 10:03
İran və Səudiyyə XİN rəhbərləri görüşdü
İranın xarici işlər naziri Hüseyn Əmir Abdullahian və Səudiyyə Ərəbistanının xarici işlər naziri Feysəl bin Fərhan əl-Səud arasında görüş keçirilib. Görüş Tehranda baş tutub. Abdullahian görüşdən sonra deyib ki, bugünkü danışıqlarda əldə olunmuş razılıqlar ikitərəfli münasibətlərə müsbət təsir göstərəcək. “Biz iqtisadi, ticarət və investisiya məsələlərində dayanıqlı əməkdaşlığa diqqət yetirmişik”, - deyə o bildirib.
18-06-2023, 09:44
Pakistanda ağır qəza: 12 nəfər öldü, 24 nəfər yaralandı
Pakistanın İslamabad-Lahor şossesində ağır yol-nəqliyyat hadisəsi baş verib. Əyləc sistemi işləməyən avtobus qəzaya uğrayıb.
Qəza nəticəsində aralarında qadın və uşaqların da olduğu 12 nəfər ölüb, 24 nəfər yaralanıb. Hadisə yerinə çoxlu sayda təcili yardım və axtarış-xilasetmə qrupu göndərilib.
18-06-2023, 09:23
Güləşçimiz ikinci dəfə Avropa çempionu oldu
Azərbaycanın sərbəst güləşçisi Yusif Dursunov Albaniyanın paytaxtı Tiranada keçirilən U-17 Avropa çempionatının finalında ermənistanlı Henrik Haykyana xalların keyfiyyətinə görə (4:4) qalib gələrək titulunu qoruyub və ikinci dəfə Avropa çempionu olub. Bu barədə Azərbaycan Güləş Federasiyasından bildirilib. Qeyd edək ki, daha əvvəl sərbəst güləşçimiz Hacı Kərimov finalda ermənistanlı Samvel Gevorqyana tam üstünlüklə (13:0) qalib gələrək Avropa çempionu olub. Tiranada güləş üzrə U-17 Avropa çempionatının beşinci yarış günündə 48, 55, 65, 80 və 110 kq-da yer alan sərbəst güləşçilər xalçaya çıxıb. Mübarizəyə 1/4 finaldan qoşulan Bəşir Verdiyev (48 kq) son saniyələrdə qələbəni əldən verib. Güləşçimiz gürcüstanlı Gegi Onianiyə sonuncu xal prinsipinə əsasən (3:3) məğlub olub. Hacı Kərimov (55 kq) əvvəlcə türkiyəli Hacı Zadəyə tam üstünlüklə qalib gəlib - 10:0. 1/4 finalda rusiyalı İbrahimhacı Maqomedovla görüş gərgin mübarizə şəraitində keçib. Yekunda 12:10 hesablı qələbə Kərimovu yarımfinala daşıyıb. Milli üzvü yarımfinalda fransalı Ubayda İtayevə heç bir şans tanımayaraq (12:0) adını finala yazdırıb. Hacı həlledici görüşdə ermənistanlı Samvel Gevorqyanla üz-üzə gəlib. Qarşılaşmanın əvvəlindən təşəbbüsə yiyələnən Kərimov tam üstünlüklə (13:0) qalib gələrək Avropa çempionu olub. Mirzəağa Axundov (65 kq) debütdə isveçrəli Aaron Zberqə 11:0 hesabıyla qalib gəlsə də, 1/8 finalda türkiyəli Rəmzi Temura müqavimət göstərə bilməyib - 0:12. Rəqib finala yüksəldiyi üçün Axundov təsəlliverici görüşdə iştirak hüququ qazanıb. Həmyerlimiz bolqarıstanlı Erdal Qalipi tam üstünlüklə (10:0) mübarizədən kənarlaşdırıb. Mirzəağa bürünc medal uğrunda görüşdə belaruslu Aleksandr Kambayevə heç bir şans tanımayıb (12:2) və fəxri kürsünün 3-cü pilləsinə yüksəlib. Şeyxəli Babazadə (80 kq) startda polşalı Bartlomey Novakovskiylə bacarmayıb - 4:9.
Yarışa 1/4 finaldan başlayan Yusif Dursunov (110 kq) belaruslu Yaraslav Koxanı "tuş"la yolundan kənarlaşdırıb. Ağstafa güləş məktəbinin yetirməsi yarımfinalda türkiyəli Arda Güləri də vaxtından əvvəl məğlub edərək (11:0) 2-ci dəfə Avropa çempionatının finalına yüksəlib. Dursunovun finalda rəqibi ermənistanlı Henrik Haykyan olub. Gərgin mübarizə şəraitində keçən görüşdə xalların keyfiyyətinə görə (4:4) qələbə qazanan Ağstafa güləş məktəbinin yetirməsi titulunu qoruyub.
18-06-2023, 09:14
“Kaxovka” su elektrik stansiyasının dağılması təsadüfi deyil
"Kaxovka" su elektrik stansiyasındakı su bəndinin dağılması təsadüfi deyil, beton bünövrənin sıradan çıxması öz-özünə baş verməyib. Bu barədə “The New York Times” (NYT) qəzeti müxtəlif sübutlara, mühəndislik planlarına və ekspertlərlə müsahibələrə istinadən yazır. Qeyd edilir ki, bəndin dağılmasının ən çox ehtimal olunan səbəbi onun daxildən partladılmasıdır. Dnepr hövzəsi administrasiyasının keçmiş rəis müavini İqor Strelets bildirib ki, bəndin bünövrəsi demək olar ki, istənilən növ xarici hücuma tab gətirmək üçün nəzərdə tutulub. O, belə qənaətə gəlib ki, daxildə baş verən partlayış nəticəsində beton konstruksiyanın bir hissəsi dağılıb, daha sonra isə suyun gücü ilə digər hissələr qopub. Mühəndislər həmçinin bildiriblər ki, dağılmaya səbəb olan hadisələrin dəqiq ardıcıllığı yalnız su anbarından boşaldıqdan sonra bəndin tam yoxlanılması ilə müəyyən edilə bilər. Qeyd edək ki, Ukrayna insidentin Rusiya hərbçiləri tərəfindən həyata keçirilən partlayış nəticəsində baş verdiyini bildirib.
17-06-2023, 20:06
NATO-ya üzv ölkələr Stoltenberqin katib vəzifəsində qalmasını istəyir
NATO-ya üzv ölkələr Yens Stoltenberqin daha bir il baş katib vəzifəsində qalmasını istəyir. Bu barədə "Blooberg" nəşri məlumat yayıb. Məlumata görə, NATO ölkələri hələ də Stoltenberqin varisi ilə bağlı konsensusa gəlməyə çalışır. Qeyd olunur ki, ABŞ prezidenti Co Bayden Alyansın rəhbəri vəzifəsinə bir sıra mümkün namizədləri, xüsusilə Danimarkanın baş naziri Mette Frederikseni yüksək qiymətləndirir. Lakin hazırda Alyansın rəhbəri postuna namizədlə bağlı müttəfiqlər arasında razılıq əldə olunmayıb.
17-06-2023, 20:06
NATO-ya üzv ölkələr Stoltenberqin katib vəzifəsində qalmasını istəyir
NATO-ya üzv ölkələr Yens Stoltenberqin daha bir il baş katib vəzifəsində qalmasını istəyir. Bu barədə "Blooberg" nəşri məlumat yayıb. Məlumata görə, NATO ölkələri hələ də Stoltenberqin varisi ilə bağlı konsensusa gəlməyə çalışır. Qeyd olunur ki, ABŞ prezidenti Co Bayden Alyansın rəhbəri vəzifəsinə bir sıra mümkün namizədləri, xüsusilə Danimarkanın baş naziri Mette Frederikseni yüksək qiymətləndirir. Lakin hazırda Alyansın rəhbəri postuna namizədlə bağlı müttəfiqlər arasında razılıq əldə olunmayıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!