Xəbərlərin siyahısı: 23.10.2022

23-10-2022, 20:46

ANAMA-dan vətəndaşlara növbəti xəbərdarlıq

Xəbər verdiyimiz kimi, Tərtər rayonunda mina hadisəsi baş verib. Azərbaycan Respublikasının Minatəmizləmə Agentliyinin (ANAMA) Mətbuat Xidmətindən verilən məlumata görə, 2022-ci 23 oktyabr tarixində Tərtər rayonunda minalardan təmizlənməmiş ərazidə piyada-əleyhinə minanın partlayışı baş verib. Məlumata əsasən mina partlayışı nəticəsində Tərtər rayonunun Seydimli kənd sakini 1996-cı il təvəllüdlü Əlizadə Samir Bruc oğlu xəstəxanaya yerləşdirilib və hər iki ayağı topuq nahiyəsindən aşağı amputasiya edilib. ANAMA bir daha vətəndaşları məsuliyyətli davranmağa, bələd olmadıqları ərazilərə daxil olmamağa, tələb olunan qaydalara riayət etməyə çağırır.

ANAMA-dan vətəndaşlara növbəti xəbərdarlıq

23-10-2022, 20:41

Şoyqu bir gündə dörd həmkarına zəng etdi

Rusiyanın müdafiə naziri Sergey Şoyqu Pentaqonun rəhbəri Lloyd Ostin ilə telefon danışığı aparıb. Bu barədə Rusiya Müdafiə Nazirliyi məlumat yayıb. Nazirlər Ukraynadakı vəziyyəti müzakirə ediblər. Qeyd edək ki, Ostin oktyabrın 23-də Sergey Şoyqunun zəng etdiyi dördüncü müdafiə naziri olub. Şoyqu bundan əvvəl Fransa, Türkiyə və Britaniya müdafiə nazirlərinə zəng vurub. Danışıqların əsas mövzusu Ukrayna müharibəsi ilə bağlıdır.

Şoyqu bir gündə dörd həmkarına zəng etdi

23-10-2022, 20:25

İran Rusiyanın köməyinə çatdı

İran müvafiq müqavilə çərçivəsində Rusiyaya 40 qaz turbini tədarük edəcək. Bu barədə İranın Qaz Mühəndisliyi Şirkətinin (IGEDC) icraçı direktoru Reza Noşədi bildirib. “Qaz sənayesinin işləməsi üçün lazım olan avadanlıq və qurğuların 85%-i İranda istehsal olunur. Bu səbəbdən də, biz Rusiya ilə 40 qaz turbininin tədarükünə dair müqavilə imzalamışıq”, - şirkət rəhbəri deyib. Xatırladaq ki, bir müddət öncə İranın neft naziri Cavad Ouci Rusiya və İran arasında neft-qaz sənayesi üzrə 40 milyard dollardan çox sövdələşmələr bağlandığını elan etmişdi.

İran Rusiyanın köməyinə çatdı

23-10-2022, 20:15

DİN-dən minaya düşən şəxslə bağlı açıqlama

Tərtərdə bir nəfər minaya düşüb. DİN-in Mətbuat Xidmətinin Bərdə regional qrupundan bildirib ki, bu gün saat 17 radələrində Tərtər rayonun Çaylı kəndi ərazisində rayon sakini Samir Əlizadə minaya düşərək müxtəlif dərəcəli bədən xəsarətləri alıb. O, polis əməkdaşları tərəfindən dərhal xəstəxanaya yerləşdirilib, müalicəsi davam etdirilir. Faktla bağlı araşdırma aparılır.

DİN-dən minaya düşən şəxslə bağlı açıqlama

23-10-2022, 20:13

26 yaşlı gənc minaya düşdü, hər iki ayağını itirdi

Oktyabrın 23-ü saat 17 radələrində Tərtər rayonunun Çaylı adlanan ərazisində 1 nəfər şəxsin minaya düşməsi ilə bağlı rayon prokurorluğuna məlumat daxil olub. Bu barədə Tərtər rayon prokurorluğundan bildirilib. İlkin araşdırmalarla həmin ərazidə olarkən 1996-cı il təvəllüdlü Samir Əlizadənin minaya düşməsi nəticəsində ağır dərəcəli bədən xəsarətləri alaraq hər iki ayağının amputasiya olunması müəyyən edilib. Hazırda faktla bağlı Tərtər rayon prokurorluğunda araşdırma aparılır.

26 yaşlı gənc minaya düşdü, hər iki ayağını itirdi

23-10-2022, 20:11

Ukraynada İranın 273 PUA-sı məhv edilib

Bu ilin sentyabrın 13-dən indiyədək Ukrayna hərbçiləri İrana məxsus 273 “Şahed-136” kamikadze pilotsuz uçuş aparatını məhv edib. Bunu Ukrayna Silahlı Qüvvələrinin Hərbi Hava Qüvvələri Komandanlığının sözçüsü Yuri İqnat deyib. Onun sözlərinə görə, Rusiya Ukraynaya qarşı İran PUA-larının iki növündən istifadə edir. Eyni zamanda, qeyd olunub ki, Ukrayna Silahlı Qüvvələri daha 4 "Mohajer-6" hücum pilotsuz təyyarəsini vurub.

Ukraynada İranın 273 PUA-sı məhv edilib

23-10-2022, 16:09

Rusiyada təyyarə evin üzərinə düşdü

Rusiyanın İrkutsk vilayətində "Su-30" hərbi təyyarəsinin yaşayış evinin üzərinə düşməsi nəticəsində iki pilot həlak olub. Bu barədə Rusiya Fövqəladə Hallar Nazirliyi məlumat yayıb. Bildirilib ki, sakinlər arasında itki yoxdur.

Rusiyada təyyarə evin üzərinə düşdü

23-10-2022, 16:07

Türkiyə İranla razılaşdı

İran və Türkiyə qaz ixracı sahəsində yeni razılaşmalar əldə ediblər. Bu barədə İranın Milli Qaz Şirkətinin nümayəndəsi Məhəmməd Rza Colayi bildirib.“Milli Qaz Şirkəti Türkiyənin “Botaş” şirkətinin nümayəndələri ilə görüş keçirib. Görüş zamanı bir sıra razılaşmalar əldə olunub. Razılaşmalara uyğun olaraq, İran qazının Türkiyəyə ixracı ilə bağlı növbəti altı ay ərzində müxtəlif tədbirlər koordinasiya olunmuş şəkildə həyata keçiriləcək”, - Colayi deyib. Onun sözlərinə görə, görüş zamanı İran qazının ixrac imkanlarının hazırkı səviyyəsi və ölkələr arasında əməkdaşlığın digər formalarının genişləndirilməsi ilə bağlı fikir mübadiləsi aparılıb. Qeyd edək ki, İran Türkiyəyə Tengiz-Ankara qaz kəməri vasitəsilə ildə orta hesabla 10 milyard kubmetr qaz verir. 2021-ci ildə İran qazının Türkiyənin enerji balansındakı payı 16%-ə yaxın olub.

Türkiyə İranla razılaşdı

23-10-2022, 16:03

Çempionumuz danışdı: "Fantastik nəticədir"

“Yaxşı iş gördük. Azərbaycan üçün fantastik nəticədir”. Bu sözləri gənclər arasında şahmat üzrə dünya çempionatının qalibi olmuş azərbaycanlı şahmatçı Abdulla Qədimbəyli deyib. İtaliyanın Sardiniya adasında baş tutan turnirdə qələbə qazanan Qədimbəyli qeyd edib ki, bu yarış dünyanın ən çətin turniridir:“Çətin idi, amma öhdəsindən gəldim. Birincilik qazandım. Əlimdən gələni etdim ki, qalib olum. İnanıram ki, Azərbaycan xalqı da mənimlə fəxr edir. Çünki bu, ölkəmiz üçün əla nəticədir”.

Çempionumuz danışdı: "Fantastik nəticədir"

23-10-2022, 15:57

Dövlət çevrilişi etmək istəyənlər həbs olundu

Qırğızıstan Daxili İşlər Nazirliyi (DİN) ölkədə kütləvi iğtişaşlar hazırlamaqda şübhəli bilinən şəxsləri saxlayıb. Butov.az xəbər verir ki, rəsmi məlumata əsasən, ələ keçirilən şəxslər keçmiş dövlət qulluqçularıdır. Bildirilib ki, onların sayı 10-dan çoxdur. Saxlanılan şəxslərlə bağlı Qırğızıstan Cinayət Məcəlləsinin “Kütləvi iğtişaşlar təşkil etməyə hazırlıq” maddəsi ilə cinayət işi başlanıb. Xüsusi istintaq hərəkətləri zamanı başlanmış cinayət işi çərçivəsində saxlanılan şəxslərin qanunsuz olaraq hakimiyyəti ələ keçirməklə kütləvi iğtişaşların təşkilində və hazırlanmasında iştirak etmələri barədə sübutlar əldə edilib.

Dövlət çevrilişi etmək istəyənlər həbs olundu