31-10-2022, 21:25
ABŞ bu ölkəyə nüvə silahı daşıyan təyyarələr yerləşdirir
ABŞ Avstraliyanın şimalında nüvə silahı daşıya bilən B-52 bombardmançı təyyarələri yerləşdirməyi planlaşdırır. Bu barədə Avstraliyanın ABC telekanalı məlumat yayıb. Telekanal ABŞ-ın Avstraliyanın şimalındakı Tindal aviabazasına 6 ədəd B-52 bombardmançı təyyarəsi yerləşdirməyi planlaşdırdığını bildirir. ABŞ Hərbi Hava Qüvvələri qeyd edib ki, ABŞ-ın Avstraliyaya bombardmançı təyyarələr yerləşdirməsi düşmənlərə güclü mesaj verir.
31-10-2022, 21:23
Soçidə üçtərəfli görüş başladı
Azərbaycan Prezidenti İlham Əliyev, Rusiya Prezidenti Vladimir Putin və Ermənistan Baş naziri Nikol Paşinyan arasında üçtərəfli görüş başlayıb. Butov.az xəbər verir ki, görüş Rusiyanın Soçi şəhərində keçirilir. Qeyd edək ki, bundan əvvəl Vladimir Putin Azərbaycan və Ermənistan liderləri ilə ayrı-ayrılıqda görüşüb.
31-10-2022, 21:19
Şoyqu Akarla taxıl sazişini müzakirə edib
Rusiyanın müdafiə naziri, ordu generalı Sergey Şoyqu və Türkiyənin milli müdafiə naziri Hulusi Akar arasında telefon danışığı baş tutub. Bu barədə Rusiya Müdafiə Nazirliyi məlumat yayıb. Şoyqu və Akar Rusiyanın taxıl dəhlizi çərçivəsində Ukrayna limanlarından kənd təsərrüfatı məhsullarının ixracına dair sazişlərin icrasını dayandırmasını müzakirə ediblər. Xatırladaq ki, Rusiya taxıl müqaviləsindən imtina edir. Rusiya Müdafiə Nazirliyinin yaydığı məlumata görə, Sevastopolda “Taxıl dəhlizi”nin təhlükəsizliyini təmin edən Qara dəniz donanmasının gəmilərinə və mülki gəmilərə hücumlardan sonra Moskva taxıl müqaviləsində iştirakını dayandırır. Rusiya tərəfi iddia edir ki, Ukrayna Böyük Britaniyanın dəstəyi ilə sentyabrın 29-da gəmilərə doqquz pilotsuz uçan aparat və yeddi dəniz pilotsuz uçan aparatları vasitəsilə hücum edib. Ukrayna isə deyilənlərin tamamilə yalan olduğunu açıqlayıb.
31-10-2022, 21:16
Ermənistanın baş qərargahı əməliyyat şəraitindən xəbərsizdir
Ermənistan silahlı qüvvələrinin bölmələri ilə guya İstisu yaşayış məntəqəsi istiqamətində mövqe atışmaları nəticəsində Azərbaycan Ordusunun bölmələrinin itki verərək geri çəkilməsi və mövqe dəyişikliyi barədə Ermənistan silahlı qüvvələrinin baş qərargah rəisinə istinadən yayılan məlumat yalandır. Bu barədə Müdafiə Nazirliyindən bildirilib. Oktyabrın 24-dən bu günədək əməliyyat şəraitində heç bir dəyişiklik olmadığı halda qarşı tərəfin silahlı qüvvələrinin baş qərargah rəisinin belə bir açıqlama verməsi onun əməliyyat şəraitindən xəbərsiz olduğunu nümayiş etdirir. "Bildiririk ki, əməliyyat şəraitində heç bir dəyişiklik olmayıb və bölmələrimiz əvvəlki mövqelərində döyüş növbətçiliyini davam etdirir", - açıqlamada qeyd olunub.
31-10-2022, 21:14
Soçidə İlham Əliyevlə Putinin görüşü olub
Azərbaycan Respublikasının Prezidenti İlham Əliyev ilə Rusiya Federasiyasının Prezidenti Vladimir Putin arasında ikitərəfli görüş keçirilib. Butov.az xəbər verir ki, Rusiya Prezidenti Vladimir Putin dövlətimizin başçısını qarşılayıb. Sonra birgə foto çəkdirilib. Azərbaycan Prezidenti İlham Əliyevi salamlayan Rusiya Prezidenti Vladimir Putin deyib:
- Hörmətli İlham Heydər oğlu! Sağ olun ki, bizə, Soçiyə gəlmisiniz. Əslində bu görüş Sizin və Ermənistanın baş nazirinin təşəbbüsü ilə, özü də məhz Soçidə təşkil edilib. Görünür, Siz Soçidə havanın yaxşı olacağını nəzərdə tutmusunuz, lakin belə olmadı, payızdır. Bununla belə, mənim fikrimcə, bu görüş əhəmiyyətlidir, vacibdir. Mən hesab edirəm ki, bu görüşün məqsədi bizim 2020-ci və 2021-ci illərdə nail olduğumuz bütün razılaşmaların yerinə yetirilməsini təmin etməkdir. Siz dəfələrlə qeyd etmisiniz ki, Rusiya münaqişənin nizamlanmasında nəzərəçarpacaq, mühüm rol oynayıb. Hazırda bizim sülhməramlı kontingentimiz öz missiyasını necə yerinə yetirməli idisə, elə də yerinə yetirir. Bu dəyərləndirmənizə görə Sizə təşəkkür edirəm. Bu gün isə, əlbəttə, bugünkü vəziyyətdə yaranmış şərait barədə danışmaq, hələ həll edilməmiş məsələlərin həlli yollarını axtarmaq lazım gələcək. Bununla əlaqədar mən iqtisadi xarakterli mühüm tərkib hissəni qeyd etmək istərdim: biz üçtərəfli işçi qrupu yaratmışıq, ona baş nazirlərin müavinləri rəhbərlik edirlər. Bizim əvvəllər, hələ iki il bundan qabaq haqqında danışdığımız məsələlərin həlli baxımından onlar kifayət qədər irəliləyiblər. Görünür, burada da əlavə impuls vermək lazımdır. Bilirəm ki, Azərbaycan tərəfi bu istiqamətdə kifayət qədər fəal işləyir. Gündəlikdəki məsələlərin əhatə dairəsi kifayət qədər genişdir, Sizi görməyə çox şadam. Xoş gəlmisiniz.
31-10-2022, 20:50
Norveç Ukraynaya görə döyüşə hazırlaşır
Norveç ordusu Ukraynadakı müharibə ilə əlaqədar noyabrın 1-dən etibarən döyüşə hazırlıq səviyyəsini artıracaq. Bu barədə Norveçin Baş naziri Yonas Qar Store məlumat verib. O qeyd edib ki, Ukraynadakı vəziyyət NATO-ya üzv olan bütün ölkələri daha diqqətli olmağa məcbur edir. Store ölkəsində ordunun hazırlıq səviyyəsinin yüksəldilməsinin zəruri olduğunu bildirib.
31-10-2022, 20:45
“Qarabağ münaqişəsi artıq tarixdir” – İlham Əliyev
“Azərbaycanla Ermənistan arasında münasibətlərin normallaşması istiqamətində hərəkətə keçməyin vaxtı çatıb. Bugünkü görüş regional məsələlərə həsr olunub. Bir daha Qarabağ münaqişəsinin həllində oynadığınız rola görə minnətdarlığımı bildirmək istəyirəm”. Bunu Soçidə Azərbaycan Prezidenti İlham Əliyev rusiyalı həmkarı Vladimir Putinlə görüşdə deyib. Dövlət başçısı görüş zamanı bildirib ki, Qarabağ münaqişəsi artıq tarixdir, iki il əvvəl həll olunub, buna görə də bununla bağlı müzakirə ediləcək heç nə yoxdur. Prezident İlham Əliyev, həmçinin qeyd edib ki, Azərbaycan Ermənistanla münasibətlərin normallaşması üçün beş əsas prinsip irəli sürüb, bu prinsiplər əsasında münasibətlərin normallaşmasına nail olmaq mümkündür.
31-10-2022, 20:42
İran iğtişaşlara görə 1000 nəfəri ittiham edir
Tehranda baş verən iğtişaşlarda ittiham olunan 1000-ə yaxın şəxsin məhkəməsi açıq keçiriləcək. Bu barədə "Tasnim" agentliyi Tehranın baş hakiminə istinadən məlumat yayıb."Son hadisələrdə təxribat törədən, o cümlədən mühafizəçilərə hücum edən və ya öldürən, ictimai əmlakı yandıran 1000-ə yaxın adamın məhkəməsi keçiriləcək", - agentlik bildirib. Baş hakim məhkəmələrin bu həftəyə təyin edildiyini və açıq şəkildə keçiriləcəyini vurğulayıb. Bundan əvvəl "İrna" xəbər agentliyi Tehranda 315 etirazçının ittiham olunduğu, ən azı beşinin edam ilə nəticələnə biləcək cinayətlərə görə məsuliyyət daşıdığını bildirib. Qeyd edək ki, ötən ay 22 yaşlı Məhsa Əmininin ölümündən sonra İranda kütləvi etiraz aksiyaları başlayıb.
31-10-2022, 20:38
Ukraynaya aid hərbi helikopter qəzaya uğradı
Ukrayna Silahlı Qüvvələrinin (USQ) hərbi helikopteri özünü elan edən Donetsk Xalq Respublikası (DXR) ərazisində qəzaya uğrayıb. Butov.az xəbər verir ki, helikopter Konstantinovka kəndi yaxınlığında qəzaya enişi edib. Sosial şəbəkələrdə helikopterin yanmış qalıqlarının görüntüləri yayılıb. Hərbi vasitənin qəza səbəbi hələlik məlum deyil. Pilotların taleyi barədə də məlumat verilmir.
31-10-2022, 20:33
Paşinyan Putindən Azəbaycan Ordusunu geri çəkməyi xahiş etdi
Ermənistanla Azərbaycan arasında münasibətlərin qurulması üçün "Rusiya layihəsi"nin təklif etdiyi yanaşmalar İrəvan üçün məqbuldur. Bunu Ermənistanın baş naziri Nikol Paşinyan Soçidə Rusiya prezidenti Vladimir Putinlə ikitərəfli görüşdə bəyan edib. “Keçən həftə “Valday” Diskussiya Klubunda siz Ermənistanla Azərbaycan arasında mümkün sülh müqaviləsi məsələsini qaldırdınız, bu prosesin Dağlıq Qarabağla bağlı bəzi parametrlərini vurğulayaraq, həmin prinsipləri dəstəkləyəcəyinizi bildirdiniz. KTMT-nin (KTMT Kollektiv Təhlükəsizlik Şurası - red.) sizin iştirakınızla keçirilən son qapalı iclasında mən də bu barədə danışdım. Bir daha qeyd etmək istəyirəm ki, Dağlıq Qarabağla bağlı Rusiya tərəfindən təklif olunan yanaşmalar, Moskvanın Ermənistanla Azərbaycan arasında dövlətlərarası münasibətlərin qurulmasının əsas prinsipləri və parametrlərinə dair layihəsi bizim üçün məqbuldur”, - Paşinyan bildirib. O ümid etdiyini bildirib ki, Rusiya lideri bu gün Azərbaycan prezidenti İlham Əliyevin iştirakı ilə keçiriləcək görüşün yekunları üzrə mümkün üçtərəfli bəyanatın mətnində bu sənədə istinad edilməsi təklifini dəstəkləyəcək."Ermənistan bunu təklif edib, lakin hələ ki Rusiya tərəfinin bu təklifi dəstəklədiyinə dair heç bir təsdiqimiz yoxdur... Bu, 2022-ci il oktyabrın 6-da Praqada əldə olunmuş təkliflərə zidd deyil”, - Paşinyan bildirib. Ermənistanın baş naziri deyib ki, İrəvan üçün Qarabağdakı Rusiya sülhməramlılarının məsuliyyət zonasından Azərbaycan qoşunlarının çıxarılması da çox vacibdir. “Bizim üçün Azərbaycan qoşunlarının Dağlıq Qarabağdakı Rusiya sülhməramlılarının məsuliyyət zonasından (Fərrux dağı və ətraf əraziləri nəzərdə tutur-red.) çıxarılması məsələsi çox önəmlidir... Ən yüksək səviyyədə razılaşmalara zidd olaraq, Azərbaycan qoşunları hələ də məsuliyyət zonasını tərk etməyib. Ümid edirəm ki, bugünkü müzakirələrdən sonra bu məsələ öz həllini tapacaq”, - Paşinyan bildirib. Nikol Paşinyan Rusiya prezidenti Vladimir Putinlə görüşdə erməni əsirlərin azad edilməsi məsələsinin hələ də həll olunmadığını bildirib.“Mən Azərbaycanda saxlanılan bütün Ermənistan vətəndaşlarının azad edilməsinin və repatriasiyasının vacibliyini vurğulamaq istəyirəm. Bu məsələni onlarla dəfə müzakirə etməyimizə və 10 noyabr 2020-ci il tarixli üçtərəfli bəyanatın əksinə olaraq, məsələ hələ də həllini tapmayıb”, - deyə Paşinyan bildirib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!