28-08-2022, 20:50
Bir gündə mindən çox vaksin vuruldu
Azərbaycanda son sutkada koronavirus (COVID-19) əleyhinə 1187 vaksin vurulub. Nazirlər Kabineti yanında Operativ Qərargahdan verilən məlumata görə, bir gündə birinci mərhələ üzrə vaksinasiya olunanların sayı 189, ikinci mərhələ üzrə vaksinasiya olunanların sayı 199, üç və daha çox doza üzrə vaksinasiya olunanların sayı 691, pozitiv nəticədən sonra buster doza üzrə vaksinasiya olunanların sayı 108 nəfərdir. Ölkə üzrə indiyədək vurulan vaksinlərin ümumi sayı 13 857 111, birinci mərhələ üzrə vaksinasiya olunanların ümumi sayı 5 373 253, ikinci mərhələ üzrə vaksinasiya olunanların sayı 4 862 494, üç və daha çox doza üzrə vaksinasiya olunanların sayı 3 362 453, pozitiv nəticədən sonra buster doza üzrə vaksinasiya olunanların sayı isə 258 911 nəfər təşkil edir.
28-08-2022, 20:47
Yoluxma bugünkü sayı - Ölən yoxdur
Azərbaycanda koronavirus (COVID-19) infeksiyasına 557 yeni yoluxma faktı qeydə alınıb, 576 nəfər müalicə olunaraq sağalıb. Nazirlər Kabineti yanında Operativ Qərargahdan verilən məlumata görə, son sutkada COVID-19 üçün götürülən analiz nümunələri müsbət çıxmış şəxslərdən vəfat edən olmayıb. İndiyədək ümumilikdə 812 116 nəfər koronavirus infeksiyasına yoluxub. Onlardan 798 719 nəfər müalicə olunaraq sağalıb, 9805 nəfər vəfat edib, aktiv xəstə sayı 3592 nəfərdir. Son sutka ərzində 3320, hazırkı dövrədək isə 7 145 345 test aparılıb.
28-08-2022, 20:40
İsrail ordusuna İrana qarşı "hazır ol" əmri verildi
İsrail ordusuna və kəşfiyyat xidmətinə (Mossad) İranla bağlı istənilən ssenariyə hazır olmaq tapşırılıb. Bu barədə İsrailin Baş naziri Yair Lapid özünün "Twitter" hesabında məlumat yayıb. Baş nazir İsrailin İranla yeni nüvə razılaşmasına qarşı olduğunu xatırladıb və hərbçilərə hazır olmağı tapşırıb. “Bu razılaşma hələ 2015-ci ildə imzalananda pis razılaşma idi. İndi isə İran texnologiyanın inkişafı baxımından fərqli vəziyyətdədir”, - deyə Baş nazir qeyd edib.
28-08-2022, 20:39
Ruslar Ukraynada hərbi zavodu vurdular
Rusiya Hərbi Hava Qüvvələri Ukraynanın Zaporojye vilayətində yerləşən "Motor Siç" zavoduna məxsus emalatxanaları vurub. Bu barədə Rusiya Müdafiə Nazirliyi məlumat yayıb. İddia ilə bağlı Ukrayna tərəfi məlumat yaymayıb. Rusiya Müdafiə Nazirliyi də aviazərbələr nəticəsində itkilərin olub-olmadığını açıqlamayıb. Qeyd edək ki, "Motor Siç" Ukraynada helikopterlərin təmiri ilə məşğul olan müdafiə sənayesi şirkətidir və Türkiyənin "Baykar" şirkətinin "Akıncı" pilotsuz uçuş aparatları üçün mühərriklər istehsal edir.
28-08-2022, 20:31
Türkiyə XİN: Münaqişəni dərhal dayandırın!
Türkiyənin Xarici İşlәr Nazirliyi Liviyada dinc sakinlәrin ölümü ilә nәticәlәnәn silahlı toqquşmalarla bağlı bәyanat yayıb. Bәyanatda Ankaranın narahatlığı ifadə olunub: ‘‘Türkiyə Liviyada dinc əhalinin ölümü ilə nəticələnən və davam etməkdə olan münaqişələri böyük narahatlıqla izləyir. Tәrәflәri təmkin və sağlam düşüncəyə dəvət edir, münaqişələri dərhal dayandırmağa çağırırıq". Türkiyə XİN Liviyada artan zorakılığın xalqın davamlı sülh və sabitliyə nail olmaq əzmini, siyasi prosesi, xüsusən də seçkilərin keçirilməsini inkişaf etdirməyi təhlükə altına qoyduğunu bəyan edib. ‘‘Türkiyə Liviyanın daimi sabitliyi, rifahı və təhlükəsizliyi üçün Liviya xalqının istək və gözləntiləri çərçivəsində ədalətli, azad və ümummilli seçkilərin ən qısa zamanda keçirilməsini vacib hesab edir. Bu çərçivədə Birlәşmiş Millәtlәr Tәşkilatının dəstəyi ilə hüquqi infrastruktur işləri sürətlə tamamlanmalıdır. Bu məqsədlərə uyğun olaraq, indiyə qədər etdiyimiz kimi, liviyalı qardaşlarımızın yanında olmağa, davamlı sülh və sabitliyin bərqərar olması üçün hər cür dəstəyi verməyə davam edəcəyik", - bəyanatda qeyd olunub.
28-08-2022, 20:29
BMT-dən Liviyadakı vəziyyətlə bağlı çağırış
BMT-nin baş katibi Antoniu Quterreş Liviyanın paytaxtı Tripolidə gərginliyin azaldılmasına və münaqişənin dialoq yolu ilə həllinə çağırır. Bu barədə baş katibin rəsmi nümayəndəsi Stefan Düjarrikin bəyanatında deyilir. “Baş katib Tripolidə mülki əhalinin ölümünə və mülki infrastrukturun dağılmasına səbəb olan gərginliyin artmasını narahatlıqla izləyir”, – bəyanatda bildirilir. Onun sözlərinə görə, BMT Liviyadakı tərəflərə siyasi həllə nail olmaq üçün hər cür dəstəyi verməyə hazırdır. Avqustun 26-da axşam saatlarında Tripolidə Milli Birlik Hökumətinin başçısı Əbdülhəmid Dibeybe ilə Tobrukda Nümayəndələr Palatasında baş nazir seçilən Fəthi Başağaya dəstək verən qüvvələr arasında silahlı toqquşmalar başlayıb. Münaqişənin şiddətlənməsi ilə əlaqədar Liviya Təhsil Nazirliyi orta məktəblərdə buraxılış imtahanlarını ləğv edib. Liviyanın “Libyan Wings” aviaşirkəti isə Türkiyə və Tunisə uçuşları müvəqqəti olaraq dayandırıb.
28-08-2022, 20:27
Hazırda Ukraynada döyüşlər bu istiqamətdə gedir
Ukrayna ərazisində gedən döyüşlərlə bağlı son durum açıqlanıb. Butov.az xəbər verir ki, BBC telekanalı müharibədə son vəziyyəti əks etdirən xəritəni təqdim edib. Qeyd olunub ki, Rusiya qoşunları Ukraynanın şərq və cənub hissələrində hücumları davam etdirir. Xəritədən görünür ki, döyüşlər ən çox İzyum, Kramatorsk, Xarkov, Luqansk, Donetsk, Xerson və Melitopol ətrafında gedir. Məlumata əsasən, Rusiya qüvvələri hazırda bütün Luqansk və Krım vilayətinə nəzarət edir, Donetsk bölgəsində isə irəliləyişləri davam etdirirlər.
28-08-2022, 20:22
Yunanıstan Türkiyə qırıcılarına qarşı S-300-ləri işə saldı
Yunanıstan S-300 hava hücumundan müdafiə sistemlərindən Türkiyə Hərbi Hava Qüvvələri komandanlığının F-16 qırıcılarını Egey və Aralıq dənizlərinin beynəlxalq hava məkanında təqib etmək üçün istifadə edib. Bu barədə "CNN Türk" telekanalı Türkiyə Milli Müdafiə Nazirliyindəki mənbəyə istinadən məlumat yayıb. Zenit-raket sistemləri tərəfindən təqibin necə həyata keçirildiyi açıqlanmır. Telekanal qeyd edir ki, hadisə müttəfiqlik ruhuna uyğun gəlmir. Bu “düşmən hərəkətinə” baxmayaraq, döyüşçülər planlı tapşırıqlarını yerinə yetirib və sağ-salamat öz bazalarına qayıdıblar.
28-08-2022, 20:20
Ramanada mazutluq sahəni od bürüdü
Bakı şəhəri, Sabunçu rayonu, Ramana qəsəbəsində mazutluq sahə və məişət tullantılarının yanması barədə məlumat daxil olub. Bu barədə Fövqəladə Hallar Nazirliyindən bildirilib. Məlumat qəbul ediləndən dərhal sonra FHN-nin Dövlət Yanğından Mühafizə Xidmətinin yanğından mühafizə bölmələri çağırış üzrə cəlb olunub. Son məlumata görə, mazutluq və məişət tullantıları ərazisində baş vermiş yanğın Fövqəladə Hallar Nazirliyinin Dövlət Yanğından Mühafizə Xidmətinin yanğından mühafizə bölmələri tərəfindən söndürülüb.
28-08-2022, 20:19
Hərbi polis Laçında fəaliyyətə başladı
Azərbaycan Ordusunun hərbi polis bölmələrinin Laçın şəhəri, Zabux və Sus kəndlərində xidməti fəaliyyəti təşkil edilib. Bu barədə Müdafiə Nazirliyindən məlumat verilib. Bildirilib ki, qeyd olunan ərazilərdə hərbi polis tərəfindən təhlükəsizlik fəaliyyətləri həyata keçirilir. Yaşayış məntəqələrində yeni qurulan stasionar və səyyar postlarda sutkalıq xidmət təşkil olunur, buraxılış rejimi, həmçinin xidmət və döyüş növbətçiliyi zamanı hərbi qulluqçular tərəfindən günün nizam qaydalarının yerinə yetirilməsinə nəzarət edilir. Nəzarət-buraxılış məntəqələrində patrul xidməti həyata keçirilir, obyektlər mühafizə olunur, əraziyə daxil olan texnikanın uçotu aparılır, hərbi nəqliyyat vasitələrinin hərəkəti istiqamətləndirilir, həmçinin kolonların təhlükəsizliyi məqsədilə onlar müşayiət edilir. Bundan əlavə hərbi polisin tabeliyində faəliyyət göstərən Kinologiya Mərkəzində xüsusi təlim keçmiş cins itlərinin cəlb edilməsilə ərazidə mina axtarış tədbirləri və qarovul xidmətinin təşkili həyata keçirilir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!