14-10-2021, 13:29
Heç bir əsası olmadan, sadəcə öz məkrli maraqları və Ermənistana olan “sevgisi” naminə Azərbaycanı regionda terrorçuların mövcudluğunda ittiham edən İrana qarşı elə onun öz ekspertlərindən biri Əli Əlizadə tərəfindən hələ aylar əvvəl tutarlı cavab verilib.
Bu barədə “Azad İran” “YouTube” kanalında bildirilib.
İranlı ekspert mövzu ilə bağlı məqaləsində Qarabağ müharibəsində “təkfirçi qüvvələrin iştirakının” qeyri-mümkün olduğunu göstərən nə az, nə çox 17 dəlil irəli sürüb. Azərbaycan ordusunun potensialını və iqtisadi imkanlarımızı təhlil edən və ölkəmizin Ermənistanı bütün göstəricilər üzrə qat-qat üstələdiyi qənaətinə gələn Əli Əlizadə məntiqi nəticə olaraq Azərbaycan dövlətinin Ermənistanla savaş zamanı hansısa cihadçı qüvvələrin köməyinə ehtiyacı olmadığını göstərib.
Ətraflı videoda:
Butov.az
14-10-2021, 11:24
Ötən gün Bakıda səhər saatlarında sərnişin avtobusu və yük maşının iştirakı ilə baş verən və 5 nəfərin ölümünə səbəb olan qəzayla bağlı müzakirələr davam edir.
Butov.az xəbər verir ki, AzTV sözügedən hadisənin səbəbləri ilə bağlı araşdırma apararaq sujet hazırlayıb.
Sujetdə qeyd olunub ki, mütəxəssislərin fikrincə, idarə etdiyi avtobusu 20 metr irəlidəki dayanacaqda saxlamayan sürücü də, ən azı yük maşınının sürücüsü qədər günahkardır.
Bildirilib ki, bu halda avtobus sürücüləri ciddi təhlükəyə yol açırlar.
Ekspert Ərşad Hüseynov da məsələyə münasibət bildirib:
"Burada çox ciddi sual ortaya çıxır. Avtobus dayanacağı orada olmalıydımı? Çünki lap yaxınlıqda yol ayrıcı, üfüqi yol əyrisi var. Nəyə görə avtobus dayanacaqları taksilərlə və kənar nəqliyyat vasitələri ilə zəbt edilmiş olur?".
Ətraflı videosujetdə:
14-10-2021, 11:17
Azərbaycan Respublikasının Qida Təhlükəsizliyi Agentliyi (AQTA) tərəfindən istehlak bazarında enerji içkisi adı altında istehlakçılara təqdim olunan alkoqolsuz içkilərin enerji içkisi olub-olmaması, eləcə də qaydalara uyğunluğunun müəyyən edilməsi məqsədilə monitorinqlər keçirilib.
Butov.az-ın məlumatına görə, bu barədə AQTA sədri Qoşqar Təhməzli danışıb.
O bildirib ki, 30 nümunə üzərində aparılmış müayinələr nəticəsində beş nümunənin enerji içkisi olduğu təsbit edilib ki, onlardan yalnız birinin etiketlənməsinin qaydalara uyğun olduğu, digər dördünün isə uyğun olmadığı müəyyənləşib. Həm etiket məlumatlarının ekspertizası, həm də tərkib analizi nəticəsində qalan 25 nümunənin enerji içkisi olmadığı müəyyən edilib.
Q. Təhməzli bildirib ki, həmin 25 məhsul enerji içkisi olmadığı halda, üzərində istehlakçılarda enerji içkisi olduğuna dair təəssürat yaradan ifadələrdən istifadə edilib. İstehlakçıları çaşdırmaqla qanunvericiliyin tələbini pozan istehsalçılara dair müvafiq tədbirlərin görülməsi üçün Antiinhisar və İstehlak Bazarına Nəzarət Dövlət Xidmətinə müraciət olunub.
14-10-2021, 10:49
Dünya bazarında neft qiymətləri bahalaşıb.
WTI markalı neftin noyabr fyuçersləri 0,72 % bahalaşaraq, bir bareli 81,02 ABŞ dolları təşkil edib.
“Brent” markalı neftin dekabr fyuçersləri 0,75 % bahalaşaraq, bir bareli 83,80 ABŞ dolları olub.
Mənbə: “Bloomberg”
Butov.az
13-10-2021, 21:04
Azərbaycanda son sutkada koronavirus (COVID-19) əleyhinə 36 394 doza vaksin vurulub.
Nazirlər Kabineti yanında Operativ Qərargahdan verilən məlumata görə, bir gündə birinci mərhələ üzrə vaksinasiya olunanların sayı 13 475, ikinci mərhələ üzrə vaksinasiya olunanların sayı 22 919 nəfərdir.
Ölkədə vurulan vaksinlərin ümumi sayı 9 073 493, birinci mərhələ üzrə vaksinasiya olunanların ümumi sayı 4 916 894, ikinci mərhələ üzrə vaksinasiya olunanların sayı isə 4 156 599 təşkil edir.
Butov.az
13-10-2021, 21:01
Türkiyə Prezidenti Rəcəb Tayyib Ərdoğan oktyabrın 26-da Azərbaycana birgünlük səfər edəcək.
Bu barədə Trend-ə Türkiyə Prezident Administrasiyasındakı mənbə bildirib.
Xatırladaq ki, R.T.Ərdoğan bir neçə gün öncə Vətən müharibəsinin bir illiyi ərəfəsində Azərbaycana səfər edəcəyini açıqlamışdı.
Butov.az
13-10-2021, 19:48
13-10-2021, 17:22
Səhhətində yaranan problemlərə görə xəstəxanaya yerləşdirilən Azərbaycanın məşhur xanəndəsi, Xalq artisti Arif Babayevin vəziyyəti yaxşılaşıb.
Bu barədə “Report”a xanəndənin yaxınları məlumat veriblər.
Bildirilib ki, hazırda Mərkəzi Klinik Xəstəxanada sinir sistemi ilə əlaqədar müalicə alan 83 yaşlı Xalq artistinin səhhətindəki problemlər tərdicən aradan qaldırılır: “Müalicəsi davam edir. Həkimlər deyir ki, bir neçə günə xəstəxanadan evə buraxılacaq”.
Butov.az
13-10-2021, 17:19
Azərbaycanın gənclər və idman naziri Fərid Qayıbov Norveçin paytaxtı Osloda keçirilən güləş üzrə dünya çempionatında qızıl medal qazanmış yunan-Roma güləşçimiz Rafiq Hüseynovu aeroportda şəxsən qarşılayıb.
Bununla bağlı R.Hüseynov “Instagram” hesabında paylaşım edib.
“Azərbaycanın gənclər və idman naziri Fərid Qayıbov səhər saat 5-də şəxsən özü idmançılarımızı hava limanında qarşılayır. Hər bir rəhbər vəzifəli şəxsə örnək olacaq bir addım...
Əlbəttə bu, bizim üçün şərəfdir və gələcək yarışlarımızda bizə daha da əzmlə çalışmağa vadar edən bir addımdır.
Bizə dəyər verdiyiniz üçün təşəkkürlər, cənab nazir”.
Qeyd edək ki, Oktyabrın 2-dən 10-dək Norveçin paytaxtı Osloda keçirilən güləş üzrə dünya çempionatında Müdafiə Nazirliyinin Mərkəzi Ordu İdman Klubunun zabiti qızıl medal qazanıb. Yarışda ölkəmizi hər 3 güləş növü üzrə idmançılarımız təmsil edib.
Yunan-Roma güləşi üzrə millimiz baş məşqçi Aleksandr Tarakanov, böyük məşqçi Rövşən Bayramov və məşqçi Həsən Əliyevin rəhbərliyi altında uğurlu çıxış edib. Belə ki, yığmamız 1 qızıl, 1 gümüş və 2 bürünc medalla 107 xal toplayıb və komanda hesabında dünya üçüncüsü olub. Rusiya (152) birinci, İran (146) isə ikinci pillədə qərarlaşıb.
Yarışın 6-cı günündə 82 kq çəki dərəcəsində mübarizəyə qoşulan yunan-Roma güləşçimiz baş leytenant Rafiq Hüseynov əvvəlcə Estoniya güləşçisini vaxtından əvvəl üstələyib. Qırğızıstan idmançısı da təcrübəli güləşçimiz qarşısında tab gətirməyib. İsveçli dünya ikincisi və Avropa üçüncüsü Aleks Kessidislə görüş dramatik alınıb. Rafiq ilk hissəni 0:6 hesabıyla başa vurub. İkinci yarıda əsl əzmkarlıq nümayiş etdirən zabitimiz güclü rəqibinə minimal fərqlə qalib gələrək yarımfinala vəsiqə qazanıb. Finalın bir addımlığında Rusiya pəhləvanıyla gərgin keçən görüşdən də üzüağ çıxan Rafiq ardıcıl 2-ci dəfə dünya çempionatının finalına yüksəlib. Həlledici görüşdə Türkiyə güləşçisinə qalib gələn həmyerlimiz dünya çempionu olub.
Rafiq Hüseynov bundan qabaq 2 dəfə Qızıl Qran-Pri qalibi, dəfələrlə Azərbaycan çempionu, Avropa çempionu, 2015-ci ildə keçirilən hərbçilərarası Olimpiya çempionatının qalibi, 2017-ci il İslam Həmrəyliyi Oyunlarının qalibi, dünya ikincisi və 77 kq çəki dərəcəsində Tokio Yay Olimpiya Oyunlarının bürünc mükafatçısı olub.
Butov.az
13-10-2021, 17:14
Binəqədi Rayon Polis İdarəsinin 43-cü Polis Bölməsinin əməkdaşlarının həyata keçirdikləri əməliyyat-axtarış tədbirləri nəticəsində Binəqədi qəsəbəsində narkotik vasitələrin satışı ilə məşğul olan şəxs saxlanılıb.
Bu barədə Butov.az-a Daxili İşlər Nazirliyinin (DİN) mətbuat xidmətindən məlumat verilib.
Daxil olmuş əməliyyat məlumatı əsasında həyata keçirilən tədbir zamanı həmin qəsəbə ərazisində yaşayan Sənubər Vəliyeva tutulub. Polis Bölməsində onun əlindəki çantaya baxış zamanı 1 kiloqram 92 qram narkotik vasitə heroin, 115 qram psixotrop maddə metamfetamin, 1 ədəd elektron tərəzi və bank kartları aşkar olunaraq götürülüb. Araşdırma zamanı bu şəxsin narkotik vasitələri sosial şəbəkələrdə tanış olduğu xarici ölkələrdən birinin vətəndaşından satmaq məqəsədi ilə onlayn yolla aldığı məlum olub.
Binəqədi Rayon Polis İdarəsinin 43-cü Polis Bölməsinin əməkdaşlarının həyata keçirdikləri digər bir əməliyyat zamanı isə yaşadığı evin həyətindən narkotik tərkibli bitkilərin kultivasiyası ilə məşğul olan əvvəllər məhkum olunmuş Nizami Ağayev saxlanılıb. Onun Fatmayı qəsəbəsində yerləşən evinin həyətinə baxış zamanı ümumi çəkisi 74 kiloqram olan əkilib-becərilməsi qadağan edilmiş çətənə bitkisi aşkar edilib.
Qeyd edilən hər iki faktla bağlı 43-cü Polis Bölməsində toplanan materiallar Binəqədi Rayon Polis İdarəsinə göndərilib. Sənubər Vəliyeva və Nizami Ağayevin ətrafında əməliyyat-istintaq tədbirləri davam etdirilir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!