17-10-2022, 22:57
Vidadi Mustafayev
:İRANI ANCAQ DÜŞMƏNLƏRİ İDARƏ EDİRMİŞ
İran Məhkəmə Hakimiyyətinin rəisi (İranda Ali Məhkəmənin sədrinin, Baş Prokurorun, Konstitusiya Məhkəməsinin sədrinin bir ÜMUMİ rəisi var və ona Məhkəmə hakimiyyətinin rəisi deyirlər) elan edib ki, İranın Tehranda yerləşən EVİN həbsxanasında (sonra hakimiyyətdəkilərə deyəcəklər bura indi də sənin evin olsun) hələlik 8 ölü və 61 yaralı vermiş yanğın düşmənlər tərəfindən törədilib.
Çox maraqlıdır, sən demə, İranı hər yerdə, özü də rahat şəkildə, düşmənlər idarə edir.
Beləki, xalqın etiraz çıxışlarını dəstəkləyən incəsənət xadimləri də, sən demə, düşmənlər tərəfindən satın alınıb, qızları və qadınları öz ən bəsit şəxsi azadlıqları uğrunda mübarizəyə dümənlər təhrik edib. Tələbələri, şagirdləri etiraz aksiyalarına düşmənlər çıxarır, hətta cəmiyyətin "qaymağı" (xavas deyilən kəsim) da düşmən tərəfindən idarə olunaraq etirazları dəstəkləyir.
Əgər İranda bütün işlərə düşmənlər nəzarət edirsə, onda sual olunur ki, BU BİTMƏYƏN İNQİLAB RƏHBƏRİ, BU HÖKUMƏT KİMƏ VƏ NƏYƏ LAZIMDIR. BƏLKƏ ONLAR DA DÜŞMƏNƏ İŞLƏYİRLƏR.
17-10-2022, 21:34
Xüsusi təyinatlıların birgə təlimi yekunlaşdı
Türkiyə Respublikasının Marmaris şəhərinin Aksaz dəniz bazasında keçirilən Azərbaycan Hərbi Dəniz Qüvvələrinin (HDQ) dəniz xüsusi taborlarının sualtı hücum (SAH) və sualtı müdafiə (SAM) bölmələri ilə Türkiyə HDQ xüsusi təyinatlı bölmələrinin birgə təlimi başa çatıb. Bu barədə Müdafiə Nazirliyindən (MN) bildirilib. Təlimdə hər iki qardaş ölkənin xüsusi təyinatlı bölmələri quru və dəniz taktikalarının işlənməsi, partlamamış döyüş sursatlarının və dəniz minalarının axtarışı, eləcə də məhv edilməsi üzrə tapşırıqları icra ediblər. Birgə təlimdə qarşıya qoyulan bütün tapşırıqlar müvəffəqiyyətlə yerinə yetirilib.
17-10-2022, 16:49
Xocavənddə insan sümükləri tapıldı
İşğaldan azad olunmuş Xocavənd rayonunun Ərəkül kəndi ərazisində insan sümükləri aşkar edilib. Butov.az-ın məlumatına görə, sümükləri ərazidə təmir tikinti işləri ilə məşğul olan işçilər tapıblar. Belə ki, əməkdaşlardan biri insan skeletinin hissələrinə bənzər sümüklərə rast gəlib. Bundan sonra o, Daxili İşlər Nazirliyinin (DİN) “102” qaynar xəttinə zəng edib. DİN Mətbuat Xidmətinin Bərdə regional qrupunun baş inspektoru, polis kapitanı Aslan Qiyaslı sorğumuza cavab olaraq bildirib ki, məlumat daxil olduqdan sonra dərhal Xocavənd Rayon Polis Şöbəsinin əməkdaşları hadisə yerinə gedib:“İlkin araşdırma zamanı məlum olub ki, sümüklər ərazidəki yağışlardan sonra baş vermiş torpaq sürüşməsi zamanı üzə çıxıb. Sümüklər həmin yerdən toplanaraq aidiyyəti üzrə ekspertizaya təqdim olunub”.
17-10-2022, 16:47
Tehran Məmmədov Avropa birinciliyində 3 medal qazandı
15-25 oktyabr tarixlərində Albaniyanın Dürres şəhərində keçirilən yaşı 20 və 23-ə qədər olan gənclər arasında ağır atletika üzrə Avropa birinciliyinə start verilib. Butov.az xəbər verir ki, yarışda 37 ölkədən 416 atlet (194 qadın və 222 kişi) iştirak edəcək. Medallar uğrunda mübarizəyə Azərbaycan yığma komandasının üzvləri də qoşulacaqlar. Artıq onlardan biri – Tehran Məmmədov körpücük üzərinə çıxıb. O, yaşı 20-yə qədər olan idmançılar arasında 61 kq çəki dərəcəsində qüvvəsini sınayıb.
İdmançımız birdən qaldırma hərəkətində 120 kq-ı ram edərək bu hərəkətdə Avropa birinciliyinin gümüş medalına sahib çıxıb. O, təkanla qaldırma hərəkətində 141 kq-ı başı üzərinə qaldırıb və bu hərəkətdə Avropa birinciliyində bürünc medal əldə edib. Toplam 261 kq (120+141) nəticə göstərən Tehran Məmmədov yekun sıralamada gümüş medal qazanıb.
17-10-2022, 16:44
Leyla Abdullayeva Fransaya səfir göndərildi
Leyla Yaşar qızı Abdullayeva Azərbaycanın Fransa Respublikasında fövqəladə və səlahiyyətli səfiri təyin edilib. Bununla bağlı Prezident İlham Əliyev Sərəncam imzalayıb. Qeyd edək ki, hələ bir neçə ay əvvəl L.Abdullayevanın Fransada diplomatik fəaliyyətə başlayacağı ilə bağlı məlumat vermişdi. Leyla Abdullayeva 1981-ci ildə Bakıda anadan olub. Bakı Dövlət Universitetinin beynəlxalq hüquq və beynəlxalq münsibətlər fakültəsində beynəlxalq münasibətlər ixtisası üzrə bakalavr və magistr pillələrində təhsil alıb. 2002-ci ildən etibarən Xarici İşlər Nazirliyində çalışır. Nazirlikdə çalışdığı müddətdə regional təhlükəsizlik, ölkəmizin regional təşkilatlarda iştirakı, xüsusilə də bu təşkilatlarla siyasi və təhlükəsizlik sahəsində əməkdaşlıq münasibətlərinə məsul olub. Azərbaycan Respublikasının NATO yanındakı nümayəndəliyində və Azərbaycan Respublikasının Belçika Krallığındakı Səfirliyi və Avropa İttifaqı yanında Nümayəndəliyində diplomatik fəaliyyət göstərib. XİN-də bundan öncə Azərbaycanın Beynəlxalq İnkişafa Yardım Agentliyində (AİDA) direktor müavini vəzifəsində çalışıb. Yeni təyinatdan əvvəl XİN-in Mətbuat xidmətinin rəhbəri olub.
17-10-2022, 16:40
Prezident yolların təmirinə pul ayırdı
Bakı şəhərinin Səbail rayonu ərazisində avtomobil yollarının yenidən qurulması işlərinin davam etdirilməsi ilə bağlı bəzi tədbirlər haqqında Sərəncam imzalanıb. Butov.az xəbər verir ki, Sərəncama əsasən, Bakı şəhərinin Səbail rayonu ərazisində avtomobil yollarının yenidən qurulması işlərinin davam etdirilməsi məqsədilə “Azərbaycan Respublikasının 2022-ci il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün 1.26.18-ci yarımbəndində göstərilmiş məbləğin 1,2 milyon manatı Azərbaycan Avtomobil Yolları Dövlət Agentliyinə ayrılıb.
17-10-2022, 16:39
Azərbaycanın Avropada statusu artıb
Rusiya və Ukrayna müharibəsi səbəbindən Avropaya gedən qaz kəsilib. Buna görə də yenə Azərbaycan üzərindən gedən neft xətlərinin önəmi artıb. Bu barədə Türkiyənin xarici işlər naziri Mövlud Çavuşoğlu oktyabrın 17-də Türk Dövlətləri Təşkilatı Xarici İşlər Nazirləri Şurasının İstanbulda keçirilən iclasından sonra keçirdiyi mətbuat konfransında deyib. "Digər ölkələrdə də qazın olmaması səbəbindən Avropada Azərbaycanın statusu artıb. Bizim bərabər atacağımız addımlar enerji və qida təhlükəsizliyinə təsir edəcək".
17-10-2022, 15:05
Makron obyektiv ola bilmir - Çavuşoğlu
Təəssüf ki, Fransa və Makron obyektiv ola bilmirlər. Bir tərəfdən vasitəçi olmağa çalışırlar, amma biz onları görmürük. Bu barədə Türkiyə xarici işlər naziri Mövlud Çavuşoğlu Türk Dövlətləri Təşkilatının Xarici İşlər Nazirləri Şurasının növbədənkənar iclasının nəticələrinə dair mətbuat konfransında çıxışı zamanı bildirib. "Azərbaycan Prezidenti İlham Əliyev Makronun təklifini qəbul etdi, dördtərəfli görüş keçirildi. Bu iclası da bildiyim qədəri ilə Azərbaycana təzyiq göstərmək üçün keçirmişdilər. Amma artıq elə bir Azərbaycan yoxdur. Artıq hər dediyinizi edənTürkiyə və Azərbaycan yoxdur. Niyə 30 ildir Qarabağ məsələsi həll edilməmişdi?",- nazir bildirib.
17-10-2022, 15:03
"Laçın və Zəngəzur eyni statusdadır" - Çavuşoğlu
"Laçın və Zəngəzur eyni statusdadır. Bunu Azərbaycan artıq bir neçə dəfə bildirib". Bu barədə Türkiyə xarici işlər naziri Mövlud Çavuşoğlu Türk Dövlətləri Təşkilatının Xarici İşlər Nazirləri Şurasının növbədənkənar iclasının nəticələrinə dair mətbuat konfransında çıxışı zamanı bildirib. "Azərbaycan və Ermənistan arasında qalıcı sülh müqaviləsinin bağlanması lazımdır. Ermənistan tərəfindən gec də olsa, cavab gəlir. Ermənistanın da bu sülh müqaviləsinə ehtiyacı var. Bu əlaqələr təbii ki, Türkiyə və Ermənistan əlaqələrinə də təsir edəcək",- nazir bildirib.
17-10-2022, 15:00
Ermənistan hərbi büdcəni 1 milyarda çatdırır - Düşmən yeni müharibəyə hazırlaşır
Növbəti maliyyə ilində Ermənistanın hərbi büdcəsi 47% artaraq, 1 milyard dollara çatacaq. Butov.az xəbər verir ki, siyasi ekspertlər deyirlər ki, Ermənistanın hərbi büdcəni birdən-birə 47% artırmasının arxasında başqa məqsədlər durur. Keçmiş xarici işlər naziri Tofiq Zülfüqarov bunu Ermənistanın müharibə aparmaq istəyindən əl çəkməməsilə əlqələndirib. “Baş nazir Nikol Paşinyan Praqa danışıqlarına getməzdən əvvəl - sentyabrda ölkənin gələn il üçün büdcəsini təsdiqləyib. Düşünürəm ki, erməni siyasi elitasının gələcəkdə nə etməyi planlaşdırdığını bilmək üçün bu fakt kifayətdir”, - T.Zülfüqarov deyib. Ermənistan Civilnet Araşdırmalar Mərkəzinin məlumatına görə, əgər 2022-ci ildə işğalçı ölkənin hərbi büdcəsi 340,6 milyard dram təşkil edirdisə, 2023-cü ildə bunun 501,3 milyard dramadək artırılması planlaşdırılıb. (Hazırkı məzənnə ilə 405 dram=1 dollar). "2023-cü ildə Ermənistanın hərbi büdcəsi təxminən 1,24 milyard dollar təşkil edəcək", - məlumatda bildirilib. Mərkəz qeyd edir ki, bu, 1995-ci ildən bəri Ermənistanın hərbi büdcəsində ən ciddi artım olub. Araşdırmalar Mərkəzi Azərbaycan və Ermənistanın hərbi büdcələrindəki tendensiyaları təhlil edərək videoxülassə hazırlayıb. Butov.az həmin videonu təqdim edir:
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!