21-10-2022, 21:53
İran Ermənistanın Təbrizdə konsulluq açmasına razılıq verdi
İran hökuməti Təbriz şəhərində Ermənistanın Baş Konsulluğunu açmağa hazırdır. Bunu Ermənistanda səfərdə olan İranın xarici işlər naziri Hüseyn Əmir Abdullahian deyib. Nazir, həmçinin əlavə edib ki, İran hökumətinin Qafanda Baş konsulluq açmaq qərarı İran və Ermənistan xalqları arasında "çoxillik və tarixi əlaqələrin" dərinliyini göstərir.
21-10-2022, 21:50
Ukraynada enerji infrastrukturunun 40 faizi zədələnib
Rusiya Federasiyası Silahlı Qüvvələrinin zərbələri nəticəsində Ukraynada enerji infrastrukturunun 30-40 faizi zədələnib. Bu barədə Ukraynanın energetika naziri German Qaluşenko bildirib. Onun sözlərinə görə, bütün zədələnmiş stansiyalar öz işini dayandırmasa da, zərbələr istehsal gücünün ən azı yarısına təsir edib. Nazir vurulan zərəri bir neçə milyard dollar qiymətləndirib. Qluşçenko elektrik enerjisinin idxalını enerji sektorundakı problemin həlli yollarından biri hesab edir. O qeyd edib ki, artıq potensial təchizatçılarla danışıqlar aparılır.
21-10-2022, 21:48
DİN-dən minaya düşənlər barədə açıqlama
Xəbər verdiyimiz kimi, Laçında iki nəfər minaya düşüb. Daxili İşlər Nazirliyinin (DİN) Mətbuat Xidmətinin Bərdə regional qrupunun baş inspektoru Aslan Qiyaslı bildirib ki, hadisə bu gün axşam saat 19:00 radələrində rayonun Suarası kəndində baş verib. Belə ki, kənd ərazisində təmir-tikinti işləri ilə məşğul olan 2 nəfər mina partlaması nəticəsində müxtəlif dərəcəli bədən xəsarətləri alıblar. Yaralılar dərhal polis əməkdaşkarının və Daxili qoşunların hərbi qulluqçularının müdaxiləsi nəticəsində xəstəxanaya çatdırılıb. Hazırda onların müalicəsi davam etdirilir.
21-10-2022, 21:46
Avropa İttifaqı Ukraynaya ayda 1,5 milyard avro verəcək
Avropa İttifaqı (Aİ) 2023-cü ildə Ukraynaya ayda 1,5 milyard avro yardım ayıracaq. Bu barədə Avropa Komissiyasının prezidenti Ursula fon der Leyen Aİ liderlərinin sammitindən sonra bildirib. O qeyd edib ki, Avropa İttifaqı bu il artıq Ukraynaya 19 milyard avro ayırıb. Von der Leyen, həmçinin deyib ki, İttifaq Ukraynaya su və elektrik təchizatını bərpa etmək üçün kömək imkanlarını nəzərdən keçirir.
21-10-2022, 21:44
Laçında iki nəfər minaya düşdü
Laçın rayonunda mina partlayıb. Butov.az Azərbaycan Respublikasının Minatəmizləmə Agentliyinin (ANAMA) Mətbuat Xidmətinə istinadən xəbər verir ki, 2022-ci 21 oktyabr tarixində Laçın rayonunun Suarası kəndində minalardan təmizlənməmiş ərazidə piyada əleyhinə minanın partlayışı baş verib. İlkin məlumata əsasən, hadisə nəticəsində Həmidov Elsəvər Sovet oğlu və Həsənov Səbuhi Telman oğlu xəsarət alıb."Hadisə ilə bağlı tərəfimizdən araşdırma aparılır, araşdırmanın nəticəsinə dair ictimaiyyətə əlavə məlumat veriləcək", - ANAMA-dan bildirilib.
21-10-2022, 17:30
Lukaşenko hədələdi - "Bizə hücum etsələr..."
“Belarus öz təhlükəsizliyini təmin edir və sərhədlərini bağlamaq niyyətində deyil”. Bu sözləri Belarus Prezidenti Aleksandr Lukaşenko Brest vilayətindəki Obuz-Lesnovski birləşmiş silah poliqonunda jurnalistlərə açıqlamasında bildirib.“Dünya çox açıqdır, bir-birindən asılıdır. Terrorçular bizə hücum etsələr də, düz getməyəcəklər: onların çoxdan müəyyən edilmiş yolları var. Nə qədər ki, biz idarə edirik. Biz öhdəsindən gəlməyə çalışacağıq”, - Lukaşenko qeyd edib.
21-10-2022, 17:28
Xersonda 88 yaşayış məntəqəsi azad olunub
Ukrayna Silahlı Qüvvələri Xerson vilayətində indiyədək 88 yaşayış məntəqəsini işğaldan azad edib. Bu barədə Ukrayna Prezidenti Ofisi rəhbərinin müavini Kirilo Timoşenko bildirib. Timaşonko deyib ki, Xersonda 88 yaşayış məntəqəsi işğaldan azad edilib:"Həmin ərazilərdə 11 827 mülki şəxs yaşayır. Onlara lazımi humanitar yardım göstərilir. Həyat təminatı üçün zəruri obyektlər də bərpa olunur. Yollar təmizlənir, mobil rabitə bərpa olunur".
21-10-2022, 17:26
Ukrayna Rusiyanın pulları ilə bərpa olunacaq
Avropa İttifaqı Rusiyanın dondurulmuş aktivlərindən Ukraynaya kömək etmək üçün istifadə etməyi düşünməlidir. Bunu Avropa İttifaqı Şurasının rəhbəri Şarl Mişel bildirib.“Biz dondurulmuş aktivlərdən Ukraynaya yardım məqsədilə istifadə etməliyik. Həmçinin ölkənin bərpasında da bu aktivlərdən yararlanmaq olar",- Mişel Rusiyanı qəzəbləndirən fikirlər səsləndirib.
21-10-2022, 17:24
Rusların Laçın dəhlizində qalan postları
Keçmiş Laçın dəhlizini tərk edən Rusiya sülhməramlılarının postlarından görüntülər paylaşılıb. Görüntülər İTV-də yayımlanıb. Qeyd edək ki, 2022-ci ilin avqustun 26-da Prezident, Silahlı Qüvvələrin Ali Baş Komandanı İlham Əliyev Azərbaycanın Laçın şəhərinə, Zabux və Sus kəndlərinə nəzarəti bərpa etdiyini açıqlamışdı. Bildirək ki, bu, keçmiş Laçın dəhlizinə çəkilmiş alternativ yolun istifadəyə verilməsinin nəticəsi idi. Ermənistanla Qarabağı birləşdirən Laçın yoluna alternativ marşrut çəkildikdən sonra, Rusiyanın müvəqqəti yerləşdirilmiş sülhməramlı kontingenti Laçın şəhərindən, Zabux və Sus kəndlərindən çıxıb. Bu, 10 Noyabr Bəyanatının 6-cı bəndinə əsasən baş tutub. Bundan sonra sülhməramlıların Laçın yolunun Laçın şəhərinə giriş istiqamətində də postları yığışdırılıb.
21-10-2022, 17:22
“Qarabağ”ın ev oyunlarını keçirəcəyi stadion dəyişdi
“Qarabağ”ın Azərbaycan Premyer Liqasında ev oyunlarını keçirəcəyi stadion dəyişib. Butov.az xəbər verir ki, buna səbəb arenadakı təmir işləridir. Bildirilib ki, “Azersun Arena”nın ot örtüyündə renovasiya işləri aparıldığı üçün “Qarabağ” növbəti bildirişə qədər ev oyunlarının Tofiq Bəhramov adına Respublika Stadionunda keçirəcək.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!